美中·鴨子 (將軍澳中心)

營業中

休息中

啲丫姐是否培訓不足？ 似係同譚仔丫姐溝通 「拿杯水？ 冇杯丫 等陣丫」老實講 收費一啲都唔平呢間野 我期望態度唔係咁low level 如果講返隻招牌鴨 期望高 實質相當普通最重要係態度可以檢討一下

-到咗夜晚嘅重頭戲啦，約朋友出嚟食晚飯。今次食精緻啲、環境好啲嘅地方。 美中. 鴨子雖然都知道係美心集團旗下嘅餐廳，但係我覺得呢間係新派嘅中式餐廳。 同一般耳熟能詳嘅酒樓好唔同。 淨係啲餐具，碟、筷子、 盛起筷子嘅器皿、餐紙.....全部都印有鴨仔嘅logo。 好可愛呀！！！！！烤北京填鴨： 強烈推介！！！非食不可！！烤鴨兩食： 配埋呢個兩食，啲鴨肉一啲都冇曬。炒得好香口。揚州小蔥蝦仁炒飯： 粒粒飯都炒到好乾身 ，正！！土雞湯小雲吞： 比較清嘅選擇。__________地址：將軍澳中心商場地下G105至106號舖

服務態度完全唔得！同個呀姐落左單，坐係度呆等左半個鐘都未上菜 ! 叫個呀姐幫我地追下 ，佢又話係要等架喎 ！要佢幫我地跟， 又唔理又黑面 ！結果搵左經理追 ，佢先話無落過單！個呀姐一啲歉意都冇， 仲要啤住哂！In terms of food, it is not worth the price and not worth travelling all the way here if you don’t live nearby. It is also definitely not worth all the wait as we queued for approximately 1 hour.

環境尚可，食物絕對不俗，尤其是鴨，蟹，和羊。但有些食物砌件欠人情： 明明是一隻羊腿（價值$48/1隻），但變了半隻不健全的腿上碟，這欠公平。此外，晚上用歺門囗侍應明明話1.5小時交枱，但在進食中，主菜還未到齊，由40分鐘開始侍應虎視眈眈，未食完都想收走碟食物！算點先？ 進食是享受一種，去一閒有體面的美中鴨子不是希望有以上的待遇，請求務必改善服務質素。也許排隊等候制度可作改善，會令客人感覺舒服而不會鼓臊，

－烤北京填鸭半只 $178 9分小編我前前後後係大陸同其他國家都食過幾多次北京填鴨，個人認爲美中鴨子既勝出之處不是鴨本身，而是包住青瓜醬汁鴨肉的那層皮。皮與皮之間有紙隔住，根本不用手慢慢將兩塊皮撕開，就可以好輕易摞到每一塊。（serious speaking 真係唔係間間可以做到甘）。層皮真真真係好彈牙，薄身兼光滑。In term of 鴨皮，油脂分量不會太多不會太小，表皮烤到脆BOBO。你只要輕輕一咬落去，d鴨既油脂如泉湧。鴨肉好juicy 1 D都唔會太乾身，基本上你可以見到d鴨既精華係圍繞住d鴨肉。真係好大推。但深圳一間名為 “吳莊 “既餐廳，佢地既烤鴨係用果木去烤，所以層皮係有果木果層香味，所以相比之下，美中鴨子9分。－糖醋小排骨 $70 10分佢地既小排骨係帶點肥瘦，如果驚肥既女仔就唔好嗌啦。小編好中意食半肥瘦既肉，配上酸酸甜甜既醬汁，個人覺得美中鴨子既糖醋排骨比廣州南京大排檔更加滋味。－芙蓉賽螃蟹 $118 9分小編我真係未見過一間餐廳可以放甘多瑤柱，啖啖一定會食到瑤柱肉絲。蛋白係做得出色，滑而不overcooked。依個配飯真係摞你命三千。

爸爸媽媽平日好鐘意行尖沙咀琴晚我地出尖沙咀海港城睇燈飾同影下相夜晚六點幾係gateway經過美中鴨子見咁啱冇乜人排隊就入左去食本來想叫隻片皮鴨但媽媽怕肥所以我地叫左個雲吞鴨湯呢幾日天氣轉涼有啖補身鴨湯真係好暖身由於叫左待應分湯所以冇影到相鴨肉炒飯好香口夠味份量都唔錯翡翠苗味道過得去我地仲點左個大盆雞其實味道唔錯好濃味辣得好過癮盆底仲有啲陳村粉索曬啲辣椒味超正🌶不過媽媽覺得辣椒係多但主角雞就太少唔係好抵食令到母親大人有啲失望本來想叫小籠包但$88 五隻又真係唔太叫得落手不過為左個鴨湯都可以試下嘅

因為好多年冇食過片皮鴨，好想食，咁岩見到呢間有得食，就同屋企人黎呢到提早做冬。入到去原來間舖都幾大，裝修幾好，環境寬敞舒適，亦設有bb凳比小朋友。員工們服務同態度都唔錯。另外筷子座係一隻鴨仔，配合返間舖個名，好得意。我地叫左半份烤北京填鴨，金華火腿鮮菌炒飯，松露醬露荀炒魚片，咕嚕肉，田園蟲草花炒翡翠苗，豆沙窩餅，流心朱古力蛋糕。- 烤北京填鴨（半隻）啲餅皮好夠薄，每一張中間都夾住塊紙免得痴埋一齊，好貼心。片皮鴨亦都好薄，而且唔會好肥。加埋青瓜同蔥，落埋個醬汁，包埋一齊，非常好味!- 金華火腿鮮菌炒飯金華火腿只係得好少好少，同埋整到勁細粒，係得啲碎咁，所以金華火腿味欠奉，但整體味道都係不錯的。- 松露露荀炒魚片好好味，魚片非常滑嫩，加上松露味道更惹味。啲露荀都好好食，又唔會太硬。- 咕嚕肉咕嚕肉尚算可以，有啲酒味，菠蘿我就冇食到，因為家人話勁重酒味，唔好食。面頭仲有啲青蘋果絲，咁樣配黎食都幾得意。側邊果塊類似蝦片既野係冇味既，但點啲咕嚕肉汁食就ok。- 蟲草花翡翠苗好味，啲蟲草花口感幾得意，不過略嫌多油，食到底部好多油剩。- 豆沙窩餅我地叫左兩款甜品，豆沙窩餅真係非常好食!! 個餅整得幾

其食過幾次，本人覺得散叫好d,又多菜式，味道都幾好。之前食野就冇影開相既習慣， 依家會影下相，得閒就寫下食記啦。將軍澳中心好多野食，連住popcorn, 又多野行，但又唔會話擠迫Ge 商場。***我上午工作完畢，經開呢度，見靜靜地，就順便等埋朋友係美中鴨子食。擔擔面，賣相幾好，食落都ok Ge. 麻辣牛腩面，ok la, 不過不失。我反而鐘意飲呢個酸辣湯， 因為我嗜辣😂😂😂加2蚊可以叫一壺茶，呢個係一壺龍眼茶. 其實仲有個紅油抄手同可樂。 面+小食+drinks =set $88

我唔知因咩原因一直以為這裡有醬油鴨，所以就好想去試下，點知去叫睇餐牌先知佢地無😟 咁無得食唯有叫返最傳統既片皮鴨啦。個片皮鴨就還好，無咩特別，個皮上時已沒有好暖暖的感覺，個鴨就正正常常，但無那種皮香肉多汁的效果。朋友想食蔥油餅，所以叫左一個。不過真係一般般🙈 我地都以為係薄那種蔥油餅，無諗過係這個。我覺得佢油左少少同粉漿太多，好似成啖食落去只得油同粉。這個是甜酸魚，個色一上就覺得好橙😳 個味還好既，但我地又再一次誤會🙈原來這個係凍食來的，真係完全無諗過。好吧，我其實全日最滿意的居然是這個雲呑湯。其實無咩特別，只不過叫做符合我所想，不過其實都略覺咸左少少。總括而言，如果想食片皮鴨，我諗我下次會選擇第二間。這間我地晚餐時間去排左成個鐘，但又沒有說是很好🙈價錢都偏貴。可能我地揀啲食物揀得唔好吧。

以前經過海港城，看見有間食肆叫美中鴨子，覺得個名幾特别，一直無機會嚐試，得知該店鋪已改名，今天終於來到將軍澳分店，12點半還有很多枱，但樓上的潮庭已是人山人海，坐低後侍應給我們每人一杯水，奇怪不用我開茶。我們點了半隻片皮鴨、馬蘭頭百頁素千卷、鮮茄蝦仁鍋巴、香芋海鮮鍋飯和嫩雞煨麺，百頁素千卷賣相很靚，味道不錯，蝦仁鍋巴的汁較酸、片皮鴨肉嫰滑，但鴨皮硬身不夠脆，煨麵煑得過時，香芋海鮮鍋飯是最好，芋頭和飯吸了海鮮、芝士和椰汁的味道，非常可口。

因為朋友身體不適一般平時聚餐的邊爐燒肉放題都不合適就想黎餐中餐聚聚，就選了美中鴨子放工時遙距取票到步還要等多一小時才入座入座後都餓極了直接叫一整隻鴨鴨片的有點粗糙，也能太多人叫，不能慢工細切但上台時熱呼呼包著吃蠻適合傾計雲吞最好食，我仲一個人差不多吃完一碗水煮魚椒多但不是很辣魚滑滑碗底有粉很吸味蟹鉗食之前仲覺得可以食糖水，但食完之後就塞滿了我的胃了，啖啖肉也結實彈牙但可惜了有限制90分鐘用膳時間，以中餐來說就蠻急的，還好菜上等都快

今日難得同太太放假食飯，咁啱路過依間鋪，見嗰menu d 嘢啱食咪試下囉！我地兩個叫咗兩個午餐，分別係牛腩擔擔麵同麻香牛腩麵，跟餐小食就叫咗雞絲粉皮同海蜇頭，另加兩壺花茶。食物正常，都算好好食。但最難得嘅係由帶位都其他侍應，個個都十分有禮貌， 仲要笑容可恭又親切，同客人有講有笑，真係食得好開心。其間我地請其中一位侍應幫手影相，佢望一望發覺背光，仲主動換個位置角度幫我地影靚張相，真係喜出望外，所以忍唔住要讚下！！！可惜佢地好低調，每位員工都無名牌，如果唔係就可以開名讚下

今日同女朋友睇完電影過來試下成日好多人嘅美中鴨子兩點到達，不需排隊便可入座即刻叫左佢地嘅烤鴨半隻（待應提醒因爲即烤要等半小時）仲有無錫小籠包（唔知點解唔係上海）同女友最愛的咸蛋蝦球小籠包好好食，肉同肉汁好多連嘴习的女友都讚係佢心目中全港排名第一但我個人喜歡皮再簿一點點咸蛋蝦球好多咸蛋女友以好食兩個字總結，在下亦不便多言敬請見諒烤鴨終於上場，我倆半飽應戰皮很脆，肉中等嫩，但有少少乾另大葱和青瓜都稍乾但皮就好濕，出奇地不錯總結，幾好食，可以一試。

前兩個月食過一次美中鴨子後，就一直念念不忘，這次老媽生日，便安排一家人來食片皮鴨，不知道是否水準變差，星期五晚上，門外等候人數比上次少了一半，然而我們還是等了一個小時才能入座。下單後，不消十分鐘就開始上菜了。先來了雞絲粉皮、鍋貼和上海粗炒。上海粗炒不夠乾身，太油，醬汁太多但又炒得不夠乾，味道不似預期。至於鍋貼底煎得不夠脆，皮有點厚身，但餡料包的夠多，有鮮味，挽回了一點分數。雞絲粉皮滑溜，加上青瓜絲，清新好味，而且醬料足夠拌均勻沾滿每一條粉皮，作為前菜來說相當出色。小籠包和上次吃的味道差不多，同樣皮薄多汁，吃下去還會爆汁，但餡料感覺沒上次好吃，醃的味道比較淡。菜螃蟹作為一道蛋白模仿蟹肉的菜式，模仿的很像樣，口感嫩滑，唯獨味道比較清淡，不是我的菜。整晚最失敗的就是這道菜，一股草青味，兩個字：難食！吃到一半，片皮鴨終於上場。片皮鴨賣相一般，表皮上色不夠。表皮油脂足夠，但烤的不夠脆，鴨肉也偏乾柴，鴨肉沒什麼香味。五個人分半隻片皮鴨，大概每人能包到兩塊，淺嚐足以。等位時，老爸一直看著廚房玻璃窗掛著的烤鴨，很是期待，但實際味道不似預期，確實有點失望。事後問了當初一起試美中鴨子的朋友，原來她也有和家

一直都好想試美中鴨子，不過尖沙嘴分店長期都大排長龍所以一直都未有機會食。無意中發現原來屋企附近都有一間分店，所以就決定去試下。煎小黃魚整得唔錯，煎得好香脆，但係肉質依然keep到好嫩滑唔會好乾，而且都算幾大條。上湯茶樹菇豆苗都OK，不過略嫌口感過於硬，如果可以煮耐多少少會更好。滿心歡喜等左好耐既北京填鴨反而令我好失望😞 一見到個色澤已經覺得比平時食開既烤鴨淺色，以為係因為師傅要烤得啱啱好先係咁，結果一咬落去，肉質太乾，而且完全都太瘦，完全感受唔到烤鴨的油份。而且連包烤鴨的皮都整得太厚，完全無通透感覺，仲要係唔熱既。真心有d失望，希望只係個別事件/尖沙嘴分店可能會好d。