維港灣餃子坊

營業中

休息中

在元朗很晚下班，想簡單點吃水餃，另一半帶我去個小店，吃完快回家，去了教育路這家"維港灣餃子坊"，九點多還開門，太好了！門外原來有賣獨立包裝的烏冬、米線、銀針粉、昆布等食材，粉麵類只賣$10 四包，昆布$15一包，很便宜！我立刻就買了12包粉麵。這裏出名的是手工新鮮水餃，除了堂食，也有外賣；買外賣怕影響水餃質感，這裡也有生水餃賣，回家自己想怎樣煮也行。點了一份芫茜鮮肉煎餃六隻，送是日靚湯$39. 今天的靚湯是蟲草花鮮淮山雞湯，如果單點一碗要$15,當然是點一份水餃送靚湯最划得來。味道很好喝，不加味精，有很香的蟲草花味，吃得出雞湯很濃，有家的感覺哦！煎餃外層煎得金黃色，皮不算厚，反而肉餡超多，每隻質感都很結實，又不會乾和太厚麵粉，煎完脆脆的口感很不錯！味道方面，豬肉新鮮爽口又多汁，配上芫茜香氣煎完揮發得更好，鹹淡得宜，反而最突出是豬肉鮮甜，很好吃！韭菜鮮肉湯餃8隻，送靚湯一碗$39, 湯餃比起煎餃，同樣價錢，但多兩隻，很化算。別以為湯餃子在白開水煮，其實湯餃的湯底 也是有味道的。想想這麼多美味餃子在水裏煮，這鍋水就成了餃子精華，連清湯也喝下去，帶著一種鮮味呢！喜歡吃韭菜餃，有韭菜的爽口質感

近排約朋友都係買外賣拎去屋企食 食得多西式日式 今日想簡單食個餃子 係元朗有兩間分店嘅維港灣通常都係我嘅餃子之選 除左餃子正 佢個炸鯪魚球都係我認為必點item 叫咗雙併煎餃 佢配埋無味精湯 餃子非常足料 揀咗韭菜餃同埋芝士粟米餃 韭菜當然係比較傳統嘅餃子亦都係非常之好味 而粟米餃近排就成為咗我嘅喜愛之一 因為粟米忌煙韌又有咬口炸鯪魚球夠大粒 新鮮炸起裏面嘅肉非常之彈牙唔會好似出面嗰啲咁霉 外脆內熱而且配埋個蜆介醬 出面少有再點埋土匪雞翼同x仔唔同 佢呢個土匪雞翼係炸嘅 外皮炸得非常之脆入邊嘅肉係非常嫩 可以用有汁滴出嚟個種嫩黎形容

有事到元朗一趟，午飯時間不足一小時，找了一間吃餃子的小店速戰速決。多款不同味道的餃子任君選擇，很快兩個人便點了滿滿一桌。每點一份餃子送例湯一碗，是日例湯是粉葛豬骨湯，不加味精，很有住家的味道。韭菜湯餃一碗8隻，每一隻都圓鼓鼓的，很足料。韭菜份量多，餡料很飽滿又調味足夠。水餃皮夠薄，每一隻都沒有破，真正做到皮薄餡靚。泡菜煎餃火侯剛好，外皮煎得香脆。餃子不會太辣，餡料一樣飽滿，泡菜的微酸味很開胃。豬手厚肉又入味，膠質重，吃下去嘴唇都黏黏的。椒鹽花枝丸有咬口，口感爽口，配炸蒜惹味非常。罐裝飲品8元一罐算是良心價，菠蘿蘆薈入口清新，酸酸甜甜最適合炎夏。另外有生餃可買走，下次有需要會想起這小店。

第二次幫襯，今次試教育路店。雖然遠就遠咗少少，但食物質素依舊好。今次兩個人黎，試左個招牌三拼餃湯面，果然非常好食，都只係45$，肉質鮮嫩、多汁，成六隻餃，仲有面，真係抵食而好食。另外叫咗個滷水牛展湯面，今次特登試波菜麵，有好香濃既波菜味，同牛展味，好有層次，而且好有牛味，中意食波菜麵嘅朋友真係要試吓，但絕對好食，只不過係咪38。最中意係坐得都算舒服，又有吾同優惠，食餐面加埋菜圃就一流。另外，我朋友點左手撕雞，都好新鮮，吾似一早整定，中意食雞既朋友千奇吾好放過。整體來說，係用心之作，而且味道吾太濃。下次經開教育路會再食。一間價錢相宜、食物質素好、好食既黃店。食得飽又可以快食之首選☺️☺️☺️☺️

黎到元朗 問下朋友有咩好食大家都推介要食呢間餃子 出名足料味道好性價比高當然要試下！門面好多介紹 亦有得獎設有餐牌 一目了然以餃子為本 另外有小食/老火湯/湯麵餃子種類都好多有傳統菜肉餃 亦有新穎嘅黑松露餃乎合唔同人要求疫情關係 好少人堂食 好多人叫外賣而我今次都係外賣 都夜晚8點幾先叫左芫茜鮮肉煎餃 配 老火湯煎餃 餃底香脆 粒粒煎到金黃色粒粒飽滿 食落唔會油淋淋 煎餃亦保留到肉汁芫茜味亦好出 無被蓋過老火湯好香杏味亦有粉葛類湯渣 足料另外叫左韭菜鮮肉餃湯刀削麵 餃子皮薄 就咁都透到入面既餡 咬落亦有肉汁刀削麵粗身 👍🏻夠滑餐廳好好咁外賣會自動分湯 湯亦有豆卜好香嘅豬骨味外賣都咁出色 如果堂食一定更美味

之前都有食過佢芝士粟米餃，又係驚為天人，一直念念不忘。 今次貴貴地都想試佢個三重芝士餃。見到餐牌好吸引，黎到嘅時候都覺得正呀。佢入面都係有粟米，面頭有熱溶嘅芝士同埋頗多蟹子，熱辣辣食，入面嘅芝士都係仲融梗。 芝士控必食！ 仲要有多碗老火湯飲。仲叫左個豬手銀針粉，本身佢黎到果時見個豬手好似白烚咁，不太抱期望，點知食落好惹味，加埋啲炸蒜，食食下食曬成碗！仲要店員好細心，特登俾隻碟放骨。仲有兩粒豆卜。呢個38蚊咋超抵食。 我覺得豬手面好味過其他餃子！哈哈 因為友人叫左五款餃嘅餐，但有芫茜、香芹同埋韮菜我都係唔食嘅🙈 （當然芝士粟米餃都係勁正）不過客觀地講，佢啲餃子粒粒都大大粒，同埋煎餃一定好味過湯餃。 下面係友人叫果個餐。咖哩另上，友人話都幾辣。 因啲野食好有味，冇用過啲調味料。

每次在元朗渣車經過都見很多人買外賣，今日專程過來試試呢間餃子🥟見到門外玻璃上貼上外賣九折優惠😍亦有很多報章介紹呢間店舖的餃子🥟每盒餃子都會跟一個家常老火湯（蟲草花鮮淮山煲雞）飲落味道很濃，最重要是沒有加味精感覺很健康👍煎韮菜豬肉餃煎得乾身香脆不油，皮薄餡多，韮菜豬肉分量平均😋多汁好味👍煎野山松茸鮮肉餃這款煎餃是店舖推介的，都是第一次食，餡料豐富，餡料十足，豬肉好新鮮👍煎大白菜豬肉餃大白菜豬肉餃這個組合很好食，因為白菜幾爽口，而且味道清得來又會好香的豬肉味😋每張枱都見到放了一些醬料及辣菜脯，加入菜脯一齊食味道更吸引惹味😋

疫情之下少咗出街食飯，變咗買外賣番屋企嘆。今日去元朗食大大粒爆餡餃子，外賣仲有9折，而且餃子採用新鮮豬肉，可以見到師傅製作餃子嘅過程。大白菜鮮肉餃刀削麵有5大隻餃子，隻隻都皮薄，一咬開就見到勁多餡。大白菜甜， 豬肉餡比大白菜更多，配湯食好滋味。刀削麵軟硬適中，一碗都有唔少麵。餐廳好貼心將湯及麵分開上，唔怕啲麵會變軟。而且湯底有陣豬骨味，唔油膩，仲有3件豆卜添，吸哂啲湯嘅精華。煎鹹蛋黃芥菜鮮肉餃外表煎到焦焦地咁，略脆。芥菜味非常重，而鹹蛋黃味就後勁帶出，估唔到芥菜都可以做餡料，同鹹蛋又幾夾。仲會配埋一碗家常老火湯粉葛赤小豆煲豬骨，湯色一睇就知用好多粉葛煲，冇味精夠健康。炸蝦春卷好靚靚整齊排好，外賣番到屋企依舊脆，蝦肉結實。加埋特製沙律醬，個沙律醬混有紅蘿蔔碎等蔬菜，口感提升咗。配埋罐裝可樂就最岩，大熱天時要飲番啲涼爽飲品，食完煎炸野好似冇咁熱氣。

今日又30幾度，熱到飯都唔想食，但係又肚餓，周圍行周圍搵，搵到食餃子都好喎。好，坐低睇吓有咩好食先。農家豬手湯麵，完全冇諗過$38個湯麵，可以有五件豬手，仲要係靚部位，係口豬皮再加少少肉，又腍又入味。刀削麵雖然係寬麵，煮得平均，食落唔糊口。大白菜鮮肉湯餃，平時係屋企都係食雪藏水餃，呢個手包水餃真係好食好多，皮薄得黎，將水餃包得實一實唔易散，裏面餡料咬落好豐富，柔軟多肉汁，仲有粉葛老火湯送。椒鹽花枝丸同炸蝦雲吞，都係即叫即炸，尤其係炸蝦雲吞，出面好薄脆，入面蝦膠打都超彈牙，每一份追加都係$12。食完熱氣野飲番杯凍豆漿爽晒！

今日有d想食餃子 特登來呢間鋪到買再買餃子上次食過都ok 主要係可以一次食幾款餃 又唔洗自己煮同埋出面見到佢個牌 見到d小食都好似幾抵食買完之後發現價錢好似貴左？再睇張單同出面show 出來的唔同再細問之下先知原來小食 外賣9折 堂食半價😂Openrice叫我修改下文章 請加入更多食物內容或用餐分享咁我唯有加多少少食評湯餃—》係餃子 但無話超一般好食芝士蝦丸—》4小粒 略嫌芝士不足手拍青瓜—》一般野 只係想有d菜？balance下

📍維港灣餃子坊🎗️之前就跟媽咪還有男友一起去過，覺得黑松露跟芝士煎餃都不錯～.🔸三重芝士煎餃 應該是拿水煮的起司玉米餃去煎，然後在表面淋沙拉起司醬再灸燒，喜歡🧀的會覺得不錯。覺得跟我之前吃的芝士粟米煎餃的作法不太一樣，像先用水煮熟才再煎底皮。🔸芝士蝦丸熱辣辣時一口咬破起司會有流心效果，丸子很彈牙，如果蝦味更濃/再多兩顆會cp值更高🔸鹹蛋黃芥菜鮮肉煎餃（8只）湯底是不太濃的豬骨湯，餃子皮整體算薄，這款餡很看個人喜好，畢竟芥菜是有味菜🔸老火靚湯每次都會有不同，這次是粉葛湯～好喝。如果可以添飲就好了.💲 約Hkd 60 @人🏡 香港元朗教育路77號京都閣地舖🕐 星期一至日 11：00 - 22：00.#hk #hkig #hongkong #hkgirl #hkinfluencer #influencer #hkkol #kolhk #foodie #foodiehk #hkfoodie #foodies #香港 #女生 #美食 #香港美食 #美食分享 #美食推薦 #黃色經濟圈 #黃色小店 #黃店地圖 #良心小店 #香港小店 #香港加油 #好物分享 #元朗美食 #餃子#煎餃 #維港灣餃子坊

這間餃子店在元朗有2間分店, 都標名不添加味精, 所以進去試試!作為餃子控, 這間餃子雖然不算大粒, 但是皮薄通透, 饀料好多, 食得出新鮮, 無雪藏味!我點了韮菜鮮肉餃湯菠菜麵, 沒想到餃子做得好之外, 連麵都沒有馬虎, 菠菜麵真的有一點點深綠色的菠菜在麵裡面! 湯底是豬骨湯, 不錯!!朋友點了整大白菜鮮肉湯餃, 只點餃子的話會有一碗是日靚湯附送, 還寫明沒有添加味精!! 粉葛豬骨湯, 朋友說湯好濃好足料, 好好飲!!!

天氣超級熱呀 🤗六月份已經三十幾度 想食啲濕濕地嘅嘢 ，見到呢間維港灣餃子 ，元朗2⃣️間分店，好多街坊都一致好評 👍👍店舖裝修非常企理乾淨 仲有不少牆壁畫作 感覺好輕鬆 😌😌餃子選擇亦都多 午市 仲有 追加 小食 全部12蚊 ，飲品六蚊 ！抵食 ！送家常老湯 不添加無味精 ，值得一讚 ，飲落就知😋😋揀咗招牌四拼湯餃 ，有大白菜、韭菜、香芹、芫茜 ，好適合夏天食 😁粒粒飽滿 餃皮不太厚 非常juicy🤭🤭食得出很新鮮呢 😝😝配埋是日靚湯 42蚊，超值 ！咖哩烏冬拼煎餃同樣出色每日新鮮自家手作 果然唔同 🥰🥰驚唔夠飽仲有麵食添 湯底非常有誠意，飲曬啲湯，哈哈 😄真心唔錯呢！個夏天應該會常來😎''

今日約咗朋友聚一聚，咁岩佢又係住喺元朗所以約咗佢泥元朗依間食餃子好出名嘅維港灣餃子坊。其實我之前都已經食過了，味度認真唔錯👍🏻所以我今次再覆桌，元朗餐廳第一時間就諗起依間經濟實惠又好味嘅餃子店。裝修依舊搞鬼，牆邊啲圖案認真有趣。鹹蛋黃芥菜鮮肉湯餃麵（5隻）（$45）依個係我點嘅當然最後大家share 食物，餃子好高質鹹蛋黃同芥菜出奇地夾而且真心建議大家點上海麵，因為麵條非常爽口彈牙，直頭想encore 多一碗麵呀。招牌四拼湯餃（8隻）（$42）有大白菜，韭菜，香芹同芫荽味，其實款款都好好味皮薄餡靚，非常香口，一食難忘👍🏻另外佢再配多一碗老火靚湯，少味精，飲得出係充料熬製。農家豬手湯麵🍜（$38）依個係我朋友叫嘅，不過我亦都試咗啲豬手，非常林甜好食👍🏻最後仲叫咗一杯銀菊露同酸梅湯，清清地幾好飲唔記得咗影相🤪

喺教育路嘅呢一間維港灣餃子坊都開咗好幾個月，一直好想嚟試吓，適逢今日唔想食永年，就行過佢對面試吓呢間餃子店。日本UCC無糖咖啡，餃子店嘅飲品通常都係豆漿汽水菊花茶，但係維港灣竟然有咖啡飲，仲要係日本UCC嗰隻，胖侶見到即刻心心眼。招牌三併餃酸辣湯米線，招牌三併餃分別係大白菜餃、韮菜餃同埋香芹餃，餃子粒粒肥大肉厚，相當足料，菜肉大約三七比例，童叟無欺，大白菜餃口感爽脆，韮菜餃韮味香濃，明顯係要夠新鮮先至做到呢個效果；酸辣湯味道平衡，唯一可以挑剔嘅係米線有啲腍，如果爽身啲應該會更好。三重芝士煎餃，呢個芝士煎餃嘅賣相相當吸引，咬開裏面係滿滿嘅豬肉，面頭仲有海量嘅芝士同埋蟹籽，充滿住日式嘅風味，呢三重芝士分別係由 parmesan、mozzarella 同 cheddar 三種芝士所組成，認真"芝"味滿足。