紅島冰廳

營業中

休息中

喺旺角行街經過即刻俾佢個光猛、顏色鮮艷嘅招牌吸引咗❤️💚, 於是就決定喺度食晚飯🍴呢間港式冰室面積大, 大部份都係卡位, 寬敞舒適, 而且性價比高！餐牌有好多選擇, 焗飯、肉類鐵板、秘製咖喱🍛、西式意粉🍝、常餐等等都有, 仲有現場烘焙麵包🥯🥩 紅島招牌鐵板黑椒牛柳 鐵板餐可以選擇配飯、意粉或薯角。五成熟嘅黑椒牛柳口感腍滑, 牛味香濃, 配上黑椒汁, 更添滋味！🍛 咖喱薯仔焗雞扒飯好足料嘅招牌焗飯！香濃嘅咖喱汁上鋪滿半熔芝士, 蛋炒飯好香, 粒粒分明, 配上嫩滑多汁嘅雞扒同薯仔🥔, 男朋友都話好好食😋, 佢成個焗飯清晒, 連一粒米飯都冇剩！𓌈˒˒ 酥皮蛋撻新鮮出爐嘅蛋撻好酥脆, 咬落有層次, 內𥚃嘅蛋漿香甜滑溜, 蛋味十足！𓌈˒˒ 雞批雞批外層焗至金黃, 有陣陣牛油香味, 內餡有忌廉汁雞肉, 係唔錯嘅下午茶之選~🥯 五穀黑糖麵包上面鋪滿穀物碎, 麵包口感鬆軟🥪雙拼三文治 三文治好軟熟, 夾住炒滑蛋、鮮茄, 炒蛋炒得夠嫩滑, 充滿蛋香🥬 清炒時菜白菜仔翠綠, 新鮮爽脆, 清中帶甜🫘椰汁紅豆冰超大杯！紅豆粒份量多, 香甜軟腍, 椰汁味香濃

茶記好處，快靚正，價錢合理選擇多，仲要好多即烘既包🫣🫣鮮茄厚切豬扒焗飯🧀🍅🐷🍚不輸給牌子豬扒飯，厚切豬扒無骨，已經切咗一件件方便食，飯底好多，豬扒個份量都唔野少，茄汁味香，豬扒好淋好入味，唔鞋，米飯粒粒分明 。而家既x哥豬扒飯真係麻麻，呢間真係有驚喜全日早餐 🥚🌭🥓🥗🍞🐟🥔吉列魚柳 香草腸 煙肉 3.6牛乳嫩滑炒蛋 脆炸薯餅車厘茄油醋沙律菜 丹麥酥茶記我成日都食全日早餐/常餐，因為佢一家有我中意食既多士同蛋😂呢個全餐個精髓係薯餅同丹麥酥到🥔薯餅超級香脆，放咗喺度一陣都仲好脆🍞丹麥酥超好食，牛油味好香咖也西多士🍞厚厚西多士，仲係我最愛既咖吔味，食落去甜甜的而且好明顯見到佢落足料，仲見到蛋，好香蛋味，幾唔錯佢個西多士用左厚多士，真係好大份見到佢Keep住有人流，有兩層位置都算多坐係到係咁聽到佢新鮮麵包不斷出爐，聞到好香嘅麵包味，每次出爐都會大大聲叫，等d人知道有咩新鮮麵包，好過份呀勁想食好飽但最後都忍唔住叫多左個新鮮出爐既蛋撻，真係熱辣辣好好食，好香蛋味而且酥皮好脆又唔會放凍左咁油👍🏻👍🏻👍🏻

行左成日想搵間餐廳休息吓，見到餐廳環境裝修幾靚，望落地方乾淨，行到入滿哂，但係職員話有位，原來餐廳有兩層😱 仲大部份都係卡位黎，寬闊舒適👍🏻而且性價比極高😍🥩(鐵板)黑椒牛柳5成熟 $108 + 紅湯 + 紅豆冰 $6最鍾意就係聽到鐵板嘅zizi聲😍 黑椒味濃郁😋😋 望住塊牛柳喺鐵板度慢慢熟，散發出濃濃的香味👍🏻🐷鮮茄厚切焗豬扒飯 $68 + 可樂 $9大大塊豬扒，軟腍鮮嫩，唔會焗到乾哂身，再加上酸甜的鮮茄汁，好開胃🍚飯就係炒飯底，有鑊氣乾爽不油膩👍🏻🍝銀芽肉紗炒麵 $62最鐘意食脆卜卜的麵😍有好多芽菜同肉絲，炒麵有肉汁淋到嘅部份就比較香軟，未淋到嘅部份就相對香脆花生醬西多士 $38外表炸到金黃🥪內裏有滿滿的花生醬🧈再加上牛油真係好滿足😍😍

夜晚九點到，係旺角搵食。去咗呢間信和樓下冰室，原來都幾滿，裝修算新淨。佢有鐵板餐、小炒同麵包個啲～咖喱吉列魚柳飯 $68咖喱同魚柳分開上，咖喱大碗，有薯仔，港式咖喱味，香口帶少辣。吉列魚柳好大件，脆卜卜，魚肉滑👏🏻菠蘿咕嚕肉 $78咕嚕肉大碟，啖啖肉，外皮仲脆！咕嚕汁甜甜酸酸，加埋有菠蘿粒，撈飯啱晒👍🏻 白飯亁身，粒粒分明。另外配咗中湯，係雞腳赤小豆湯，足料夠味椰汁涼粉冰 $9大杯，有奶香味，加上涼粉粒，增加口感。凍檸茶 $6正常，夠凍

黑松露海鮮飯餸小得兩隻青口一粒帶子一隻蝦同埋四分一條魚咁樣就七十蚊！重要極重味精食完超口渴！嘢飲冇問題，正常好飲嘅！座位比以前紅茶縮小咗冇以前咁好坐！所以應該唔會再有下次！

位於旺角彌敦道的「紅島冰廳」，係一間裝修溫馨舒適的港式茶餐廳，另外地庫位置都設有雅座，面積極大👍🏻週末假日午市時段座無虛席，好受歡迎呢西式意粉、紅島鐵板、焗飯、秘製咖喱及精選常餐都係紅島必吃鮮茄焗厚切豬扒飯濃厚茄汁酸酸甜甜，頗開胃～加入咗新鮮車厘茄、洋蔥及芝士一齊焗，芝味香濃🧀配上厚切豬扒，鬆軟可口，豬味濃郁，啖啖肉，勁好食！底下嘅黃金炒飯，粒粒分明，軟熟有米香，正呀紅島鐵板招牌黑椒牛柳鐵板餐可以選配飯、意粉或薯菜，奉送例湯或羅宋湯及熱飲。七成熟的黑椒牛柳有兩大件，口感香軟腍滑，牛肉味道好香濃，配上微微辣嘅黑椒汁，更添滋味是日例湯青紅蘿蔔湯好足料，火候十足，清甜美味熱奶茶港式熱奶茶口感絲滑，茶味香濃，富有奶香，兩者平衡得恰當剛好，非常出色

新界人😀每逢假日，都會出去市區走走逛逛今日去旺角健身中心運動💪運動，強身健體👌黃昏時分，有啲肚餓啦，發現這間新食肆「紅島冰廳」, 見到近門口有各種不同面包賣即管試吓啦，被安排了近門口卡位（搭枱)三文治、炒粉麵、飯、等等可供選擇，職員間中會叫「有出爐麵包」餐牌咸牛肉炒蛋潛艇 $43 （配薯角或沙律）面包外脆內軟，夾住咸牛肉炒蛋，略歉蛋炒得老揀雜果沙律： 青瓜粒、菠蘿、薯仔、紅蘿蔔🥕、椰果、、、清新自然🤗逢送熱飲： 點了熱奶茶賣相唔靚喎，但茶味尚算不錯

♡ 鬧市中茶餐廳｜中式 ｜紅島冰廳♡-平時同朋友食飯傾計，通常都好少會去茶餐廳但今次我哋揀咗喺紅島冰廳食嘢事關呢度唔似普通茶餐廳咁同人搭枱環境唔錯 仲坐得好舒服😌餐廳分左上下兩層 真係大得好誇張😂- ♡ 咖央西多士♡ $38我平時嚟親茶餐廳都必點西多士呢度仲有咖央揀😍仲要呢度嘅西多士勁大嚿金黃色嘅包皮好脆 仲熱辣辣勁正❤️-♡ 瑞士雞中翼 ♡ $43瑞士雞中翼有五隻 瑞士汁好香濃 ～ 一上枱就快速清晒😌-♡ 照燒牛柳粒蛋炒飯 ♡ $78牛柳有驚喜 值得一讚起咗牛筋 而且仲好冧 好易咬👍炒飯仲炒得粒粒分明 冇痴埋一嚿嚿 -♡ 沙嗲牛肉公仔麵 ♡ $55呢個仲會包埋火腿奄列同多士 公仔麵軟硬適中 沙嗲牛有水準抵食首選～-♡ 銀芽肉絲炒麵 ♡ $62好多芽菜同肉絲 🥰麵未沾汁果邊就脆卜卜 而沾左汁好冧身 芽菜亦都好香甜 👍-♡ 龍鳳檸樂 ♡ $12 呢杯飲品 唔係喺間間茶餐廳都見到新鮮嘅檸檬 加埋 鹹檸檬 🍋再加埋可樂 真係味覺嘅嘅享受😎 ❥#⇢店鋪資料：紅島冰廳 (旺角)旺角旺角彌敦道594-596號地下#

最近在旺角發現了一間新開的港式冰室，見到餐牌仲有好多選擇，中式西式港式日式都有既飯菜，一於入去食晚餐😋 而家凍冰冰，叫幾個熱辣辣新鮮餸就最正！.🐟梅菜蒸原條黃花魚配有白飯同例湯，我地當日既例湯係蓮藕湯，好好飲！原條黃花魚成碟上，愛魚人士一定鍾意，仲可以揀另一款既倉魚。蒸黃花魚既魚肉好滑，加埋梅菜好有風味！.🥩照燒牛柳粒蛋炒飯呢個有驚喜！牛柳配照燒醬汁好正好好味！惹味帶甜，撈飯一流！.🍖鮮茄厚切焗豬扒飯焗豬扒超厚超大件，肉質軟嫩，好多鮮茄醬，超正！.🥧 椰撻 及 蛋撻來到冰室點可以唔叫菠蘿油呢！但去到已經賣哂無得食🥺 所以要早去食先得！轉叫左椰撻同蛋撻試下，呢度既椰撻同蛋撻唔會太甜，唔錯！.🧋熱奶茶 及 凍奶茶識食一定係叫奶茶飲，呢度既奶茶都唔錯！幾香幾滑！

迷你焗豬扒飯（茶餐$52)賣相：🐧🐧🐧🐧🐧味道：🐧🐧🐧🐧🐧焗豬扒飯雖然為下午茶份量，但依舊有厚切豬扒一大塊，炒飯亦有一碗以上份量，大滿足之選。味道方面，厚切豬扒軟腍鮮嫩，火喉剛好不會過乾過老，配合酸甜味美的鮮茄汁，十分開胃合拍，經典滋味之選。炒飯底鑊氣十足，乾身不油，炒蛋與飯的比例剛好，鹹度剛好，十分惹味。公司三文治配薯角（茶餐$53)賣相：🐧🐧🐧🐧🐧味道：🐧🐧🐧🐧🐧公司三文治用料非常豐富，有厚切炒蛋、餐肉、火腿、芝士、蕃茄、生菜，並附有可口的千島沙律醬，非常抵食誘人。味道方面，多士外脆內軟，內餡熱烘烘的炒蛋、餐肉，與冰涼清爽的蕃茄、生菜形成對比，入口冷熱交融，口感令人再三回味，必試之選。咖吔西多士（$38)賣相：🐧🐧🐧🐧🐧味道：🐧🐧🐧🐧🐧西多士厚身大份，金黃香脆的外表非常吸引。西多士內有滿滿的咖吔醬，另隨西多士會附上香滑牛油一大片，以及甘甜的糖漿一小碟供調味用，十分邪惡。味道方面，西多士外脆內嫩，入口不會有油溢味，內裡超足的咖吔醬椰香、蛋味濃郁，配搭牛油、糖漿食用，香味四溢，甜滋滋的美味之選。脆脆豬（$28)🥛甜奶🥫果占賣相：🐧🐧🐧🐧味道：🐧🐧🐧🐧脆豬切半呈上，麵包上佈滿甜奶和果占，

新發現の港式茶記🍴農曆新年期間團拜完經過呢間有開門嘅茶餐廳！入去試吓新嘢兼醫個肚先🙌🏻🙌🏻環境光猛！卡位唔逼夾🙂柯打完食物都好快送上！. ✨冰火菠蘿油聽到侍應大叫菠蘿包出爐點可以錯過😏熱辣辣嘅外皮脆脆層+麫包層+凍厚牛油！卡路里呢啲嘢聽日再講啦😂😂. ✨沙嗲牛肉麵 (常餐）🙆‍♀️經典茶記必點！沙嗲味足嘅牛肉醃得夠腍襯埋公仔麵正常發揮！循例配火腿奄列 + 丹麥酥！加埋杯香滑凍奶茶fit哂！！. ✨炸雞脾 配 沙律 (下午茶) 新鮮即炸嘅大大隻雞脾👌🏻係略嫌醃得過於入味😅不過配埋沙律一齊食會中和番咸香感！另外加配嘅即磨咖啡都幾香☕. ✨奶醬奶油脆脆豬 (下午茶) 剛烘起嘅脆脆豬淋上咗甜蜜蜜奶醬就係邪惡🤭🤭仲要加配椰汁味濃郁嘅紅豆冰！又一港式下午茶選擇！. ✨花生醬西多士 (下午茶) 又一邪惡之作😜炸得金黃嘅花生醬餡西多士淋上🍯蜜糖+抹上牛油！記得唔好獨食同朋友一齊分享就啱啱好！識飲梗係飲茶走👍🏻. ✨咖喱薯仔雞扒焗飯 歎下午茶之際同行朋友未食飯😉點咗個焗飯佢話都幾有驚喜！咖喱汁上有半熔芝士令到汁料更惹味！雞扒＆薯仔份量都正常😚😚

香港人最鍾意去茶餐廳覓食嗌返個西多士或者沙嗲牛肉公仔麵食完就會覺得好滿足🥰前排去咗旺角 旺角真係超多人🥲一入夜每間餐廳都爆棚我哋揀咗喺紅島冰廳食嘢呢間餐廳都幾大幾闊落唔似普通茶餐廳咁迫重點係唔需要搭枱😙👍有分上下兩層 當天客人都幾多我哋坐咗喺下層 下層更大更舒服😌點菜嘅時候 第一時間就諗到要食沙嗲牛肉公仔麵🍜🤣係經典口味 仲配奄列同埋丹麥酥 超級抵食👍第二個點嘅係咖吔西多士每次嚟茶餐廳都要點嘅食物😌多士表面烤到金黃配上牛油🧈切開一口啖一啖超滿足🥰主食方面有銀芽肉絲炒麵表面有好多芽菜仲有好多肉汁炒麵有肉汁淋到嘅部份就比較香軟未淋到嘅部份就相對香脆仲有好多菇類肉絲等等嘅配料食落口感十分豐富總結：餐廳食物價錢唔貴食物質素有保證員工服務態度都唔錯而且環境座位舒服夠闊落有興趣嘅朋友來旺角可以試下😌

2點幾行經彌敦道覺肚仔餓，見到呢間茶餐廳啲蛋撻新鮮出爐，即刻入去試下先一入去已經九成九滿座，以為要等位喇，點知侍應姐姐好有禮貌咁叫我地行落一層，原來呢間茶記有兩層，好大好多位啊，樓底又高，茶記呢講環境好舒服😍叫左三份下午茶餐，加兩件蛋撻先跟餐上杯熱奶茶，茶味濃郁卻不苦，口感香滑亦不會「痴口」，而且有持續的回甘，有種令人想「追住飲」嘅感覺再黎兩件新鮮出爐嘅酥皮蛋撻，酥皮略厚，隱約見到酥皮嘅層次，色澤頗金黃，食落脆口有酥皮香。 蛋漿濃稠度恰到好處，蛋香撲鼻，甜得黎又唔膩，入口滑溜溜，好鬼正😋鮮茄焗豬扒飯豬扒好嫰滑彈牙，炒飯底有蛋香，粒粒飯都好有咬口啊，愈食愈滋味😋咸牛肉炒蛋潛艇好大份啊，麵包有焗過，入口外脆內軟，咸牛肉炒蛋份量好飽滿，蛋醬水汪汪滑捋捋，味道非常出色👍好豐富嘅下午茶花生醬厚多士金黃香脆嘅多士目測最少有5cm厚，好誇張啊， 進食前搽上厚厚嘅牛油及香甜嘅糖漿，既邪惡又美味，真係令人心花怒放！

平時上完興趣班，我都幾鍾意帶兩個寶寶去茶餐廳，鍾意款式夠多，一定有款啱食～晚餐set:跟飯和湯菠蘿咕嚕肉肉塊無骨，小朋友好適合食，炸得香脆，入口外脆肉淋，酸酸甜甜，特別好味！鐵板黑椒牛柳～我哋選擇咗七成熟，鐵板夠熱，每件切落嚟，先至擺鐵板上熱一熱，熟度就啱啱好，入口鮮嫩少渣。小食類:沙爹牛肉潛艇沙嗲醬非常香濃，入口有少少花生碎，牛肉又嫩又多汁，令人驚喜！西多士～西多士有幾款口味，勁厚兼大大件牛油，食落又熱又脆，好高質，正宗港式風味呀😍！

行到攰攰地，見到呢間新開嘅茶餐廳，餐廳分上下兩層，燈光光猛，地方大，用餐氣氛好好🙌🏻我哋鍾意食小菜，就order咗三個餸加一個蒜蓉炒生菜🥬每款小菜，都會送一個白飯和一個湯，可以選中式或者西式湯。梅菜蒸倉魚～條魚都幾大條，蒸得啱啱好，餐廳用上甜梅菜，入口香甜，仲淋咗啲熟油，為滑溜嘅魚肉錦上添花！魚香茄子煲～茄子非常入味，啖啖都食到蔥、蒜、紅椒、豬肉碎，香味十足，佐飯一流！沙茶金菇肥牛粉絲煲～肥牛入口有啲筋，相對熟咗少少，勝在沙嗲味夠香，配合菠蘿和青椒粒，仲食到少少花生粒添，零舍香口！