影片
更多
2019-05-14
114 瀏覽
最近個客送咗兩張戲票贈券俾我，我第一時間諗起我個文青死黨，於是借花敬佛，請佢睇戲。朋友禮尚往來，話請我去戲院附近一間小餐廳食飯。哦，原來就係百老匯電影中心旁邊！文青帶得我去嘅餐廳梗係文青feel啦，未入餐廳， 已經見門口貼滿電影海報！原來每個禮拜六夜晚7:30起， 喺呢度有live music 現場音樂表演， 每次表演嘉賓同主題都唔同，呢間餐廳都幾支持本地音樂喎！餐廳裝修走平實工業風，冇搞豪裝，配合文青風格。係酒紅色嘅牆上面掛咗幾個結他， 用嚟裝飾定係週六晚用？下次要問問店長姐姐! 🎸🎵🎶set dinner 價錢好合理， 單點由$70起， 如果想加埋餐包、湯/沙律同埋一杯飲品， 都係加多$22！ 哈， 呢度連 vegan都照顧埋， 有8款菜式揀， 加$22 自製套餐又得！我同朋友要咗2個set dinner， 前菜我揀湯，佢揀沙律。餐湯係忌廉蘑菇湯， 幾好飲，香濃滑溜！ 沙律係雜菜配日式芝麻醬， 啲菜新鮮爽口！餐包係蒜蓉焗法包，脆卜卜！我哋2個 share主菜食， 朋友揀"海鹽燒魚扒"， 原來魚款定期轉， 今日食海鱸。食魚扒最緊要魚皮煎到脆卜卜同魚肉夠乾爽(唔係柴皮喎)！呢個餐份量足
朋友禮尚往來，話請我去戲院附近一間小餐廳食飯。哦，原來就係百老匯電影中心旁邊！
文青帶得我去嘅餐廳梗係文青feel啦，未入餐廳， 已經見門口貼滿電影海報！
原來每個禮拜六夜晚7:30起， 喺呢度有live music 現場音樂表演， 每次表演嘉賓同主題都唔同，呢間餐廳都幾支持本地音樂喎！
餐廳裝修走平實工業風，冇搞豪裝，配合文青風格。
係酒紅色嘅牆上面掛咗幾個結他， 用嚟裝飾定係週六晚用？下次要問問店長姐姐!
🎸🎵🎶
set dinner 價錢好合理， 單點由$70起， 如果想加埋餐包、湯/沙律同埋一杯飲品， 都係加多$22！
哈， 呢度連 vegan都照顧埋， 有8款菜式揀， 加$22 自製套餐又得！
我同朋友要咗2個set dinner， 前菜我揀湯，佢揀沙律。
餐湯係忌廉蘑菇湯， 幾好飲，香濃滑溜！
沙律係雜菜配日式芝麻醬， 啲菜新鮮爽口！
餐包係蒜蓉焗法包，脆卜卜！
蒜蓉法包， 雜菜沙律， 忌廉蘑菇湯
7 瀏覽
0 讚好
0 留言
我哋2個 share主菜食， 朋友揀"海鹽燒魚扒"， 原來魚款定期轉， 今日食海鱸。
食魚扒最緊要魚皮煎到脆卜卜同魚肉夠乾爽(唔係柴皮喎)！呢個餐份量足，魚扒有兩大件，仲有好多新鮮雜菜伴碟！
海鹽燒魚扒套餐
$114
5 瀏覽
0 讚好
0 留言
我特登叫個 "red idea 素雜扒"， 造型有睇頭， 份量都唔細。
素雜扒包括 : 雞髀菇 + 烤菇 + 蘑菇, 伴菜用咗新鮮蘆筍、蕃茄同埋薯蓉。
呢個菇煮得好食， 夠乾身同菇味濃郁！ 考功夫㗎， 廚師要識得控制火喉， 如果火唔夠猛或者煮得太耐，啲菇出哂水軟淋淋就唔好食啦!
Red Idea 素雜扒 套餐
$114
10 瀏覽
0 讚好
0 留言
包埋餐飲!
食完飯，我見個厨師哥哥忙完一輪休息緊，於是就同佢倾2句。
我問: 素雜扒個白汁應該有用奶煮， 我有啲vegan朋友，唔食蛋唔食奶，咁點算？！
佢即時畀咗個窩心答案: 放心，落單嗰陣講清楚，我會盡量安排!
太感人呀 ，小餐廳就有咁嘅人情味！
臨走見到個 tea set下午茶餐牌， 原來一星期七日都有得食，款式同價錢都好吸引，下次會嚟試吓！
我要多謝我個文青朋友，帶我嚟見識見識兼食好嘢!
張貼
