紅島冰廳

營業中

休息中

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】紅島冰廳【地區】#Dr_eat_旺角【類型】#Dr_eat_港式【價位】低價位【用餐時段】晚市【餐廳主打】港式粉麵飯，咖哩，鐵板扒，奶茶────────────────────【環境/服務/衛生】。座落於西洋菜街地鋪。冰室地方寬敞，以卡位居多。坐得舒服吾會有狹迫感。上菜速度快，店員態度友善.【咖哩吉列魚柳飯 $72】。陣陣嘅椰香配上香濃咖哩汁。兩者融合一體，濃厚入味，勁好送飯。吉列魚柳係即炸的。炸粉吾會過厚，咬落好酥脆而冇油膩感。外脆內軟嘅魚肉，質地嫩而紮實。特飲跟餐價+$9即可。中意飲D酸酸甜甜又開胃解膩的。推薦菠蘿西柚檸檬乳酸～.【美國特級肉眼扒 $128】。套餐：自家製麵包+餐湯+熱飲。自選：醬汁+飯/意粉/薯角。肉眼係鐵板而上。一上枱便便到「沙沙」聲，好吸引呢。淋上黑椒汁，肉扒嘅香氣更突出。肉眼厚實吾會嚡口，牛味香濃。白飯配埋飯素，食落更香呢。龍鳳檸七，一飲清爽，加上雙檸嘅打持。清新入口，夏天飲一流.【魚香茄子煲 $80】。套餐：白飯+餐湯+熱飲。茄子以煲仔承載。Keep到熱氣，食到尾都係暖笠笠。茄子口感軟腍，吸盡醬汁

喺旺角晚飯，唔知食乜好，我同朋友見到依間叫紅島冰廳嘅茶餐廳裝修唔錯，入邊都坐咗唔少人，見到門口餐牌嘅價錢幾抵食，最平既50幾蚊就有一個餐，於是就入去睇吓😁入到去發現原來餐廳分咗兩層㗎，仲有地下一層。我哋想靜靜地傾偈，於是就主動落咗下層度食，朋友見到好多人扒餐，都吸引咗我哋嗌咗一個鐵板餐！我地想食淋身啲嘅肉，於是就叫咗鐵板招牌黑椒牛柳，要蒜茸汁配薯角，叫咗特飲—菠蘿西檸乳酸，只係+$9就得！ 肉質鮮嫩多汁🤤🤤🤤 薯角脆卜卜！ 好正！我地仲叫咗椒鹽豬扒餐，飲熱蜂蜜柚子茶，豬扒份量好足，食物新鮮熱辣！好味！仲有叫咗果椰香咖哩焗牛脷飯，朋友不停大讚醬汁同牛脷都一流！想食甜品🍮，仲encore 咗一個紅豆菠蘿包一齊分😍😍 我好鐘意呀，好多紅豆🫘超級正！如果唔係因為有下場，我地仲想買多幾個包聽朝早餐食😃😃紅島冰廳 (旺角)旺角旺角彌敦道594-596號地下

1930叫咗碟泰式雞扒炒河同黑椒汁牛肉飯，樓下果層出餐極慢，等咗一段時間先俾咗炒河，去到1955都未有牛肉飯，叫個待應跟，原來漏咗單，又話要再等，如是者等咗25分鐘都未出到個飯，就叫取消啦，個待應話要同經理講，出唔到餐係你哋問題囉，搵經理講咩啊？然後無啦啦又沖落嚟話已經取消咗！前幾已經差唔多成個鐘，態度勁差，亦無任何建議補救，嘥哂啲時間！

最近兩個月在旺角鼓油站落車都有留意到有間新冰廳，非常常光猛闊落，應該是新開沒多久～和朋友趕住到酒店 check in ，所以決定在這裏速戰速決！ 沒想到有意外驚喜👍🏻我們點了：卡邦尼帶子意粉🍝 $78意粉比一般幼身，但比天使面粗～帶子細細粒，醬汁濃稠，感覺像在Cafe🤣 但不得不說，味道非常可以，在cafe 買的話，相信可以買$138🤣～ 當天的是日午餐其中一款是卡邦尼意粉，只售60多元，包餐飲，如果對帶子沒有特別喜好的話，叫平$10也是非常抵食的！鐵板西冷牛扒5成熟 $118跟薯菜 黑椒汁最喜歡吃茶餐廳的鐵板餐，飾物Joyce鐵板上的聲音格外誘人，牛柳大大塊，很有牛味，炸薯角的份量也絕對不是敷衍人，而且熱辣辣，很香脆。黑椒汁不會太辣，很香口惹味。配紅湯餐包特飲：跟餐+$9🍑水蜜桃西柚特飲 較為香甜，而且有滿滿的水蜜桃果肉。🍋凍檸檬抽子梳打較為清爽，大不杯，慢慢坐也不怕。法蘭西多士 $30超邪惡的！超大塊牛油放在面頭，慢慢溶化的過程，真的很冶癒！ 中間是滿滿的花生醬(⁎⁍̴̛ᴗ⁍̴̛⁎)上枱不到5分鐘已被秒瓜分完(*ˉ︶ˉ*) 整體來說，覺得自己不像是到了茶餐廳，反而是到了cafe 吃飯～餐廳

下午茶，都可以食得豐富啲，☺️終於嚟試下佢哋嘅西多士，惗唔到都幾出色。外邊金黃色炸到好香🥰而且食落都好有蛋味，我今次試咗阿華田脆脆西多士，好香。甜而不膩，係我最鍾意食嘅正宗港式西多士。另外都可以試下佢哋🔥嘅招牌鐵板，我今次試咗黑椒牛柳，🐮唔會驚肥，而且肉質好嫩滑，可以搭配埋鍾意嘅黑椒汁一齊食，🥩更加可以提昇牛排嘅香味。簡單得嚟❤已經好滿足，環境坐得舒服，而且選擇都好多，無論係簡單想☕食個tea，定係飽肚嘅係焗飯，扒類，🍚都有齊曬。

星期六同朋友行足成日街,諗緊食咩好個陣經過見到間新開嘅 #紅島冰廳 ,就決定入去試下啦🍴醬燒豬頸肉蛋包飯拼日式炸蝦日式炸蝦金黃脆口,醬燒豬頸肉同雞蛋鋪滿飯面,份量十足🤤咖喱吉列魚柳飯咖喱汁香濃,椰汁味重😋熱辣辣嘅吉列魚柳超大塊😳外層脆,肉質嫩滑!極力推薦⭐️瑞士汁雞翼雞翼食落皮滑肉嫩👍🏻香甜又惹味！好食到一隻接一隻🤤法蘭西多士西多士炸得金黃鬆軟,配上邪惡嘅牛油🧈同糖漿,令人回味無窮！冰火菠蘿油巨大嘅菠蘿包加上冰鎮牛油,每一啖都係冷熱交融,好滿足呀～最後飲埋杯濃滑奶茶同菠蘿西檸乳酸🥤為晚餐寫上完美句號💯💯💯💯💯

上星期去咗食紅島冰島，位置好方便，係正彌敦道～食物茶餐廳嚟講，佢啲食物味道樣樣都好好，一啲都唔伏，大家係附近想食茶餐廳，呢間都係一個幾好嘅選擇份量我哋一人一個餐，份量夠晒，啲嘢唔會係正鬧市就細細份，夠飽！環境估唔到間餐廳原來有兩層，修去望落去好爆，侍應帶咗我哋落樓下座，環境幾好，全部卡位，坐得好舒服服務有晒餐具係櫃桶，擺得乾淨企理，咩都齊晒。正常茶餐廳，唔好諗有咩服務，幫你落單嘅都係正常茶餐廳嗰啲阿姐，咁好生意又多人都算有禮貌🤣🤣價錢正常價錢，唔算好平，但份量味道都好夠又坐得舒服，所以唔算貴，值得嚟食😋😋😋

屋企人本身好鍾意食茶記，但我成日怕污糟同迫而唔想去，同埋又怕啲侍應既態度好差食到一肚氣。不過朋友介紹話呢間茶餐廳比較新式，裝修同招呼都唔錯，咁就一於黎試下啦。朋友話呢度既瑞士雞翼唔錯，咁我一坐低就叫黎試啦。估唔到佢真係整得好入味，而且夠大隻，啲雞肉都好嫩，質素直情追得上食瑞士雞翼好出味果間舊式餐廳呀。另外，我仲叫左個西冷牛扒，佢包左一個中湯，估唔到都好好飲。佢除左足料之外，飲落仲要無味精，好有住家湯既感覺。而主菜鐵板牛扒，真係好大塊。而且食落好有牛味好香，又唔會太硬，茶餐廳黎講個質素真係好好。呢間茶記價錢公道，裝修又夠舒服，真係令我對茶餐廳改觀呀。

好久沒有堂食茶餐廳，太太太喜歡這樣感覺。🍹在傳統中渡過不一樣的晚上，偶然在「茶記」細說當年，默默的品嘗著那香港的味道，驚嘆一下現在的茶記愈來愈企理四正☀️。沒說的話想不到了吧！老實說，真的很久沒有食蒸魚，是一種莫名其妙的「住家飯」感覺！在家的話也只懂煎焗一份三文魚，開心友人也喜歡食魚魚🐟！煎魚熟度剛好！對啦！有誰也跟我一樣：小時候照爆討厭食茄子，後來因為魚香茄子煲太好食太好下飯，🥰長大後愈來愈愛了？咕嚕肉太好食了！甜酸又脆卜卜的！

瘦身左幾個月，偶然都想放縱一下自己！突然間好想食件西多士，加埋杯香滑奶茶，諗起件西多越厚就越興奮😝，諗起以前日日必定要飲嘅熱奶茶就越想飲😝！去邊度食？週末去左最近新開業嘅紅島冰廳 嘆下午茶啦！特色小食推介：～🍞芝士流心西多士西多士炸到金黃，仲好厚， 應該有5cm添！邪惡到配埋芝士流心！外香脆內軟，好好味。🐔瑞士雞中翼呢個真喺大力推薦比大家，雞翼肉質嫩滑，鹵水汁燜得很入味唔會太鹹，令甜味反而更突出，讓人回味🤤。🍛乾炒牛河好有鑊氣嘅乾炒牛河，炒出來味道濃郁，唔會太過乾身，牛肉肉質嫰滑，河粉口感滑滑不油膩，讚👍🏻🍗生炸雞髀配沙律外皮炸得香脆可口，皮脆肉嫩好Juciy呀！Perfect Match 點少得配埋杯香滑奶茶☕️呀， 下午茶亦都可以叫杯Fruit Punch🍹嘆下！

輕輕鬆鬆食個下午茶，🍯西多士+🫘紅豆冰係Caca至愛呀，今之就黎到紅島冰廳，試下佢嘅 #邪惡西多士 😋記得6點前先有超正下午茶架😉👧🏻Caca今次食乜嘢？🍯阿華田脆脆西多士-西多配阿華田脆脆，又甜又脆，而且粒粒金黃，食完真係好有邪惡感呀🤤🫘紅豆冰-紅豆大粒又咁香甜，仲好大杯呢🥪公司三文治配薯角-呢個超推薦👍🏻每件都材料、厚度十足，三文治保持到脆底！🍳鐵板香草羊架配意粉黑椒汁-羊架啖啖肉，鐵板上夠晒熱辣辣～🍝鮮茄蓉海鮮意粉-有帶子、大蝦、青口，估唔到可以做到西式餐廳嘅擺盤同味道呢！

啱啱今日新鮮滾熱辣去完呢一間紅島冰室， 首先地理位置非常方便， 環境裝修有別於傳統舊式茶餐廳，非常光鮮新淨， 用色色彩繽紛， 同一般連鎖西餐廳般~仲有2層空間十足可能新開張，服務非常熱情， 由入座去到落單和結帳都非常快速有禮， 而且充滿笑容! 呢間茶餐廳完全冇服務費，但服務有水準， 完全超出 我期望， 希望可以一直keep住!食物選擇方面亦非常多元化， 除一般茶記茶餐、 碟頭飯、中式小菜，亦都有鐵板餐、西式fusion意粉等。 可以睇下我影的餐牌!今次我點咗一份公司三文治配薯角 和阿華田磚頭煉奶西多士。 公司三文治：味道配搭非常好， 食材用料非常新鮮， 薯角脆卜卜! 西多士完全冇油益味，唔會油膩， 外酥內軟而且醬汁剛剛好， 十級滋味! 以價錢而言有如此食物質素，絕對性價比極高! 我絕對會再回頭幫襯

行完信和覺肚仔餓，見到呢間茶餐廳環境幾新淨，就入去試下啦一入去已經九成九滿座，侍應哥哥好有禮貌咁帶我地入座，茶記呢講環境算好舒服😊好肚餓啊👉2人叫左3份晚餐食🤣😋❤️菠蘿咕嚕肉👉小炒套餐 呢個係我最愛嘅菜式😋🥰酸酸甜甜好開胃，豬肉肥瘦適中，粉薄，香酥，入口香脆嫩滑，加上青紅椒、菠蘿都好鮮甜，全部食材掛上酸甜汁，配白飯食好好味啊😋$80 奉送例湯，白飯，熱飲/凍飲 +$3❤️鐵板牛肉眼扒炸蝦👉配蘑菇煙肉汁薯菜先上餐湯，但質素一般，係肉眼扒份量好有驚喜，大大份好足料，淋上蘑菇煙肉汁，聽到滋滋聲好興奮，肉眼扒入口啖啖肉好滿足😋$80奉送餐湯，熱飲/凍飲 +$3 紅豆冰 +$9❤️板煎雞扒洋蔥圈👉配黑椒汁薯菜 雞扒扒嫰滑彈牙，薯角酥脆好有咬口😋雖然驚熱氣，但都食左好多，最開心係有大大杯紅豆冰😍$75 奉送餐湯，熱飲/凍飲 +$3 紅豆冰 +$9

有國內朋友來港旅遊，同佢去旺角行街買，最後梗係要請佢食返餐，咁啱見到一間好光猛又大個嘅招牌吸引到，是紅島冰廳，餐牌提供多元化食物，朋友和我都想入去試吓！餐廳地方又大又整潔，座位係卡座，坐得舒服。鐵板海陸空扒，濃稠惹味的黑椒汁淋上熱辣辣鐵盤，單聽聲音已流口水，扒餐份量十足，有大大塊雞扒、豬扒、吉列魚，重加左隻煎蛋。雞扒和豬扒都嫩滑唔鞋口。吉列魚外脆肉嫩。跟香脆薯條，真係好豐富。奉送例湯熱飲，中湯夠火喉。紅豆冰大大杯，紅豆林甜，飲落奶香味濃。忌廉粟米海鮮焗飯，即叫即焗，熱辣辣香噴噴嘅忌廉汁非常creamy，味道濃郁，撈飯食真好好味。海洋有魚、蝦、青口等，都好新鮮美味。椰汁涼粉冰，涼粉軟滑帶少許煙韌。椰汁飄香撲鼻。美味透心涼。銀芽肉絲炒麵，呢款麵的特色是在脆卜卜既麵條淋上銀芽肉絲茨汁，又脆又軟的口感，記著要襯熱吃，最難得這裡不會有太多油份，美味極了！京都豬扒炸大腸，京都豬扒酸甜入味好醒胃，豬大腸經炸後，色澤金黃，外脆內嫩且味香。

茶記一向給人感覺都是舊式的，又或只有奶茶咖啡三文治等吃，但其實，現在的茶記食物，已經是超多元化了～餐廳的食客都坐得滿滿，門口人流不斷，地方乾淨企理～海陸空大滿足～ 有雞扒、豬扒及炸魚柳，可選薯菜、飯或意粉，而當中的炸魚柳更是超厚超大件，外層粉醬炸得脆卜卜，內裡魚柳嫩滑～招牌黑椒牛柳～7成熟，剛剛好，牛柳是粉紅肉超腍軟，生熟程度拿捏得很準確，而黑椒汁更是惹味，帶點微辣很開胃～腿蛋治～腿蛋治質素在乎於厚蛋及滑蛋，兩者都做到很足，麵包帶點牛油香，很好吃～油沾多～是厚多士來的，麵包鬆軟而皮脆，油沾比例剛剛好～紅豆冰～超多大大粒的紅豆，不太甜的，喝起來很舒服～