紅煮意

營業中

休息中

好耐冇來過呢到食野啦，睇番原來4年前來過呢到食野，好記得果時食的野食真係好好食～今日經過附近，終於又有機會幫襯下！同好耐以前一樣，佢地仲keep住有music live ~ 每星期六的7:30 可惜我每次都冇咩緣份，只好睇住老闆錄低的重播先😂好期待，今次我叫了法式羊架～$138就有個套餐～以今時今日的物價⋯真係算係咁了～到啦到啦！呢個羊架係配燒汁同薄荷醬～感覺好清新，我到現在都好鍾意佢個薯蓉，好軟滑。至於個羊架⋯！真係好正🤣唔韌～好易咬開，又夠淋～仲要好多肉汁咁！真係有圖有真相😂yummy🫶🏻期待呢間餐廳有新作品

今日難得假期，同fd行左成日街，即刻上網睇下附近有咩好嘢食，見到附近有間個名叫紅煮意都幾得意，就決定去試下，去到原來係間樓上舖，環境整體都幾舒服，餐牌都算多選擇。我就叫咗個炭燒紐西蘭西冷牛扒套餐，仲可以揀幾成熟，套餐就跟杯餐飲同有個湯（可以揀沙律）我就叫嗌左杯凍檸茶解膩清爽一流，而個白汁蘑菇湯又香又滑，我今次就試咗個7成熟，個牛扒煎得剛好、外焦里嫩，肉質緊實得黎又唔會太韌，配上燒汁同芥末更別有一番風味，仲有兩塊薯餅。整體黎講對於我呢啲唔係經常食牛扒即人黎講呢個價可以試到咁即牛扒絕對值得一試😍

👀去完廟街之後見有啲肚餓，於是同d friend一齊去穩附近有咩餐廳好食，睇到呢間紅煮意，d menu唔錯，樓上舖，望落唔差，應該可以hea住坐😂就一齊入去食😆👉我就揀左🌟海鹽燒是日精選海洋魚扒🐟跟餐我揀左有湯同野飲-凍檸茶🥤🥣湯係蘑菇🍄忌廉湯，湯幾creamy，唔錯👅魚扒食落好有海洋嘅感覺，魚扒外表脆身，同平時食嘅唔同，唔係軟淋淋，係脆卜卜，仲有薯菜，平時出面係🍟薯條，呢度係薯餅，薯餅好好食，炸到金黃色，好鍾意食炸野😆👉我仲叫左個甜品食-藍莓🫐芝士蛋糕🍰配🍈哈密瓜雪糕👅雪糕好香濃哈密瓜味，芝士蛋糕都好有芝士味，都唔錯👅仲有一個椰子🥥雪葩同蘋果雪葩都好食🤤

咁岩附近收工 近近地就去試吓油麻地呢間餐廳啦🤣🤣🤣間野叫紅煮意 紅色牆身 放左好多好得意嘅Figure環境好懷舊嘅感覺 坐得都幾舒服聽朋友講呢間逢星期六夜晚7:30會有live Music 好有feel咁🤣餐牌都有好多選擇 我今次就叫咗炭燒美國草飼肉眼牛扒 七成熟 佢跟餐跟薯菜 包埋野飲&餐包餐湯 我地今次係牛角包 脆卜卜餐湯係蘑菇忌廉湯 都唔錯唔會好淡～主菜整得幾好 又唔un 牛味都幾濃😋😋啲汁都幾好味 係汁就係燒汁同芥末薯菜係薯餅 炸得好香脆 好好食👍🏻食到好飽😆好滿足

朋友話“紅煮意”有live music 咪一心諗住去relax下囉～點知自己攪錯左，今日吾係星期六，冇喎😛既然嚟到就order個 set 啦～‘’蜜汁燒BB豬仔骨‘’+$22跟餐有湯或沙律，仲有嘢飲👍忌廉磨菇湯跟蒜蓉脆包,homemade難得，清香磨菇味，蒜蓉包香脆👍豬仔骨係先炸過，因距離廚房不遠，聽到😛炸過後嘅豬仔骨外香內軟仍保留肉汁，骨連肉，肉連筋膜，我以開一條條後索性用齊十指享受它😅無拘無束下吃得更滋味～值得一提嘅係佢嘅燒烤汁，汁夠薄，酸酸甜甜，惹味😍跟餐有新鮮嘅沙律菜香脆嘅薯條，薯條冇醮，醮埋啲燒烤汁，一點都不想浪費😝餐凍飲不用加錢👍陸陸續續，有客人入嚟，聽到佢哋打招呼，好似都係熟客，侍應熱情招待，大家都好似朋友咁，氣氛好warm。一問之下，原來紅煮意已經開左8年，招呼，食物都有水準，難怪能屹立咁多年，疫情下平日仍有咁多客人呢👍

打風吾成三日雨，一啲都冇講錯，今日驟晴驟雨。突然又落大雨，路經有間餐廳，就入去避雨，順便食埋晚飯啦😅 “紅煮意”，餐廳裝飾以紅色為主，好貼體喎😂 紅色嘅牆，仲有好多figure, 好有家嘅feel～ 有煮意嘅餐牌，相信都係chef 嘅idea啦😅 叫左個簡簡單單嘅“蒜香大烤菇珍珠帶子蕃茄炒意粉”跟餐餐湯係忌廉磨菇湯濃稠適中，有清香嘅磨菇味，仲有粒粒磨菇，頗有口感😋應該係自己磨煮，吾會用罐頭湯開粉嗰種😅 配塊香脆嘅蒜蓉包，飽腹👍 大大隻烤菇鋪在意粉上，細嚐一口香菇雖然係烤，但烤得香之餘仍保持到吾會太乾，都仲好juicy😍 珍珠帶子細細粒，但鮮味，吾韌，有口感～ 意粉軟硬道適中，炒得吾會太油，蒜香味重，有嚼口😋 跟餐可配原樽蜜桃果汁，呢隻果汁吾會太甜，有清香蜜桃味，但冇果肉😛 一人晚餐，簡簡單單，所費無幾，食到homemade 嘅晚餐，值👍

早排係朋友介紹之下，我就book左呢間「紅煮意」食我既一人晚餐。朋友話呢間餐廳好有特色，係一間音樂餐廳，逢星期六晚7點半就會有live music，支持本地音樂，仲有木吉他，中提琴做裝飾，好有feel，好chill，仲擺滿好多figure做擺設～呢間餐廳係一人烹調，但上菜速度快，果然有效率餐廳基本上係訂座為主，而基本上都full咁制，所以要預早打電話去訂座，另外，溫馨提示，佢係逢星期二休息架～今晚唔係好肚餓，我就叫左個「炭燒美國草飼肉眼牛扒」、「黑松露忌廉湯」🐂炭燒美國草飼肉眼牛扒 (單點$92)我既order係5成熟，牛扒好有肉汁，唔乾，亦唔會太生血淋淋咁，塊扒既size好大塊，再沾一下個芥末醬，簡直係絕配，我好中意食牛扒配芥末醬或者黑椒汁，我覺得係最夾牛扒。基本上我食完塊扒，都飽左7成，而牛扒個底放左兩舊薯蓉，食埋就真係飽晒，仲有其他配菜，例如沙律菜，蕃茄，balance 返～🥄黑松露忌廉湯 ($40)忌廉湯好重黑松露味，而每一啖我都食到有類似菇粒，相當有𡁻口，碗湯係放足料，味道亦濃郁～🥖蒜蓉包 (Free)蒜蓉包係餐廳送，係上菜時一齊送上，面包烘得脆口，好香蒜蓉味，熱辣辣襯熱食～

店舖位於油麻地警署斜對面，一間樓上店舖。位置對我來說不方便亦不是很好找，工作關係第一次吃是在下午茶時段，一吃便愛上廚師煮的東西，味道很難忘，記著就來一次中午餐。 記得第一次吃是點了 日式照燒雞肉當， 很簡單用一個大大的日式膠碗裝着白飯，面頭是滿滿的雞肉及醬汁。 飯是暖的，雞肉很滑配上店家弄的醬汁，很快我把一大碗飯吃光。這次中午我選了 香煎豬扒維也納腸配意粉（$65）。我沒有想到這個價錢還跟餐湯餐包和飲品。餐湯是蘑菇湯，喝時嘴裡充滿著蘑菇粒的味道。到主菜， 咬一口豬扒，有脆脆的感覺，內裡肉質很淋juicy. 配上新鮮的沙律菜和皮脆的香腸，令我整天心情很滿足愉快。❤️❤️

落左班，走左去比較傳統的百老匯睇戲開戲之前就四圍搵下有無野食可以醫肚先見到呢4樓上舖有扒食幾鍾意佢既氣氛，好屋邨生意咁，服務員好Nice同埋睇得出個店家係動漫迷，好多模型我揀左跟餐價$132 , 再+1 , 都係$145埋單服務員好貼心，見到我大汗細汗咁準備左個室溫同凍水俾我好sweet亦都好快手咁上左個沙律菜等我有D野落肚...新西蘭西冷牛扒 個扒煎得香又易切，唔會太多筋位食落又淋身最欣賞佢落左好燒烤汁，所以食落除左肉汁，更多左個層次的味道份量亦都唔惹少食完飽飽，準備去睇戲啦!仲要讚一讚佢杯咖啡好香濃好滑雖然夜媽媽就唔好飲咖啡，但始終忍唔住個咖啡癮

無意中發現依一間喺油麻地嘅餐廳，佢哋致力推動本地藝術文化，好支持本地音樂人，每逢星期六晚仲有live busking 音樂表演，真係唔係一般餐廳咁簡單！佢哋嘅地理位置都算幾唔錯，就喺電影中心附近。我同朋友們間中都會因為有啲冷門嘅電影，而特登去電影中心，book mark定依間餐廳就啱晒😎😎晚飯時間嚟到，佢哋餐牌食物選擇選都幾多，仲可以跟餐，有沙律或者餐湯，加餐飲，性價比幾高😎炭燒紐西蘭西冷牛扒 8-10oz賣相唔錯😋😋牛扒超大塊，兩面都有焦香感覺，咬落去外皮有少少香脆，好正！我叫咗七成熟，啱啱好👍🏼👍🏼配上好大嘅一球薯蓉，薯蓉味道偏淡，同牛扒醬汁都幾夾。是日餐湯，蘑菇湯，都幾濃郁，但好熱🔥🔥要慢慢飲😄😄飲品方面，果汁係樽裝，依支樽裝橙汁，夠晒冰涼👍🏼一路食，就留意到餐廳入面有唔少推廣本地音樂嘅元素，睇黎係唔少鍾意本地音樂嘅人既敘腳地😎😎

係油麻地百老匯電影中心睇完戲，想近近地係附近食埋飯，但又要坐得舒服啲，有啲情調既，呢間紅煮意餐廳係首選。地方唔算太大，而且都好full下，醒目既就book定位。相信呢度最吸引既，就係有live。但只限星期六晚。不過，冇live都唔緊要既，因為一整晚都有Mirror既歌陪住我食飯。餐牌選擇多，要肉食既或清清地既菜式都有。可以單點或跟餐，跟餐都係多廿零蚊，抵食好多。忌廉蘑菇餐湯，法式烤包個湯都幾creamy，忌廉味濃。麵包香脆，有少少蒜蓉味，暖暖地，唔錯。Daily Fish海鹽燒鱸魚配薯菜鱸魚切件上，肉質細緻鮮甜，沒有魚腥味，也不易散開。醮點香草忌廉汁，更加好吃。薯菜可轉飯或意粉，我冇轉，因為係薯餅。香脆可口，好過食薯條。蒜香大烤菇炒意粉大烤菇好juice, 好香蒜味和菇味，好夾。意粉軟硬剛好，有少少咬口，但又不會太硬。香蒜既味道味道完全滲透進意粉裏。材料簡單樸素，但整個意粉令人反覆回味。餐飲可以揀指定果汁，今晚係Apple juice，樽裝，都幾特別。未試過呢款樽裝果汁，唔會太甜，有陣陣蘋果味，飲完可以幫助消化。呢度環境都唔錯，飯後靜靜地坐下，同朋友吹下水，好舒服。

.老公同朋友黎過呢間餐廳食飯話食物質素高，今日有機會到我黎試下啦！💛我地叫左兩個main，一個跟餐一個單點，因為我地都細食，而我又唔想飲湯食沙律😅香草燒法式紐西蘭羊仔架 丨燒汁．薄荷醬 丨薯菜 (單點HK$110)羊仔架兩大塊，羊肉都易切開，食落都覺得肉嫩，如果煎少兩分鐘可能更好食更tender，成塊都肥瘦均勻有油脂肥肉位，好香，冇羊羶味👍🏼可惜燒汁凍左，但薄荷味好出。配菜係薯蓉、蕃茄片、生菜。薯蓉都幾大個，如果加牛奶整，食落會更加幼滑，呢個比較粗糙啲，但都唔錯既。軟殼蟹黑松露忌廉汁意粉 (跟餐 HK$108)一上枱就聞到陣陣黑松露香，意粉份量巨大，每條意粉都沾上黑松露同忌廉汁，足料唔吝嗇軟殼蟹都炸得好脆，原隻上，入面都有啲蟹肉的😋跟餐配蒜茸包、蕃茄雜菜湯同一杯熱飲。Bora Bora 果茶-德國 (HK$50)(Strawberry. Mango. Currants. Apple. Raspberry.Sunflower)呢杯果茶酸酸甜甜好醒胃，食完兩碟比較油膩既野飲返杯果茶即刻解膩，推介👍🏼壺茶係用小蠟燭熱住，咁就唔怕茶凍哂啦，杯係比細細隻有耳既杯仔，其實叫呢壺茶同三五知己飲都幾c

同朋友約左等疫情冇咁嚴重就快D食餐飯，去左間吾係咁顯眼既餐廳。餐廳感覺比較cozy，食完之後又可以傾計，食物份量適中。勝在人比較少，所以感覺比較好，大家可以黎試下。我行樓梯上去，如果有老人家及小朋友就留意下，或者有lift 我吾知，希望疫情快D過去。

軟殼蟹黑松露忌廉汁意粉：原隻軟殼蟹酥脆，黑松露忌廉汁好香黑松露味又creamy, 意粉軟硬適中炭燒美國草飼肉眼牛扒：牛扒燒得好靚但比較韌，比較難咬開，咬落牛味香濃。

紅煮意❣️油麻地新填地街151號俊逸豪園1樓B座(後座入口/油麻地警署斜對面)—————————————————————————-今日食左紐西蘭西冷牛扒 ——七成熟 跟餐 法包 蘑菇忌廉湯——牛扒正 肉味重享受住個chill chill環境食野爽 好有feel下次想試下 下午茶 好吸引 45-60可以食到牛扒 漢堡 三色多士。炭燒精選牛扒| 燒汁（珍珠飯/意粉） 廚師推介GRILLED STEAK WITH GRAVY SAUCE。日式野菜芝士紫薯漢堡（素)/薯條CHESTNUT POTATO CAKE & CHEESE BURGER & FRIES。歐歐陸三色多士|（黑松露.PARMA HAM . 煙三文魚）TOAST PLATTER I (BLACK TRUFFLE, PARAMA HAM,SMOKED SALMON)。安格斯牛肉芝士漢堡|薯條 廚師推介ANGUS CHEESE BURGER WITH BBQ SAUCE & FRIES