紅島冰廳

營業中

休息中

好耐冇食西多，呢度有特色嘅爆漿芝士西多，不過今次冇叫到。就叫咗一個傳統嘅花生醬西多佢好好糖漿用一擺埋一碟唔會好似以前咁樣成樽咁倒，可以點嚟食，方便衛生，又炸得啱啱好。叫咗個煎羊架配意粉，講真有時茶餐廳嘅品質好參差，但係呢間就嗰啲嘅意粉同飯都好易入口，好濕潤，唔會硬。羊架都好有蘇味，將啲麵包糠鋪喺面上，增加口感，如果唔太熱氣可以叫佢拎走嘅。配埋三種醬汁可以隨便你揀，有燒汁、黑椒汁。肉質亦都煮得好易入口，好容易咬，唔乾有肉汁。另外叫咗一個焗魚柳芝士飯，魚柳唔削，啱啱好，夠晒多飯同芝士，好邪惡。整體來講呢間茶餐廳質素中上唔錯。值得一提，原來入到去仲有一層地庫好大，有兩層估唔到，唔使驚爆棚。

紅島冰廳有著傳統懷舊的感覺沙嗲牛肉通心粉、鐵板牛柳以及脆皮菠蘿油，絕對是回味無窮！🤤常餐 沙嗲牛肉通心粉牛肉口感鬆軟，嫩滑多汁，沙嗲醬濃郁香醇，搭配爽口的通心粉，味道絕佳。呢種傳統港式沙嗲牛肉可以說是買少見少常餐配有一份牛油西多士以及火腿奄列鬆軟香脆的牛油多士，火腿包滿的奄列，絕對是美食之最茶餐廳凍檸茶當然不能少，不僅解膩，更是清新的享受。🍹鐵板牛柳5成熟的牛柳口感剛好，肉質鮮美，蒜蓉汁更是提升了整個餐點的風味。配菜用上了我喜愛的西蘭花，非常合口味焗薯口感良好，不是港式鐵板常見，跟牛扒配合得很好👍🏻前菜的牛油餐前包，讓人回味無窮。🥖個人喜歡以包點上羅宋湯餐包吸滿羅宋湯濃郁的湯汁，非常美味🍲脆皮菠蘿油絕對是港式茶餐廳不容錯過的食物！外皮酥脆，內裡柔軟，滿口的牛油香氣讓人陶醉。

復活節假期前夕相約朋友聚聚舊。多年好友不用太講究，隨意選了一間茶記冰室入座。這間「紅島冰廳」位於彌敦道，大大的招牌非常搶眼。餐廳面積頗大，座位都好寬敞。雞扒燒得惹味香口，雞皮帶少許脆身口感，咬落更是甚有肉汁。吉列蠔炸得酥脆，炸粉漿不會太厚。跟餐配了薯菜，一整個的焗薯份量十足。晚餐套餐另外跟有餐湯和麵包，以$80的價錢來說，絕對抵食！泡飯好大碗！鮮魚湯底熬得夠香，米飯粒有煙韌感，不會被泡到淋掉。配餸豐富，有海蝦球、帶子、青口、魚肉塊等等，蝦球口感頗為彈牙。時菜分別有菜心、生菜和白菜可選。生菜和咸魚香味都幾夾，但略嫌油份有點多。多士切開後，芝士內餡會有少許流心效果。味道甜甜鹹鹹，明知邪惡也忍不住一直吃。特飲好重果味，香甜解喝。

上個禮拜喺度試左個好好食嘅沙嗲牛肉麵之後 由於都幾近返工地方 今次再試吓嚟食晏晝上次個沙嗲牛肉麵，無論調味 或者啲牛肉嘅質素都好高淨係呢度菜嘅話 我諗香港真係冇乜邊幾間好過佢地 10分滿分嘅話，我會比9.5個焗飯都好唔錯 幾出色 成個飯最好食係個咖哩😆 個咖喱夠香 味亦都夠 亦都有足夠嘅辣味 唔似其他餐廳嘅咖喱 一係就辣得滯唔夠其他味 一係就完全唔辣不過杯奶茶就比上次甜咗少少 但整體上浸茶味都幾好嘅雖然淨係食過幾次 紅島都仲係好出色！

🌟餐廳：紅島冰廳📍地址：旺角彌敦道594-596號地下💰價位：～$50 - $100⏰營業時間：星期一至日 07:00 - 00:00📱電話：21171968今日出左旺角做野，lunch time時間行過彌敦道見到新開左間港式茶餐廳「紅島冰廳」，地方夠大又光猛，一於就同成班同事去捧下場，叫多幾款野食開心share先~———————————————————🌟常餐🔹沙嗲牛肉麵🔹火腿奄列、丹麥酥🔹凍檸檬柚子梳打黎到茶餐廳點少得叫返個名物沙嗲牛肉麵，亦都係呢度招牌之一~麵底用上傳統大光麵，爽彈得黎又有口感，沙嗲汁夠濃稠，味道咸香夠惹味，牛肉肉質鬆軟得黎又帶點口感，好出色~火腿奄列份量十足，火腿夠多之餘，雞蛋亦夠厚身，搭配香外脆內軟既丹麥酥一流~套餐仲可以加配大大杯凍檸檬柚子梳打特飲，清新解渴，好滿足~———————————————————🌟焗鮮茄蛋牛肉飯 + 熱奶茶焗飯亦係呢度既主打之一~同事揀左呢款焗鮮茄蛋牛肉飯，牛肉份量十足，飯底仲要係炒飯底，上層仲加隻煎太陽蛋，賣相好靚~焗飯香噴噴，特別係醬汁，夠濃稠而且茄香濃郁，好出色~套餐仲包埋一杯熱飲，熱奶茶香濃幼滑，熱度亦足夠，飲落好滑順~———

去旺角逛街，經過彌敦道紅島餐廳望見櫥窗啲麵包同蛋撻好吸引，同朋友入去食嘢！打開餐牌，見到有常餐、午餐、下午茶、湯麵焗飯、炒粉麵飯等等，選擇都好多，款款都好想食！第一時間已經冧到食常餐，雞翼撈麵配炒蛋同丹麥酥，鍾意食茶餐廳嘅公仔麵；雞翼用瑞士汁醃製，好入味，瑞士汁撈麵喺perfect match! 炒蛋好香同份量好大份，丹麥酥嘅口感好酥脆 🍞～芝士流心西多士🧀🧇，西多士熱辣辣，上面舖咗一大塊半溶嘅牛油，用刀切開西多士，牛油滲入西多士，見到多士之間夾著流心芝士，芝士味道濃郁，勁邪惡🤤。卡邦尼蝦球意粉，濃郁口味卡邦尼醬汁，每條意粉都沾上芝士同蛋汁，用意粉嘅熱力煮熟蛋液同溶解芝士，令意粉更加濃厚。黑松露雞批🥯，雞批熱辣辣，聞到香噴噴，真喺焗得靚，切開見到黑松露同白忌廉，口感厚實美味。特飲雜果賓治🍹同菠蘿西檸乳酸🍸，味道好清爽，消暑良品，每杯有好多果肉，好大杯呀！紅島冰廳地址：旺角彌敦道594-596號地下及地庫

我揀咗兩個鐵板餐(餐包好食，入面軟外皮脆)1）美國特級肉眼扒（5成熟）配薯角將燒汁倒落鐵板時，隨即（渣渣聲）夾住香噴噴嘅味道就隨即而黎。鐵板上嘅肉眼，五成熟咬落啱啱好，唔會(鞋口)我配例湯:老黃瓜煲去濕豆紅蘿蔔豬骨湯，夠料，唔係味精湯。餐飲: 凍檸檬柚子梳打(呢杯好飲唔太甜)2）法式香草羊架(配意粉)羊架沾黑椒汁好正，羊架（唔蘇）黑椒汁唔咸，再將黑椒汁捲埋意粉食，全部食晒。餐湯:羅宋湯餐飲:百香果橙特飲(百香果唔多，但超多蜜桃肉)3)芝士流心西多士未食過芝士西多，重係流心，又真係幾好食。

夜晚唔知食乜好淨係想食下小菜經過呢一度入咗嚟晚餐有小菜仲要跟餐有埋嘢飲同餐湯！薯仔牛柳粒薯仔粒份量超級多而且好有鑊氣，味道甜甜地咁好好食，黑椒味道唔會過重啱啱好，最重要係牛柳都幾林，配料亦都好好多薯仔又夠林，配飯食一流蝦球石班西蘭花 $90石斑真係用高級嘅魚柳石斑，同出邊普通嘅魚柳唔同，魚肉結實而且冇雪味，西蘭花份量亦都好充足，唯一嘅係味道偏鹹咗少少，不過好彩有飯配埋都OK跟餐仲會包埋嘢飲真係好抵！

幾次行街經過旺角都見呢間茶餐廳好多人食，而且見佢餐廳樓面睇落幾乾淨企理, 今次終於黎左試下。❤️常餐A: 泰式冬蔭公肥牛即食麵平時d茶餐廳黎黎去去都係沙嗲牛麵/五香肉丁米/火腿通，難得見到新味道即刻點左黎食, 麵餐本身已經有跟埋火腿奄列，丹麥酥，我另外加$5可以轉做烏冬，佢個烏冬雖然唔係讚崎烏冬，但係都唔係果D咬落好硬既烏冬，食起黎略帶彈牙感覺，而冬蔭公湯底味道唔算辣同濃，配上肥牛做主料又估唔到幾夾幾好食。❤️芝士流心西多士 呢個真係食過翻尋味, 本身咁邪惡真係諗住一定唔會食曬，但係因為真係好好食, 最後成碟極速比我地清左，西多士表面炸得金黃，有大大片既厚牛油係面，中間仲夾左原塊芝士，濃濃既芝士加牛油味，又香又好味😋 ❤️黑松露雞批 好足料，厚厚既雞批入面巨多雞肉，帶微微既黑松露味，帶點西餐小食感覺。❤️雪山叉燒包個包手掌咁大個，好抵食性價比高，包入面有好多叉燒，而包上的甜酥層則帶淡淡的香甜，食起黎冇只係好油膩既感覺，早餐下午茶食一個應該很滿足。❤️瑞士雞翼 一碟有5隻瑞士雞翼，瑞士汁同雞翼完全融為一體, 唔會汁還汁雞翼還雞翼，瑞士汁味道濃，好惹味。

新開既餐廳, 係旺角行到累, 就行左入去食下午茶間餐廳幾光猛, 枱同枱之間既距離都唔算窄, 係寸金尺土既旺角黎講都幾難得下午茶我就叫左個迷你肉醬焗飯, 盛惠$53+凍飲3蚊黎到仲係熱辣辣, 個面仲有少少燶, 賣相100分而且雖然佢話就話係迷你, 但其實都幾大碟, 起碼當午餐食都夠飽味道方面我就覺得佢偏向淡味小小, 通常肉醬都係比較濃味, 食完會好口渴, 呢個飯又唔會同埋芝士既份量都多, 仲可以拉絲! 整體黎講都有80分!朋友就叫左個公司三文治, 有得揀跟薯條定係沙律, 我朋友就揀左沙律, 盛惠$53+凍飲3蚊黎到個份量都好大, 材料都好足, 個包應該係岩岩哄完底, 仲係熱同脆既D料就一般, 隻蛋幾滑, 整體黎講都算唔錯, 但個沙律就比較酸, 唔係幾好食以係旺角黎講, 有時行得累想搵個地方坐下, 呢間絕對係值得幫襯!

紅島冰廳 (旺角)旺角旺角彌敦道594-596號地下港式茶餐廳！ 芝士西多好好味！鮑汁野菌 豆腐煲 $80豆腐No.1 好豐富 成個煲好香 好夠味 豆腐控一定要試西蘭花炒蝦仁魚柳 $86西蘭花 如果可以煮耐啲 一定好好味👍艺士流心西多士 $33真係好好味 飯後甜品 Number 1 👍💕🍽🍽🍽🍽🍽🍽🍽🍽🍽好味程度：4/5 抵食 : 3/5 環境 : 4/5#香港食評#飲食推介#相機食先#食得是福#民以食為天#餐廳推介#飲食情報#食評#hkfood#foodie#food#foodreview#foodblogger#blogger#instagrams#restaurant

今日嚟到旺角嘅鬧市 見到呢間紅島茶餐廳蛋撻同菠蘿包出爐 忍唔住走入去試吓兩層嘅樓面 地方好大 座位夠晒闊落，幾乎全部都係卡位坐低一啲都唔覺得迫 地方都好乾淨 至少地下唔會肥淋淋 見到有服務員不停清潔消毒 抵讚👍🏻打開餐牌一望 價錢比我想像中平 一於食多啲😋 上菜嘅速度好快，個個服務員都好有禮貌鹹牛肉炒蛋潛艇 菠蘿油 出爐蛋撻瑞士汁雞翼撈公仔麵 梗係唔少得呢個絲襪奶茶啦，茶味夠濃 又香又滑 加埋呢個紅豆冰 真係飽到上心口 埋單都唔使$200 真正嘅平民價 抵食夾大件我見到隔籬枱嗰啲炒粉麵都炒得好好呀，不過真係食唔落呀，下次一定會試埋😜

我好鐘意食蛋撻同公司三文治架！❤️❤️剛好趕在最後兩分鐘叫到下午茶餐🫢lucky us!!!公司三文治配薯角連飲品 $53呢個係下午茶黎！三文治好足料😍有芝士火腿生菜蕃茄雞蛋同餐肉👍👍好滿足啊～蛋撻 $7/個好熱辣辣啊！酥皮好酥又夠薄～不錯不錯 入面滑滑的！重點係包裝好靚～鐵板香草羊架跟意粉 $128份量不錯！竟然有四件羊架～ 偏多肥膏，所以肉質夠哂冧👍可以揀黑椒汁，蒜蓉汁等另外配蕃茄意粉或者飯送牛油餐包！西蘭花炒蝦仁魚柳 $86配送白飯 我好鍾意食西蘭花！蝦夠哂大隻每個套餐都有飲品同埋湯！湯有羅宋湯忌廉湯同埋中湯花生雞腳湯～個人比較推薦中湯！紅島冰廳 (旺角)旺角旺角彌敦道594-596號地下#港式茶餐廳 #邪惡西多士 #港式奶茶 #菠蘿油 #脆脆豬 #混醬多 #紅島冰廳 #旺角 #下午茶 #公司三文治 #蛋撻

行經#旺角 #彌敦道 見有間 #紅島冰廳，望落乾淨整潔, 便進入開餐囉☺️。餐廳全卡位座位，食物款式又多選擇，當晚點了中式晚餐2份，已包了白飯、湯🥣同飲料🥤。鮑汁野菌豆腐煲&瑤柱海味什菜煲，即制熱辣辣上枱時香噴噴，材料煮得入味, 配碗白飯撈埋一齊食開胃又飽肚。好過上酒樓又唔使加一。另一個西式晚餐，寶雲蘇厚切美國豬鞍扒，豬扒唔會肥，骨位帶點肥肉，燒得香口咬落有肉汁，肉質有口感，香脆薯角份量多好滋味🥰。另外點埋2份雙併三文治🥪，包烤焗的脆口又熱辣辣，好捧啊。凍飲加$3，大大杯又解渴2

餐廳非常大間，而且一共有兩層，真的不怕沒位置吃！餐點也是挺多選擇，食物質素挺有驚喜的！鐵板牛柳（128元）牛柳很大塊而且肉很厚，一共給了兩大塊，而且雖然有醃過肉，但吃起來還是很有肉味，肉質柔軟多汁，配上濃香的黑椒汁就絕配了！這個還包括了餐湯和牛油餐包。焗鮮茄厚切豬扒飯（72元）這個質素挺高的，厚切豬扒真的是切得很厚，而且肉質爽滑多汁，還帶點油脂香！而鮮茄味也很香，酸酸甜甜的，蕃茄吃起來是沙沙的感覺，很惹味！飯是炒飯底，吃起來有蛋白，再混合了醬汁和芝士來吃，特別好吃！星洲炒米（69元）炒米炒得挺香，帶一點點得辣味和咖哩的味道！而配料也是非常多的，有叉燒，蝦仁，火腿，豆芽，洋蔥和雞蛋等，每一口都能吃到料，特別是加了雞蛋，所以吃起來很香！冰火菠蘿油（13元）牛油是用冰上的，果然是冰火的！菠蘿包非常足料，酥皮很脆，麵包鬆軟，再加上牛油後，吃起來多了份軟滑的口感，難怪那麼多人喜歡吃了！而且這裡賣得挺便宜的！紫薯麻糬包（11元）紫薯就是麵包上面撒了的紫薯粉，吃起來帶有淡淡的紫薯香，麵包鬆軟，而且中間加了冇軟糯煙韌的麻糬，吃起來口感更豐富！