素年 (三陂坊)

營業中

休息中

好味 好睇 的素食一直都想試下這間文青feel素食店，一進店光猛整潔，店員溫文有禮，感覺良好😄一睇餐牌，樣樣都想試，本來想叫些「不可能」的食物，看看怎樣不可能😬但…看一看OpenRice這店食評後，當然要試一試招牌飯-日式咖喱吉列豬扒意大利飯，果然冇失望😋另外，叫咗個沙律-生酮夏威夷三文魚沙律fresh一下，好新鮮，啲三文魚好真啊！

素年一直是受歡迎的素食cafe，這次已經是我第2次來訪，本以為周日下午必定大排長龍，意外荃灣店不只不用等候就能入座，甚至還有不少空位，可能是荃灣店位置偏僻，店外有棚架進行維修更不顯眼這次我和朋友們都自己點自己吃，因為不太餓所以我選擇了salad，三文魚只有零星數粒，牛油果偏生味道較淡，剛好這朵牛油果花也破了一邊，而沙律菜是挺新鮮的雖然沒有嚐到朋友點的burger和curry risotto，但上次到素年也有吃過burger，足料之餘中間的植物漢堡扒真的有牛肉風味(不吃牛的我表示讚嘆)，最特別是蕃薯條真係超香脆、番薯味濃郁，沒有點burger亦建議要額外叫一份蕃薯條！🙌🏻另外risotto據朋友的分享也不錯，值得一試飲品方面跟lunch set我加錢選了上次都有點的black sesame latte，因為真的很好喝☺️黑芝麻味濃厚、甜度也剛好ㅇ hawaii salmon lomi lomi salad ㅇ impossible burger 🌟ㅇ katsu curry risotto 🌟ㅇ hot black bean black sesame oat milk 🌟ㅇ iced te

我天氣咁熱，唔想食咁多肉，所以就嚟食素年貪佢悉數得來，又唔會咁傳統，有好多唔同新嘗試不過新嘗試就未必樣樣都啱食😆今日揀咗呢一個夏威夷飯佢有牛油果，茄醬豆腐，芒果莎莎同埋啲紅椒佢個菜式名係寫芫荽飯，我以為係會將芫荽撈埋白飯咁上，點知係放幾條芫荽喺上邊，就係芫荽飯🤷🏻‍♀️可能真係太新鮮，太清新，總覺得味道唔太啱，牛油果軟滑好食，芒果莎莎冇咩味，茄醬豆腐都唔能夠送飯，墨西哥脆片冧咗分開食就奇奇怪怪，撈埋一齊食，啲材料又唔係好夾，證明呢個真係唔係好啱我口味，我下次都係試返芫荽意粉算

[ 素年 Friends of Years]餐廳係主打素食嘅cafe，之前去過深水埗分店因為full哂食唔到，今次終於試到喇，去咗佢地嘅荃灣分店，裝修好靚阿😻😻啱哂港女打卡✿ Friends 生酮沙律 🥗 $88呢個沙律超足料！有好多牛油果🥑豆腐再配沙律菜，份量好足夠。而且味道好清新，仲有少少堅果&種子，好有咬口✿ 芫茜青醬意大利粉🍀🍀 $88芫茜控注意！大量芫茜阿勁正😍😍鐘意芫茜必點！成座山咁😂不過略嫌青醬味唔夠，可以再濃d，可能陣芫茜味太勁，搶咗fo😝✿ 蕃薯條配黑松露純素蛋黃醬🍠🍟 $68蕃薯條份量好多，2個人share都食唔哂😅超香蕃薯味，食到停唔到口。再點埋個黑松露醬，好滿足😙總結🫦雖然係素食cafe，但既好味又打到卡😋😋值得去食！但最好預約定咁到時就唔洗等喇🫶🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿素年 (三陂坊)地址: 荃灣三陂坊20號地舖電話: 52969864✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

現時流行食素，朋友仔開始戎牛初一十五食齋，所以揀左間西式素食餐廳，不是抱很大期望的我最後讚口不絕😂😂Lunch set :不可能漢堡包✍🏻唔講真係唔知食緊齋、塊牛肉真係好像真，直頭覺得好食過真嘅牛肉，因為冇油膩感覺，因為我哋食得太慢凍咗嘅時候就食到有豆香味，旁邊嘅薯條應該係用番薯做嘅日式咖喱吉列豬扒飯意大利✍🏻豬扒樣子好似，不過我比較欣賞個意大利飯多啲，好好食飲品都唔錯青檸話梅咖啡ToNick檸檬話梅梳打

男朋友係芫茜迷，聽朋友講話呢間喺荃灣三陂坊嘅素食Cafe有芫茜青醬意粉，當然要帶芫茜控嚟試試！Cafe小清新風格令人感覺好舒服，食物高質素，店員亦好有禮貌，假日想去荃灣遊就要去試吓啦～芫茜青醬意大利粉男朋友大愛呢款芫茜青醬意粉，芫茜味重，同茶樹菇嘅味道好夾，整體味道又Fresh又好味～白汁黑松露雜菌意大利粉意粉一上枱就聞到濃濃黑松露香，雜菌唔會過熟或過生，意粉爽口彈牙，白汁亦唔怕過膩，喜愛黑松露嘅朋友值得一試！

呢間素食餐廳真係由佢哋第一間分店開始 就幫襯到而家～食物都幾高質素💓最鍾意就係佢哋嘅番薯條配黑松露純素蛋黃醬😋番薯條外面脆卜卜 入面嘅番薯蓉好軟滑夠清甜🍠純素蛋黃醬都好出色 松露味勁香 配埋薯條真係一流🖤

每一次食齋 都會嚟呢一間素食餐廳🍴最鍾意就係食佢哋個不可能漢堡包🍔份量超厚 旁邊仲有超多番薯條🍠個素漢堡扒唔講真係以為係肉嚟🤤番薯條都好高質 炸到外脆內軟綿 仲好清甜！

就咁睇食物嘅賣相，你係估唔到⋯原來全部都係素菜，重點係味道好值得再光顧！「不可能漢堡包」塊肉扒係用(新豬肉)+雞髀菇+仲有唔知乜植物造成的，而伴碟紅紅哋色看似係薯條嘅嘢，原來係番薯條，甜甜哋好好味，而且番薯營養高，水溶性纖維高，熱量又低過薯仔，仲有漢堡包係用麥包，牛油都係素，所以廚師真係好體貼減肥嘅女士呢。「日式咖喱吉列豬扒意大利飯」豬扒同漢堡扒一樣材料，不過炸得乾咗少少，而咖喱汁就係日式甜甜地，意大利米好好食。

紅磡素年一向係我嘅素食飯堂，今次第一次去荃灣friends，係素年旗下餐廳，果然食物質數保持一貫水準👍🏻穿過大街小巷，Cafe正正就係學校對出藍球場。一入到Cafe，感覺好舒服😌，裝修簡約鮮明，比人有好大既空間感。Menu中英對照，十分貼心日式咖喱吉烈豬扒意大利飯👍🏻$108熟悉既日式咖喱汁配上意大利飯，原來可以咁夾。日式咖喱汁味道香濃，應該係日式咖喱中既甘口味，小朋友都啱食，而配料亦都不容忽視，車厘茄、蘆筍、雞脾菇可中和咖喱濃膩感。吉烈豬扒（新豬肉）炸得非常香脆，完全無油膩感，而內𥚃非常Juicy，配上蘋果片食真係絶配。紅菜頭鷹嘴豆泥扒漢堡包配蕃薯條👍🏻$108紅菜頭加鷹嘴豆泥做漢堡扒、加上牛油果蓉🥑、生菜、蘋果片，感覺非常清新又健康，簡直係superfood，包亦鬆軟，食晒成個漢堡包都唔會有罪惡感。蕃薯條炸得非常外脆內軟，食到每一條入面都有蕃薯蓉，真係食到停唔到口。每個午餐都包一杯飲品，今次揀左玄米茶/咖啡總結：環境舒適，食物高質，服務有禮。

📍素年相信大家對素年都唔陌生，今次終於去咗荃灣分店試下🤩裝修簡約，店內仲擺咗啲植物，好舒服嘅感覺🌱今次試咗不可能漢堡（$128）顧名思義，裏面就係用不可能肉整嘅，食落同真嘅無咩分別，仲有紫洋蔥、沙律菜同純素芝士等等。不得不說，芝士上面用黑醋畫既花紋好靚🤣👍🏻另外，番薯條嘅份量好多，yummy!同行友人就試咗日式咖喱吉列豬扒意大利飯($108)吉豬用新豬肉，炸得好脆口，同咖哩汁真係絕配！仲有蘆筍、雞髀菇、車厘茄等配菜。另外仲有芫荽青醬意粉（$88）食一啖已經感受到芫荽味，配上茶樹菇同粟米仔等，芫荽愛好者一定好鍾意🤣飲品就試左茶同咖啡，推薦桂花雪梨茶！唔係就咁一個茶包就算，真係有雪梨乾、杞子同桂花，飲落唔好過甜，好養生🤣推薦指數：🥦🥬🥒🌽（4/5）💡地址：荃灣三陂坊20號地舖

#素年 💛今次講嘅係位於荃灣三陂坊嘅素年💛突然想食素就諗起素年💕店舖裝修俾人感覺好舒適 而且坐得好舒服🧏🏻‍♀️🧏🏻‍♀️但係人龍會比較長 建議早少少去阿 或者打電話book位☺️☺️素食之選‼️‼️日式咖喱吉列豬扒意大利飯 $108💰（7.5/10）呢個吉列豬扒用佐新豬肉去製成🧏🏻‍♀️口感同味道同真係食緊肉冇分別🥰🥰重點係口感一啲都唔肥膩‼️‼️仲要即叫即炸 外脆內軟✨✨日式咖喱同平時冇分別 甜甜哋帶啲回甘😛😛每一粒飯都沾滿日式咖喱醬汁 味道好濃郁 而且配料仲有蘆筍✨雞脾菇🤞🏻蘋果🍎車厘茄🍅撈埋一齊好豐富🤤🤤冬蔭意大利飯 $88💰 （7/10）呢款冬蔭意大利飯好香冬蔭公味 但有少少偏辣🙈🙈食落去好Creamy 而且每一粒飯都沾滿佐冬蔭公醬汁😛😛小編未試過冬蔭公Risotto 所以覺得味道好新奇 而且酸酸辣辣咁 所以覺得好開胃🤤🤤好快就食晒成碟意大利飯✨✨就算食晒都唔覺得膩🧏🏻‍♀️🧏🏻‍♀️配菜仲有金不換🤞🏻車厘茄🍅泰茄子🍆蘆筍✨同秀珍菇💕💕配料好豐富☺️☺️凍伯爵茶 （7.5/10）解渴之選‼️🧏🏻‍♀️睇到呢度 快啲約埋朋友一齊去‼️‼️推薦指數🌟 7 / 10 🌟💛#巨B食黃店📍#巨B覓食紅磡 #巨B覓食

平時都有食開素嘅習慣 而素年一定係我最鍾意嘅素食Cafe！每一次去到 都一定會食佢哋個炸蕃薯條🍠雖然佢係小食 但係份量超級多 兩個人share食都夠！蕃薯炸到外脆內軟綿 而且味道夠晒清甜 再配埋個黑松露蛋黃醬 味道真係好夾！

終於黎到朋友敲碗好耐話想食嘅素食cafe，而朋友當中都有已經轉左素食嘅，所以就約埋一齊黎食😆呢度環境好舒服，好寬敞🌿同埋可以食90分鐘，都足夠同朋友一邊食飯一邊傾計😽而且食物份量都幾大！🥢不可能肉醬意大利粉🍝 $98肉醬意粉個意粉唔會煮得太淋或者乾，啱啱好🤤個肉醬雖然係素，但完全食唔出，同真嘅豬肉質感好似🫢🥢日式咖哩吉列豬扒意大利飯🍛 $108個吉列豬扒皮脆，又唔會太厚粉，而且都係個口感似豬肉，而且個肉又唔會冇味🫶🏻個咖哩味都唔錯，飯就硬左dd🤏🏻🥢蕃薯條配黑松露純素蛋黃醬🍠🍟 $68個蕃薯條好脆口，即叫即整，配埋個黑松露醬好match😽份量都多🥢竹炭黑芝麻班㦸🥞 $148呢個pancake要等最少25分鐘，建議一開始落埋單～佢有3塊pancake，一個黑芝麻雪糕，黑芝麻醬，同埋新鮮無花果同桑莓🤩pancake一定要落醬先好味，齋食係帶少少鹹🤏🏻呢個配搭都幾特別，可以一試！主菜同埋個甜品都有包飲品，但我地加錢要左燕麥奶🥛抹茶燕麥奶｜培茶燕麥奶｜朱古力燕麥奶呢3杯都好好飲😍推介✨茶味個兩杯都算濃茶味，朱古力就奶味重d黑豆芝麻燕麥奶 $40呢杯飲落好似芝麻湯圓味，不過都係奶味重d~

日式咖哩吉列豬扒意大利飯（$108）+ 熱薄荷朱古力（$24）日式咖哩是預期中的味道，微甜微辣；意大利飯煮得恰到好處，外層軟中間仲有丁丁硬，仲有雞脾菇粒、車厘茄、蘆筍；主角吉列豬扒真係有驚喜，先講炸衣，唔太厚又鬆脆，「豬扒」有質感有咬口，口感同真豬扒好似，而且醃味令到佢更似。兩片蘋果爽甜。薄荷朱古力，淡淡薄荷味。不可能漢堡包（$128）+ 凍朱古力咖啡（$28）賣相一流，絕對呃到人。「漢堡扒」質感比「豬扒」粗糙，但正因為咁令佢更似漢堡扒。配上純素芝士、牛油生菜、紫洋蔥漬，加埋燕麥麵包，好一個hamburger。炸蕃薯條亦都不錯，外層撲粉炸到外脆，裡面蕃薯帶甜軟淋。朱古力咖啡，咖啡味比朱古力味重。真心，如果唔係事頭婆話要去試，我係唔會主動去幫襯的。真心，如果唔係入咗去試，又唔會令我改觀。真心，如果唔同你講，你好大機會係食唔出分別嘅。PS：另收加一服務費PPS：只收現金/八達通