羅東肉焿番

營業中

休息中

嚟元朗搵朋友食晏，心血來潮想食台灣菜，去左友人推介嘅人氣小店「羅東肉焿番」。餐廳主打台式美食，有飯麵、湯、米線、小食、蛋餅、芋泥吐司、甜品及飲品等供應。點左客鹽酥炸大雞扒魯肉飯，雞扒超大塊，外皮炸到薄身酥脆，入口肉嫩又有肉汁。魯肉肥瘦剛好，伴上溏心蛋，甘香不膩。跟餐點左杯珍珠奶茶，甜度啱啱好，茶底香濃醇厚，珍珠軟糯彈牙。另外仲嗌左肉鬆芋泥鐵板吐司 同 芋泥肉鬆蛋餅，三文治烘得頗香脆，入面夾滿綿密芋泥同酥香肉鬆，入口鹹鹹甜甜，好滋味！ 蛋餅餅皮煎得好香口，內裡包住厚厚芋泥和肉鬆，配上醬汁，層次豐富，令人想一食再食。甜品時間，選了仙草芋圓，內有三色芋圓、蜜紅豆和海藻水晶。芋圓煙韌，水晶清爽，中和左蜜紅豆嘅甜度，夾埋冰涼滑溜嘅仙草一齊食，口感大滿足。