紅煮意

營業中

休息中

呢間係我encore咗好多年嘅隱世西餐～價錢公道&出品穩定，絕對值得回頭🙌🏻以前去我多數都食西冷或肉眼，直到某次試咗鴨胸同羊架，發現全新美味～今次索性兩樣齊上，唔駛揀🤣全間餐廳由老闆＋老闆娘兩位打理～繁忙時間要有啲耐性等一等🙌🏻！🔶 烤原隻法式鴨胸及燒菠蘿|香橙青檸汁🪿 $118 (跟餐)鴨胸外皮煎得香脆、脂香四溢，入面仲保留粉紅肉質，唔乾唔鞋，肉汁豐富，認真正😍跟餐可以揀沙律或者餐湯，餐湯通常都係忌廉湯，順滑得嚟唔會太稀，啱啱好落口～配返多士，食落去夠哂完整✨🔶 散叫羊架（2件） 🐑 成日都話羊架難掌握，但佢哋真係煎得好！外層焦香、內裡粉嫩，唔羶又夠juicy～口感啖啖肉又唔韌，一流💯🔶 海鹽燒是日精選海洋魚扒 🐟 $120 (跟餐)朋友仔嗌咗條魚扒，煎得香口唔腥，魚肉滑嫩～配埋個淡淡嘅汁，味道啱啱好，唔會搶戲又唔會寡味～🎶星期六晚仲有Live Band Dinner！之前join過一次，氣氛好正～鍾意現場音樂嘅朋友記得bookmark💃🏻🎸整體嚟講，出品有誠意，味道穩定，無論食牛,羊,魚,鴨，每次都冇失手！想搵間唔花巧但實淨、有質素、有溫度嘅西餐廳，紅煮意真係值得一試再試！

早兩日,同班同事,去公司附近,依間餐廳食嘢十二點幾去到, 多見到幾多人下,不過都有位坐低,點知落曬單之後,啲嘢食飲品要等勁耐,最少30分鐘,要不停咁催促店家, 現場冷氣又不足,好焗好熱, 想快啲有嘢飲,但都冇辨法終於等到啲嘢食齊曬, 好肚餓,所以極速食曬啲嘢, 食完就差唔多1點, 啱啱一食完,已經有位女店員, 拎張單過嚟,叫我哋埋單真係嚇咗一跳, 我哋坐咗一個鐘都冇,咁快就叫我哋埋單,仲要啱啱先食完嘢,都未落格,飲嘢都未飲完, 現場唔見有任何標示,有限用膳時間, 坐咗1小時都冇,就畀人叫埋單, 出餐慢但趕人走就快食物質素,亦都非常普通, 一個烚意粉淋上白汁,加普通煎塊雞扒,加個熟嘅烤菇,咁就70幾非常唔值, 好似食緊啲碟頭飯咁

第一次嚟，因滿座在門口等了一陣，侍應已急不及待在門口叫我落order, 然後才帶我入去坐低。一坐低，就覺得好焗，冷氣嚴重不足，熱到飛起，我未食已不停流汗，問可否開大啲冷氣，又話已經開到最大，焗到我呼吸都有困難，但又因為已落order想走都唔得。最後唯有叫侍應打包比我拎走。一個戴眼鏡女侍應的態度亦十分差，我等她包外賣，她竟然說：“先生，你可唔可以出去出面等？” 個客已經話焗，仲叫個客出餐廳門口外等 (餐廳門口係更熱)，無法接受，呢間餐廳永遠blacklist，永不再幫襯。飯盒攞到番公司，我叫的是大啡菇雞扒意粉，質素和味道亦十分麻麻，比茶餐廳更差，還要HK$75，好貴，不值得。

雖然距離地鐵站有一點遠，但知道在油麻地電影中心附近就比較易搵一點。當本人去到餐廳享用膳食之後，今次嘅享用餐點之後覺得值回票價，以食物質素嚟講可以媲美真正嘅法國菜烹調， 又有自家出品嘅飲品，價錢亦相宜超值， 以價錢、服務、質素、及出品可以享受到極高佳餚，給無微不至嘅服務及自家製嘅產品真係令我再三回味。以本人近來去享用嘅餐廳嚟講， 此餐廳係極高水準用膳地方，環境亦可以三五知己聚會傾談，值得本人介紹給朋友，總括嚟講質素是以上！

好支持本地小店 #支持留港消費琴晚去到油麻地呢一間餐廳，行動不便或者輪椅不適合去，因為有一條很長的樓梯西餐為主，推介西冷、pizza同cheese cake🥩🧀🍮👍烤豬仔扒同鐵板牛柳失望🥲我哋自己帶咗酒，開瓶費，幾十蚊一支係抵嘅👍當晚兩位表演者呢，普普通通麻麻哋，唱K咁唱live，可能太投入享受佢地自己唱歌😅，唱功、感情同互動都欠奉，（即係知你好鍾意唱歌，但係你感動唔到觀眾，亦都唔覺得你唱得好聽囉）每星期表演嘉賓唔同嘅，其實都值得去體驗吓不過因為open kitchen廚房抽風唔係好夠，導致出邊冷氣都唔係好夠有啲焗對洗手間有要求的不要去，不是餐廳問題是大廈問題如果純粹食飯，我會再來食pizza cheese cake同牛扒，因為真係幾好食希望老闆會改善其他👍

本人打算穿過駿發花園去圖書館，見到有個易拉架廣告，先知道有呢間餐廳存在。易拉架真係好有用，大大隻字印左餐牌，視力不佳嘅老友記遠一遠都睇到，食物同價錢都吸引，本人就貢上去快速食個下午茶。呢間餐廳喺一樓，行條小樓梯就上到去，老友記都行到架。我要左個牛肉漢堡加熱齋啡，$65唔駛加一。個包整得好好味，尤其入面塊肉，唔係全熟架，沙律菜同蕃茄都好新鮮，總之就係好味～雖然杯咖啡係煲果種，但都幾香~最後手多睇下檯上宣傳牌，就然見到有電影對白~好似呼應返隨離戲院咁。去呢度食野就留意返：1- 唔鍾意有現場音樂，怕嘈嘅老友記就唔好星期六晚上黎。2- 下午茶做到5:30，店員會提你埋單兼準時離開，所以堂食就要預留返時間上去食野～3- 食完身上會有油煙味～

紅煮意歷史都算悠久，以前成日去電影中心睇戲都會經過，但係就一直都未有機會幫襯。今次又嚟呢度睇戲，就順理成章上嚟食個午餐。十二點幾嚟到，要等位，而家香港呢個經濟狀況，算少見，證明呢度都真係幾多客。等咗一陣，終於有位，一坐低，就畀入面嘅氛圍吸引住：電視不斷播哥哥嘅 MV，勁正，我仲發現原來呢度星期六晚有 live music😯，好正喎！呢度除咗有恆常嘅餐牌，仲有個每星期轉款嘅午餐 menu，我叫咗香煎美國豬仔扒配炭燒章魚餅意粉，醬汁係意大利蕃茄汁。先嚟餐湯同餐包，餐湯幾 creamy，仲食到粟米粒同蘑菇粒，唔錯。主菜嘅豬仔扒幾 juicy 嫩滑，章魚餅口感偏腍，雖然同個意粉唔係好 match，但係都幾好食，伴碟嘅蕃茄同沙律菜都夠 fresh，整體不俗。飲品我揀咗自家製樽仔鴛鴦，雖然係原味，但係對於我嚟講都係偏甜，不過茶啡比例幾好，所以都算好飲。

「紅煮意Red Idea」 我感覺是非常舒服的2樓餐廳, 嚟緊有機會再來。今晚是我第一次來, 因為有live music。我坐在靠街的大玻璃窗旁, 飲蘑菇湯+麵包, 食牛肉眼扒配大啡菇+薯餅沙律菜, (晚餐送甜品(雪糕), 包自家製凍鴛鴦), 好味👍😋。慢慢吃完了晚餐,跟住就好專心聽live music😍。這個場的音響好專業, 沒有很刺耳那種。 今晚表演者還同老闆一起jam歌, 氣氛超好呀！🎉🥳🎹🎶 yeah~~

有晚約左朋友係油麻地附近見面，但又唔知道有啲咩嘢食，咁咪上網睇吓啦，結果俾我見到呢間有live band表演嘅樓上coffee shop/西餐店，見好似幾有特別咁，就決定上去試下啦！話佢隱世係因為佢上去舖頭條路有少少隱蔽，搵左一陣先搵到🤣🤣🤣雖然整間舖嘅面積唔係好大，但環境都幾好，座位之間都幾濶下。但由於我哋坐係佢個煮食爐附近，而佢又係open kitchen,所以油煙都比較大，呢度都扣左啲分😅我自己叫左個炭燒肉眼牛扒，我覺得不過不失啦，我今次叫左7成熟，佢都做到嘅，並無出現過熟情況，醬汁都幾好。本身以為煮菜會係薯條，結果原來係薯餅，而且仲整得幾脆下，唔錯👍🏻朋友就叫左蕃茄司華力腸長通粉，雖然貌相平平無奇（可惜唔記得影相），但朋友就話好好食，好有家嘅感覺🤣🤣最後我叫左杯特飲- 比利時特濃朱古力，貌相唔錯，有一層厚厚嘅cream,我當自己食緊甜品咁😊而整杯朱古力一啲都唔甜，仲帶有朱古力嘅甘味，整杯野飲都好正😍

油麻地有個隱世文青高素質地帶，就喺電影中心一帶，嗰邊嘅電影都係比較獨特啲，有復刻板、獨立電影、小品類，反正就係走小眾不刻意追求大眾化的選味。而呢一帶有一間滿滿文化素質的上樓隱世西餐「紅煮意」，佢哋逢星期六晚又會開放比本地非主流音樂人嚟表演，食客可一邊食飯、一邊享受音樂，更甚是價格非常廉價，一個餐連湯/沙律、飲品、麵包及主食，都係$200有找（視乎你點咩款式）真係要嚟支持⬆️呢！今晚我同兩位姊妹👯‍♀️去左紅煮意開餐，點左三個餐，分別係蒜香大烤菇珍珠帶子蕃茄炒意粉、蜜汁燒BB豬仔骨、海鹽燒爐魚魚扒。炒意粉味香口感順，意粉軟硬適中，帶子鮮甜，烤菇味香。魚扒非常好味，肉質厚實、咬開帶魚汁、魚味甜甜的，鹽燒味帶出魚鮮，非常推薦！豬仔骨絕對要點，肉質鮮嫩、易切、咬開帶肉汁四溢、蜜汁配搭很絕！三個餐、連飲品、麵包及沙律/湯，我地三人除開都只係每人$150左右，呢個價錢可以邊度搵？加上環境舒適，三五知己的聚腳之選。

星期五晚當然要出黎抖抖氣啦，來到了紅煮意食晚飯。樓上舖，但門口都唔難搵㗎，一上樓梯就到。除左dinner set，仲有唔少前菜、小食揀㗎。現場環境昏暗氣氛唔錯，逢星期六晚仲有歌聽添，至於係咩類型嘅歌同歌手，可以上餐廳fb或ig睇公布🎵🎶⭐餐湯 & 法包叫左兩份晚餐，揀左跟餐湯，是晚餐湯係蘑菇湯，好香菌味😋仲有烘得香口的法式多士。⭐美國安格斯烤菇牛肉漢堡配薯條朋友點了漢堡，賣相唔錯㗎，厚厚的漢堡扒，仲有半瀜芝士、大啡菇、生菜蕃茄等，多汁美味。薯條係粗條，薯味特別香濃🤤⭐Red Idea卡邦尼意粉自己就點左餐廚招牌，用得店名命名應該係推介啦😆醬汁好creamy，啱啱好包住每條意粉，意粉有咬口，好好味。⭐鴛鴦 & 熱情果汁餐飲見有新出嘅樽仔奶茶同鴛鴦，試左支鴛鴦，啡味幾香奶茶夠滑，平衡做得唔錯😋朋友就點左指定果汁，是晚係熱情果口味。⭐藍莓芝士餅伴雪糕又點少得叫埋甜品，本身想叫朱古力但賣晒啦，咁轉要芝士蛋糕啦，藍莓醬香甜，芝士蛋糕厚實濕潤，芝味十足。旁邊的雪糕係伯爵茶口味，有驚喜喎，茶味極香，唔知係咪店家自製呢🤤食物好味，份量十足，加上價錢親民，支持小店啦👍

點咗碗軟腳蟹黑松露忌廉麵 當時情況是差不多食咗一半啲麵 之後開動食嗰軟殼蟹 跟住用食具從隻蟹中間斬斷 係蟹炸過的表面上發現有條好長的頭髮 還是一條又長又卷的頭髮 當時即刻叫職員換一份 職員當時也過黎驗證過係頭髮 跟住佢就快快手換咗一份畀我 我當時冇影相留底 同我講唔好意思 但後來換一份 我基本飽咗 跟住想試下隻蟹 但因為有前一次發生的事 我就攞起隻蟹睇下 跟住我又發現隻蟹係炸的表面有頭髮 我就切開咗 發現真係頭髮 但因為我係切斷咗 所以變咗兩截 但兩截都見到係一條黑色 又長的頭髮 跟住問店員 店員就同我哋講 話呢個係特色 唔係頭髮 後來我話之前嗰條卷髮你哋又承認係 幫我換一碗 宜家呢條都係 就話我亂吵

餐廳：紅煮意 (油麻地)地址：油麻地新填地街151號俊逸豪園1樓B座(後座入口/油麻地警署斜對面)炭燒紐西蘭西冷牛扒 $132 (套餐)Order咗一份五成熟嘅紐西蘭西冷牛扒，即叫即煮，夠曬新鮮熱辣辣，肉質鮮嫩，牛味濃郁，火喉亦控制得宜，生熟程度啱啱好，配上燒汁同芥末醬，另有薯蓉同沙律作伴，薯蓉軟滑如絲，口感滑溜，的確幾吸引。套餐會跟法式烤包、餐湯或沙律同埋飲品。法式烤包一口Size，蒜香味十足。餐湯則有忌廉蘑菇湯，味道都唔錯。飲品有果汁、咖啡或茶，我就叫咗果汁，外國桃汁而且係樽裝，估唔到又幾好飲。另外逢星期六7:30都會有Live Music表演，可以一邊品嚐食物，一邊享受音樂。

Netflix出左black mirror，放工拿拿聲搵個近近地既餐廳食野，跟住就番去煲劇，上網搵到呢間野係有live band，點知係星期六7點半先有，今次就當普通食下野啦食物價錢唔太貴，見到門口牆上塊簽名版就知有唔少人支持呢間餐廳，牆上放左好多figure，好明顯老細係自肥放曬自己鐘意既元素落呢間餐廳跟餐就多左法包、餐湯/ 沙律、飲品，比單點加多$22，法包焗得幾脆炭燒紐西蘭西冷牛扒 - 跟餐（$132）西冷扒有8-10oz，表面煎封做得不錯，叫左medium無overcooked，有薯蓉跟上西班牙蕃茄海鮮燴意粉（$86）有唔少海鮮，分別有青口、蜆肉、帶子肉，每一口意粉都食到不同海鮮，意粉份量都幾足

人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒人生食過最難食嘅牛扒真係好Q難食，唔知點解可以做到完全冇味，唔知雪咗幾耐，唔知乸左幾耐，無任何肉味，只有被乸過嘅味，本身舊嘢仲要無正常咁煎，個面一啲煎嘅痕跡都冇，仲好意思話自己炭燒，跟住鹽都慳，食緊橡膠一樣。質地異常，乸太耐？用咩乸？？完全唔係牛肉嘅質地，應該話完全唔係肉嘅質地！(然後其實點解牛扒要乸？？？啲肉有幾唔新鮮？！)我甚至都唔知可唔可以形容佢為一舊肉，食到懷疑人生，仲要聲稱自己係美國草飼肉眼牛扒。唔該唔想開爐就出聲啦，求其俾舊唔知咩肉，真係好難食，雖然近百老匯，今次之後永久blacklist