素年 (三陂坊)

營業中

休息中

就咁睇食物嘅賣相，你係估唔到⋯原來全部都係素菜，重點係味道好值得再光顧！「不可能漢堡包」塊肉扒係用(新豬肉)+雞髀菇+仲有唔知乜植物造成的，而伴碟紅紅哋色看似係薯條嘅嘢，原來係番薯條，甜甜哋好好味，而且番薯營養高，水溶性纖維高，熱量又低過薯仔，仲有漢堡包係用麥包，牛油都係素，所以廚師真係好體貼減肥嘅女士呢。「日式咖喱吉列豬扒意大利飯」豬扒同漢堡扒一樣材料，不過炸得乾咗少少，而咖喱汁就係日式甜甜地，意大利米好好食。

紅磡素年一向係我嘅素食飯堂，今次第一次去荃灣friends，係素年旗下餐廳，果然食物質數保持一貫水準👍🏻穿過大街小巷，Cafe正正就係學校對出藍球場。一入到Cafe，感覺好舒服😌，裝修簡約鮮明，比人有好大既空間感。Menu中英對照，十分貼心日式咖喱吉烈豬扒意大利飯👍🏻$108熟悉既日式咖喱汁配上意大利飯，原來可以咁夾。日式咖喱汁味道香濃，應該係日式咖喱中既甘口味，小朋友都啱食，而配料亦都不容忽視，車厘茄、蘆筍、雞脾菇可中和咖喱濃膩感。吉烈豬扒（新豬肉）炸得非常香脆，完全無油膩感，而內𥚃非常Juicy，配上蘋果片食真係絶配。紅菜頭鷹嘴豆泥扒漢堡包配蕃薯條👍🏻$108紅菜頭加鷹嘴豆泥做漢堡扒、加上牛油果蓉🥑、生菜、蘋果片，感覺非常清新又健康，簡直係superfood，包亦鬆軟，食晒成個漢堡包都唔會有罪惡感。蕃薯條炸得非常外脆內軟，食到每一條入面都有蕃薯蓉，真係食到停唔到口。每個午餐都包一杯飲品，今次揀左玄米茶/咖啡總結：環境舒適，食物高質，服務有禮。

📍素年相信大家對素年都唔陌生，今次終於去咗荃灣分店試下🤩裝修簡約，店內仲擺咗啲植物，好舒服嘅感覺🌱今次試咗不可能漢堡（$128）顧名思義，裏面就係用不可能肉整嘅，食落同真嘅無咩分別，仲有紫洋蔥、沙律菜同純素芝士等等。不得不說，芝士上面用黑醋畫既花紋好靚🤣👍🏻另外，番薯條嘅份量好多，yummy!同行友人就試咗日式咖喱吉列豬扒意大利飯($108)吉豬用新豬肉，炸得好脆口，同咖哩汁真係絕配！仲有蘆筍、雞髀菇、車厘茄等配菜。另外仲有芫荽青醬意粉（$88）食一啖已經感受到芫荽味，配上茶樹菇同粟米仔等，芫荽愛好者一定好鍾意🤣飲品就試左茶同咖啡，推薦桂花雪梨茶！唔係就咁一個茶包就算，真係有雪梨乾、杞子同桂花，飲落唔好過甜，好養生🤣推薦指數：🥦🥬🥒🌽（4/5）💡地址：荃灣三陂坊20號地舖

#素年 💛今次講嘅係位於荃灣三陂坊嘅素年💛突然想食素就諗起素年💕店舖裝修俾人感覺好舒適 而且坐得好舒服🧏🏻‍♀️🧏🏻‍♀️但係人龍會比較長 建議早少少去阿 或者打電話book位☺️☺️素食之選‼️‼️日式咖喱吉列豬扒意大利飯 $108💰（7.5/10）呢個吉列豬扒用佐新豬肉去製成🧏🏻‍♀️口感同味道同真係食緊肉冇分別🥰🥰重點係口感一啲都唔肥膩‼️‼️仲要即叫即炸 外脆內軟✨✨日式咖喱同平時冇分別 甜甜哋帶啲回甘😛😛每一粒飯都沾滿日式咖喱醬汁 味道好濃郁 而且配料仲有蘆筍✨雞脾菇🤞🏻蘋果🍎車厘茄🍅撈埋一齊好豐富🤤🤤冬蔭意大利飯 $88💰 （7/10）呢款冬蔭意大利飯好香冬蔭公味 但有少少偏辣🙈🙈食落去好Creamy 而且每一粒飯都沾滿佐冬蔭公醬汁😛😛小編未試過冬蔭公Risotto 所以覺得味道好新奇 而且酸酸辣辣咁 所以覺得好開胃🤤🤤好快就食晒成碟意大利飯✨✨就算食晒都唔覺得膩🧏🏻‍♀️🧏🏻‍♀️配菜仲有金不換🤞🏻車厘茄🍅泰茄子🍆蘆筍✨同秀珍菇💕💕配料好豐富☺️☺️凍伯爵茶 （7.5/10）解渴之選‼️🧏🏻‍♀️睇到呢度 快啲約埋朋友一齊去‼️‼️推薦指數🌟 7 / 10 🌟💛#巨B食黃店📍#巨B覓食紅磡 #巨B覓食

平時都有食開素嘅習慣 而素年一定係我最鍾意嘅素食Cafe！每一次去到 都一定會食佢哋個炸蕃薯條🍠雖然佢係小食 但係份量超級多 兩個人share食都夠！蕃薯炸到外脆內軟綿 而且味道夠晒清甜 再配埋個黑松露蛋黃醬 味道真係好夾！

終於黎到朋友敲碗好耐話想食嘅素食cafe，而朋友當中都有已經轉左素食嘅，所以就約埋一齊黎食😆呢度環境好舒服，好寬敞🌿同埋可以食90分鐘，都足夠同朋友一邊食飯一邊傾計😽而且食物份量都幾大！🥢不可能肉醬意大利粉🍝 $98肉醬意粉個意粉唔會煮得太淋或者乾，啱啱好🤤個肉醬雖然係素，但完全食唔出，同真嘅豬肉質感好似🫢🥢日式咖哩吉列豬扒意大利飯🍛 $108個吉列豬扒皮脆，又唔會太厚粉，而且都係個口感似豬肉，而且個肉又唔會冇味🫶🏻個咖哩味都唔錯，飯就硬左dd🤏🏻🥢蕃薯條配黑松露純素蛋黃醬🍠🍟 $68個蕃薯條好脆口，即叫即整，配埋個黑松露醬好match😽份量都多🥢竹炭黑芝麻班㦸🥞 $148呢個pancake要等最少25分鐘，建議一開始落埋單～佢有3塊pancake，一個黑芝麻雪糕，黑芝麻醬，同埋新鮮無花果同桑莓🤩pancake一定要落醬先好味，齋食係帶少少鹹🤏🏻呢個配搭都幾特別，可以一試！主菜同埋個甜品都有包飲品，但我地加錢要左燕麥奶🥛抹茶燕麥奶｜培茶燕麥奶｜朱古力燕麥奶呢3杯都好好飲😍推介✨茶味個兩杯都算濃茶味，朱古力就奶味重d黑豆芝麻燕麥奶 $40呢杯飲落好似芝麻湯圓味，不過都係奶味重d~

日式咖哩吉列豬扒意大利飯（$108）+ 熱薄荷朱古力（$24）日式咖哩是預期中的味道，微甜微辣；意大利飯煮得恰到好處，外層軟中間仲有丁丁硬，仲有雞脾菇粒、車厘茄、蘆筍；主角吉列豬扒真係有驚喜，先講炸衣，唔太厚又鬆脆，「豬扒」有質感有咬口，口感同真豬扒好似，而且醃味令到佢更似。兩片蘋果爽甜。薄荷朱古力，淡淡薄荷味。不可能漢堡包（$128）+ 凍朱古力咖啡（$28）賣相一流，絕對呃到人。「漢堡扒」質感比「豬扒」粗糙，但正因為咁令佢更似漢堡扒。配上純素芝士、牛油生菜、紫洋蔥漬，加埋燕麥麵包，好一個hamburger。炸蕃薯條亦都不錯，外層撲粉炸到外脆，裡面蕃薯帶甜軟淋。朱古力咖啡，咖啡味比朱古力味重。真心，如果唔係事頭婆話要去試，我係唔會主動去幫襯的。真心，如果唔係入咗去試，又唔會令我改觀。真心，如果唔同你講，你好大機會係食唔出分別嘅。PS：另收加一服務費PPS：只收現金/八達通

Follow開我既人都知我係芫荽黨💚😛有芫荽食既地方梗係唔可以錯過啦‼️今次介紹而間餐廳又食到芫荽又食到素食,都幾特別~ 要推介一下😉😉🔹芫荽青醬意大利粉 ($88)芫荽控可以叫多芫荽🍀💚意粉偏乾身, 不過撈埋芫荽幾fresh幾好味😋😋仲有幾條炸過既茶樹菇, 幾香口😝🔹日式咖喱吉列豬扒意大利飯 ($108)吉列豬扒係新豬肉來的~ 外脆內軟🐽好似食緊真既吉列豬扒咁🤣咖喱味都幾香, 有蘋果既香味tim, 都唔錯架~略嫌飯有D過硬.....煮淋啲會好D🙈🔹香芋番薯波波 ($48)熱辣辣 脆卜卜 甜甜地 幾好食😋😋完全唔似食緊素食😝 而且芫荽都好食💚聽聞唔同分店既芫荽料理會唔同d🤣會想試埋其他分店😛😛評分: 🍀🍀🍀🍀

今日去咗數年度食嗌咗一個不可能漢堡,日式咖哩吉列豬扒意大利飯,同埋嗌咗兩杯雨衣金蘭富士蘋果奇異果燕麥奶都好好飲推薦唔食得肉類海鮮嘅人嚟食佢哋啲素肉都好似真肉。同埋佢哋服務都好好好有禮貌

身為食肉獸嘅我 絕對唔去諗素食嘅但係男朋友唔知係咪做錯咩事要食素還俗😇 咁我哋就去咗呢間Cafe度 燈光環境舒適 簡樸嘅日式風格仲要係有好多書仔（非常建議睇）漢堡包舊菇菇勁juice咬落去會爆汁 好香好甜磨菇味🍄頂層鋪上一塊熔岩芝士、菇下配上新鮮生菜同香甜紫洋蔥🍔咬落爽口 有滿足感☺️蕃薯條🍟配菜黎講份量適中 咬落香甜 外脆內軟整體唔會太油膩 我覺得係最好食😋對面位係搶食😂😂 激死我啦😤日式咖哩吉列豬扒意大利飯🐷呢個係男朋友嗌嘅 因為我唔太好咖喱佢話有日式咖哩嘅辛味道 有點帶甜意大利飯半熟分明有咬口但素肉偏乾 呢方面可以努力💪🏻

意想不到嘅素食👍🏻咖哩吉豬完全唔覺得係素食🤤冬蔭意大利飯辣度剛剛好👍🏻好似飲緊冬陰公湯咁正！Burger絕對無得輸，但伴碟嘅蕃薯條先係主角👍🏻👍🏻👍🏻芫荽本人唔識欣賞，但朋友都話好fresh好好味❤️

素年的文青cafe格局，有時會令人擔心食物質素。因為，經濟學上，貨幣政策有所謂有impossible trinity，不能三者兼得；如果以美食來說，impossible trinity就是環境，價錢，食物質素。很多時候，環境OK，價錢OK，食物就不OK。本人最喜歡找到三者都OK的餐廳。想不到，素年正是其一。Impossible漢堡配蕃薯條 (8.25/10)：不是每間餐廳都能把素肉煮得好。素年火侯控制剛好，保存了「肉汁」，令感覺有95%像真的漢堡排。蕃薯條炸得外脆內軟，蕃薯甘甜突出。Impossible肉醬意粉 (8/10) ：肉醬意粉也做得很不錯，肉醬牛肉碎有豐盈的半肥瘦肉感，而蕃茄醬也鮮甜惹味。———————————————————————————⭕️總評：荃灣舊區新派西餐素食，文青cafe的環境格局，合理價位，素食來說質素算有驚喜，會翻食 ✅ 💵Budget: $130 pp (lunch)

食物質素高、好味道無論主食、甜品、咖啡都用心製作，並會定期轉菜式個人喜歡芫茜青醬意大利粉、冬陰公意大利飯、不可能漢堡、手撕雞菜包，不想飲咖啡幫襯主食可選擇凍伯爵茶或熱玄米茶甜品剛剛試了藍莓桂花漬，用心製作，好味在同一段時間想試不同菜式，可到訪不同分店，就能有更多的選擇

裝修簡約嘅素食Cafe，清新得嚟同附近環境有點格格不入😂側邊係雞煲店，晏晝好多麻甩食緊雞煲，其實勁香，又其實我應該係屬於食雞煲嘅麻甩大，不過當日只係想來點輕食～🍟蕃蓉條配黑松蛋純素蛋黄醬然後其實呢個都唔L係輕食啦😂我一丁友啪咗一兜炸嘢🙃嗱，佢炸到咁脆，入邊就軟綿綿，食食下食晒唔通我問題咩？點都係餐廳錯～ 🥃Espresso Tonic 食熱氣嘢飲返杯又凍又有氣嘅嘢就Good Fit la~ 少少甜味嘅湯力水中和返咖啡苦澀

食過咁多間素食餐廳，素年一定係top three日式咖喱吉列豬扒意大利飯最出色係塊吉列豬扒，外脆內軟，好食過直正嘅豬扒咖哩完全同啲飯融合一齊，而且唔太淋都唔太硬，口感十分好，配料方面係畫龍點睛，有茹、蘋果、蘆筍等，highly recommend焗椰菜花配紅菜頭鷹嘴豆泥呢款小食好有驚喜，首先紅菜頭鷹嘴豆泥食落有清新嘅紅菜頭味，好似羽衣甘藍沙律咁，配合埋焗到熱辣辣嘅椰菜花好夾桂花雪梨茶完全唔似用茶包沖個啲咁淡而無味，睇得出用左唔少桂花同杞子，而且底部有好多雪梨乾，飲落清清地甜甜地