維港灣餃子坊 (已結業)

近排天氣咁凍又乾燥 想飲碗老火湯滋潤下 之前買過連鎖集團湯包 又貴味道又唔足料 所以又再次喚醒我去維港灣揀餃子配無添加味精老火湯先同個湯包差唔多價錢 但呢到高質素好多今日我除左要個芫荽豬肉煎餃 仲要左個口水雞同蒜泥白肉，湯同埋 我哋仲要咗杯銀菊露由於限聚 我唯有買返屋企 不過無改食物高質素 一客共有六隻餃子 個皮底部煎到有d脆口 內面餡料飽滿 芫荽唔可以擺得太耐 否則口感會有所不同 所以絕對食得出呢到餃子新鮮製作 芫荽香氣十足 又唔會霉 作為芫荽迷我非常欣賞 跟配是日山珍野菌雞湯 簡直係住家湯味道 非湯包可以相提並論 口水雞同蒜泥白肉 見到粒粒細細辣椒粒 兩樣都辣得過癮 爆蒜口味岩晒我 份量又唔少 個人鐘意白肉多d 好彩要左杯自家製銀菊露 甜甜地又清熱解辣

呢間野其實真係食左幾次因為D餃子真係好好食皮同餡嘅比例係做得幾好嘅，個皮係彈牙嘅但最近可能係D肉差左 吞嘅口感差左好多佢3個待應真係唔係好掂 3個都係企係門口度瘋狂傾計，完全唔理客架啦，個阿姨理左後面入先嗰個，我冇野好講，明明我叫先，佢亦都見到，佢唔係特別差服務態度嗰種，佢似係蠢嗰種，嗰兩個後生男女待應態度其實麻麻，呢代後生仔女咁黑口黑臉，係好明顯嘅黑口黑臉，唔係冇表情，佢地D態度真係好差，3個都係。服務態度差到完全覺得想大嗌 你做乜野啊皮同餡嘅比例係做得幾好嘅，個皮係彈牙嘅，肉可能放耐左，最近食有小小奇怪嘅質感，我都係真係第一次間餐廳係好食，而服務態度差到你食完係感得唔開心架。

平時好少去元朗，這日來到元朗一帶周圍行吓，午飯時間來到維港灣餃子坊，品嚐小店水餃滋味。佢哋嘅餃子列明自家手作，另外都有話例湯係無添加味精，感覺健康。這一天的例湯是蟲草花湯，飲落都幾有自家湯水感覺。我地點左招牌三拼餃，配讚岐烏冬 三拼餃包括：大白菜餃、香芹餃、韭菜餃。 每一種味道都有兩隻，我哋兩個人食剛剛可以試到唔同味道。呢三款餃子各有特色，餡料充足，感覺新鮮。韭菜餃最住家感覺，有菜的甜味：香芹餃芹味突出：大白菜餃內菜肉混合得均勻。讚岐烏冬亦幾彈滑，好味！之後，我哋都點左一份黑松露鮮肉煎餃。煎餃嘅感覺同湯覺好唔同，視乎你個人喜好。湯餃就健康啲，可以品嚐到餃子本身原味；煎餃底部煎得香脆，口感較豐富。在出邊的餃子店比較少有黑松露嘅味道，黑松露原來同餃子肉餡都好配合，更多一層鮮味。飲品我第一個叫咗盒裝維他檸檬茶，以及熱蜂蜜柚子茶。總括來講，佢依間餃子店比較新派，相信佢哋會定期推出新嘅口味或者食法。

元朗真係好多特色小店，雖然平時唔係成日去元朗，但今日放假朋友專登話帶我入元朗行下食下野😁 佢話知我鐘意食餃子，專登帶我去試呢間「維港灣餃子坊」！小店裝修簡約衛生乾淨，牆上仲有好多有趣幽默既插畫😁 而且幾有空間感坐得算幾舒服，唔會好迫！餐廳主要食湯餃、煎餃、麵類同小食. 餃子口味亦都相當多選擇，真係非常吸引！因為好多口味都想試可惜只有一個位🤣鹹蛋黃芥菜鮮肉湯餃🥟呢個口味真係好特別，我都係第一次係餃子店見到😍 咁當然係要試吓啦！餃子一共8隻，隻隻餃子都好大隻，餃子皮薄身剛剛好，餡料十足粒粒都脹卜卜！鹹蛋黃芥菜味都好突出，唔使點任何醬汁原汁原味已經好好食，真係幾特別冇令我失望！老火湯都幾清甜沒有味精，飲完都唔覺口渴👍🏻黑松露拼韮菜餃🥟想試兩隻口味，不仿叫兩拼試下😁 兩隻口味各三大隻，可以試多一款口味正呀！煎餃即叫即煎熱辣辣👍🏻 黑松露鮮肉餃口味都幾夾而且份量剛剛好不會被黑松露搶去味道，好balance 👍🏻 韮菜餃都很大件，咬落很juicy 如果韮菜再多一點相信會更好吃😍它們自家製的辣菜譜也是非常吸引，我平時吃餃子🥟都喜歡夾著辣菜譜一起吃☺️不要錯過呀！最後點了一份小食 - 成都口水雞口水雞非

今晚我屋企人話要喺維港灣買生餃子咁就索性喺嗰度食餃子啦餃子皮薄餡靚，非常有水準煎餃子方面，佢係以煎一面嘅方式去整煎嘅嗰一面係酥脆香口另一面保持軟熟，食落有層次芝士粟米煎餃比較溫和咬開係清楚見到有唔少芝士食落粟米嘅甜同芝士嘅濃好夾！至於芫茜煎餃，就好適合我呢啲芫茜控對我嚟講，係散發住清新嘅芫茜味！呢個雙拼覺嘅配搭都幾好拼埋一齊食都唔會有違和感至於烚嘅淨餃子，屋企人話皮薄餡靚，同埋啲肉唔會有好多肥膏。最後，土匪雞翼係炸嘅，即叫即炸即上，外皮有黑芝麻，咬落非常酥脆可口，雞翼本身醃得好透，食落有肉汁。

行完山肚餓搵野食，發現有間餃子店就決定一試😂👉 鹹蛋黃鮮蝦豆苗餃期間限定， 超級推薦💁🏻‍♀️💁🏻‍♀️💁🏻‍♀️ 鹹蛋黃流沙醬重口味配上足料大大粒的炸鮮蝦豆苗餃🥟，非常好食😋👉 韮菜鮮肉餃韮菜食得出好新鮮有汁👍🏻， 餃子整體皮薄料足， 下次可以試下自己買外賣生餃返屋企都得😉👉 芝士雞肉煎餃芝士雞肉餃就有d失望， 煎餃並非煎餃而且上堂就油淋淋☹️ 芝士係笑牛牌芝士醬d 朋友， 加埋雞肉會偏淡口🤨

今次本身主要想嚟食餃子同埋鯪魚球 點知店員話鯪魚球冇貨 佢就推介我哋試下蒜泥白肉 估唔到個蒜泥白肉咁好味決定要分享下餃子就揀咗大白菜湯餃 煎餃就揀咗粟米芝士 餃子一如既往咁高水準 足料多餡 湯餃皮厚度岩岩好 煎餃皮夠脆 裏頭嘅芝士非常多 配埋粉葛老火湯滋潤下 性價比超高 試過幾種餃子 每款味道都非常唔錯 至於個蒜泥白肉 份量多之餘 肉唔會太肥 一層薄薄地 重點係個醬汁 唔會太油同死辣 好多蒜 好香濃惹味 太好味搞到我要煮個麵涼拌食晒d汁 最後要杯自家銀菊露 唔太甜 唔錯

今日唔係好想食飯，想食下粉面濕濕地，就同朋友仔嚟咗維港灣餃子，呢度價錢好抵食喎！好，坐低睇吓有咩好食先。椒鹽粟米，粟米表面脆得來，裏面依然係濕潤，加埋上面嘅炸蒜、黑椒同鹽，食落好香口。招牌三拼餃上海麵，有大白菜、韭菜、香芹三款，全部大大隻非常飽滿，水餃一隻匙羹咁大，好抵食，上海麵幼滑彈牙。大白菜鮮肉餃波菜麵，水餃皮薄餡多，裏面肉同菜嘅比例平均，波菜麵麵條好滑，唔錯。飲品叫咗豆漿，豆漿係用密封形式，衛生乾淨，抵讚！

元朗岀名多美食，不過我哋今晚想食得簡單啲，所以行咗個圈，最後揀咗呢間食餃子嘅小店食個快靚正晚餐。黎到梗係要點幾款餃餃試下，再加兩個小食，介紹下野食:韭菜鮮肉湯餃🥟總共8粒，粒粒飽滿脹卜卜，幾靚仔點少少醋食，簡單美味，唔錯喎芝士粟米拼芫茜煎餃🥟最鍾意❤️食呢個芝士粟米餃，一咬落去好芝士🧀流晒心咁，好正呀！我本身唔好芫茜，但試咗一粒又覺得ok喎，無我好抗拒果種怪味。每款餃都連一碗無味精靚湯性價比🆙蒜泥白肉賣相好吸引好蒜，又唔會好辣，幾惹味椒鹽粟米🌽由於我本身非常鍾意食粟米，所以一見到menu就決定要試試。係切成一片片嘅炸粟米，表面鋪滿好香口嘅椒鹽同炸蒜，都唔錯喔！再加一杯豆漿

今日坐足五個鐘整把稀疏嘅頭髮，整完都四點幾，好肚餓！我好想食餃子🥟我就問髮型師元朗有乜餃子好食，又要喺附近！佢就推介呢間維港灣餃子坊！坐低即刻望吓個餐牌，推介係韭菜鮮肉湯餃、招牌四拼湯餃等！我就叫咗個韭菜鮮肉湯餃同一杯豆漿，其實我心中想食四拼餃㗎！但係我唔鍾意食芫茜，就無叫啦！之前我髮型師推介過芫茜，佢話勁多芫茜，勁香！可惜！我味蕾好抗拒，無辦法之下保守啲食返韭菜餃，橫掂而家戴口罩無人發覺我口臭😹湯餃好快就有得食，我以為湯餃係將啲餃子浸入湯裏面，但原來係分開㗎！一碗老火湯加八隻餃子🥟是日老火湯係粉葛豬骨湯，但叫呢碗老火湯要$15，飲落無加味精，好飲但可惜湯係凍㗎！失望！餃子一啖咬落去唔散開，好實淨！手工唔錯，皮夠薄，多肉汁，名符其實皮薄餡靚😋我見到枱面有樽辣菜圃，我怕辣，都攞咗少少嚟送餃食，好好味呀！又唔會好似辣椒油咁油，加咗落去啲餃子度就變咗另一種口感！正👍🏻食到一半我就叫埋椒鹽粟米🌽，好快又嚟到有得食！睇落平平無奇嘅粟米，竟然咬落去好香甜！加上椒鹽帶出香脆又可口嘅味道，令我食到唔停口，真係好惹味，值得推介🙌🏻呢間店設計帶出香港本土文化及特色，一邊食住傳統餃子，一邊欣賞牆上插畫，真係

係元朗突然好想食餃子，搵搵下就黎左依間維港灣餃子坊入面樓底都好高，位同位之間都好闊，所以都坐得好舒服。依到真係好多餃子，仲要麵都有好多款，對餃子控黎講真係成日黎都得，一定唔會悶。咁兩個人叫左兩個麵，一個煎餃。先黎既係韭菜鮮肉餃跟刀削麵，個韭菜鮮肉餃真係不得了，好大隻，總共有５隻，但係因為隻隻都好大所以都好飽肚！仲要每隻咬開都好係好多料，韭菜個味好正，同豬肉永遠都係咁夾！刀削麵又唔錯，同個豬骨湯估唔到都幾夾。個豬骨湯唔係講笑，真係好濃豬骨味！我都忍唔住飲左幾啖。之後就係招牌三拼餃跟菠菜麵，分別有大白菜，韭菜，同香芹。依個更加不得了，佢比左６隻餃子！唔食個麵都已經好飽！佢隻隻餃子都好足料好大隻！仲要唔會係得菜或者得肉，係每隻同好平均，真心包得唔錯！好食既程度真係唔係講笑！好正！菠菜麵都唔會成日有得食，食落都好鮮，又係估唔到同個豬骨湯都好夾！之後黎既就係野生松茸鮮肉餃，佢好明顯係岩岩煎好既，因為好熱，食落口仲要好脆！入口幾驚松茸味會太多，好彩係岩岩好，唔會蓋過豬肉既味，反而仲帶出左肉味，兩樣野放埋一齊又係好正！最正係煎得好脆但唔會好油！令你會不停想食！之後仲跟左碗是日靚湯，係蟲草花雞湯。飲落

平時真係好少入元朗！啲人入親黎都係食果啲涼粉😅我本人又吾太好甜品！一心諗住搭小巴去下白泥！去之前就諗住係附訓搵下有啲咩食！點知就比我搵到呢間民間小食啦😛😛餃子店平時真係吾多食！呢間鋪頭啲裝修都幾靚坐得幾舒服！環境又乾淨！最勁既係佢門口會睇到啲師傅係到即場人手包餃子！證明佢地啲用料都係貨真價實👏🏻👏🏻👏🏻咁我就點左兩款餃子🥟！先講最有特色既就係佢個芝士粟米煎餃！皮薄餡靚😘😘最正既係咬落脆口！仲要滲滿哂濃濃既芝士🥺🥺好香好甜！除此之外！我仲叫左款湯餃！韭菜餃！都一樣咁出色菜同肉既比例岩岩好！每點一款餃子都會送多碗老火湯！真係正😚😚我仲點左款口水雞！口水雞肉多夠新鮮！破度岩岩好🖖🏼🖖🏼大家黎開元朗真係可以一試

今日同朋友入元朗朝聖，喺西鐵站行黎都好方便，我地一直向市中心方向行，行過門口見到呢度有好多唔同種類嘅餃子食，好多好少有、味道特別，重要喺每日新鮮製作，元朗之旅就由呢餐開始...既然想試多D餃子味道，就叫一客招牌三拼餃上海麵。有大白菜、韮菜、香芹各兩隻，而麵類亦有幾款可揀。碗麵份量都幾大碗，D餃每隻都皮薄餡靚、餡料份量多、好飽滿，菜粒同肉嘅比例啱啱好。我自己最鐘意韮菜，每次食餃子都必點。另一客叫左黑松露鮮肉煎餃六隻， 煎餃同樣大隻飽滿，外層餃子皮金黃焦香，餡肉保留好多肉汁、松露味又吸引！自家製銀谷露都真材實料，唔甜好飲，價錢實惠。

服務態度很好，店員有耐心回應問題，又不怕我們混亂地把菜點了一大輪。拍青瓜:是我食過最好食的拍青瓜，雪得夠凍，夠下去冰涼爽脆的口感很難忘，值10分。醬的部份也很出色，酸甜濃郁，帶有芝麻醬的味，荽茜味很突出，有一點點辣，非常開胃，好吃到我們忍不住點了第二碟。黑松露鮮肉煎餃:煎的火喉控制得不錯，不會煎到餃子皮太硬，剛剛好脆身，而且油不多，很健康。黑松露非常香，咬開看得到很多黑松露，用料很足。豬肉偏瘦，味道不會太咸，是媽媽的餃子味道。是日靚湯:我喝的是粉葛湯，顏色很濃，真材實料，豌底有一層粉葛的溶，證明煮得很久，是老火湯。幾十元餃子送老火湯真是超值，立時覺得CP值直線上升。炸蠔:即叫即炸，吃時要小心不要燙到嘴。外層鬆脆到不得了，蠔肉肥又飽滿。

放工就同同事去左食餃子，呢間自家製手包餃子專門店係元朗都幾出名，所以我地就去左食喇，睇下係咪真係真材實料先~呢到除左有煎餃湯餃之外，仲有麵可以食，我地兩款都叫黎食~近期都食左好多熱氣野，食之前飲番罐涼茶消一消熱氣~我地叫左款新派口味，就係芝士粟米煎餃，見到佢係餐廳推薦，入面包滿左芝士、粟米同豬肉餡，芝士味真係非常之濃郁，粟米一粒粒好飽滿，煎餃配上一碗是日靚湯，無添加味精，所以全部都係真材實料熬出味，飲完都唔會覺得口渴，好飲!我地仲叫左一碗大白菜鮮肉湯餃配菠菜麵，咁就可以一次過試哂煎餃、湯餃同麵，湯餃隻隻都大大隻，好飽滿，樸實美味，豬骨湯滲哂入湯餃入面，有陣陣肉嘅鮮味，菠菜麵好爽口彈牙。我同朋友都好鍾意食餃子，呢間就岩哂我地口味，話唔定會成為我地嘅飯堂!