素年 (三陂坊)

營業中

休息中

有朋友介紹荃灣有間食既素菜, 之前新年個時同朋友諗住去試下, 點知冇開。 今次就再同朋友黎挑戰下, book左位, 但由於時間尚早冇乜人, 環境光猛乾淨, 咁我同朋友望下餐牌就點左 , 飲品同食物好快就黎到, 味道樣樣都好好, 值得一讚既係個豬排整得都唔似素食,有少少似肉既口感, 而芫茜飯帶比我新驚喜, 原來芫茜同飯都幾夾(多謝我的芫茜控朋友,如果唔係佢我唔會叫,哈哈), 加左燕麥奶既咖啡都好飲,新既嘗試。最後因為冇晒豆腐Cheese cake 我地就點左 , 味道都唔錯。去廁所時經出菜位望入廚房入面, 個個都候生女黎, 乜而家D侯生女煮野食咁叻既咩? 下次想試下不可能漢堡。

呢幾年都好流行素食主義，搞到我都好想試一試。今次呢間餐廳係好耐之前深水埗經過幾次，每次都大排長龍，上網查一查先知原來已經開咗咁多間分店，紅透半邊天。難得有位朋友建議食素，所以今次一於試一試呢間荃灣分店。坦白講，由於已經食咗一段時間先來寫食評，我嘅金魚佬已經忘記咗食品嘅名稱，不過唔緊要，當第日見到餐牌嘅時候就知道我係講緊邊幾款。生酮福菜花炒飯少啲澱粉永遠都係會健康啲，今次試一試呢個。坦白講，個人唔係好食得慣，不過份量就好大碟，鍾意食嘅人應該會覺得唔錯嘅，哈哈。意大利飯呢個真心推介，好味份量又大。對比肉食，一D都中會輸蝕。特色茶健康，好飲，不過冇乜特別食物來講我覺得算係中上，起碼冇素菜館既缺點-多油，所以我覺得係幾健康的一間餐廳

朋友話有間位於荃灣小清新隱世Cafe想去試，於是今日放假去試左，原來係一間素食餐廳黎，裝修好靚好chill咁，下午時段無咩人，去到即刻入得。身為「芫荽控」既我叫左個「芫荽意大利飯」，口感幾得意既，無諗到芫荽配意大利飯係會match到既，另外咖啡都好好飲，會再Encore

非常出名既餐廳，終於有機會試到。今次試左不可能漢堡包，入面會跟埋蕃薯條既。首先黎到個份量好大，一般女仔未必食得哂。蕃薯條係即炸所以好香好脆，非常好食，而漢堡包食落去既時候，真係以為食左真既漢堡咁，素漢堡扒無論口感，味道都同真既漢堡扒無分別，咬落去係會有肉汁流出黎好滿足，好難相信呢一餐係食緊素。總結 食物高質，價錢合理，非常推介朋友仔去試下

近來出外吃飯不是煎煎炸炸、多油多鹽，就是聚餐放題、自助餐、火鍋，今晚決定要健康一點，於是上網找到這間在荃灣三陂坊的素年。餐廳以文青簡約的白色作為裝潢主題，座位闊落，平日晚餐時段亦全場滿座，記得要預早事先訂座。餐牌選擇眾多，有小食、沙律、Pizza、意粉、甜品等，全部都是素食，其中有不少創新Fusion菜式，十分有新意。不可能漢堡包用上Impossible Meat做的漢堡包，漢堡肉質爽朗厚實，百分百還原牛肉漢堡的口感，麵包一咬鬆軟綿密，富牛油香，配撘純素芝士醬汁及意大利黑醋，滋味非凡。番薯條份量慷慨，口味香甜，炸得香脆可口，讓人上癮一條接條，屬水準之作。日式咖哩吉列豬扒意大利飯另一款用上本地的新豬肉做成吉列豬扒，口感及味道同樣幾可亂真，外層鬆化香脆入口不油不膩，內裡肉質嫩滑，意大利飯用上真正的意大利米，故此飯粒較有嚼勁，乾濕合度，當中加入番茄、露筍、雜菌等材料，每一啖都滋味豐美，也有口感與味道變化不一的驚喜。熱玄米茶/凍伯爵茶隨主食奉送的茶飲亦同樣出色，玄米茶的獨特芳香及茶香相輔相成，而伯爵茶的柑橘香氣突出。抹茶雪糕梳打最後點了一客甜品作結，十分創新的將傳統的抹茶和清爽的梳打結合，加上

呢排食得太多肉，都想食得清淡啲，就諗起呢間喺荃灣嘅素年啦！西式新派素食，之前都有試過，今次再黎試吓其他野先！忌廉菠菜闊條麵麵質軟硬適中，頗有彈性忌廉菠菜醬同菇好夾，個麵整體都唔錯日式咖喱吉列豬扒意大利飯新豬肉同豬肉有80%相似，唔細心食，真係分辦唔到呀！ 咖喱意大利飯好創新呀！黑松露純素芝士蕃薯條岩岩炸起熱辣辣，好味蕃薯條唔係到到有， 好特別！配上淡淡黑松露醬，不錯！香蕉火龍果燕麥奶比例岩岩好，唔會搶咗大家嘅味道！幾清新！抹茶燕麥奶很香抹茶味，不錯！得閒食下齋 都係一個唔錯既選擇！

一直好想去素年食，深水埗分店長期好多人，去過幾次都等唔到，前排去開荃灣，一於去試下，唔洗點等位就可以入座🌿店內設計偏文青風，環境舒適，打卡都好岩，近排素食發展越來越多元化，呢間新派素食良心小店幾有驚喜!我地點咗➡️"日式咖喱吉列豬扒意大利飯"，吉列豬扒係採用OMN!PORK新豬肉，豬扒幾大塊同厚，肉質偏腍，外層炸得香脆而唔油膩，面頭有兩小片蘋果點綴，意大利飯有車厘茄、蘆筍及雞脾菇等做配菜，每粒飯都沾滿日式咖哩，好creamy，而且味道香濃，必食呀!🤤🤤飲品方面，我地點咗➡️"奇異果羽衣甘藍富士蘋果燕麥奶"，蘋果味幾重，後勁有奇異果味，西芹味唔出，質地幾滑又清新，自我感覺健康XD🤣🤣

週末吃了太多肉，今天是時候進行素食星期一～帶媽媽去荃灣吃素年，裝潢很光亮，清新的感覺～我點了泰式香辣不可能意粉，材料有肉碎、指天椒、芫茜、金不換、車厘茄、雞髀菇和露筍，肉碎賣相和味道真的超像真肉，吃不出是素的～味道香辣，豐富的材料令整款意少味道提升了，意粉質感也煮得剛好，份量也很多～日式咖喱吉列豬扒意大利飯咖哩很香、不吃辣的媽媽也吃得到～豬扒也很肉真肉，不會太厚粉，炸得剛剛好金黃色的～送飲品一杯，我們各自選了凍伯爵茶和熱玄米茶～茶味香濃，飯後可以消滯～豆腐芝士蛋糕這個一吃很有驚喜，沒有芝士蛋糕的肥膩，有濃厚豆腐和果仁香～多吃也不怕變胖呢～

行去荃灣二陂坊搵野食, 竟然見度一間又光猛又整潔既餐廳，好奇望望食D咩，原來係一間素食西餐廳，咁特別當然一試。意粉、意大利飯、Pizza、漢堡飽樣樣有，每份主餐都跟一杯熱玄米茶或凍伯爵茶，如果唔岩飲，可轉咖啡、梳打特飲、花茶唥燕麥奶特飲，當然要加少少錢。餐牌名都幾特別，有款叫不可能TM肉醬意粉，咁不可能緊係要試下， 仲叫左份不可能TM漢堡飽!肉醬意粉Portion都幾大份，裏面有蕃茄、素肉、洋蔥，素肉食落感覺真係似真肉，有肉味；意粉爽口彈牙，唔會太霖!而且調味既醬汁調配得酸甜適中，每條意粉都有掛有醬汁，味道絕對出色!漢堡飽配有蕃薯條，佢比薯條更好味更健康，每條都脆卜卜，仲有好甜既蕃薯味，加茄汁食，一條一條咁好快就食清!!個漢堡好大份，同外國品牌既漢堡飽店所出售既一樣大，好足料，裏面有車打芝士、洋蔥、火箭菜再配上素牛肉，切開一半，肉汁都流晒出黎，食落去仲好juicy，質感真係勁似真。邊個話食素唔會飽，同朋友share食完個飽到一個點，而且仲要好食!!朋友話約定再來一試另一款泰式香辣不可能肉碎意粉同飲咖啡。

Friends of Years 素年位於荃灣三陂坊，這裡一向都是打冷、火鍋店林立的地方。而在此旁邊有一間文青素食café，算是熱鬧中帶一點寧靜。簡約風格的設計、新式擺設、新穎素食料理深受年輕食客歡迎，吸引到不同年齡層的食客來光顧。精緻素食在印象中都是份量比較少，不易吃得飽。但這間café食物份量頗大，性價比較高。如要減少份量、走五辛或有其他的需求，都可以通知職員。🔷香草青醬螺絲粉青醬是整道菜的點睛之筆，味道十分突出，香氣撲面而來。醬料不膩，也沒有過分creamy。螺絲粉拌著油漬蕃茄、意大利青黃瓜、火箭菜等材料一起吃，味道配合得天衣無縫，稍不留神便吃完了一盤，甚至覺得自己的胃口增加了。🔶泰式青咖哩意大利飯青咖哩飯加了很香濃的椰汁，吃上去十分滑。意大利米有粘性之餘，也能吃出顆粒感。不過，青咖哩非常辣，喜歡吃辣的人固然喜歡，不能吃辣的人或許只能遺憾錯過這道菜了。🔷黑松露純素芝士蕃薯條外表看上去這道菜平平無奇，實質暗藏玄機。首先當然是蕃薯條非常香脆可口，番薯的甜填滿了心窩。其次，醬料是黑松露和素芝士的混搭，味道相宜且香。芝士非常絲滑，用番薯條蘸起時還能拉出一條條細絲，非常好玩。🔶葡式紫薯芋頭

路過兒時很喧鬧、很多地道小餐館的三坡坊，發現牛糞上插了一朵鮮花：一間簡約、清新的素食餐廳！不能不試！“日式咖哩吉列豬扒意大利飯”、“泰式香辣不可能肉醬意大利粉”。意粉先上，賣相很好，意粉內的配菜，顏色、分量都配搭得宜、加上菇片，已很Al Dente的意粉口感更好。 咖哩飯到了，吉列豬扒上有兩片蘋果，感覺不但新鮮，吃起來跟真的豬扒很像 ，感覺很融洽。可惜，金玉下藏了敗絮，那些意大利飯完全背叛了一般意大利飯半生不熟那口感的衝擊，實在煮得太爛了，中國人的角度，這是給bb吃的糊仔，混和了日式咖哩汁，這糊仔便更加糊仔，可以說，這件作品上半部是100分，下半部20分，距離合格很遠！我們還是在給它機會，點了一個豆腐芝士蛋糕，果然不錯，還是給你一個讚！

在荃灣三陂坊向來係火鍋、大排檔的集中地,估唔到在呢度有間文青風格嘅素食店, 今晚相約友人嚟試吓呢度走簡約日系風格, 樓底也好高, 純白牆身加上純木枱椅的配搭, 給人放輕鬆嘅感覺食物方面有沙律🥑美式漢堡🍔意粉🍝意大利飯🍚甜品🍰及飲品🍵等…日式咖喱吉列豬扒意大利飯呢個新豬肉扒非常有驚喜, 入口好似真紅肉一樣但稍為淋一點, 豬扒炸得脆仲要大大件,咖喱汁方面唔係好辣夠惹味, 沾滿整碟意大利飯, 每粒飯都有咖喱的味道, 再配上蘆筍🔅雞脾菇🔅蘋果🔅車厘茄中和啲辣味泰式香辣不可能肉碎意粉豬肉碎炒得好香, 而且唔油膩, 辣度啱啱好, 啱晒我鐘意食辣嘅人, 再加上肉碎🔅指天椒🔅莞茜🔅車厘茄🔅雞脾菇🔅蘆筍等豐富材料,夠香口,讚呀點餐附送凍伯爵茶或熱玄米茶, 兩杯清新又有茶味

想試很久的新派素食店，格局很有文青feel，跟周圍的環境其實有點格格不入，但正正這樣突出了她的風格。純素沙律碗🥗 $78色彩繽紛，賣相吸引，有羽衣甘藍丶紫椰菜丶鮮橙🍊丶蜜瓜丶南瓜🎃丶櫻桃蘿蔔丶車厘茄丶藜麥，健康又好味日本昆布番茄漬🍅 $78意想不到的驚喜，通常吃漬物只是作為套餐中的前菜，第一次當小食吃，所以沒想到擺盤及配搭可以這樣精美，實在是一大驚喜，而且味道一流焙茶燕麥奶🍵 餐加$24非咖啡類別，但也做了拉花圖案😍在這裏既可品嚐美食，又可享受寧靜及舒適的環境，連店員也溫文有禮，跟餐廳風格非常配合，就這樣過了一個悠閒的下午茶時光。

最近太太愛上新餐肉，而她跟我說試過這家素食店有使用新餐肉，食物有特色且味道不錯，便把我帶來試試位置：位於荃灣三坡坊內，晚上周圍環境較複雜環境：餐廳內部光亮及舒服❤️服務：店員會用消毒噴霧清潔桌面才安排入座，令人感覺安心💕食物：素食菜式外觀幾可亂真🌻日式咖喱吉列豬扒意大利飯（$108）本人選了這款看上去最難不好味的主菜，果然也沒有讓人失望吉列豬扒用的就是新豬肉，炸出來不油膩而亦很香，味道不錯，加上兩小片蘋果作點綴而意大利飯有蘆筍、雞脾菇及車厘茄作配菜，頗為清新，其中雞脾菇切粒後有點像魚蛋，飯佈滿了日式咖哩，味道香亦不會太濃泰式香辣不可能肉碎意粉（$88）太太選的這款意粉意想不到的香辣，原來配料的指天椒是沒有去籽，喜歡辣的朋友可以試試同時放入莞茜及金不換炒，很有泰國風味，而配菜有蘆筍、雞脾菇及車厘茄，算是有層次另外所謂的不可能肉碎，其實又是新餐肉炒成，炒過後很香，像極真的肉碎凍伯爵茶（跟餐）我們跟餐飲品均選了這款，茶香味濃，而凍飲能解辣總結這家素食餐廳環境及食物同樣不錯，置身餐廳內就像脫離了餐廳外的嘈雜世界一般，既舒適亦能品賞另類的美食呢

講到食素，第一時間諗到既就係以前食過既傳統齋舖，食羅漢齋啊素叉燒果啲，宜家越黎越多人因為唔同既原因食素，素食越黎越流行，素食既選擇亦都越黎越多。素年就係一間素食店，有各種素食既fusion菜，創新得黎又好食，就算平時冇食開素既都接受到。 1️⃣不可能漢堡包（$128）漢堡包既餡料都幾豐富，入面除左有塊不可能漢堡之外，仲有火箭菜🥬紫洋蔥同埋純素芝士🧀成個配搭令我感覺好似食漢堡包都好健康咁😂個純素芝士令我好驚喜，原來純素芝士既味同一般芝士咁似，加埋落個漢堡包到好好味。塊不可能漢堡既味道我就唔覺得真係好似真肉咁，都仲食到啲大豆既味，但係佢既肉質感覺就可以媲美真既漢堡肉，加佢成個包既調味同埋啲餡料既配搭令到個漢堡包食落好似食緊普通既牛肉漢堡咁。  另外個不可能漢堡包仲有配埋番薯條，呢個番薯條我超鍾意😍好好食😍😍炸得好香脆，番薯條本身帶少少甜味，好食過出面食果啲薯條多多聲。  2⃣️魚香茄子意粉（$88）完全冇諗過魚香茄子加意粉呢個組合🧐但係出奇地好味。意粉好大碟，入面有新豬肉碎同埋茄子，少少辣，好惹味。