羅東肉焿番

營業中

休息中

首先主食食左香腸乾拌米線，口感爽滑，搭配鹹香香腸，簡單卻開胃，非常之啱香港人胃口，之後配咗牛湯生菜，有得揀紅燒湯/牛湯配生茶，而牛湯清甜加生茶爽口，白菜吸飽湯汁，又滋味樸實又耐吃。而另外一個主食就係什錦紅燒湯麵，湯頭濃郁，配料豐富，麵條吸附湯汁後更顯滋味；搭配左溏心蛋，糖心蛋滷香入味，為餐點增添亮點。飲品方面，凍冬瓜茶清涼解膩，甜度啱啱好，而烏龍茶則茶香清爽，去油解膩。 當然，最驚豔的還是芝士芋泥蛋餅——外皮酥香，內餡綿密，芋泥的香甜與芝士的濃郁完美融合，鹹甜交織，口感豐富，絕對是必點之選！這頓飯從主食到小點都令人滿意，值得再次回味。

喺wechat朋友圈睇到個朋友喺呢間食咗芋泥，於是記低咗呢件事，好啦，今日入元朗做嘢咁就順便嚟幫襯，鋪頭唔係太大間，數數大約有9至10張檯，但生意真係唔錯，keep住有人，而外賣更加做不停手。首先叫咗個“芋泥肉鬆蛋餅”，再來個“紅燒牛肉湯麵”同埋“酥炸雞扒魯肉飯”，加少少錢就有埋飲品“可樂”和台灣特色的“珍珠奶茶”。“芋泥”一直係我鍾意的食物，如果鍾意食嘅好多都係我同鄉，咁你知唔知係邊度鄉下呢？估吓，但估中冇獎😜新鮮清香芋泥非常吸引，再加埋啲肉鬆，多一重味道，連埋蛋餅，係個極好味的台灣小食；牛肉麵作為主食，有4大件牛肉，好鬆化，麵係刀削麵，好薄的刀削麵，但又好掛汁，本身湯底係清清哋只有牛肉的純味道，非常喜歡，食到後邊連啲湯都差唔多飲曬；“雞扒魯肉飯”的雞扒大大件，係切開嘅，酥香美味，地道魯肉飯連埋珍珠奶茶，感覺去咗一轉台灣。

呢間係元朗一直人氣都好高！之前都食過一兩次！今次終於忍唔住要打返個食評😁佢地既芋泥做得好出色！勁滑又唔會太死甜！好好食！蛋餅都好好食！同行朋友都話同係台灣食到既真係完全一樣味道👍🏻🍴酥炸雞扒魯肉飯雞扒炸得好酥脆！仲有半隻糖心蛋！正！佢個飯撈埋啲魯肉食好開胃😃🍴芝士肉鬆蛋餅蛋餅好厚！芝士半熔好正🤤佢做到有蛋香加上外樣酥脆！非常唔錯😛🍴珍珠奶茶 & 古早冬瓜茶一般係香港食到既台灣野食都係偏甜，但佢地既正常甜度都唔會太甜，好岩香港人口味！正！無咁大負擔！🍴仙草芋圓1號，手工芋泥頭先講左啦！佢地既芋泥真係好好食！又綿又香！加左落糖水度食好正！佢地啲芋圓又係好香又煙煙韌韌！好好咬！好食👍🏻

紅燒牛肉刀削麵牛肉煮得十分入味，肉質軟嫩，湯汁濃郁，帶有淡淡的五香味。刀削麵的口感彈牙，搭配上濃郁的湯底。麵條吸附了湯汁的香氣。鹽酥一口雞刀削麵鹽酥一口雞的脆皮與刀削麵的柔韌形成了鮮明的對比。雞肉外酥內嫩。搭配刀削麵，既有嚼勁又不失風味。芝士蛋捲外層金黃酥脆，內裡則是濃郁的芝士填充，口感滑順。每一口都是芝士的香氣與蛋香交融。仙草芋圓+芋泥球仙草、芋圓和芋泥球搭配得相當完美。仙草的清香與芋圓的Q彈形成了絕妙的口感，而芋泥球則是甜而不膩，讓人感受到夏天的清涼。無論是主菜還是甜品，都展現出廚師的用心。

🌿自己走咗入去元朗嘅「羅東肉焿番」，冇花巧裝潢，但聞到紅燒香氣嗰刻，已經覺得入對地方。🍜 紅燒牛肉湯配米線 $60湯底清澈微甜，牛味香得乾淨，米線軟中帶韌，吸晒湯汁，一啖落肚，疲倦即刻被溫暖沖淡🥹🥬 牛菜（細） $15翠綠爽脆，冇苦冇渣，襯返牛肉熱湯好有層次🥙 芋士芋泥蛋餅 $45蛋香輕脆包住綿密芋泥，鹹甜平衡，食完有種淡淡幸福感🥰🧊 飲品：•珍珠奶茶（冷） $8：茶底清爽，珍珠煙韌唔死甜•冷泡無糖高山茶 $20：透心涼帶甘味，解膩最適合🍧 迷你仙草芋圓 $20芋圓煙煙韌韌，配仙草啫喱，份量唔多唔少，剛剛好收尾。🥤 可樂 $10（爽快氣泡，搭蛋餅一流）

星期六帶芋泥迷朋友呢間食晏上次食過覺得佢會鍾意我地叫左兩個全日套餐乾伴麵配花枝丸胡椒湯$69乾伴麵係刀削麵嚟，都幾多下面頭有肉燥，油豆腐撈勻食好夠味花枝丸幾彈牙，胡椒湯亦好香濃胡椒豬肚雞腳米線餐配輕量鹽酥一口雞$76豬肚爽口，雞腳一嗦脫骨，湯底好香胡椒味鹽酥雞外脆內軟，好juicy 餐飲：古早冬瓜茶 ~ 冰凍甜度剛好無糖烏龍茶 ～ 有氣既無糖烏龍茶，特別透心涼肉鬆芋泥芝士西多 $50賣相十分吸引，海量肉鬆切開係滿滿既芋泥，拉絲既芝士，芋泥十分綿密，香甜真材實料甜品：仙草芋圓1號 $36加$15要手工芋泥咁熱既天真心要食番個仙草冰～手工芋泥絕對要encore，朋友話太好食希望下次嚟可以再食到芋泥奶酪紫米糕，今次店員話師傅無整，本身想打包兩件番家慢慢嘆，唯有等下次

好鍾意食台灣菜，所以都會周圍搜尋有質素的台灣菜舖頭，今次比我搵到間位於元朗的，決定同老公去食個晚餐，然後可以去附近的形點行下街。 7點鐘食飯時間，好多人幫襯，除了店內滿座，店外都排滿等位的客人，好彩我們都尚算早一步到達，所以等了一陣就可以入去食。🍜皇牌胡椒雞湯米線 – 雞腳和豬肚十分入味。湯底有濃濃胡椒味，但又不會過份刺激，標明係不添加味精，最後真係成碗飲哂，味道很不錯。套餐可以選擇配炸雞扒，又或者鹽酥雞，連埋特飲珍珠奶茶都只係$84。🌮芋泥肉鬆蛋餅 – 蛋餅係必食的台灣名物。第一次試呢款芋泥配肉鬆，初時都諗會唔會唔太夾呢？但原來芋泥軟綿綿，連同爽口的肉鬆，再加上薄脆的蛋餅，好好食，都頗為喜出望外。😋酥炸杏鮑菇 – 即炸杏鮑菇，炸衣內係爆汁菇，非常惹味。但真係要小心食，否則會燙親個嘴。

嚟元朗搵朋友食晏，心血來潮想食台灣菜，去左友人推介嘅人氣小店「羅東肉焿番」。餐廳主打台式美食，有飯麵、湯、米線、小食、蛋餅、芋泥吐司、甜品及飲品等供應。點左客鹽酥炸大雞扒魯肉飯，雞扒超大塊，外皮炸到薄身酥脆，入口肉嫩又有肉汁。魯肉肥瘦剛好，伴上溏心蛋，甘香不膩。跟餐點左杯珍珠奶茶，甜度啱啱好，茶底香濃醇厚，珍珠軟糯彈牙。另外仲嗌左肉鬆芋泥鐵板吐司 同 芋泥肉鬆蛋餅，三文治烘得頗香脆，入面夾滿綿密芋泥同酥香肉鬆，入口鹹鹹甜甜，好滋味！ 蛋餅餅皮煎得好香口，內裡包住厚厚芋泥和肉鬆，配上醬汁，層次豐富，令人想一食再食。甜品時間，選了仙草芋圓，內有三色芋圓、蜜紅豆和海藻水晶。芋圓煙韌，水晶清爽，中和左蜜紅豆嘅甜度，夾埋冰涼滑溜嘅仙草一齊食，口感大滿足。

同朋友喺元朗搵食，行到一間台式小店，門面簡單但入到去好有台灣夜市嘅氣氛。見到有自選午餐套餐，即刻同朋友一人嗌一個，仲加咗份鹽酥雞粒share😃我揀咗乾拌米線套餐，配香酥甜不辣、肉鬆蛋餅加芋泥同仙草奶茶。米線上枱熱辣辣，麻油同醬油調味好香，米線彈牙爽口，唔會黐笠。甜不辣炸得金黃，咬落脆卜卜，微甜微鹹好開胃。蛋餅加芋泥同肉鬆，芋泥軟糯香甜，肉鬆鹹香，食落好有層次。仙草奶茶好正宗，仙草凍QQ地，奶茶甜度啱啱好，飲落清爽又解渴👍🏻朋友嗌紅燒牛肉湯米線套餐，配紅燒二寶（牛肚牛肋肉）、胡椒豬肚雞腳同紅豆奶茶。牛肉湯底好濃，帶點中藥香，牛肉炆到入口即化，牛肚同牛肋肉都好入味，湯暖笠笠好舒服。胡椒豬肚雞腳湯好嗆口，胡椒味夠勁但唔過辣，豬肚軟韌，雞腳啃起來好滿足。紅豆奶茶紅豆煮得軟綿，甜度適中，飲完好正🙌🏻我哋share嘅鹽酥雞粒炸得香脆，九層塔同胡椒鹽調味，食到停唔下來，份量都夠兩個人分。整體嚟講，食物好有台味，價錢一個月套餐100蚊唔使，喺元朗真係抵食！😆

🌟係Yoho 行去唔洗十分鐘既台式小店🌟羅東2人套餐只需要$211， 包左主食2款，蔬菜，小吃同埋蛋餅🌟仲要送埋台式飲品，古早冬瓜茶，珍珠奶茶都可以揀，CP 值超高🌟今次揀咗大滷肉飯，同埋台灣牛肉湯麵滷肉飯肉汁香濃，用咗台式珍珠米有口感🌟牛肉湯麵，湯底濃郁，牛肉燉煮到好腍，最鍾意係用咗刀削麵🌟小食揀咗鹽酥天使大雞排，炸到香脆，但係都保留肉汁，好似喺台北夜市食嘅感覺🌟蛋餅加咗$10，揀咗肉鬆拼芋泥，店家一啲都唔孤寒，芋泥俾得好厚，配埋咸香嘅肉鬆，簡直係絕配👍🏻🌟支持小店，仲要還原傳統台灣味道，CP值高，大推

元朗價錢親民台式老店🏠
💬週末午餐時間去食 人流都幾旺🗣️👫 🕶️講到台灣野食 一定唔少得鹽酥雞 牛肉麵 蛋餅等美食🙊 👍🏻呢間午餐分量多 好味又抵食!~👅 🐮紅燒牛肉麵
紅燒牛肋肉做到軟唸口感 帶濃牛香
湯底香口唔會好油膩🍜
麵底仲要係刀削麵 麵煮到口感適中😋 🫓肉鬆芋泥蛋餅
🏆本店必食之一 肉鬆芋泥餡料十足味道比想像中夾 有驚喜蛋餅皮做到煙韌口感 蛋香味同肉鬆芋泥既咸甜咸甜味 食過會上癮🤭 🐥一口雞魯肉飯
鹽酥一口雞帶咸香味 💥炸到外酥內軟又保留到雞肉既軟嫩多汁 魯肉肥瘦度岩岩好 撈埋食送飯一流😋 🍧仙草芋圓甜品
食台灣野又點可以唔食埋甜品😍
仙草唔算大甜 芋圓加埋紅豆果凍 口感豐富

最近約左朋友去元朗食飯，我地揀左個台灣菜食～依度主打羅東肉焿湯及芋泥產品！🍛羅東肉焿湯餐配大滷肉飯 $79餐飲-古早冬瓜茶 $0焿湯係每日用新鮮豬大骨及筍絲等配料調味煮出順滑濃稠湯底！而焿肉每早用豬肉即切即做，加入魚漿同獨家秘方用手慢慢揉製，然後醃兩日以上！焿肉好有口感，個湯口感好特別，有啲結身加酸酸地好開胃既野😌滷肉飯好大兜，滷肉半肥瘦，唔會油膩！🍜胡椒豬肚雞腳米線餐配輕量鹽酥炸雞扒 $76餐飲-古早冬瓜茶 $0米線湯底濃厚，胡椒味道香濃，飲落好溫暖舒服！豬肚爽口有彈性，雞腳炆得入味，骨頭都食埋🤣至於鹽酥炸雞扒，雖然話係輕量，但都幾大塊😳炸得香脆，唔會太油膩同太鹹，同米線一齊食好岩key！冬瓜茶唔會好甜，好岩夏天飲😝🥪芋泥肉鬆蛋餅 $45蛋餅外脆內軟，肉鬆咬落去香脆多汁，芋泥好綿密香甜，口感好豐富！味道層次分明，好滿足！羅東肉焿番 (元朗)📍元朗鳳翔路69號建輝大廈地下5號舖

經開元朗，唔知食嘜好，又loop下openrice有咩多人食，見到有間台灣嘢好多人saved，又去試試。自己去親台灣都會食滷肉飯，而香港嘅滷肉飯通常都麻麻地，但通常我去試喺香港嘅台灣嘢就係會試佢個滷肉飯先，睇吓佢正唔正宗😂 結論係都唔差，仲要隻蛋都糖心😛加咗杯冬瓜茶，個人就覺得有d甜，但正宗味😆另外叫咗個芋泥蛋餅，好多肉鬆芋泥，唔錯，但個人麻麻面頭D醬，有d甜🙈Overall, 店舖有d細，坐會有D唔舒服，但喺元朗黎講係比較正宗😚

呢間台式小店係元朗國都幾出名，尤其係芋泥甜品必食，有好多獨創嘅芋泥甜品值得一試。👉🏻芋頭奶酪紫米糕必食嘅甜品，配搭好簡單，紫米+忌廉芝士+芋泥，簡簡單單又好夾，呢款真係好好味🤤👉🏻肉鬆芋泥西多士諗到呢個配搭嘅人真係天才，普通西多食兩舊就會覺得好滯，呢個完全唔會。微微甜嘅芋泥夾係麵包里面，加上滿滿嘅肉鬆同煉奶，好食😋👉🏻酥炸雞扒滷肉飯抵食夾大碗～雞扒即叫即炸，炸衣好薄兼脆卜卜。滷肉飯唔會太油膩，仲有少少青瓜，份量足夠二人分享。

來自台灣的美食！再研究食材，直到定湯頭，都有獨特的口味！餐廳以小店形式，深受街坊和學生的歡迎，價錢相當抵！必食推介一定是芋泥系列的食物！芋泥肉鬆蛋餅$45涌滑嘅肉鬆夾在煎香的雞多餅內，啖啖肉鬆，啖啖芋泥，很好吃！很滿足！香煎大雞扒滷肉飯$65雞扒很大塊，而且煎得很不錯，皮脆肉嫩，大大碗的滷肉飯，價錢都很抵食！花枝丸胡椒湯$28必食是台灣的湯類，花枝丸有三類，清澈的湯水帶有香濃的胡椒味。滷肉飯$35有分大、小兩碗的滷肉飯，這個是細碗的，已經很夠我食，好飽！珍珠奶茶$12烏龍茶$5 跟餐有飲品。