綠茶餐廳 (希慎廣場)

營業中

休息中

🍽️ 綠茶餐廳 - 銅鑼灣希慎廣場12樓 🍽️🌟 深圳綠茶餐廳呢個大品牌喺內地廣為人知，最近佢哋終於喺香港開設咗分店，打響頭炮！今次我過到嚟見到佢哋嘅裝修非常華麗，感覺非常高級。佢哋門口有古箏，門口嘅知客小姐仲識得彈古箏，讓人感覺特別典雅。🍴 **菜品介紹**：- 🦆 **板栗燒鴨**：呢個燒鴨嘅皮脆肉嫩，搭配香甜嘅板栗，味道層次分明，每一口都係極致嘅享受。- 🐔 **龍井烤雞**：龍井茶香滲入雞肉，香氣撲鼻，口感滑嫩，非常有特色。- 🥓 **麵醬餅五花肉**：五花肉煎得剛剛好，外脆內嫩，搭配麵醬餅，味道豐富，非常有驚喜。🌿 綠茶餐廳嘅裝修非常華麗，好靚，而且價錢唔算貴，性價比極高。無論你係想試新嘢定想感受高質素嘅用餐環境，呢度都非常適合。📍 地址：銅鑼灣希慎廣場12樓#綠茶餐廳 #銅鑼灣美食 #希慎廣場 #板栗燒鴨 #龍井烤雞 #麵醬餅五花肉 #古箏演奏 #高質素餐廳 #香港美食 #餐廳推薦呢間高質素嘅綠茶餐廳，絕對唔會失望！🍴😊✨

🌟 今晚探索咗銅鑼灣新開嘅浙江菜館，感受到滿滿嘅江南風情！🍃🏮 餐廳裝潢簡約明亮，用淺木系打造出空間感，仲有即席古箏演奏，氛圍超正！🎶🍲 推薦必試【雪菜酸湯魚片】湯底酸辣醒胃，魚片雪白嫩滑，無骨無腥味，底下嘅腐竹吸哂湯汁，超入味！🐟🍤 【蝦湯泡飯】用新鮮大蝦熬製，金湯濃郁，加埋脆米一齊食，暖胃又滿足～🍚🍗 【金沙雞翼】外皮脆脆，鹹蛋黃包裹住雞翼，炸得好酥脆，肉汁豐富，唔試唔得！🤤📸 #杭州美食 #綠茶餐廳 #雪菜酸湯魚片 #蝦湯泡飯 #金沙雞翼 #銅鑼灣美食有機會記得去試下，感受下最地道嘅杭州滋味！😘

E間餐廳應該好多人都唔會陌生, 佢係內地開超過420間店, 主打新派浙菜, 就算未食過都應該會聽過, 價格相宜, 款式多, 難怪開業之後經常滿座!⭐桂花糖水板栗睇個名就好想試下, 秋天就最岩食栗子, 一粒粒飽滿嘅栗子淋上桂花蜜糖, 好貼心咁栗子係連穀的, 因為如果唔係所有蜜糖就會黏哂係栗子本體, 最後會變得相當甜膩⭐江南熏魚熏魚肉質厚實, 食落甜甜地幾開胃⭐蝦湯泡飯上網見到好多人叫e個泡飯, 湯汁濃厚, 配搭脆米同食, 口感極豐富⭐粉絲裹蝦熱辣辣嘅粉絲口感軟身爽口, 食落超香又入味⭐麵包醬香五花肉外型好靚, 一件件捲住五花肉, 食落口感豐富唔膩, 感覺有少少似片皮鴨咁, 幾特別

放工走到銅鑼灣買野，正考慮緊食咩嘅時候，地鐵站出口就有大大個招牌，竟然見到我鍾意的綠茶竟然在希慎廣場開了店。環境裝修得太靚了，好有中國園林韻味，放置了許多翠綠的植物，很有自然氣息。睇得出餐廳在裝修花了不少心思。QR code下單，點了3個菜和3個甜點。龍井烤雞上枱一刻就有滿滿茶香，木鍋底下煙燻著龍井茶葉。雞烤得金黃香脆，雞肉嫩滑，尤其皮薄，所以雞皮食落没有太多肥膏。狀元芋頭煲芋頭切成一片片薄片，是手工之作，夾著五花肉，面頭灑上了青翠的香葱，成鍋上黎香氣撲鼻。芋頭質感粉嫩幼滑，好好食，加上五花肉的肥美，兩者融為一體，單食或者送飯都一流！蝦湯泡飯熱辣滾燙上枱，橙黃的蝦湯香濃鮮甜。入面有粒粒菜心和蝦仁，食前加入脆米，卜卜脆。$88有這個份量和質素，我滿意了。江南定勝糕造型小巧精緻，有綠茶、奶黃、紅豆和芝麻4種口味，食落帶米香，口感煙韌。桂花糖水板栗秋冬正是板栗當造之時，面頭的桂花糖水添了香甜味。簡單卻又可口的甜點。西湖桂花藕粉糊仔狀的甜品，食落一啲都唔甜，而且清熱解膩。埋單時侍應話餐廳推出午市優惠會送免費江南綠茶餅，又或者試下香港店限定的新出品茶飲。咁好服務，下次經過一定會再黎試！

入門口見到有個古箏，感覺已經好有中國風，入到餐廳內，擺設咗好多盆景造型🪴以及好像月亮嘅燈飾🌕，整間餐廳充滿濃濃嘅清新中國風，並播放著古箏彈奏嘅音樂🎶。🥢杭椒毛豆炒牛肉 $118牛肉軟腍鮮嫩，其他食材有三色椒、雪菜、毛豆、豆乾及筍片，整體惹味香口。🥢蝦湯泡飯 $88煲上熱辣辣，脆米直接倒落黃金橙色嘅蝦湯，泡飯與脆米索滿濃郁蝦湯，雙重口感雙重滋味😋。🥢粉絲裹蝦$108即場將鮮蝦煮熟，揭開蓋一刻香味爆發💫，蝦嘅生熟度剛好，爽彈多汁，仲有好多隻蝦添；整體蒜蓉味激濃超正，粉絲Q彈索滿醬汁好惹味👍。🥢蛤蜊絲瓜78蛤蜊鮮嫩，絲瓜清甜並配合蝦米嘅鹹香，煲出嚟嘅 湯頭鮮甜濃郁，簡單嘅食材卻食出原味道😋。🥢海苔松仁芝麻球$38黑芝麻流心食得多，海苔流心第一次食，超有驚喜🤩，確實好香海苔味，裏面仲有好多一粒粒嘅松仁，外表芝麻香脆，而內裡Q彈口感，讚👍。🫖有龍井綠茶及九曲紅梅茶可選擇，我哋揀咗龍井，香氣清香淡雅，飲落甘香爽滑，茶位$12可惜剛剛已埋單，見隔離枱叫咗兩杯好吸睛嘅飲品，原來係新品推出叫龍井檸檬茶及紅寶石琉璃，唯有留待下次午市再來喇，點解係午市？因為午市惠顧有江南綠茶餅送呀😆。

今日到訪位於銅鑼灣希慎，古色古香嘅江浙菜餐廳🤗 裡面裝修充滿中國古代氣息，山山水水畫意十足，連職員配合主題，穿著古代唐裝😆 風情萬種😘 好有氣氛👍 㨂咗幾款特色食品😚 首先當然要試下餐廳力推嘅綠茶餅😎 圓碌碌嘅綠茶餅上枱時勁香茶味😚 圍邊嘅芝麻又香又脆😋 中間嘅綠茶餡甘甜香口，有特色又美味❤️ 再㨂咗一客桂花糖水板栗🤭 超級大盤份量勁多👍 板栗連殼原汁原味，加上桂花嘅清香同埋糖水嘅甘甜滋味，食落粒粒滋味十足😆 食唔停口咁正🤝 另外㨂咗個五彩繽紛嘅江南定勝糕☺️ 好靚仔好啱打卡影相📸 食落軟綿綿好可口🤤 裡面有紅豆或者奶皇餡🌟 各具特色一樣咁正😋 主食㨂咗東坡仔排同埋黑松露牛肉炒飯❤️ 東坡仔排煮得濃稠惹味😋 夾埋清清地嘅炒飯一齊食，超夾啱啱好🤭 甜品試咗幾特別嘅茶香奶凍，同埋餐廳超出名嘅麵包誘惑🤩 奶凍好滑好嫩口😋 食落甜美中帶有茶嘅醇香👍 好有深度層次😎 麵包誘惑好大座勁壯觀😍 麵包早已切好一口大小方便食用😋 每一粒包包都有勁香牛油味😈 溫熱嘅麵包配上冰涼香滑嘅雲呢拿雪糕🤩 冰火交融嘅口感真係令人欲罷不能🥳 

希慎廣場嘅🆕新食店🌟綠茶餐廳🌟，主打江南菜式，裝修典雅不失時尚感👍🏻！閒日晚市要等位，人氣旺盛🔥！🐓龍井烤雞 $138烤至雞皮脆口，入面嘅雞肉嫩滑兼多汁！木碗有玄機，難怪食嘅時候仍傳出陣陣龍井香，不愧為招牌菜式！🫔麵餅醬香五花肉 $98麵餅香口，醬香怡人！入面嘅京蔥同埋青瓜份量啱啱好，正好中和五花肉嘅膩感！🍞麵包誘惑 $68烤至脆身嘅麵包粒配雪糕，冰火感覺真係好正！中間嘅麵包粒都有搽牛油，極具誠意！💚綠茶餅 $28圍邊嘅芝麻好香口，中間軟綿美味，真係又平又大件！午市惠顧仲會免運送你一份，優惠期至11月19日！♨️黑松露牛肉炒飯 $88炒至乾身，帶適量黑松露香氣！🫖茶介 $12/位可選九曲紅梅或龍井綠茶！仲有幾款潤飲江南系列嘅凍茶特飲，價錢都係廿零蚊！

我和媽媽喜愛食新派浙江菜，今次打算來到銅鑼灣覓食，享受美食的情趣，上網看見「綠茶餐廳」香港首間分店登陸希慎廣場，由杭州米芝蓮星級名廚俞斌擔任首席顧問。最近推出了限定日期的優惠，中午惠顧可半價享用麵包誘惑。龍井烤雞招牌菜之一，木盤底部煙燻用龍井茶，把茶葉清香進入烤雞中，雞肉很嫩，外皮金黃酥脆，每一啖都美味。蝦湯泡飯泡飯味香，湯底濃郁，蝦十分爽口，讓人回味無窮。板栗燒鴨板栗清甜，燒鴨肉質彈牙，帶微辣感，食到停唔到口。江南綠茶餅新推出的綠茶餅，綠茶脆皮，外層是芝麻，入面是芋蓉，充滿優雅不膩的滋味。龍井檸檬茶近排推出新飲品「潤飲江南」，其中一款是龍井檸檬茶，主料：龍井茶葉，輔料：香水檸檬，熊熊冰在上面好可愛，飲落解渴。綠茶餐廳（銅鑼灣）地址：銅鑼灣軒尼詩道500號希慎廣場12樓1202號舖

呢間餐廳以江南地區嘅經典竹元素為主調🎋主打嘅「浙江菜」由黑珍珠同米芝蓮名廚打造🏵️💗龍井烤雞($138)三黃雞用浙江龍井茶煙燻烤製，烤雞外皮金黃酥脆，皮下脂肪少，肉質嫩滑Juicy🍗食起嚟有陣陣茶香嘅煙燻味，味道特別豐富🍂💗雪菜酸湯魚片($128)雪菜湯底酸味重帶微微麻辣，美味醒胃，魚片份量多，魚片雪白脆嫩，最值得讚係完全無骨啖啖肉，而且冇腥味🐟底下仲有吸哂湯汁嘅腐竹，非常入味🍲💗黑松露牛肉炒飯($88)炒飯炒得乾爽而且粒粒分明，食起嚟有好多牛肉碎，唯一要挑剔嘅係完全食唔出黑松露香味🍛💗綠茶餅($28)用上江南綠茶葉做成麵餅，再沾上芝麻，口感外脆內軟，中間夾住綿密嘅芋泥，整體唔會太甜🍠

希慎廣場最近開咗新餐廳「綠茶」，餐廳非常有人氣，主打「浙江菜」，以中式江南風為主題，用咗竹林庭院場景增添氣氛，配合柔和的燈光，有種詩情畫意嘅感覺。西湖蓴菜斬魚圓好大粒魚肉球非常吸睛，入口感覺魚肉嫩滑，內裡彈牙，蓴菜系經典的蘇杭菜，口感的圓融、色澤翠綠，帶有淡淡的清香。用古典風餐具搭配，令用餐感覺很有意境。藕片切得薄而均勻，脆爽清甜，用咗脆片相隔，好睇又好食，桂花蜜糖汁令蓮藕上色有味。好鐘意江浙菜呢種偏甜口感。板栗燒鴨時今菜式！秋天到，又係板栗當做嘅季節，栗子清甜軟糯，搭配肉質鮮嫩的鴨子，滋補溫潤，板栗清香，鴨肉肉質鮮美，用香濃醬汁漫火加熱，燒鴨入味，好好味。龍井烤雞店員先會呈上完整的烤雞比客人打卡影相，跟住就會拎返去切開擺盤，木盤底部有龍井茶煙燻，茶葉清香就係從底慢慢薰入烤雞入面。烤雞外皮金黃酥脆，內裏鮮嫩多汁，茶香四溢，系必食推薦！黑松露牛肉炒飯選用優質牛肉，肉質冇渣。炒飯的松露香氣突出，米飯粒粒分明，吸收咗牛肉的鮮香同松露的風味，搭配香蔥，增進口感。綠茶餐廳 📍銅鑼灣軒尼詩道500號希慎廣場12樓1202號舖

希慎中餐好推薦🙌🏻餐廳裝修以風清竹影為設計主題整個空間帶舒服柔和既氛圍店員亦穿上華服 整體感覺都好中式💯而餐牌上面提供多款菜式 每款都好吸引蝦湯泡飯 以新鮮大蝦熬製成金湯至呈鮮橙色 蝦香味濃再加入脆米 粒粒脆米都吸收哂金湯既精華食落夠哂暖胃板栗燒鴨 採用左秋冬時令食材🌰香甜軟糯既板栗搭配肉質鮮嫩既鴨子🦆 鴨肉鮮香入味金沙雞翼外皮包裹住滿滿既鹹蛋黃而雞翼炸得好酥脆 肉汁豐富雪菜酸湯魚片魚片肉質嫩滑湯底酸度同鹹度都非常適中 再帶點辣🌶夠哂好惹味最後仲試左餐廳近排出既新飲品 龍井檸檬茶🍋同紅寶石琉璃兩杯都好好飲👍🏻

綠茶餐廳位於銅鑼灣希慎廣場，環境優雅，裝潢以淺木色為主，融合中國古典風格，門口更有古箏演奏，營造出詩意氛圍。龍井烤雞系餐廳招牌菜，外皮金黃酥脆，木簡底部有龍井茶煙燻，令肉質更質鮮嫩多汁。侍應會幫手切件。西湖蓴菜斬魚圓全手工製作的魚圓，勁大粒！口感柔軟帶魚肉的鮮甜，湯底好特別，用咗浙江蓴菜，滑撂撂嘅口感，清甜有層次。西湖藕韻新鮮藕切塊，入口非常軟糯，用咗桂花蜜上色，甜滋滋勁好味。江南熏魚有溫度的小菜，外酥內嫩，帶有濃郁的香甜味。黑松露牛肉炒飯米飯粒粒分明，充滿黑松露香味，加入牛肉粒粒，口感豐富有層次。最近餐廳仲推出咗午市半價麵包誘惑的優惠，勁抵食！等我下次再過嚟試吓。

🌻重陽節放假與老公去《綠茶餐廳》探店，今次是第二次來，上次晚市一個人來，選擇少，今次可以試不同菜式。餐廳來自中國大陸，在深圳惠顧了數次，價格相宜好吃。香港店價錢是提高了，雖然如此，在香港租金、薪金昂貴下，算合理！🌻白天來餐廳比較合適，採光足夠，古色古香配現代風，感覺舒適。餐廳點菜用QR code，揀了幾款招牌食物。粉絲裏蝦$108蝦爽口，粉絲充滿蝦香東坡小牛肉$48（位）手工仔細，肉質嫩滑麵餅醬香五花肉$98有吃片皮鴨口感，香口宋嫂魚羹$48魚湯香濃江南定勝糕$28口感軟糯，不甜，餡料配上抹茶、紅豆、棗泥，增添美味海苔松仁麻球$38熱度十足的甜品，芝麻香口用餐後體驗：食物做得好。服務要加油。菜式選擇不多，希望將來增加。至今我已去了三次

今日朋友帶我去呢間位於希慎新開嘅江浙菜，中午時間都好多人，我地都要等一陣。龍井烤雞呢個係朋友介紹一定要食，下面有龍井茶葉煙燻住雞，烤雞烤到外皮香脆，雞肉嫩滑非常多汁，帶有茶香味道。粉絲裹蝦一道非常惹味嘅菜式，送飯一流，蝦肉爽口彈牙，粉絲吸收晒醬汁味道。西湖藕韻蓮藕入口爽脆，味道甜甜地，顏色10分美麗。熗拌龍鬚菜係一道涼拌菜，味道酸甜開胃，帶有少少辣味，龍鬚菜口感幼嫩。綠茶餅用咗江南名物綠茶葉整成嘅麵餅，加上芝麻中間夾有芋泥，口感外脆內軟。紅寶石琉璃大大杯10分解渴，係紅石榴汁味道酸甜開胃，上面仲有一隻小熊10分可愛。

話說有個朋友同我講呢排希慎新開症間中菜好抵食又好味，咁我梗係拿拿聲黎試下有幾犀利啦。龍井烤雞（$138）龍井烤雞係佢地嘅招牌菜，我見差唔多每檯都有order，食完之後我覺得直頭係性價比最高嘅一道菜，只係$138就有成隻雞，仲要個底一直有龍井煙燻住，雞肉滑得黎唔肥，煙燻味啱啱好，同高級菜館$500一隻個味道有得比。粉絲裏蝦（$108）呢道菜係由生蝦即刻計時煮熟，包保熱辣辣又唔會煮得過熟，夠鐘店員仲會過嚟檢查，睇吓d蝦熟未，粉絲吸收曬蝦嘅鮮味，蝦球又彈牙，正！。蝦湯泡飯（$88）用左新鮮蝦煮成橙黃色嘅湯，鮮味十足，加入脆米有多重口感。蛤蜊絲瓜（$78）簡簡單單用蛤蜊、蝦米、絲瓜煮成，湯清清地幾好味，蛤蜊已經起曬殼方便食用。📍綠茶餐廳 (希慎廣場) (銅鑼灣)銅鑼灣軒尼詩道500號希慎廣場12樓1202號舖。@greentea_officialhk 。#gpigcwb