維港灣餃子坊

營業中

休息中

收工經過呢間餃子店，即管入內試試叫咗兩碗招牌，分別係三拼餃上海麵同埋四拼淨湯餃（大白菜、韭菜、芹菜、芫茜）餃子都算幾大粒，饀料新鮮無雪味而且粒粒都足料非常飽滿個人認為韭菜同埋芫茜最出色，例湯都唔錯，不過上海麵就普普通通，下次可以試下刀削麵/菠菜麵

今日做完義工嚟到呢間位於元朗嘅餃子店餃子方面佢分左湯餃同埋煎餃另外亦都會有湯麵同埋小食可以提供推介佢呢個菜脯佢唔係純粹得個辣字仲會係酸酸地幾開胃煎餃叫咗芝士粟米配芫茜餃，咬落去就有好多芝士湧出嚟，呢個配搭永遠都冇甩拖另外再叫咗個招牌四拼湯餃，肉質好鮮甜同菜都好新鮮，有大白菜韭菜香芹同芫茜，我個人就最鍾意大白菜佢每一份餃子都會配上佢哋嘅老火靚湯湯好足料有好多雞腳同埋蟲草花而且冇比味精，雖然相對較淡，但飲落去嘅感覺就好健康而小食就叫左呢個麻辣藕片，麻辣度一流過足口癮蓮藕片亦都極度爽脆下次再去一定會再叫至於個炸豬扒揸得亦都相當唔錯厚粉唔會太厚由於係生炸嘅關係所以豬扒唔會有特別濃嘅味但配埋佢特製沙律醬已經好好味

教育路食店林立,要係度插一支旗絕對不易,係附近無乜專食水餃既鋪頭,今次同朋友膽粗粗試下呢間新店,絕對無後悔!餐廳裝修得好光猛,坐得好舒服,牆上既裝飾都幾搞笑黎到餃子店,當然湯餃同煎餃都要試下,同朋友2個都大食,所以分別點多一個麵,同樣無失望墨魚丸湯麵墨魚丸爽口彈牙,唔係凍肉店果D面粉丸,揀左刀削麵做麵底,麵質彈口,唔會成口粉,加上個豬骨湯底,正!吉列豬扒湯麵吉列豬扒另上,數量算多,抵食,配上特別既沙律醬,炸到趣扑扑既吉列豬扒同埋烏冬麵底一齊食,勁正!招牌四拼湯餃 (8隻)隻隻都大大舊,菜同肉都好足料,咬落去菜好爽口,肉就好多汁,勁JUICY,餃子皮唔厚,同朋友都大讚好高質!煎芝士粟米鮮肉餃 (8隻)咬落去煎到脆一脆既外皮,芝士汁同肉汁咇哂出黎,香到無得頂!芝士唔會太多,所以唔會話食完就覺得好滯,但又每一隻都好有芝士味,正呀!埋單都係153蚊,食到每人一碗麵同試哂湯餃+煎餃,好抵食! 下次要黎試埋個三重芝士餃先得!

朋友入開黎元朗，行街行到攰，諗住搵啲平平地既地方入去坐下食下野。行到見呢間有幾多選擇，又唔貴，就入左去啦！本身想試三重芝士餃子，但係見到更加吸引既黑松露鮮肉餃，所以就轉左黑松露鮮肉餃配韭菜餃，另外仲叫左個手拍青瓜同牛𦟌試試。首先係黑松露餃，都食到黑松露既香味，不過會期望佢再落多啲！韭菜餃都ok啦！正正常常同埋食得出無乜味精。由於呢個set係跟左標明無味精是日靚湯，咁今日既湯係木瓜雪耳，都ok唔錯既，幾有木瓜味，就算無寫咩湯都飲得出！牛𦟌就差少少，比較乾。手拍青瓜個汁調得好味！野飲方面比較少選擇，但係全部都唔貴。我就揀左自家製銀菊露，好飲唔太甜。

朋友是咪太鐘意食餃子，佢話佢好想食餃子喎。咁...咪食囉😂。間野裝修又幾別緻。又坐得幾舒服，人又唔太多。土匪雞翼可以同某知名雲南米線餐廳fight 過。有點太char，但係比較juicy。一咬落去肉汁四射。芫荽餃味道佳！內涵調味唔過火，芫荽味更加外顯。皮唔太厚，亦唔太薄。一碗當正餐岩岩好！（眼闊頭窄嘅我就叫多左啦）芝士波波細細粒，容易食。我懷疑佢係真係自己整。用果啲芝士唔係好咸。食完無咩油膩感。四雜餃有芫荽，芹菜，白菜同韭菜。嗯...我都係最鐘意芫荽！味道最earthy 。仲有個黑松露煎餃。皮內佈滿左松露碎。加埋係煎嘅，令到松露油香味四散。最後，我地叫左3份餃子，黎左3碗湯。姐姐話碗湯係老黃瓜三豆豬骨湯。我唔知咩係三豆啦，但老黃瓜煮得好稔，連皮都食到。我肯定一定無味精，連鹽都唔多，碗湯因為多老黃瓜好回甘，super soothing! 好飽。食完真係好飽。真心誠意推薦。

同朋友行開街行到餓餓地見到有間餃子鋪，裝修都幾得意決定入去試一試menu都好多選擇，除左有餃子之外仲有好多小食，而且野飲都只系8蚊鐘意食芝士既仲有芝士menu真系啖啖都系芝叫左個牛展，味道唔錯，而且肉質唔會好硬肉同根分明，口感正下面仲有青瓜，好爽口點埋佢個辣辣地既汁，好夾好好食唔知佢牛展有青瓜系底又叫左一份青瓜不過呢個汁仲正，酸酸甜甜辣辣青瓜都好爽脆，食唔停，好開胃主菜餃子黎啦可以選蒸/煎呢個系雙拼餃黑松露味好香，做煎餃一流韭菜餃都唔錯，略嫌韭菜少左d，反而太多肉而且叫煎餃仲跟一碗是日靚湯唔似出面系清湯，今日就系木瓜雪耳真系冇味精，而且好潤好甜食完煎餃比較油，飲番碗清一清佢岩岩好食食下先發現原來入面裝修有好多總統系到有特朗普、金仔呀，好q好得意最後連埋飲品兩個人都系118蚊已經可以試到咁多野，抵呀！！

今天到元朗工作，相約了媽媽在附近吃飯，有一刻想吃貴一點，但回頭望望自己的褲袋，差點忘記了自己還是一個窮丁，結果便入了附近這一間維港灣餃子店。 其實我是挺鍾意吃餃子的，簡單的麵粉入面包住了充實的內涵，帶給人一種很地道和踏實的感覺。所以我覺得裝修一定要給人一種親切感，此店便將這點發揮得淋漓盡致，把食物得感覺雙配合並升華。裝飾十分樸實且整潔之餘不乏心思，後面的發光小牌子給人一種會心微笑的感覺。 食物除了傳統的餃子外，還有一些創新的餃子包括黑松露/野生松餃子和三重芝士餃子，由於真得吃不了這麼多，只是點了黑松露餃子並韭菜煎餃，韭菜鮮肉餃拼菠菜麵，招牌三拼餃（大白菜，韭菜，香芹）加上海麵，和點了個有手指公推薦的銀菊露（自家製）。 端來的首先是兩碗餃子麵，當你以為餃子是重點時，其實麵條也是重點，作為麵條控的我，它的菠菜麵非常幻滑，令人愛不釋手，餃子方面也是非常大件抵食，而且鮮肉和韭菜配搭得剛剛好，香味四溢，不過我個人建議點三拼餃子，可以試多幾款唔同嘅味道。童叟無欺其實食完個麵後已經飽了，

不嬲都鍾意食餃子之前就去開朗屏嗰邊食 但最近呢間維港灣就成為咗我嘅新歡原因就係佢嘅無添加味精湯嚟到都成日見到好多人喺入面今日我就要咗個松露湯餃同埋香芹鮮肉煎餃湯係木瓜雪耳雞腳 仲要咗個吉列豬扒同埋一杯自家製嘅銀菊露首先最快就係松茸湯餃佢一碗入面有六隻啲 餃子都好飽滿 食落去入面都有好多松茸喺入面 轉頭就畀埋個是日餐湯 嘩 正飲得出好濃雞腳味 仲要好多材料 無湯飲人士真覺得係欣物 之後就食香芹煎餃 煎得非常之香入面亦都係好多汁嘅 呢個都係六隻個人就鍾意煎餃多啲 因為就多咗一層香脆嘅口感仲有個吉列豬扒 有驚喜因為炸到好似日式豬扒咁靚 入面都係好嫩啲肉 個皮又夠脆 點埋個沙律醬好開胃而家自家製銀菊露就唔會好似出面咁甜食完吉列豬扒之後解解膩呢個餐廳真係好唔錯 餃子值得推介

今日想簡簡單單食一餐 就黎左維港灣餃子坊～其實之前都見到唔少人介紹 就黎食下睇下佢啲餃子係咪真係咁好味啦！現場野食貴精不貴多 主要都係煎餃，湯餃，湯麵同小食！ 我地就每類都嗌左啲食下 睇下好唔好食啦！首先叫左份流心芝士餃拼芫茜餃 呢個係各3隻咁上。流心芝士不愧為邪惡代表 加上唔太厚又煎香左嘅餃子皮 香味四溢！ 相比之下 芫茜餃就普通左啲 無乜咁特別叫左碗豬手刀削麵 呢碗面有啲驚喜 無諗過佢豬手整得好冧好入味！所以豬手值得嗌架！！我地仲叫左2款小食 分別係土匪雞翼同香芋地瓜丸~~ 熱辣辣上枱噴落已經香 土匪雞翼嘅香味無法擋！ 而香芋地瓜丸真係要讚下 炸得外脆內嫩 中間嘅香芋好滑 外層嘅地瓜皮剛剛好 唔厚 所以我地好鐘意！Overall人均食左62 其實真係算抵食！下次再食下佢其他嘅招牌餃

自己都幾鍾意食餃子，呢一半都係，飽肚又唔熱氣，元朗都有不少食餃子既地方，呢間新開冇耐既餃子店人氣不少，望過價錢又唔算貴就試下先。餐廳內外店內設計以插畫風格為主，店舖唔算太大，但一經過門口已經見到店員包緊餃子，包保新鮮製。食物選擇除左餃子煎餃，亦有麵類、小食，正堂價錢定位。手撕雞 $38餐牌上冇既限定/新加款式，唔係以紅油做調味，但有用上蒜、炸菜等，食落入味帶少少辣，幾開胃。招牌四拼餃 $38分別係大白菜、韮菜、香菜、莞茜各兩隻。餃子飽滿，皮薄又唔易穿，內裡爆餡，招牌係韮菜餃子，香氣十足，另外既大白菜、香菜、莞茜材料都十足，每啖都有咬口，沾少許豉油更好味。餃子都會湯，是日例湯係野生山珍雞湯，好濃味，配餃子食亦得。煎流心芝士粟米鮮肉餃 $42試左湯餃緊係試埋煎餅，有6隻。呢款唔係拉芝果種，而係融左係入面，外層煎至金黃，好脆口，皮同樣夠薄身，芝士粟米鮮肉濃味唔算太膩，三者配合得幾好。銀菊露 $8標榜係自家製，估唔到真係好清新，好重菊花味，最重要係唔會似飲糖水，飲得岀自家製既健康味道。皮薄餡靚一定係好食既餃子必有條件，呢點呢到做比，餡料又夠多，價錢親民，必定會再嚟。

朝早原本想去食永年點不知又未開，見對面街有間新鋪食煎餃都唔錯就入去試試啦門面個樣一般般但入面裝修幾有格調，好似d台灣文青CAFE咁MENU有好多野食，淨係餃子都有好多款，仲有麵呀小食咁。我叫左兩款煎餃子同碟油菜。原本未有芝士粟米餃，伙記哥哥見我好想食咁話即整，超好服務😍😍😍e間係我第一間食煎餃會有湯既。都幾正幾好飲，朝早就有老火湯飲而且冇湯渣。流心芝士粟米餃粟米係超甜粟，芝士味一般冇特別咸或者濃。成個味道好清新，而且流心芝士令到d豬肉有充分既肉汁。餃子皮薄傾向日式煎餃，但比日式厚身咬落比較有口感，可以唔洗點醋。野生松茸鮮肉餃相比芝士粟米之下松露味冇咁出色，松露香味一般唔算濃味，肉質偏乾身。我自己就中意配湯食多過配醋食。話說我落完ORDER先發現有三重芝士，下次再試。

經過元朗教育路，見到佢新開張又入去試吓先～入面都設計得好光猛有好多唔同嘅燈牌分為貓奴既我表示滿意haha餐牌方便主打都係餃子，有湯餃，煎餃，重有好多小食揀我哋叫咗兩杯新鮮嘅豆漿($6)好大杯，然後就嗌左一口炸芝士($26)雖然細細粒得四件但係入面全部都佈滿芝士真材實料新鮮熱辣。相反芝士年糕($24)就大舊啲啦年糕嘅口感好煙銀配搭係芝士上嚟好好味。椒鹽花枝丸($22)6粒好抵食！喺出面啲街邊檔都食唔到呢個價錢啦，配搭起椒鹽上黎好脆，十分推介。主菜叫左韭菜鮮肉餃配刀削面($36)，好大碗餃子嘅料都好滿豬骨湯都好濃，唔使落其他醬汁都好好味。買單兩個人$120食到一個咁好味嘅晚餐～

見openrice 上有另一間元朗分店，我諗近警署呢間應該係新開因為芹菜芫荽韮菜我通通都唔食，白菜又第二度都有得食，所以叫咗6隻外賣芝士餃成間店得三張枱有人，但啲餃等咗15分鐘，難以想像旺的時候要等幾耐啲餃係熱嘅，但唔係流心，言過其實都幾細隻，6隻要42蚊，覺得幾貴附送的湯好油另外，職員是懶洋洋的店內裝修光猛新淨，但個人來說唔太欣賞啲插畫寫粗口總括今次經驗，最讚的是辛辣油，其他好一般

收工等朋友食飯 又行到好攰🌜想求其搵個地方坐下食野係教育路行行下見到維港灣餃子坊開左分店我本身都鐘意食餃子🥟之前都食過一次即刻衝入去 估唔到新開張咁快咁多人差不多坐🈵叫左個最愛芫茜餃子配是日老火湯老火湯真心推介 完全冇味精👏🏻👍🏻😎今日係蟲草花雞湯 好濃雞湯🤤另外叫左個湯麵 湯麵一定係配豬骨湯最後叫多左個煎招牌松茸餃子松茸餃我同朋友都覺得味道反而一般 松茸味係好濃架 真係鐘意食松茸餃先好叫🙈另下想飲杯野 可以叫杯豆漿豆味重 唔太甜 岩哂我😍下次一定會再幫襯🤩