紅煮意

營業中

休息中

服務當晚只有兩位員工，一位負責煮食，一位負責招待客人，雖然唔夠人，但職員仍然可以招呼得好好，我地一舉手就好快黎到，一有食物出亦以最快時間送到台面，送到台面啲食物仍然好熱。環境以紅色為主，好有音樂氣氛，職員話逢星期六就會有唔同嘅音樂睇同聽，例如手風琴，有唔同人嘅唱歌。另外，廚房是公開式的，可以睇到廚師烹調。鵝肝多士擺設好靚，由木板上，有啲配菜係木板上，一整舊鵝肝係多士上，切開，鵝肝同多士一齊食，絕配，鵝肝入口即溶嘅感覺，多士脆脆的，兩者好有口感。軟殼蟹黑松露忌廉汁意粉原隻軟殼蟹係意粉上，擺盤已經好吸引，意粉軟硬度適中，亦好入味。肉眼扒牛扒好大塊，叫左七成熟，煮得岩岩好。仲有薯蓉，配埋芥末同燒汁食好配。三重芝士焗石蠔大大的兩隻蠔，表面有好多芝士覆蓋去焗，食落好香芝士味，個蠔一啲都唔會腥，好好味。比利時特濃朱古力焦糖布甸伴雪糕焦糖係碟底，布甸有好重嘅朱古力味，唔會好甜好流，雪糕配搭即好夾。仲有三塊桃。

放工同朋友去油麻地食紅煮意，估唔到油麻地都有咁高質素嘅西式餐廳，餐廳係一樓樓上鋪，近戲院位置入，餐牌上所有食物都好吸引，我哋叫咗鵝肝多士、軟殼蟹意粉、肉眼牛扒、石蠔兩隻、同埋比利時特濃朱古力蕉糖布甸伴雪糕。鵝肝多士嘅鵝肝10分肥厚，超級好食，配合得啱啱好。軟殼蟹意粉有黑松露同埋野菌，意粉唔會太硬，煮得啱啱好，配合軟殼蟹，味道唔錯。肉眼牛排超級大塊，仲有芥末醬，值得推薦。甜品好好味，賣相相當吸引，布甸好濃朱古力味，唔會太甜。店員服務好好，臨走前見到逢星期六 7:30 都有live music，十分推薦星期六黎聽食野同聽live music.

今日Happy Friday同老公去百老匯電影中心睇戲，睇戲前去附近搵間餐廳食咗晚飯先喺電影中心行過少少見到個餐牌就行上去睇睇啦！如果冇呢個餐牌又真係難發現有間餐廳行上一層就見到門囗入到去內裏的佈置至滿音樂感，座位亦很舒適，餐廳的角落也掛住各式樂器我們點了美國草飼肉眼牛扒跟飯餐還有黑松露野菌意大利飯牛扒餐可以選沙律或餐湯今晚的餐湯是南瓜湯南瓜湯很濃郁很Creamy 😋😋還跟一個法式烤包，烤得很脆囗這個牛扒我點了八成熟，味道非常好，很有牛味，味道沒有被燒汁掩蓋！跟牛扒的飯是珍珠米！和這個燒汁一起吃很好吃！除了飯還可選意粉或薯菜而這意大利飯本人十分推介，肯定是即炒的，上枱時熱辣辣，很香很Creamy, 碟邊上放了點淮鹽，點著吃很開胃，野菌也非常爽口！😋可惜今天沒有Music Show, 只有星期六才會有不同的香港本地音樂人在這裏表演星期六Music Show也有特別的菜單，下次要星期六再來！支持本地音樂

小弟擺低書包好耐，是夜難得走到過嚟油麻地上堂，由於上堂時間夜，成8:30pm先開始，所以，晚飯就搵間好坐啲嘅、襟坐啲嘅，唔使諗食完飯搵咩地方遊盪，索性就番上堂時間先離開。晌網上搜尋吓，偶然發現呢一家隱蔽嘅樓上小店「紅煮意」，見其風評不俗，晌樓下望過餐牌定價亦合理，上訪一試。未入餐廳，晌門口已發現佢哋喺好支持本地文化，對電影、音樂都有一定嘅支持，例如：憑即日電影票尾有啲優惠，攜帶樂器到訪又有其他優惠，當然，想享此等優惠記得留意當中細節。此外，逢星期六晚7:30pm，更有唔同嘅樂手駐場表現，或許呢刻喺名不經傳，但講唔埋將來會喺天王巨星。踏入店內，雖然唔喺咩文青格局，但都充滿文化氣息，牆上掛有唔少較中型嘅樂器，以及一啲樂隊表現嘅照片，近門口處更擺放咗跟文化相關嘅刊物或宣傳品。另外，餐廳亦備有少量遊戲，三幾個朋友晌非飯市時間嚟坐吓、玩吓，加上呢度樓底相對高，又有啲梳化位，感覺都幾寫意喔。翻一轉個巨型大餐牌，散點菜式大類分為沙律、頭盤、小食、甜品、花茶、特飲、特色咖啡。而背頁就喺主菜及意大利麵，可以散點，亦可以嗌為套餐，而套餐就多咗餐包、餐湯或沙律、餐飲。此外，餐飲亦可以加錢轉其他飲品，如比利時

同老友好久没出來食飯，老友帶我來油麻地的紅煮意，見到1樓的紅煮意好像幾好味，咪來食下晚飯。地點位於1樓，佔地面積很大，感覺舒服開揚，充滿格調，很適合與姊妹前來共渡開心浪漫的一個晚上。店中支持本地文化，憑即日電影院票尾，可換小食一款。餐牌很多款式，十分吸引，立即叫野食享受晚餐。朋友推介的美食，最吸引我是西冷牛扒，我選了主菜組合，除了西冷牛扒，仲有法式烤包，餐湯或沙津，飲品或果汁。先來(法式烤包)，法式烤包不會太過油膩，很脆很香。我選了(餐湯)，餐湯入口不會太熱，入味之餘，豐富了湯的層次感，口感十足。(西冷牛扒) 配合燒汁及意粉，充滿鮮味及彈性的西冷牛扒，肉色熟得剛好，入面肉汁鎖著，帶點juicy，肉質算腍，其肉質極其柔嫩，入口雖不至即溶，仍十分順口，意粉帶嚼勁，加點燒汁，口感幾好。飲品選了(果汁)，蜜桃汁見到都開心，即時想飲，比一般果汁口感更細滑，入口甜而不膩。

我同朋友都住係油尖旺區所以相約都係番附近朋友表示想去西餐廳或Cafe 但油尖旺比較好食少少又坐得耐的一係好貴 一係吾好食最後搵黎搵去終於搵到呢間紅煮意我地分別叫左個5成熟的西冷牛扒同番茄海鮮意粉個餐可以俾你選擇湯定湯沙律我地都選擇左沙律飲品除左一般的啡或茶仲可以選擇支裝蘋果汁估吾到野食意想不到地好食😋😋😋最重要坐得好舒服好適合朋友傾計之用最後兩個加埋$251走人都好抵食提提大家要消費滿$200先可以用信用卡💳

今日嚟到油麻地，靜靜地同朋友仔gathering，揀咗間好有文青feel嘅樓上餐廳。甫入門口，戲劇演出嘅單張放於架上，電視、board game一應俱全，後生仔嚟呢度傾下偈就最好不過。先叫左樣我至愛嘅小食—炸軟殻蟹。真係好抵，$68，餐牌標明係人氣之選！梗係唔可以錯過！原隻軟殻蟹上桌，隻隻都拳頭咁大！簡直係性價比高！不過食落有啲腮位，大家食嘅時候要注意喇。份量夠兩至三個人分，真係大件夾抵食！白酒煮法國藍青口嘅份量多，十幾廿隻青口夠三四人分，個汁調得重味，配意粉食嘅話味道剛好。主菜羊架嚟喇！遠遠已經聞到羊味香噴噴，煎得金黃嘅羊架食落竟然有脆口嘅感覺。羊脂味滲出，味道濃郁。可選配飯、意粉或薯蓉，任由你喜歡。二人升級咗個餐，加$20左右就有法式烤包、沙律或餐湯、餐飲，都幾抵食。聽講星期六餐廳有live music聽，下次我都要再嚟過！

#炭燒美國草飼紅煮意肉眼牛扒$110牛扒上碟大大塊分量十足，會伴以燒汁、芥末及有一份薯蓉。牛扒我叫咗七成熟，外層熟了而內里則保持嫩滑，建議點小小芥茉食味道幾夾。#卡邦尼意粉$72🤭唔知揀咩嘅時候叫卡邦尼意粉就最穩陣啦。呢間既醬汁幾濃厚，每條意粉食落都係比醬汁鎖住，淡淡濃厚芝士和白汁的香味。另外會有一些火腿伴碟，增加意粉的口感。.🏠紅煮意 (油麻地)油麻地新填地街151號俊逸豪園1樓B座(後座入口/油麻地警署斜對面)

不適合大夥人，出野好慢，我地730入座，九點先有得食，餓死室內空氣唔流通，成身都係野食味，一頭煙，不適合浪漫晚餐野食ok，味道不錯，價格相宜，人少ok既廁所無紙巾

星期五晚想食餐好嘅，但又唔想太多人？可以黎油麻地呢間隱世cafe。呢間樓上cafe環境唔錯，有電視睇之餘又可以玩下board game，適合年青人吹下水hea下。坐得耐叫下野食野飲就最啱，最正嘅係價錢唔貴，叫多啲都唔肉赤。餐牌上有好多頭盤/小食選擇，見到炸軟殻蟹好抵食，諗都唔洗諗就嗌左。三隻蟹，原隻上，好睇又好咪！淨係影相都影到唔停手！食落香脆，椒鹽味道好出，好惹味！平平地嗌左份羊架，即叫即煎，好好味！好少食到外邊剛好煎脆嘅羊架！口感一流！羊味香得黎一啲都唔膻，少少肥令羊脂嘅味道出晒黎！近骨位嘅邊邊最入味，識食嘅就一定係拎上手慢慢「淪」。最後配埋薯蓉軟滑嘅口感，好食到唔停得口！另一樣人氣之選係白酒煮法國藍青口。大大碟，有成廿隻青口，味道十足。個汁好濃，鍾意濃味就啱晒。仲有車厘茄伴碟，好開胃。跟餐的話會包埋法式焗包、湯/沙律、冷熱飲品/指定果汁，都咪話唔豐富。

這間餐廳位於百老匯電影中心附近，如果不是朋友介紹可能也從來不知道這裏原來有這麼地道的西餐廳😂進入餐廳前需要上一條很長的樓梯，樓梯的左右也放滿了餐廳食物的照片。坐下後，店員遞上餐牌，並誠意推介這裏的素食餐牌，喜歡食素的朋友可以到來一試！晚餐方面，會配有法式麵包餐湯或沙律以及餐飲。牆上掛着本地音樂的樂隊歌手，原來這裏每逢星期六會有live show的！我們叫了兩個晚餐，一個選擇了跟蘑菇湯一個選擇了跟沙律。一個叫了菠蘿燒雞泰式漢堡，配薯角及沙律。雞扒非常juicy上面有一些泰式醬再配上菠蘿，組合得非常好，有時漢堡不一定要選擇牛肉，在這裏選擇了雞肉，也可以嘗試到另一種風味！👍另一個叫了炭燒美國肉眼牛扒，牛扒的份量比我們想像中大！我們選擇了五成熟，切下去裏面的肉仍然是粉紅色的，煎得剛剛好！配上燒汁及飯，相信男士們也會很喜歡吃。😋😋餐飲叫了一杯凍咖啡，這個有驚喜😍咖啡的味道濃郁，配上香濃的奶味，有興趣的朋友記得叫。也有很多其他餐飲可以選擇，只需要加$5左右。聽到隔離枱叫了比利時特濃朱古力，下次我都要試吓😝

今晚係油麻地睇戲，早咗到，於是係附近行下搵食，樓上cafe係我target﹐比我搵到呢間個性小店。呢間cafe逢星期六晚有live music﹐主要係本地音樂人。餐廳嘅牆上都掛咗幾款樂器，唔通…店主都係音樂人?上網search下，搵到佢地fb﹐都幾多獨立音樂人去演出，連手風琴都有，想知邊日係咩人演出，可以睇fb﹐會update d。講返食，我叫咗個主食跟餐，另外叫咗個甜品。牛肝菌忌廉湯 - 有新鮮的菌粒，菇味香濃之餘又有口感，有少少香草點綴，色香味俱全!香草燒法式羊仔架(燒汁、薄荷醬、配菜) - 香! 其實由煮嗰下我已經噴到，因為餐廳係open kitchen﹐所以份羊架由生到熟，我都一齊經歷，真係肚餓d都大鑊。廚師煮到剛好熟，絕無韌肉，犀利! 樽裝橙汁 - 跟餐點的，產地係葡萄牙，唔會太甜，都幾好飲。比利時特濃朱古力焦糖布甸伴雪糕 - 由於食完個餐又未夠鐘返學，咁即係個天要我食多個甜品先至走啦，ok﹐咁我就順應天意。呢個甜品賣相不錯而且甜度適中，雪糕口感好似半溶芝士咁，黏得嚟又未去到韌，幾得意。布甸睇落好深啡色，dark chocolate咁嘅款﹐食落有朱古力味，唔苦，配埋雪糕同cr

想搵個坐耐少少既地方於是同朋友尼左呢個CAFE~都有幾多board games 架!!!仲有 唔貴 野食又幾好食跟餐有法式烤包, 餐湯  同冷熱飲品$68  Rib Eye~有扒食扒就VERY GOOD~~不過意粉好似MA MA地朋友食羊架就話無咩羊味~我地玩下DEAL傾下就坐左4個鐘!!!!呢到真係幾抵玩不過最差係個 open kitchen 抽氣太差 成身都吸晒啲油煙味!SAT 既 7:30pm 仲有Live Music Tim~~

2018最後晚餐係正電影中心隔離，食物質素真心唔錯！服務態度很好，很nice ! 仲有live music ! Chill~套餐包括：蘑菇湯 ok, 唔太特別主食：雞扒配大啡菇仲有薯蓉一大球加d 蔬菜 驚唔夠食加$10要多個飯 最愛大啡菇 正呀！西冷牛扒照跟薯蓉一大球加d 蔬菜 加左個意粉 牛扒7成好味 3成有d根 咬唔到餐飲都係檸茶檸水個d仲有個甜品 fruit tart and chocolate cake 全部都係細細粒 唔會好頂肚 但佢平時冇做開甜品，唔好生果既我，食左個chocolate cake 完滿一餐！

雞扒都可以煮到硬到咬幾十下都咬唔開，生蠔有腥味得幾緊要 得個瑞士雞翼仔正常。平安夜晚安排到最低live music個位，大聲到耳仔痛，openrice評論都不過如是，食物質素令人失望