紅煮意

營業中

休息中

一天晚上 走上樓梯 滿座 只好放棄第二天晚上 等了一會 終入座了。餐廳內滿是愛好音樂的人。大家一邊聽音樂，一邊吃晚飯，一大享受。歌者用心，食物美味，就這樣度過一個抒懷的晚上。

原來駿發花園隔離有間樓上西餐廳有live show架happy friday諗住黎食飯聽下歌輕鬆下, 但上到去先知原來逢星期六先有😂門口仲貼左個好特別既優惠, 帶樂器或者戲飛尾就有小食同飲品送, 下次我識做❗店入面以酒紅色為主色, 牆上掛住唔同既樂器, 鋪頭band隊既poster, 仲有放左d board game添, 好似想帶比客人好輕鬆既感覺~鋪頭名叫做紅煮意, 英文名Red Idea, 以毛筆寫既書法用落西餐廳度, 幾特別, 加埋以音樂做主題同咁支持本地文化, 感覺老闆係既創新又有文化氣息既人依度有set dinner有a la carte, 仲有個menu係專比食素既客人, 幾貼心我地最後揀左2個set dinner~跟餐湯同蒜蓉包, 依度既蒜蓉包唔係烘到脆卜卜, 而係外面微脆中間仲保留麵包質感, 點湯食不錯炭燒法國羊西冷扒.薄荷.燒汁及配菜(期間限定)依個因為見到佢係期間限定, 而且牛扒就食得多, 羊西冷真係好少食出面亦少有d, 即刻就拍板要依個配菜有蝦片, 薯蓉(可揀意粉或飯), 沙律菜, 如果薯蓉可以轉做薯條仲正主角羊西冷幾岩我口味, 有羊既酥味但唔會過盛, 肉質軟腍,

拾級而上，搵到朋友逢星期六隱藏其中嘅餐廳，原來逢星期六有live music，咁近佢屋企，唔怪得成日黎啦！是日非星期六，只係黎開呢頭睇下搵唔搵到間餐廳😆，就同老公叫左兩個set dinner試下～🔆餐湯係羅宋湯，酸辣味適中，配上熱辣辣即烘蒜茸法包都幾好～🔆炭燒美國草飼肉眼牛扒·燒汁·芥末及配菜 - 牛扒嘅炭燒味一上枱已經引到口水流，肉質鮮嫩；外面燒得惹味，而裡面仍然可以保持肉汁。🔆海鹽燒是日精選海洋魚扒及配菜 - 今日係鱸魚，爐魚皮燒得香脆，肉質juicy，少少海鹽食到魚嘅原汁原味～🔆咖啡香氣濃郁，少酸少苦；凍奶茶味道濃厚～😊選材不俗、悠閒氣氛、有如老朋友親切嘅服務，睇得出店主歡迎食客欣賞、交流、悠閒渡過悠閒時光。回頭指數：⭐️⭐️⭐️⭐️

油麻地百老匯電影中心睇完戲🍿，想醫肚🎬。正打算在駿發花園閒逛個圈後，拐個彎出去彌敦道覓食之際，見到有間樓上餐廳放在樓梯口既餐牌。有單點主菜，可以改做套餐，又有小食甜品，看來有幾多選擇。呢到個環境好舒服，酒紅色既牆身上掛了個大提琴🎻，加上暗暗柔弱既燈光，感覺就好似一個小小既古典西餐廳咁🍽餐牌真係多選擇，素食也有自己一整版🥬🥒。吃肉的話🥩🥓，牛扒，雞扒，魚扒，豬仔骨，連fusion菜”北京填鴨”炒意粉都有。想食得豐富d，當然要叫set dinner啦，有餐，有湯🥣，有包🥖，有主菜🥘，又有野飲☕️。是日餐湯係南瓜濃湯。飲到有南瓜天然既微微甜味，又吃到有南瓜既蓉，上面仲有少少紫菜做點綴。餐包係塊蒜香牛油多士。雖然唔算非常脆身，但浸在南瓜濃湯中，更加可以吸收到湯汁👍🏻套餐點了個煙三文魚刁草汁露筍長通粉做主菜。因為餐廳既廚房係半開放式的，點菜後可以見到和嗅聞到廚師即刻幫你煮菜。感覺好特別，有點私房菜既感覺呢🥰🍝三文魚長通粉既麵身偏有咬口的，配上了的香菇忌廉汁，有少少既鹹味，因為它混上了香料，所以都帶有一點輕度既香辣。三文魚既份量適中，一片片彈牙的。通粉上放了的沙律菜和露荀，沾了鹹鹹的粉汁，有點令人聯

朋友係附近返工, 介紹我黎呢間係樓上既西餐廳, 話幾正, 咁就黎試下佢啦~間野係電影中心格黎, 要行樓梯上一樓, 我地食dinner~入到去發覺間野無咩人wor ~ 靜靜地仲好!睇一睇佢個set menu, 都幾多野簡, pizza pasta 飯都有^^首先當然係餐前蒜容包同紅湯~ 蒜容包焗得好香、脆身~ 紅湯味道正常~黑松露軟殼蟹意粉! 賣相唔錯wor~ 意粉有淡淡既黑松露香味、而且意粉唔太軟身,有彈性。軟殼蟹就炸得好香脆, 唔會有腥味! 唔錯唔錯!香煎鱸魚配薯菜~ 佢呢個係是日精選魚排黎既, 可能日日唔同, 有得配飯/意粉/薯菜~ 佢個魚煎得好香wor,配埋佢個白汁黎食, 一D魚腥味都無阿^^ 佢D配菜都幾新鮮、爽口最後個set仲有杯野飲既~ so far埋單兩個人245蚊, 呢個質素真係好抵食阿, 同埋佢夜晚無咩人, 岩哂朋友坐低傾下計, 唔使驚比人趕阿!!

今晚我同老婆🐷行過油麻地廟街個邊比我地搵到呢間小店，真心唔錯首先叫左一份炭燒法國羊西冷扒餐。羊西冷配黃芥末和酸梅醬，真係比較少見，估唔到味道濃郁之餘又好香羊肉味，而且肉質仲好嫩添。之後叫埋軟殼蟹黑松露忌廉汁意粉，軟殼蟹份量好多，差唔多成隻手掌大隻，又炸到脆卜卜亦唔會好乾身。個汁同意粉撈埋一齊真係令人食慾大增。因爲我地係叫左兩份套餐，所以包埋個法式烤包同埋餐湯。呢次個餐湯係粟米湯黎，幾香濃 唔會太稀。飲品方面，我地分別叫左個香橙柑桔蜜同埋個凍朱古力。凍朱古力真係值得推薦，超濃超香。最後當然唔少得甜品啦。我地叫埋個北海道原個蘋果雪芭，d雪芭填滿曬成個挖空左既新鮮蘋果，啖啖都充滿住蘋果既清香，亦唔算太甜，涼浸浸真係消暑一流

油麻地唔係剩係得魚蛋粉麵㗎，今晚我同老公搵到呢間隱世小店，覺得幾值得推介我地點左兩份套餐，套餐包法式烤包及餐湯，是日餐湯為粟米湯， 味道香濃之餘亦非常健康首先我哋叫咗一份炭燒法國羊西冷扒，平時食羊架、羊鞍就食得多，羊西冷就比較少見，估唔到味道十分香濃，又不會太重羊羶味，啖啖肉，而且旁邊有黃芥末和酸梅醬作調味，推介！之後我哋叫咗軟殼蟹黑松露忌廉汁意粉，意粉的軟硬度適中，軟殼蟹亦十分大隻，炸得脆卜卜飲品方面，我哋加咗少少錢升級做香橙柑桔蜜和朱古力，整個套餐只係$100至$200 ，性價比很高我哋叫咗甜品——北海道原個蘋果雪芭，呢個甜品非常有驚喜！廚師把雪芭填滿整個新鮮蘋果，我有少少分唔出究竟係食緊雪芭定係真蘋果肉，因為真係好好味

今晚去左電戲中心睇完戲就係附近搵下晚餐食，行行下見到呢間西餐廳。上左條樓梯就見到佢啦，一推開門就見到唔少枱放左出嚟，右邊都係open kitchen嚟。好快侍應帶左我地去近窗果邊坐，啲位好舒服，唔會太迫。睇左下個餐牌，我地揀左幾樣野食。我地揀左兩個小食，分別係椒鹽酥炸軟殼蟹同酥炸魷魚圈配泰式甜酸汁。個軟殼蟹上枱果時好驚訝，有三隻完隻嘅蟹上左枱！估唔到咁抵食。之後個魷魚圈都上左枱，份量都好大，好新鮮，配埋甜酸汁就好好食。另外我地叫左個西班牙蕃茄海鮮燴意粉set, 配法式烤包，湯或者沙律同餐飲。個包好脆好香，而沙律啲菜好新鮮。個意粉主菜都好大份，海鮮都唔少，意粉都煮得啱啱好，好適合鐘意蕃茄嘅朋友。餐飲可以升級做其他野，但我地揀左凍檸茶。夾埋全部一個人都唔駛一百三十蚊，真係好值得嚟試下！

每日收工都要諗食咩，有時都真係幾頭痕🙈 所以今日就決定放任自己個腦，實行「隨心。隨緣。隨機」🙆‍♀️.順住彌敦道一直行一直行，行下行下，行到去百老匯電影中心附近，見呢間「紅煮意」D嘢食幾吸引，就順住樓梯而上啦～.推門而入，餐廳裝潢以音樂為主題，牆上掛左吾少樂器，如GUITAR，VIOLIN，SAXOPHONE等等，仲有LIVE MUSIC SHOW 嘅後期海報。而座位方面，簡單而寬敞，主要都係四至六人枱配上深啡色嘅梳發椅，好似去左舊式歌廳咁。.餐牌雖然只有一張，但無論係沙律，頭盤，小食，主菜，Pasta，花茶，甜品定係咖啡，都一應俱全👍 仲有一張Special嘅全素menu添～ 每款主菜既可單點，亦可加$22轉成set，咁就可以食埋法式烤包， 餐湯同飲品啦，又幾抵食🙈.卡邦尼意粉+法式烤包+羅宋湯+蜜桃汁🍑 ($96)分量頗大，再混合雜菇，煙肉，而每條意粉都沾滿左香濃卡邦尼汁，真係既juicy好creamy，意粉硬度亦恰到好處😋.法式即叫即烘，咬落好香脆。而羅宋湯微酸帶點辣，好開胃👍.蜜桃汁比一般嘅果汁濃稠度更高，入口甜而不膩💕.夏威夷風味素漢堡配薯角 （$86）呢排比較鍾意食素漢堡，感

同朋友6:30就去到餐廳，可能未到食飯時間所以仲未有太多人。不過座位非常闊落，亦有梳化位，坐得幾舒服😛我同朋友兩個人食，所以就叫咗兩個main，一個小食。我自己就叫咗香煎鱸魚配忌廉汁薯蓉，仲有沙律伴碟。爐魚煎得非常香脆，唔會overcooked, 肉質岩岩好，仲好juicy，點埋忌廉汁食都好夾😋朋友就叫咗酥炸軟殼蟹配黑松露蘑菇意粉。分量非常多😍上意粉時已經有好香嘅黑松露味，比蘑菇嘅份量亦都冇手軟！每食一啖意粉都有蘑菇😍軟殼蟹都炸得啱啱好唔會太油膩。叫咗一兜薯角，都係超大兜！好好食不過食唔晒haha。整體黎講非常抵食，會再黎食的😛

今日要去電影中心睇戲 見呢間樓上cafe好近 就去試下 星期日都有lunch set 唔算貴 呢個係芝士啡菇雞扒意粉 menu 上話係大啡菇 但來到只係切片既蘑菇 有d貨不對板 🤭芝士都拉芝同幾香既 雞扒份量都多同幾滑 餐飲+6蚊叫左呢個比利時特濃朱古力 通常叫凍朱古力都會有cream 但呢個無🙉 個底有一大舊朱古力粉仲未溶 都幾離譜 估計係沖粉未溶就咁加冰落去 用支匙攪左好耐d粉都唔溶 飲落味道都係好淡 係平時維記d紙盒朱古力味 🙉🙉 雖然只係加6蚊 但都唔係幾值 應該無下次

今年結婚周年，太太説 : 以後多點出街看電影和吃飯，很久沒拍拖了！我即決定行動，安排周末和太太去油麻地電影中心看電影和吃晚飯。 先上網查看影評，也同時搜尋openrice，看看有没有介紹電影中心附近的餐廳，結果找到〈紅煮意〉， 這餐廳獲得相當多的好評，我們決定一試!〈紅煮意〉就在電影中心的旁邊， 位置方便!上樓一看，喔，别有洞天! 感覺太像 韓劇〈阿爾罕布拉宮的回憶〉 那間表演西班牙結他的餐廳 (只可惜沒有美女Emma坐在中央 )。店外貼有些宣傳本地電影和音樂的海報，很有文化氣息! 這餐廳支持本地文化， 凡客人消費達150元及持有即日票尾(全港戲院均可)， 可獲贈小食一款！要點餐了! 晚巿套餐有十幾款，可單點，若點套餐，只需多付22元。我午餐祗吃了份三文治，於是就點兩款套餐，分别是香草燒羊仔架和炭燒肉眼扒。不用5分鐘，香噴噴的蒜蓉法包，香滑的蘑菇湯和新鮮菜沙律就送到，令人食慾一振!主菜的羊仔架煎得剛好，肉面略帶焦香，內仍有肉汁，沒有羶味，點着清香的薄荷醬吃，味道絕配! 伴碟的薯蓉軟滑有奶香，很好味!我和太太一同分享牛扒，炭燒鎖住肉汁，保持肉質嫩滑！值得一提的是隨餐送上的沙律菜，用料新鮮

最近個客送咗兩張戲票贈券俾我，我第一時間諗起我個文青死黨，於是借花敬佛，請佢睇戲。朋友禮尚往來，話請我去戲院附近一間小餐廳食飯。哦，原來就係百老匯電影中心旁邊！文青帶得我去嘅餐廳梗係文青feel啦，未入餐廳， 已經見門口貼滿電影海報！原來每個禮拜六夜晚7:30起， 喺呢度有live music 現場音樂表演， 每次表演嘉賓同主題都唔同，呢間餐廳都幾支持本地音樂喎！餐廳裝修走平實工業風，冇搞豪裝，配合文青風格。係酒紅色嘅牆上面掛咗幾個結他， 用嚟裝飾定係週六晚用？下次要問問店長姐姐! 🎸🎵🎶set dinner 價錢好合理， 單點由$70起， 如果想加埋餐包、湯/沙律同埋一杯飲品， 都係加多$22！ 哈， 呢度連 vegan都照顧埋， 有8款菜式揀， 加$22 自製套餐又得！我同朋友要咗2個set dinner， 前菜我揀湯，佢揀沙律。餐湯係忌廉蘑菇湯， 幾好飲，香濃滑溜！ 沙律係雜菜配日式芝麻醬， 啲菜新鮮爽口！餐包係蒜蓉焗法包，脆卜卜！我哋2個 share主菜食， 朋友揀"海鹽燒魚扒"， 原來魚款定期轉， 今日食海鱸。食魚扒最緊要魚皮煎到脆卜卜同魚肉夠乾爽(唔係柴皮喎)！呢個餐份量足

今日約左個好耐冇見既朋友，佢話屋企附近有間餐廳好岩傾計，食物同飲品都唔錯，於是就跟左佢黎呢間餐廳。其實我都算熟旺角同油麻地，但今次唔係朋友帶路我都完全唔為意有呢間餐廳，餐廳要行樓梯上既~一入到去既感覺係好Relax~有梳化位~牆上又掛住d結他、小提琴咁~仲有d board game可以借黎玩~Menu有好多選擇~可以揀單叫或跟餐有法式烤包、飲品同沙律/餐湯。朋友推介話一定要試下呢度既特飲，於是我地就叫左兩個set~太肚餓既關係仲叫左個三色腸拼盤添!法式烤包、沙律/餐湯沙律好新鮮~上面淋有芝麻醬，好味唔會好似就咁食草咁!而法式烤包配上牛油，烘得香脆，餐湯係蘑菇湯，好creamy亦有好濃既蘑菇味，點麵包岩哂!歐陸三色腸拼盤有司華力腸、維也納腸、啤酒腸片既三色腸拼盤，當中維也納腸味道最濃，仲有d沙律做配菜~3種腸都唔會好咸，配埋mustard食作為小食一流!炭燒美國草飼肉眼牛扒.燒汁、芥末朋友點既肉眼扒，叫左5成熟~切開唔算厚肉但確係做到5成熟既效果，抵讚! 切開塊扒見到下面有d紫色既野，一試原來係紫薯蓉~好香薯味，又夠軟滑，俾我食左唔少~XD而主角肉眼扒炭燒味好突出，成塊扒juicy得黎帶

這晚人流並不多，餐廳環境寧靜，而且樓底高，令人感覺並不焗促，能舒服地在此聊天聚會，而且整間餐廳裝潢簡樸，帶點本土味道。這裡逢星期六更會有live music show，喜歡音樂的不妨來支持一下本土音樂。餐牌上的選擇也不少，更有素食菜式選擇。最後點了香草燒法式紐西蘭羊仔架配意粉（跟套餐）、胡麻醬燒日本秋葵及椒鹽薯條。加二十多元加配套餐有沙律/餐湯、餐包及一杯飲品提供。一碟裡有三件羊架，份量多，賣相平實，味道適中，以百零元的價錢吃到這質素已很不錯；秋葵燒過後以澆上胡麻醬調味，想不到味道也挺夾的，酸酸甜甜十分開胃；最後的椒鹽薯條份量亦十分多，足夠幾人分享，餐廳更有多款調味瓶提供，均是一般餐廳較少見的，如黑胡椒鹽、蒜鹽、蒜粒等，與友人毫不猶豫地加進薯條中，這些調味粉為整個薯條的味道生色不少。會再來光顧的。