羅東肉焿番

營業中

休息中

【元朗區】【羅東肉焿番】同美女朋友入元朗做嘢，講起我喺佢公司做嘢嗰陣喺鳳攸街巴士總站發生嘅事，就去咗嗰頭。然後我哋就喺埋嗰頭搵嘢食，見到呢間台灣嘢好似幾好，就入咗去。見到佢哋好似係芋泥產品出名，都有興趣試吓。當時係下午茶時段，我哋就叫咗下午茶套餐。我哋 share 食兩個餐，首先係 $45 嘅「芋泥肉鬆吐司」配「熱冬瓜茶」，啲芋泥勁清香，絕對唔係死甜，好得，冬瓜茶都好飲。然後係 $38 嘅「小魯肉飯」配「精選炸物籃」，有花枝丸、鹽酥雞粒、甜不辣，加 $3 飲「熱台式奶茶」，啲嘢都好正呀。芋泥好食就試埋 $45 嘅「招牌芋泥肉鬆蛋餅」，好高質，啖啖芋頭味勁香。跟住試埋 $33 嘅「台灣夜市香腸」同 $35 嘅「酥炸杏鮑菇」，前者配自家蒜醬好特別，正，後者外面脆口裡面多汁，都好好味。估唔到食咗咁多嘢都唔使兩舊水，埋單 $199 咋。。。（地址：元朗鳳翔路69號建輝大廈地下5號舖）@luodongrougengfan#1amfoodie #foodie #hkfoodie #thatfoodiething #hkfood #food #instafood #yummy #foodlover

元朗地道台式小店鹽酥炸大雞扒湯麵 $65這碗湯麵的紅燒湯底使用了大量新鮮蔬菜和多種中藥材，再加入生蒜牛骨熬製，令湯底濃郁而鮮美，喝上一口，瞬間感受到溫暖和滿足。搭配上炸得金黃酥脆的大雞扒，口感豐富，讓人一試成主顧。珍珠奶茶$12只要惠顧飯面類就可以跟餐加$12轉特飲～奶茶香濃，喝起來十分過癮。仙草奶茶 $28冰同甜度都固定冇得改，清新的仙草味道和奶香相融合，適合喜愛清爽口感的食客。台灣腸 $33勁鍾意佢配埋個蒜泥醬一齊食勁正！溏心蛋 $12/隻蛋黃微微流心，搭配湯麵食用更添風味。芋泥肉鬆吐司 $42店內招牌之一！吐司烤得酥香，餡料勁多入邊仲夾住咗好多綿密嘅芋泥，甜度剛剛好！仲有咸香肉鬆，甜鹹交織不膩口！羅東肉焿番 (元朗)元朗鳳翔路69號建輝大廈地下5號舖

好多年前試過一次呢間台灣嘢 但係對佢甜品芋圓超失望 因為佢嘅仙草有神怪嘅中藥味 前幾日經過見到好多人排隊諗住再俾一次機會佢 佢已經有兩間舖，變咗一間鋪 入去，叫咗個芋泥肉鬆蛋餅 同埋滷肉飯牛肉麵珍珠奶茶 一食就發現佢個芋泥肉鬆蛋餅超好食！ 反而滷肉飯同牛肉麵就一般水準 佢仲有好多唔同味嘅蛋餅同埋有芝士蛋餅 佢開喺合興同大媽附近好易就搵到 希望下次嚟再食嘅時候可以試吓佢其他唔同味嘅蛋餅 反而甜品就真係未再試 因為已經食到好飽，下次冇咁飽嘅時候再嚟試過啦！

好耐無食過台灣菜，今日同朋友行街話呢間佢食過話幾正宗既台灣菜，仲有佢地既甜品簡直一流，芋頭系列更加吾可以放過🥧見佢地既新產品紫米糕芋頭奶酪超治愈，我即刻叫左一定試下先，果然好正🌟酥炸雞扒滷肉飯上面既雞扒真係好大舊，炸到好酥脆🍛一啖落去個肉質勁juicy，超香口，入面仲有自製滷肉，鹹香鹹香，超惹味🌟紅燒牛肉麵有5舊好大舊既紅燒牛肉🥩d肉好緊實又煮到好入味，的面都煮到好煙韌，食得出成個湯底都無咩味精，好正宗🌟紫米糕芋頭奶酪對於一個好中意食甜品既女仔就一定要食啦，呢個甜品有多重口感，上面係紫米好有糯米感，中間係好綿密既芋頭泥🍠下面係超有奶香味既奶酪，吾會好甜，芋頭同奶酪既味道好濃，好突出🌟珍珠奶茶好濃郁既奶茶味，好絲滑🧋茶味比較重少少，d珍珠有好彈牙，吾會好甜🌟冬瓜珍珠好清新既冬瓜茶加上彈牙既珍珠真係超清爽🍹食完好野就簡係要黎上一杯解下膩啦

呢間晏就有做午餐set, 價錢好親民，所以午市時段都見到幾多學生黎食👍🏻抵食！鹽酥一口雞粒魯肉飯配飲品 $55配基本飲品, 加$8仲可以揀多款台式飲品，我地就一人嗌左杯仙草奶茶, 冬瓜珍珠😋自選粉麵飯套餐 $58起我就自選左湯麵紅燒湯底+紅燒牛肋條+香炸花枝丸+飲品芋泥肉鬆蛋餅$45呢度嘅芋泥都幾出名，所以一定要嗌返款芋泥item la😍蛋餅皮薄酥脆，芋泥香甜，肉鬆鹹香，搭配起來味道豐富～芋泥肉鬆呢個組合都系我嘅favourite😋

最近搵到一家寶藏小店，隨手點的幾樣居然沒踩雷，忍不住來記錄一下～ 皇牌胡椒豬肚雞腳湯米線端上來就聞到濃濃的胡椒香，湯頭奶白得像熬了一整天，喝一口直接暖到胃裡，胡椒味夠勁，卻不嗆嗓子，喝完額頭微微冒汗，舒服！豬肚咬起來帶點嫩，吸收了湯底，呼嚕呼嚕能喝完一整碗😂😂 隔壁桌幾乎每桌都有的招牌鹽酥炸大雞排滷肉飯，果然沒選錯！雞排比臉還大，外皮炸得金黃酥脆，鹽酥味調得剛好，不會太鹹，下面的滷肉飯先係靈魂，肥瘦相間的滷肉澆在粒粒分明的米飯上，建議直接拌開，每口都裹著醬汁，值得比個Like👍 金磚肉鬆芋泥西多士像一塊「小金磚」，烤得焦香，一刀切下去，綿密的芋泥混著肉鬆湧出來，表面淋了點煉乳，甜鹹都有，熱量爆炸但快樂翻倍😝😝 芋泥奶酪紫米糕有點驚喜，紫米層軟糯帶點嚼勁，中間的奶酪層奶香十足又不膩，最上面的芋泥打得超細膩，入口即化，少少甜😋好味指數：10/10  性價比指數：9/10餐廳名稱：羅東肉焿番餐廳地址：元朗鳳翔路69號建輝大廈地下5號舖

今日去元朗見到一間台灣嘢，食左個經典嘅紅燒牛肉湯麵🍜！濃郁的湯頭同燉得軟嫩的牛肉，搭配Q彈有勁嘅刀削麵。 再來就係我嘅心頭好--芋泥蛋餅💜！蓬鬆柔軟的蛋餅皮包裹著香甜綿密的芋泥餡🤤，重點是芋泥比得毫不手軟，每一啖都食到滿滿的芋頭香氣，芋頭控們千萬不能錯過💯！口感層次豐富，一試難忘！珍珠奶茶🧋！食台灣嘢梗係要飲番杯珍珠奶茶，香濃的奶茶加上Q彈有嚼勁的珍珠。甜度亦都適中唔會太甜。乾拌麵•花枝丸🍝彈牙的刀削麵拌上特製醬汁，鹹香夠味，加上新鮮Q彈的花枝丸。

這間店看下去平平無奇，想不到是台式料理餐廳！🔸 芋泥肉鬆吐司厚切吐司烤得酥香，綿密芋泥甜度剛剛好 😍 搭配鹹香肉鬆，甜鹹交織不膩口！🔸 乾拌麵·花枝丸胡椒湯套餐拌麵份量不少，上面的肉醬很香！花枝丸很彈牙，配上白胡椒湯辛香暖胃 🥰 🔸 酥炸杏鮑菇外皮金黃酥脆，咬下去噴汁 🤩 點上泰式辣醬超級惹味！🔸 仙草芋圓芋圓很Q彈，仙草滑順，還有紅豆和寒天 😆 超級足料 👍🏻 雖然座位有點窄，不過食物味道很不錯 😋 會再來！

在元朗雞地搵到一家充滿台灣風味的餐廳羅東肉焿番好彩到的時候比較早 點完餐出面已經要排隊了同女友二人 分別點了招牌鹽酥炸大雞排魯肉飯同紅燒二寶牛肚牛肋肉湯麵飲品方便就點了古早冬瓜茶同紅豆奶茶食魯肉飯最怕汁小飯多 食到最後就會太乾而呢間餐廳嘅魯肉汁同飯嘅比例就啱啱好確保每一減飯都可以配上魯肉同埋汁另外 雞扒亦都係大大塊 層炸皮又唔會太厚咬落去啲肉汁咇晒出嚟 十分推薦另外碗紅燒湯麵都十分高質 啲湯勁重牛肉味飲咗半碗事後都冇口乾 牛肚同牛肋肉煮到入哂味而且唔會好韌又或者太乾 麵底配上刀削麵 爽口又彈牙而飲品方面 冬瓜茶並非出面的死甜 唔會甜到反胃紅豆奶茶有得食有得飲 好有咬口最後再點了一個 肉鬆芋泥鐵板吐司層芋泥厚得驚人 配上肉鬆同烘過邊嘅多士同女友都食得好滿足最後埋單兩人200蚊都唔洗勁扺食的晚餐！

今日入咗元朗又揾好嘢食、想起好内之前都有食過這間《羅東肉焿番》台式美食店舖、入到去整間店面有D唔同、比起之前稍為光澤咗帶點簡約、由外到內好有地道風味、以木系裝置坐著感覺都唔錯🤔！鹽酥炸大雞扒滷肉飯 $57午餐送指定凍熱飲品，可以加$8轉其他飲品呢一款炸大雞扒滷肉飯份量十足、整碗勁大塊雞扒😲、金黄香脆外皮包裹腍嫩鹽酥惹味雞扒、入口啖啖肉口感豐富美味😋、尤其是配料有滷肉地道風味、青瓜絲清新爽口、流心滷水蛋好有地道小食、每一口飯沾滿汁液味道好正、以平價格食到高質素真係好抵食🤭！肉鬆芋泥鐵板吐司 $42呢一份鐵板吐司係店家招牌之ー、整份吐司饀料勁多😯、係以肉鬆伴滿滿芋泥夠哂吸引🤤、食到入口吐司外皮香脆入面軟綿、夾著香脆肉鬆香甜綿滑芋泥、令到整件咸咸甜甜口感味道特別！鹽酥澎湖花枝丸 $33呢一款澎湖花枝丸一份有6粒、地道風味小食每一粒圓碌碌金黄色賣相、食到入口鹽香脆口口感彈牙、再沾吓酸甜醬另一種味道😚！仙草芋圓 $36呢一款仙草芋圓五顏六色、有三色芋圓啖啖煙糯口感、蜜紅豆 入口綿綿香甜、水晶通透爽口、仙草冰涼軟滑口感、甜度適中配料都好多豐富🤭！冬瓜珍珠 +$8凍珍珠奶茶 $3呢兩杯都係台式特式飲

呢間台灣菜喺元朗開咗好多年😝可以叫由細食到大假期中午去都要等一陣先有位 又不斷有人嗌外賣 好受街坊歡迎👏🏼價錢幾抵食 全日套餐好豐富 食物選擇都好多叫咗個紅燒牛肉湯麵套餐 包飲品🥤+一份蛋餅 湯底好濃郁 飲落甘甜 牛肉都炆得腍 肉味重 麵條可以揀刀削麵米粉米線 刀削麵好滑 完全唔厚粉蛋餅原來有四件 好抵😆加錢叫左雙拼 肉鬆芋泥 好足料！蛋餅外面酥脆 夾住煎蛋 有少少流心 幾重鹹香 芋泥又好綿密 完全唔過甜🫶🏻好食另外叫咗乾拌麵+花枝丸胡椒湯餐🥣伴麵嘅肉燥汁好味 有油香 份量都岩岩好 每條麵都沾到醬汁 又唔會太鹹 花枝丸都好彈牙 胡椒湯比較濃味 但幾特別套餐轉配珍珠奶茶🧋冬瓜茶珍珠珍珠夠煙靭 又唔會太痴牙 個人更愛冬瓜茶 古早味十足

🤭作為元朗鳯琴街街坊必定會幫襯嘅台灣小店✌🏻 要保持到水準🤗 仲會創新真心唔容易🫶🏻 💛招牌鹽酥炸大雞扒魯肉飯 $65 水準依然 大雞扒外層酥香脆口 肉質鬆軟 魯肉飯夠入味又惹味 😋 💛芝士肉鬆蛋餅 $43 厚厚嘅蛋餅 餡料豐富😍 芝士肉鬆係我最愛配搭👍🏻 💛仙草芋圓 $36 芋圓軟糯 口感軟硬適中 加埋水晶珠&滑捋捋仙草可以中和返食咗炸大雞扒嘅邪惡😛 💛芋泥紫米糕 $52 芋味十足 芋泥好綿滑 紫米軟腍 中間一層cream cheese 酸酸地 令成個紫米糕層次更豐富 不錯😋 💛紅豆奶茶 +$12 有茶香 茶味會停留係口腔🤩 紅豆味道唔會太甜 而且口感剛剛好 加埋珍珠 口感更豐富 好滿足😚

好友話同我去食一間超正的台式餐廳，創始人至60年代起，從名不經傳的手推車開始經營特色小吃，發展到踏上台灣國宴的舞台，羅東無人不曉。這樣有特色小店，的確令人難忘，必須同大家推介一下😍😍😍。✨肉鬆蛋餅加芋泥✨(爆推🌟🌟 🌟🌟🌟）賣相超級精😍😍薄薄的蛋餅酥脆Q軟，餡料超爆豐富，肉鬆香氣十足，芋泥非常軟滑，兩者簡直係天作之合😍鹹香味十足，😋超好食‼️衝着這個，我會一去再去😍😍。✨紅燒牛肉湯麵✨紅燒湯底非常濃郁，但又不會會過鹹。牛肉大塊軟腍且入味，搭配有口感的刀削麵，大碗又滿足。✨胡椒豬肚雞腳米線✨湯底又很香的胡椒味，豬肚大塊爽口，雞腳大隻，吮得好開心。近來天氣凍，食完之後全身暖笠笠，感覺很好。✨輕量鹽酥炸雞扒✨外邊炸得金黃香脆，裏便肉質不會過柴，仍保留些許濕潤。調味做得很好，食落惹味。✨溏心蛋✨真的是溏心蛋，蛋黃不會過硬也不會過軟，恰到好處。作為加餸或搭配送飯，真的一絕👍🏻✨珍珠奶茶✨✨無糖烏龍茶✨珍珠奶茶珍珠量非常多，而且有咬感，且不會太甜，真的不錯。店舖不大，但人流不絕。聽講芋泥奶酪紫米糕非常受歡迎，可惜去到時候已經賣晒，期待下一次能夠食到。想睇更多介紹，馬上Follow我啦😁。#元朗 #人

好家伙，今天刷到一个视频彻底把我整懵了，原来芋头竟然是“奶酪”的前身？谁能想到，芋头在古代居然被叫做“乳薯”，就因为它的口感绵密香甜，差点被当成奶酪的祖先！而且台湾可是芋头💜大户，种植面积超两万公顷，年产量好几万吨呢，难怪芋泥甜品那么经典！说到芋泥我就想起前段时间去元朗吃的台湾罗东肉燥番，他家的芋泥蛋餅简直是人间极品，內餡绵密得不像话，奶🥛香味直冲天灵盖，谁吃谁喊绝！还有那炸大鸡🐓排，酥脆不油腻，听说秘诀是用冰水锁住肉汁，这也太牛了吧！香港就能吃到地道的台式风味，真的吼吼吃啊，咱就是说，不吃真的会后悔一年！

鹽酥花枝丸滷肉飯外皮酥脆，裡面花枝丸 Q 彈，每啖都食到花枝肉，唔係齋粉。有少少鮮甜嘅花枝丸配埋椒鹽令到整體味道更加有層次。 而滷肉飯啲滷肉肥瘦相宜，滷汁香甜咸濃，食落有油香之餘唔會覺得肥膩 紅燒牛肉湯麵湯麵係刀削麵，唔會太腍，食落有咬口。至於牛肋肉就煮到軟爛，好容易咬開，湯底係用多款中藥材加香蒜牛骨熬煮嘅，味道好醇厚，但完全唔覺好濃嘅中藥材味。連藥膳雞腳都唔中意食嘅我反而對佢個湯完全唔反感。 肉鬆蛋餅個蛋餅超足料，蛋餅入面嘅雞蛋唔會好乾，有滿滿嘅肉鬆，餅皮酥脆，作為餐前小食或者肚餓買份墊下肚都係一個好唔錯嘅選擇紫米糕芋泥奶酪紫米糕好軟糯，芋泥綿密，唔會食到有一粒粒，配埋cream cheese嗰種特有嘅微微微酸同埋奶香味，大推！！喺相都見到，佢芋泥 cream cheese同紫米嘅比例基本上係1：1：1，一啲都唔會吝嗇~~