見社交媒體網站有做$9生蠔🦪，打去bk枱都有問埋有冇呢個優惠，對方話只係可以俾6隻我哋（一枱兩個人），本身都唔係係食得多，都Ok嘅。

一入餐廳報咗話訂枱+貴姓，waitress安排我哋坐低，落order之前第一樣嘢叫佢幫我換咗把餐刀🔪好似上手用完無洗咁，然後就問一問（同一個）waitress係唔係有幫我留咗半單生蠔，佢走咗入去check完再覆我哋話有，叫咗一杯白酒$78，一份龍蝦沙律$158，一份海鮮意大利飯$238，上咗嘢食之後都覺得份量有啲小，所以就叫waitress俾個menu我，想嗌多份青口$128，望一望樓面無人就等下，等到有個waitress經過，佢話佢唔係落單，然後我又等咗陣，最終有另一個waitress幫我加咗單，食晒沙律清埋個飯都未見青口，我哋都無特別追諗住都再俾啲時間佢，直至有個男人（可能係老細）過嚟問啲嘢係咪嚟齊，我都未答佢就已經拎起咗我隻碟，我就話仲爭份青口，如果未整就由佢唔要，轉頭就點個waitress嚟同我講青口煮緊咁擺明就係漏咗單，食埋青口我哋就拿拿臨走。
埋單$7xx兩個人，唔算係好貴，但服務就趕客樓面唔熟手、漏單都算，其實可以問吓我哋要唔要甜品或者有冇嘢要加，等我答咗你先好拎起隻碟…其實食物質素係唔錯，不過無下次

叫咗碗蕃茄椰汁豬頸肉湯檬+咖哩雞撈檬，$6x-70價錢都無乜期待，食食下發現湯裡面有條頭髮即刻放底筷子，諗緊出唔出聲之際，發現有隻小强張櫈度，只係距離我1吋行過，嚇到即刻彈起走人 最後餐廳收咗我一碗麵價錢

意想不到嘅素食👍🏻 咖哩吉豬完全唔覺得係素食🤤冬蔭意大利飯辣度剛剛好👍🏻好似飲緊冬陰公湯咁正！Burger絕對無得輸，但伴碟嘅蕃薯條先係主角👍🏻👍🏻👍🏻芫荽本人唔識欣賞，但朋友都話好fresh好好味❤️

荃灣同尖沙咀分店都有去過，今次帶埋兩老去元朗食，份量大之餘亦都勁足料，唔係只係飯多，餸多汁多兩老食到好滿足，店員亦好親切好好禮貌今次食咗公司飯、三眼仔咖哩雞、三鰻完蛋同埋煲仔飯

最初只係想搵間餐廳同朋友傾下計，以為L1fe只係一般樓上cafe，上到去位置唔算多，但好光猛，安排咗我哋坐卡位，面向黑版寫住當日嘅Main course，坐底之後店員好親切走話嚟介紹近期有咩推介，而1D都唔會hard sell。 Main course揀咗比目魚，淨係擺盤都好有心思，另外試咗金拔文芝士配法包，芝士好creamy好邪惡，每人試咗杯咖啡，都有拉花，當然唔少得甜品，一心諗住嚟試下Cream Brûlée ，店員表示今日cream brûlée 有啲唔同，係用蘭王整！！！要加$10，咁一定要試啦蘭 王cream brûlée 又滑又香，老闆仲專登過嚟問好唔好食，同我哋傾下計，好好人

咖啡好飲之餘嘢食都好正，All day breakfast 就唔洗講啦，明太子蟹肉意粉都好出色，仲試咗個meatball 寫住2-3人份，4個人食都夠而且好味過IKEA好多囉join會員仲有coupon送添

試咗卡邦民意粉🍝同蕃茄肉丸意粉，用嘅係扁意粉，軟硬度煮得剛剛好，唔似啲樓上cafe煮到淋啤啤，咖啡叫咗Piccolo ，睇得出老闆好鍾意煮咖啡，會同客人討論咖啡煮法/用具之類，偷聽到佢哋好似可以訂蛋糕，下次試下

專登走入屯門試吓呢間黃店，14:30左右去到門口都已經有幾枱客等緊，大概等咗半個鐘有位。 試咗沙嗲牛忌廉意粉👍🏻沙嗲牛關注組要關注吓，同咖哩吉列豬扒👍🏻👍🏻，豬扒勁大塊，炸粉薄得嚟又鬆脆，加$3x變餐，有沙律🥗+餐湯+蒜蓉包，餐湯唔係罐頭嘢，真材實料，蒜蓉包都好香，另外加錢叫咗杯Flat White☕️，咖啡有驚喜值得試試

4人限聚，已經隔咗好耐無出去食晚飯，近近地又去Good Times試吓晚餐，叫咗個4人餐，包3個Main course 、2款小食+$88叫多支餐酒🍷 忌廉青口合格 忌廉菠菜 肉丸薯條一般般 Pizza🍕 一般般 意大利飯 牛仔骨 4個人平均消費$2xx食到咁嘅質素其實唔錯，除咗柏斯之外另一選擇

年初三好多舖頭都未開，行過Good times啱啱見佢準備開門，之前一直想嚟試但係無機會，決定豪一豪食個情人節午餐 +$38可以轉Set，有前菜+湯+餐茶，個前菜賣相真係無得頂 試咗卡邦尼意粉軟硬剛剛好，汁嘅質地濃稠適中，唔好以為份量好小，我其實食唔晒一碟另外仲試咗法式燒春雞伴白飯 ，Menu寫住半隻，但其實只係得隻髀，不過隻髀煎得好juicy，裡面滑lulu，雖然個menu呃咗我，但係都係果句，我自己一個食唔晒