維港灣餃子坊 (已結業)

今日想簡簡單單食一餐 就黎左維港灣餃子坊～其實之前都見到唔少人介紹 就黎食下睇下佢啲餃子係咪真係咁好味啦！現場野食貴精不貴多 主要都係煎餃，湯餃，湯麵同小食！ 我地就每類都嗌左啲食下 睇下好唔好食啦！首先叫左份流心芝士餃拼芫茜餃 呢個係各3隻咁上。流心芝士不愧為邪惡代表 加上唔太厚又煎香左嘅餃子皮 香味四溢！ 相比之下 芫茜餃就普通左啲 無乜咁特別叫左碗豬手刀削麵 呢碗面有啲驚喜 無諗過佢豬手整得好冧好入味！所以豬手值得嗌架！！我地仲叫左2款小食 分別係土匪雞翼同香芋地瓜丸~~ 熱辣辣上枱噴落已經香 土匪雞翼嘅香味無法擋！ 而香芋地瓜丸真係要讚下 炸得外脆內嫩 中間嘅香芋好滑 外層嘅地瓜皮剛剛好 唔厚 所以我地好鐘意！Overall人均食左62 其實真係算抵食！下次再食下佢其他嘅招牌餃