維港灣餃子坊 (已結業)

今日同朋友入元朗朝聖，喺西鐵站行黎都好方便，我地一直向市中心方向行，行過門口見到呢度有好多唔同種類嘅餃子食，好多好少有、味道特別，重要喺每日新鮮製作，元朗之旅就由呢餐開始...既然想試多D餃子味道，就叫一客招牌三拼餃上海麵。有大白菜、韮菜、香芹各兩隻，而麵類亦有幾款可揀。碗麵份量都幾大碗，D餃每隻都皮薄餡靚、餡料份量多、好飽滿，菜粒同肉嘅比例啱啱好。我自己最鐘意韮菜，每次食餃子都必點。另一客叫左黑松露鮮肉煎餃六隻， 煎餃同樣大隻飽滿，外層餃子皮金黃焦香，餡肉保留好多肉汁、松露味又吸引！自家製銀谷露都真材實料，唔甜好飲，價錢實惠。