綠茶餐廳 (希慎廣場)

今次嚟到銅鑼灣Hysan嘅「綠茶餐廳」，以「龍井問茶」為主題，一入門口就感受到濃厚嘅江南詩意～主打新派浙菜，將傳統風味同創新元素完美結合，每道菜都充滿驚喜！我哋今次試咗幾款心水推介：✨ 龍井烤雞 🐔 皮脆肉嫩，帶有淡淡龍井茶香，食落完全唔油膩！雞肉juicy得嚟又入味，真係食到停唔到口，難怪係招牌必試！✨ 雞汁大黃魚 🐟 大黃魚蒸得恰到好處，魚肉鮮甜嫩滑，配上濃郁嘅雞汁，味道層次豐富。每一啖都充滿鮮味，湯汁用嚟撈飯都一流！✨ 粉絲裹蝦 🦐 (即席現煮！) 粉絲吸飽咗蝦嘅鮮味同湯汁精華，口感彈牙又滋味。最特別係即席烹煮，熱辣辣上枱，睇得又食得，視覺同味覺雙重享受！✨ 南乳醉鮑魚 🥂 鮑魚口感Q彈有嚼勁，南乳嘅鹹香同酒香完美融合，好開胃！✨ 黑松露牛肉炒飯 🍚 炒飯粒粒分明，鑊氣十足，黑松露嘅香氣撲鼻而來，非常奢華。牛肉粒軟嫩多汁，搭配飯粒一齊食，口感同味道都好豐富，食到最後都想再encore！餐廳座位寬敞舒適，營造出一個雅緻又寫意嘅用餐氛圍。無論係家庭聚餐定係情侶約會，呢度都係高CP值嘅好選擇！綠茶餐廳📍銅鑼灣軒尼詩道500號希慎廣場12樓1202號舖 …查看更多

餐廳裝修雅緻，座位之間少少逼。餐牌都有d 新意，都有會引起好奇心未試過嘅菜式。主菜龍井雞好清香嘅味道，茶葉味唔係好濃，味道清淡。有啲人可能覺得唔夠鹹唔夠味，但我自己係鍾意呢種淡淡清香嘅味道嘅。 蔥香脆皮烤鴨 唔係廣東燒鵝嘅味道。而係比較多五香粉嘅香味。個肉幾嫩，皮唔算特別脆，但係整體好香口。伴住碟有一個似XO醬加橄欖醬嘅醬料，同埋大量有鹽味嘅香蔥。無論撈埋烤鴨一齊食，或者就咁攞撈白飯都非常之惹味。份量唔算大，但整體係幾惹味香口好味。湯👌🏼陳皮菜蒲頭老鴨湯 淡淡地老火湯嘅味道，唔算鹹但係夠味，感覺冇味精。❌老鴨湯太鹹啦！飲落係金華火腿加油鴨臘肉嘅味道。蔬菜蛤蜊絲瓜 湯底最好味，係夾雜着絲瓜嘅甜同埋蜆肉嘅鮮，再加d 蝦乾嘅香味，好鮮甜。不過絲瓜反而冇想像中咁甜，冇咩味。至於啲蜆肉更加係煲得好耐冇晒味，唔需要食。油渣菜好油！菜炒得太油膩，食唔到菜嘅香甜味，同埋都食唔到油渣嗰種香味。主食👌🏼雪菜酸湯魚片啱啱送上枱，有啲覺得份量咁少嘅？因為平時食開啲酸菜魚都係好大隻碟，顯得份量好似好多咁嘅樣。湯底方面，係比較直接嘅酸味，但係酸得來又唔會太霸道。唔算太辣，味道頗溫和。加咗少少蒜蓉，喺酸嘅味道度多左少少嘅層次。魚片非常爽口，冇骨，唔似有啲地方會做得太腍好難夾起或者好易爛。整體魚肉比較結實同埋爽口。🤔黑松露牛肉粒炒飯聞起嚟幾香，但食落就唔多覺得有黑松露嘅味道。👌🏼雪菜黃魚麵 同平時食嘅雪菜黃魚麵完全唔同味道。湯底唔係鮮甜白色嘅魚湯味，而係比較濃味嘅醬油味，完全係另一種風味。冬菜鮮肉包麻麻地，有個杰杰地嘅醬喺入邊。甜品👌🏼西湖雷峰塔$28賣相好靚。綠色嘅汁其實就係甜甜嘅奶味。Menu話材料係用鮮山藥，但係食唔到淮山嘅感覺。…查看更多

來到位於銅鑼灣希慎廣場的綠茶餐廳晚飯，星期六的晚飯時段有不少人候位。如果超過2人walk in，建議還是先預訂座位。2人枱的入座速度很快，而我們一行3人，等位至少30分鐘。餐廳內以竹林設計為主題，燈光柔和，座位寬闊，感覺舒適。餐牌內容選擇豐富，還有香港限定的菜式。餐牌圖文並茂的介紹每一道菜，只是用的紙張是薄薄的宣傳小冊子用紙，不是堅實的一本餐牌。茗茶 ($12/位) 不是一般酒樓的普洱、香片，而是九曲紅梅，味道醇厚，微微甘甜。宋嫂魚羹是浙江杭州的一道傳統名菜，來到浙菜餐廳，少不了一碗宋嫂魚羹。材料包含魚肉、金菇、香菇及木耳，湯羹呈琉璃獎，芡的比例恰好，湯羹不會厚如粉漿，亦不會太過稀薄水漾。魚肉鮮嫩爽滑，配上口感爽脆的木耳及柔軟的菇，口感豐富。粉絲裹蝦，放在Gas爐上即時烹煮，約5分鐘後可享用。蝦仁份量充足，口感彈牙，粉絲吸滿蒜香十足的醬油，整體夠鑊氣又惹味。麵餅醬香五花肉的擺盤賣相不錯，以麵餅捲著炸五花肉、炸腐皮、青瓜絲及蔥絲，香濃的五花肉夾雜青瓜的清爽，麵餅外皮脆身不會稔。但整體口感偏乾身，如能搭配醬汁，更為對味。龍井烤雞選用三黃雞，一送上桌就茶香撲鼻。以浙江龍井茶嫩芽來烤燻，雞隻外皮金黃焦脆，肉質保持嫩滑多汁，又滲出淡淡甘香的龍井茶香。西湖藕韻，甜糯米釀入蓮藕孔之中，炸蓮藕片與釀蓮藕梅花間竹擺放，口感豐富。澆上桂花蜜，這道蓮藕冷盤香甜清爽。蛤蜊絲瓜，白玉絲瓜和蜆肉煮成的一道菜，絲瓜清甜軟嫩，蜆肉飽滿鮮味，加上少量蝦乾略略調味，湯汁鮮甜無味精，清爽解膩。東坡仔排，東坡肉的濃厚醬汁，以排骨代替五花腩，惟排骨稍稍偏肥，吃到中段稍為覺得有點膩。細節位是這道菜以燭火一直溫著，避免菜式冷卻後的油脂凝固。西湖雷峰塔，雷峰塔是浙江杭州的一座塔，以鮮山藥及純牛奶製成雷峰塔造型的奶凍，甜度適中，充滿奶香，口感細滑。醬汁以青豆泥製成，味道微甜又沒豆青味。茶香奶凍，香脆的焦糖面配以香滑奶凍，奶凍入口帶淡淡茶香，好吃的一款甜品。江南綠茶餅以打碎的綠茶葉製成麵餅，包裹芋泥內餡，外層煎至微微金黃並沾上白芝麻。綠茶與芋泥都是我愛吃的口味，惜這道綠茶餅既嚐不出綠茶香，芋泥的香甜軟糯亦不夠突出。綠茶餐廳的幾杯飲品都配上小熊冰，適合打卡用。選了龍井檸檬茶，綠茶底味道不澀，加入青檸片，味道酸爽清新。食物有特色之餘又有質素，難怪有不少人候位，只是要預訂座位會比較好。…查看更多

茶香奶凍好味道好可愛🥰蝦粉絲煲，大蝦鮮嫩，粉絲吸滿高湯精華，微甜鮮香但稍軟；水煮魚，川味麻辣，草魚片薄嫩，紅油花椒過癮，配菜心豆芽解辣；燒肉炒飯，肥瘦適中，帶蜜汁甜香，飯粒分明帶松露味，煙火氣足；嫩雞麵，雞絲滑嫩，麵條Q彈，雞湯底清淡雪菜提味，家常溫暖；楊枝甘露，芒果布甸清甜，西柚粒酸爽，順滑解膩但份量略小。整體從海鮮到甜品搭配均衡，辣度可調，適合不同口味。適合拍照打卡。…查看更多

綠茶餐廳第一個感覺係環境舒適，食物質素高，價錢合理，最重要係乾淨！值得推介俾朋友去試吓。第一次去一定先食隻龍井烤雞，好有龍井茶葉味，個麵包誘惑好軟身。綠茶餅做甜品都好香，有特色，唔洗好似食其他餐廳都會有嘅食物。…查看更多

餐廳環境舒服，座位夠闊。食物精緻，飲品好靚又好飲，雪糕多士磚小朋友好中意。炒飯炒得幾好，粒粒分明煙韌，食物真係唔錯呀，上菜又快。樓面態度好正常，經理有禮貌，有提示樓面要留意既事。整體唔錯呀。…查看更多

需要改善服務態度，特別係其中一個男經理，我們的用餐時間是6點到7點半，7點15分已經催人埋單，而且未到7點半，已經催了三次，用餐感覺10分之不好。所有服務員的面色都好黑，完全見唔到一絲笑容…查看更多

約咗朋友8:30pm，我們準時入座。叫咗東波肉幾香，肉質鬆軟，未發現原來有白飯墊底，所以唔小心叫多一碗白飯，不過都ok，呢味餸用多啲飯去送係好味啲。還叫咗幾味，朋友都覺得幾好味，可能因為係外國生活多，食返中菜係有一種温暖感，這是我特意訂呢間餐廳原因。不過唔夠一鐘後，大約7:25pm，食物還未食完下，待應主動提議我們叫甜品，大約來回提了我們2,3次，但我們自以為覺得時間尚早，所以諗住慢慢食，加上太耐無見朋友，真係好想傾計聚下。然後突然待應就叫我哋埋單，話用餐時間已過，雖然外面無人等位，唔覺座位好緊張，發覺餐廳好流水式，欠缺靈活性和人情味，如果係茶餐廳，當然個個人一心係以食野醫肚為大前題，但係希慎高層的一間餐廳黎講，我對佢要求點都高過茶餐廳嘅。3個人又90分鐘，10個人又90分鐘？我諗一入座個個就食食食，講多句野都浪費時間呀，咁同飯堂有乜分別？餐廳定位係乜？結果我們走下場，去食雪糕，唔食留係度食甜品啦。唔會再俾呢度影響心情。…查看更多

呢間內地嘅人氣餐廳嚟咗香港 都開咗幾間分店 所以一於去試吓 唔知好唔好食呢😚👅龍井烤雞 $138呢個幾高質😋佢嘅雞肉質真係好嫩滑 皮烤到脆脆地 帶少少龍井茶味😛👅蔥薑蓉砂鍋焗牛肉 $128呢個唔錯 都幾大份 牛肉都幾軟腍😆薑蔥炒得幾香👅南乳醉鮑魚 $98呢個係冷盤 鮑魚片以南乳同埋少少酒作為調味😝👅黑松露牛肉炒飯 $88炒飯幾乾爽 帶少少黑松露味 幾好味😌👅龍井檸檬茶 $28總括嚟講 呢間中菜果然係唔錯嘅 大家不妨喺呢度一試😙😋 好味：8.45/10🤑 價錢：7.85/10🤗 服務：7.76/10😝 環境：7.85/10😚 衞生：7.87/10🤩 整體：8.31/10…查看更多

以竹林設計為主題🎋，仲有古箏演奏，環境超有江南風情～雖然人多時會有點嘈，但食物水準完全冇令人失望！🍗【招牌必點】🍗▪️ 龍井烤雞 超大隻超抵食！用龍井茶煙燻烤製，外皮香脆🔥，連雞胸肉都嫩滑多汁～上枱仲會幫你剪好，方便又貼心💯 幾乎每枱都點，果然係鎮店之寶！▪️ 砂鍋西施豆腐豆腐滑到入口即化🤤，吸晒濃郁湯汁精華！配白飯真係無敵～黏黏糊糊嘅口感，一啖豆腐一啖飯，停唔到口！▪️ 高湯蝦干小青菜清淡得嚟又有蝦干咸香🦐，青菜份量十足🥬，完美平衡其他濃味菜式！🍞【甜品驚喜】🍞▪️ 麵包誘惑厚多士外脆內軟🍞，配埋冰凍雪糕🍨，冷熱交融超邪惡！切好一磚磚超貼心，甜品控必試～總結：價錢合理💰，環境有特色，龍井烤雞同西施豆腐絕對要encore！…查看更多

這次的用餐經歷令人相當失望。我們一行六人提前預訂了晚上7:00的位子，並且確認了用餐時間為90分鐘。然而，到了用餐時間，服務質素卻讓我們大跌眼鏡。首先，餐廳的食物水準非常一般，並未如想像中那樣美味。點的幾道菜都缺乏新鮮感和創意，讓人感覺只是隨便應付。最令人不滿的是服務態度。在用餐過程中，服務生在8:20時就已經告訴我們要結帳。這讓我們感到非常不舒服，因為我們還未用完餐。更糟的是，服務生卻兩次提醒我們外面有人在等位，這種催促讓我們倍感壓力。最終，在8:31時，我們被迫離開，完全打斷了我們的聚餐氛圍。最不能接受的是門口根本沒人等位。這樣的服務體驗實在難以接受，讓我們對這家餐廳失去了信心，未來不會再光顧。差評!!…查看更多

大陸好多餐飲品牌攻港，好多都主打平靚正。今日同老公拍拖試下呢間綠茶，齋聽個名以為係日本嘢或者係Cafe之類，點知原來係浙江菜。餐牌上選擇唔算多，不過見到張張枱都有個紙包雞咁嘅物體，我地都好奇叫黎試下，就係佢品牌個招牌菜之一 - 龍井烤雞！呢個係成餐飯入邊我最喜歡💕好香同埋個皮好香脆，肉質非常之juicy 👌佢地上菜係先show一下原隻雞比你望一眼，之後會拎返入廚房幫我地剪開，所以張相賣相不佳，但味道絕對唔錯嘅😍之後叫左個蘿蔔牛腩煲，相較之下顯得無乜特色，仲要少少過咸。另外比較難忘係個香炒菜心，係凍嘅🥲唔知係一早炒好放到凍矖，定還是係浙江菜特色，非常奇怪。不過不得不提個上菜速度係快到我驚訝，一落單唔洗三五分鐘就上菜，快過茶記。食物除左個雞之外，都無乜邊樣好好味，食過即忘，個都叫可以一食。…查看更多

東坡肉（98hkd）平時好少食東坡肉嘅我見係香港限定都想試一試，東坡肉嘅靈魂係上面連皮嘅肥膏，入口即化，肥瘦相間，附上白飯，太了解干飯人的心意了🤣綠茶蔥香烤豬頸肉（108hkd）豬頸肉不鞋口，邊邊燒到微焦，做到外脆內嫩，底下除左張吸油紙之外仲有茶葉，食嘅時候有淡淡嘅茶香，推薦👍🏻麵包誘惑（68hkd）每次返深圳食都一定會點，絕佳嘅冰火組合，但我竟然覺得香港呢間做得好食啲，麵包磚更加香牛油味同埋更濕潤三色雞絲涼麵（48hkd）雞絲切得好幼細，三色涼麵顏色鮮艷好美靚，醋嘅酸味好突出，少少辣，拌埋花生碎增加不同層次和口感，做開胃涼菜一流整體上好還原到大陸嘅綠茶餐廳，啱我口味～…查看更多

「九曲紅梅」茶香清雅，為晚餐揭開序幕。「雞汁黃魚」湯鮮肉嫩，雞湯與魚鮮完美交融；「砂鍋西施豆腐」嫩滑入味，簡單中見真章；「綠茶蛋蒸肉」以茶香解膩，蒸蛋滑溜、肉餅鬆化，傳統中見新意。這頓飯最難得是將平凡食材做出不平凡滋味，每道菜都體現「粗料精做」的烹飪哲學。廚師以細膩手法演繹家常菜，既保留傳統風味，又注入巧思，讓人回味的不僅是食物，更是那份用心與溫度。簡簡單單四道菜，卻吃出了滿滿的誠意與功夫。非常值得推介的餐廳。…查看更多

講到食中菜有陣時我都會係銅鑼灣搵下特色野食今次要為大家介紹既係 - 綠茶餐廳綠茶餐廳係位於銅鑼灣軒尼詩道500號希慎廣場12樓1202號舖餐廳成個環境開揚而且佢門口仲有人彈古箏食物個方面 佢地有好多特色野食個人大愛佢地個龍井烤雞佢個烤雞茶味好香濃而且食落個雞好嫩滑Location : Causeway BayPrice : $200-$350/p.pEnvironment (10 is chill): 7/10Yummy (10 is delicious): 7/10…查看更多