維港灣餃子坊

營業中

休息中

見到佢外賣有折所以就去咗買～買咗一打生嘅芫荽鮮肉餃同埋鹹蛋餃～折咗之後嘅價錢完全係CP值極高！！！而且好足料好好味🖤 一入到舖頭見到個師傅keep住咁樣包餃子所以非常之新鮮～而且師傅都有戴口罩手套呢啲做足安全措施，非常衛生雖然拎個外賣返到屋企嗰陣個鹹蛋餃冇咁熱，但係味道依然非常之好，食落口食到啖啖肉，仲有微微嘅鹹蛋香滲出嚟，唔會搶過肉嘅味道，配餃子嘅湯都非常之好飲，唔會有好重味精味，所以我成碗飲晒🙈芫荽鮮肉餃我攞到返屋企煮嗰陣味道依然係同餐廳食到嘅差唔多，而且芫荽味都唔會話特別重，所以我覺得唔係幾鍾意食芫荽嘅人都可以試吓✨

難得嚟到元朗，發挖吓啲特色小店先！店內牆上畫滿了喜歡食餃子嘅畫作。小店每日人手新鮮製作兼包餃子，每隻都大大隻吖！招牌四拼餃子 8隻 $42🥟四拼餃子款式為大白菜、韮菜、香芹、芫茜。🌿芫荽餃子採用新鮮芫荽，味道又唔會太濃🥬大白菜餃子，食落好爽口，同豬肉味道混合埋一齊好夾！🥒香芹餃子，西芹味道好清新，西芹味道濃過芫茜。配是日老火湯一碗 無添加味精老火湯底真材實料，好清，飲完唔會喉嚨痛。🍤流沙咸蛋鮮蝦餃 3隻$28一開始以為喺點心個種蝦餃🤣原來喺鮮蝦餃子配咸蛋醬，鮮蝦味道適中，咸蛋醬味淡淡的，餃子皮有啲硬度同煎餃皮唔同，不妨一試😆🔥咖哩撈鳥冬套餐B. 雙拼煎餃 芝士粟米, 芫茜🍜呢個煎餃配咖哩烏冬，有麵有煎餃，唔怕食唔飽！煎餃子唔會太焦同太乾，餃子皮一邊煎焦，另一邊個皮仲保持到有彈性。🥟煎芫茜餃子，味道香啲同埋芫茜味道濃過湯餃！咖哩鳥冬，烏冬超彈牙，份量都幾多，咖哩喺辣咖哩🌶️！！！

上次黎元朗食過水車館街既分店，覺得幾好味。今次去睇完大棠既紅葉之前，行經教育路，竟然咁有緣份又見到有維港灣餃子坊！因為已經過咗六點所以只可以買外賣。上次食過韭菜豬肉餃，覺得濃味嘅餃子真係好好味，所以今次都想再食多一次！原來生鮮餃賣！所以我就同朋友一人要咗一打嘅韭菜鮮肉餃，另外share 一打既芫茜鮮肉餃，當作入大西北既手信拎返屋企比屋企人試下！😬今朝早拎左出嚟自己煎，都係用返一般嘅簡單煎法，餃子質素依然同上次一樣咁好！每粒餃子都非常飽滿、足料！皮薄餡靚！啖啖肉！大滿足！😆另外，外賣煎子盒係可以將每個餃子都分開的，非常有誠意！👍🏻

🔎維港灣餃子坊 （元朗） 💛📍元朗教育路77號京都閣地舖-🔹咖喱撈烏冬 五拼湯餃 $48（韮菜、芫茜、大白菜、香芹、芝士粟米）好少餃子可以配烏冬 仲要係撈咖哩汁 加上一次過可以試5款餃子 呢個選擇都唔錯講返啲餃子先 我最鍾意係芫茜餃 韮菜餃都好香 芫茜餃就湯餃好過煎餃是日靚湯係粉葛豬骨湯 好足料又無味精🔹咖喱撈烏冬 雙拼煎餃各方2隻 $48（芝士粟米餃＋芫茜餃）重口味嘅我鍾意煎餃多過湯餃 而且呢兩款餃我都好鍾意食 芝士粟米餃煎香過比起湯餃更好味！半溶嘅芝士加埋大大粒嘅粟米咁當然芫茜煎餃都好味啦 （芫茜控表示點整都好味🍴搵返相關地區👉🏻 #90sfoodieshare_元朗#食在元朗 #餃子系列

行經元朗，見到呢間餃子店，都聽過唔錯，咁岩想食下餃子清清地就去左食。環境入到去都幾闊落，好多掛畫裝飾，睇得幾有心機。睇個餐牌好多款，價錢都好平民價一般30幾至60左右，佢餃子麵好平 ，30零蚊 ，太多款就簡左幾款餃子，2個小食。泡菜鮮肉煎餃$39一碟有6隻，煎得好金黃色，食落去第一口已經有泡菜，都唔係細條，唔會太辣，好香泡菜味，煎餃最岩配埋醋。招牌四拼湯餃$42蚊呢款有齊大白菜，韭菜，香芹，莞茜，一款2粒，粒粒大細一樣，皮既厚度岩岩好，食落去一大舊豬肉，粉色好鮮好嫩，菜味好出，由其香芹突別出味，湯底係豬骨，飲得出唔係味精湯，有少少似藥膳湯味。另外點一個餃子有一個老火湯送係山珍雞湯，唔好以為送唔係好野，真係冇味精，都係有藥膳湯味。麻辣藕片$12一大碟，好爽脆，好有麻香味辣度夠 蓮藕好新鮮，好岩做開胃餸。炸蝦雲吞$12細細粒一口食哂好方便，上面有炸蒜片，夾埋一齊食好香脆，蝦肉一大粒好足料。豆漿有豆香味，甜道適中，食完辣或者試另一種味餃子清清口唔錯整體黎講cp值高，又平質素又好，午市小食都係$12蚊一款，真係好抵。維港灣餃子坊 元朗店

江南花雕醉雞 $38✨酒味濃✨雞肉都幾滑同份量夠多-炸雲吞 （5隻） $24✨比我想像中細粒啲✨但好脆口-韭菜鮮肉餃（5隻）配菠菜麵 $38✨湯仲有豆卜，索晒啲清湯唔錯☁️但個湯底係油左少少✨餃好飽滿✨麵唔覺好重菠菜味但係有咬口唔會太林係好既-流心芝士粟米煎餃 （6隻） 配是日靚湯 $45✨芝士好軟滑真係塞爆晒個餃☁️好厚皮 😂 唔知係咪驚芝士爆出黎✨個湯勁正！是日係蟲草花雞湯✨唔油，好清甜✨如果個麵係呢個湯底就正 😍

老公今天特別想吃餃子，於是老婆我，就專誠到「維港灣餃子坊」買餃子外賣回家，與老公一起享用。「維港灣餃子坊」是元朗一家比較有名氣的餃子店，它有兩間分店，我就到了位於教育路的分店。今晚是全餃宴，我點了一客芝士粟米煎餃、一客韮菜鮮肉湯餃和一客招牌四拼湯餃。一共22隻餃子，吃得非常滿足！芝士粟米煎餃的芝味濃郁，餃子皮十分透薄，餡料澎湃又多汁。韮菜鮮肉湯餃亦非常有鮮味，韮菜很香，咬開時肉汁四濺，沾上配備的辣椒油一起進食，簡直是絕配。最後還點了一客招牌四拼湯餃，包括是西芹、芫茜、韮菜和白菜四拼，一次過試盡四款口味，其中白菜湯餃很清甜，必食！滿足的全餃宴外賣，可以 encore!

突然好想吃餃子，便透過openrice搜尋，發現這間口碑幾好便試試，叫了蜆蚧鯪魚球👍， 大白菜鮮肉餃湯麵， 鹹蛋黃芥菜鮮肉餃湯麵👍，凍豆漿👍，好味會再幫襯，見到有生餃子外賣，下次會試試。

今天與好姐妹遊元朗，由於姐妹晚上有約，我又不想獨自在外面吃晚飯，於是買外賣回家吃。姐妹介紹到這間叫「維港灣餃子坊」，一間於元朗教育路很有名的餃子專門店。外賣回到家仍然是熱呼呼的！有選擇困難症的我，點了一客雙拼煎餃。餃子的皮十分透薄，餡料澎湃，粒粒餃子都很飽滿，而且非常多汁。芝士餃子的芝味十分濃郁，喜歡芝士的朋友必點。韮菜豬肉餃亦非常有鮮味，一咬開餃子時，肉汁四濺，一試難忘。大部分小食的價錢都非常經濟，而且好吃到不得了！我點了兩款小食，包括是蒜泥白肉和成都口水雞。特別是蒜泥白肉，它的蒜蓉超多的，豬肉肥瘦適中，每一刀都是薄切的，而特製的醬汁和蒜香滲透在每一片白肉，讚呀。下次一定會再來！

最近疫情緩和返少少於是都多咗時間入下元朗食晚飯今晚呢就經過元朗嘅各大小街道啦就發現咗呢間食餃子嘅舖頭咁佢睇落去好樸實平民化感覺上好有手工感嘅餃子咁樣於是我哋兩個就入去試吓啦，見到佢有好多款唔同嘅配搭可以揀有湯9.9仲有唔同嘅飯等等都好齊全好多選擇嘅，咁呢我哋叫咗幾款分別係招牌4拼湯餃，入邊有八隻，每兩款都有唔同嘅口味食落去都幾正因為佢係皮薄又餡靚而且入邊嘅肉都好入味！另外我哋仲叫咗三重芝士煎餃，呢個同頭先嗰個完全係唔同嘅做法首先呢個係@gym 㗎啦但係佢識落都會一樣好有手工嘅味道，而且配左好豐富好多好多嘅蟹子喺上面令到食落去有少少覺得係有日式嘅感覺！不過又真係好好食喎，配埋佢哋獨家秘製嘅菜譜辣嘅一齊食又真係好夾，真係覺得好好食喎！另外呢其實我哋都好欣賞佢個靚湯，呢個家常惱火靚湯係粉葛赤小豆煲豬骨。飲落去真係感受到淡淡嘅暖意！因為呢個湯好好飲有查好入味亦都同湯搞同煎餃都一樣好夾食完呢飲番啖湯就更加唔會有油膩嘅感覺！正呀！另外豆漿都好好飲！呢度係一間充滿人情味嘅小店！有時間過嚟真係要多多幫襯下！小店加油！

年幾前幫襯過維港灣舊鋪，佢個碗充滿家的味道嘅粉葛豬骨湯，清甜而且食落真喺無加味精，到宜家都記在心上。之後食過其他餃子店，都有食到好食嘅，但無一間做到維港灣個碗湯。今晚放工放得早，決定去佢元朗大馬路新鋪回味番。新鋪喺大馬路再行入去明渠附近，可以行埋附近啲街鋪，最後去到餐廳。鋪面就比舊鋪細啲，牆上面都有掛啲搞笑嘅海報，睇完會會心微笑。今次都叫番佢招牌四拼，同埋試下個新口味-三重芝士餃，加杯豆漿。呢到無論你叫湯定煎，每份餃都配一碗靚湯。先飲啖湯，有豬骨香甜，完全食到鮮甜味道來自食材，絕不是以味精提味，是久違了的味道! 餃子依然皮薄餡靚，食呢個餃子一定要配埋佢地的辣菜圃，微辣又夠鹹香，我會額外再滴少少醋在餡中間，自製豐富層次。三重芝士餃中間有濃鬱芝士和粟米，上面再鋪一層芝士和魚子。呢個帶點fusion風格的餃子，令我想起元氣和爭鮮。濃鬱的芝士，甜甜的粟米，還有獨特口感的魚子，味道新奇，配搭顯趣味。

秋風起 🍂天氣開始轉涼 ⋯最啱食啲暖笠笠嘅嘢～行完街 路過呢間餃子店 見到出面Menu好似唔錯喎！就入去試吓啦～ 店內裏面嘅poster設計新穎 而且播嘅歌係BLACKPINK最新嘅album 🎼就叫咗三重芝士煎餃 韭菜鮮肉餃湯麵（刀削麵）、椒鹽花枝丸椒鹽花枝丸（6粒@$22）雖然前幾日先食完椒鹽花枝丸 🥴但係本人鍾意食花枝 所以決定試吓呢一間 呢一間外型就係圓轆轆唔似之前嗰間凹凹凸凸 雖然見唔到一啲花枝粒 但係味道反而比較好 而且帶有鮮甜嘅味道👍🏼仲有啲啲椒鹽 、炸蒜同蔥花點綴好夠味！重口味必選！韭菜鮮肉刀削麵 (5隻@$38）湯底係豬骨湯底 平時鍾意重口味嘅我亦都幾正 係夠味！ 韭菜豬肉餃正常 欣賞嘅係個餃皮滑嘟嘟👍🏼普遍食刀削麵比較厚 但係呢一間係偏薄 個人比較鍾意食薄d 因為比較易入口 呢一間嘅辣菜脯 係我食過咁多間來講算幾辣嘅 加幾粒落去調下味已足夠！建議試咗原味 先跟住再加幾粒轉一轉味道😄三重芝士煎餃 （5隻@$68)一嚟到見到煎餃賣相討好～跟一碗例湯（粉葛赤小豆豬骨湯）飲落感覺都自家製冇味精 👍🏼 三重芝士煎餃上面鋪咗堆蟹子 ～一食落口 🤭幾好味喎！平時唔係太好芝士我都覺

中午時間見到教育路維港灣未多人，一輪無食，食下先餐牌上選擇非常多，點左一個咸蛋芥菜鮮肉餃，一個招牌三拼餃，兩個都跟波菜麵之前試過食刀削麵好好食，今次轉下先麵來了，先講餃子，餃子量份夠晒多，每碗有六粒，每一粒都好飽滿，咬開見到肥瘦分明食落好Juicy，首推鹹蛋黃芥菜鮮肉餃，出奇的夾另外見到餃子有生鮮外賣，就嚟冬天，下次真係要買返一打返去試吓自己打邊爐至於個波菜麵，加入菠菜和面做成，個味好好，食落似啖啖撈左菠菜咁，菠菜本來就係健康食物，加入麵都好食，推介大家都可以嗌呢個麵，夾起掛湯嘅見啲餃子咁好味，叫多個煎餃先，選左黑松露鮮肉餃拼韭菜餃，皮煎得好香口，入面仍然嫩滑juicy，原來仲會跟個粉葛湯，都幾好飲最後飲埋杯豆漿，都幾有豆味，呢餐中午平靚正

一向都好鍾意食餃子，呢度餃子嘅種類都好多。叫咗個香芹豬肉湯餃麵，一共有五隻，每隻都好足料好大粒。平時食開餃子鋪嘅湯麵，大多數都係配上海麵，但呢度有足足六款面揀而且仲有得揀烏冬添！而呢一個湯底個係豬骨濃湯，湯底好清甜，而我呢就揀咗刀削麵，湯麵佢仲俾咗兩個豆卜。食得餃子又點少得菜甫，呢度嘅菜甫有少少辣，好惹味。另外小食叫咗蒜泥白肉同埋土匪雞翼。呢度嘅土肥雞翼望落去呢好似炸過咁，好香脆，入邊嘅雞肉亦都好嫩滑。呢到既蒜泥白肉超多蒜，豬肉片比較厚身。呢度仲有其他新款既餃子，朋友叫咗個鹹蛋黃芥菜鮮肉餃都好特別，估唔到鹹蛋黃做餃子餡都幾夾。見到餐牌仲有芝士系列嘅煎餃架！ 下次一定要來再試下。

係屯門行完菠蘿山好肚餓，於是同朋友到元朗呢間咁出名嘅餃子店食晚餐。由於實在太肚餓，我哋幾個各自嗌咗一碗湯餃麵：大白菜鮮肉湯餃(8隻)、香芹鮮肉湯餃配刀削麵同埋鹹蛋黃芥菜鮮肉湯餃，再嗌多咗個土匪雞翼同蒜泥白肉。啲餃子非常足料，勁有份量，隻隻都包好包滿！講吓大白菜鮮肉湯餃先，因為冇跟麵食，所以份量多啲，總共有8隻，仲有一碗老火湯配，勁有屋企人煲嘅煮家湯味！鹹蛋魚芥菜鮮肉湯餃比較特別同新穎，好少見有舖頭會將鹹蛋黃放入餃子到整，十分有諗頭！食落去同豬肉芥菜嘅口感十分夾，有下火功用，強烈推薦！！！土匪雞翼比起平時食開嘅大隻，皮脆肉暖，黑椒味又唔係特別濃，易入口。而個蒜泥白肉嘅蒜蓉都好入味，豬肉易咬唔韌，份量亦都好多，超級抵食。我哋仲嗌咗豆漿同銀菊露，消暑解渴一流。