紅島冰廳

營業中

休息中

今日過咗嚟旺角行陣街，晏晝想食個tea，見到呢間紅島冰廳都幾滿座，而且餐廳設計新式，光線都好明亮，於是入去會一會佢😚沙嗲牛肉即食麵配火腿奄列、丹麥酥份量超級足，沙嗲牛肉有勁多塊，而且肉質都算滑，火腿奄列更加係出色，有勁多火腿絲，而且蛋都幾嫩滑，丹麥酥都幾鬆軟😙迷你蕃茄焗豬扒飯香味十足，食落酸酸甜甜，超級開胃，而且豬扒都好多塊，又夠厚身，配搭起上嚟食得好滋味😍混醬厚多士非常有質素，叫咗咖哋加鮮牛油，香甜又夠脆口，而且鮮牛油係凍嘅，冷加熱一齊口感好正🥰炸雞髀配沙律好邪惡，雞髀炸到好香脆，外皮脆，肉質嫩，搭配埋酸酸甜甜嘅沙律，呢個下午茶一流🤩椰汁紅豆冰都好出色，超大杯，而且紅豆份量係極量，椰汁味又夠香濃；另外都嗌咗杯熱檸水，正常發揮😆

每次岀到旺角都要諗食咩😆香港特色🥢茶餐廳📍紅島冰廳(旺角)新年前圍年飯🫕高質素的茶記🥢脆脆豬 {花生醬 鮮牛油🧈}( $28 +3)第一次食脆脆豬，好邪惡熱辣辣脆卜卜既包皮夾住，豐富既花生🥜醬加鮮牛油🧈一咬落去，啲醬別晒出嚟，好正🙌🏻(鐵板)西冷5成熟{配黑椒汁} $108自己揀幾成熟🥩熱辣辣鐵板上枱，自己淋汁厚度適中🙌🏻切落去唔會血淋淋，又唔會太靭黑椒汁唔會太辣，仲有好重黑椒味☺️薯角炸得剛剛好，外脆內軟👍不油膩鮮茄厚切焗豬扒飯 $68果然真係厚切豬扒，配上配茄汁豬扒鬆軟，又大塊，仲要厚切🫣粒粒分明既炒飯底🫠果然高質😋鹹魚蒜蓉炒菜心$52重味鹹魚😍再加勁多蒜蓉炒埋一碟，正😄菠蘿包(芝士 蕃茄 生菜🥬 3.6牛乳炒蛋)$33炒蛋先係精華，用咗3.6牛乳炒，真係好滑，重奶味🍳外面係脆皮菠蘿包，再夾住入面熱辣辣既配菜，好有茶餐廳風味🥯🧀港式香滑奶茶☕️冇加糖既奶茶🥤先可以飲到原汁原味一飲落口，真係好滑👍奶同茶既分配好平均，兩個都係主角👐🏻推薦🙌🏻推薦

前幾日經旺角又發現開咗間新嘅茶記，雖然過咗下午茶時間但望到餐牌啲嘢都幾啱食所以就入咗去醫肚啦！餐廳環境舒適，座位都算寬敞，空間感幾大，食物夠多元化而且價錢十分親民化，加上夥計們都好有親切感呀，經過不妨試試佢👍🏻平時食開港式經典嘅焗豬扒飯，今日想換換口味，估唔到幾有驚喜！忌廉粟米焗海鮮飯即叫即整，上枱時熱辣辣，香氣四溢～ 忌廉粟米醬濃稠度恰到好處，份量足以撈晒成碗嘢，重點係用咗炒飯底，食落帶點淡淡嘅蛋香味，忍唔住一啖接一啖，性價比甚好，極度推介😚 個人十分喜愛鑊氣小菜所以叫咗幾款試試🙈 冬天叫個鮑汁野菌豆腐煲就最合適不過了～ 野菌種類眾多，款款鮮甜又爽口，炸豆腐帶點咬口，內裡仍保持幼滑，整體調味度適中，唔會過鹹，配飯一流💞 豉汁蒸倉魚大大條，啖啖肉，肉質嫩滑，簡單，健康又美味🐟 清炒菜心雖然油光滿臉，但食落一啲都唔覺得油，原汁原味最好食🤤最後當然唔少得嘆返杯熱奶茶同熱鴛鴦啦！前者茶味濃，奶味出，入口絲滑、後者香中帶點苦澀，各有千秋，值得一試☕️

經開旺角，見到有一間新開既冰室，門口姐姐熱烈咁叫我入去試下，見佢坐位闊，唔會逼，咁就入去一試(因為本人好怕坐得辛苦)，入到去d侍應姐姐全部好有禮貌，又好helpful，感覺幾好，空間大，原來有兩層，坐得好舒服叫左個咖哩吉列厚切豬扒飯🍖，個炸豬扒做到外脆內嫩，而且有細心用咖哩薯仔頂高塊吉列豬扒黎放，D汁唔會沉淋個脆皮，咖喱薯仔夠淋，幾啱我口味😋見到旁邊枱班人叫左豬扒炒公仔麵，好大碟，下次要試下總括而言，會再去🏃🏃🏃

早幾日搭車經過彌敦道，見到呢間冰室新開張幾吸引所以今日放假同家人落嚟試一試先講環境，因為新開，所以不論枱櫈以至餐具都非常整潔伙記亦好有禮貌食物方面，首推鐵板黑椒牛柳，牛柳我選7成熟，估唔到茶餐廳都可以做到入口即溶效果薯菜仲要配合炸薯角，性價比極高其次推介忌廉粟米魚柳焗飯，呢度嘅焗飯做得相當出色，時間拿捏得好好外面焗得夠燶，裏面嘅魚柳仍然保持到好滑最後講埋個先茄牛肉燴飯，以往喺其他地方食燴飯，一般都唔會將飯同餸分開，所以有時食落會太多汁/唔夠汁，但呢度做得好細心，將飯同餸分開絕對可以滿足到唔同食客當然味道都好好

之前食開一間紅*嘅冰室，不過要排隊，行過信和見到呢間新開就入去試下同朋友2個叫咗兩個午餐 我就叫咗個卡邦尼帶子意粉不過不失 汁都夠 味道都正路似係西餐廳度食緊唔似食緊茶記既真係有啲細粒嘅帶子點知我朋友佢叫嗰個魔鬼汁雞扒帆立貝意粉真係好食有驚喜同埋好大份塊扒大到食吾哂收我六十幾蚊竟然有原隻帆立貝俾我食如果再多啲汁撈埋個意粉食就perfect🤭雖然嘢食有小小唔夠熱但味道搭夠上網見到啲人話晚餐鐵板牛柳好好食，不過太飽啦唯有下次先試😋性價比幾好可推介 值得一試

今日出旺角，見到信和附近開左間新冰室，就入去試一試，叫左個午餐xo醬豬扒炒公仔麵，有湯及飲品跟，叫左羅宋湯，凍檸茶。等一陣炒好黎到，賣相都唔錯，食落口味道好，炒得夠乾身，成碟清晒

今日搭巴士出旺角溜溜，一落車就見到佢哋新開張，抱住一試嘅心態，叫了一份午餐---黑松露汁香煎魚柳伴紫薯餅跟薯菜。其實可以跟飯或意粉，整體味道ok，最驚喜嘅係紫薯餅裡面有大大粒栗子😍😍😍，十分加分。另外，午餐還跟餐湯，有中湯或羅宋湯，我揀了羅宋湯，顏色看上偏淡，沒想到味道很濃👍，是本人喜歡的味道。餐飲奶茶味道香滑，飲後有點回甘，如果再熱一點會更好。美中不足的是座位有點窄😅

經過旺角又發現多一間茶餐廳，離遠已被超多花牌吸引住腳步，隨時心而行走入去試吓。裏面嘅格局分為上下兩層裝修新派；坐位多，間格好，燈光足夠。但感覺和紅茶冰室似係姊妹店。時間啱啱好可以嗌下午茶餐鹹牛肉炒蛋潛艇$43咸牛肉和蛋沾比例合理，非滑蛋，麵包有烤過，整體ok 鮮茄生菜吞拿魚蛋白潛艇$43賣相好吸睛，白雪雪蛋白下是吞拿魚蓉，包也脆卜卜，好味。配薯角或者雜果沙律薯角超熨咀；加左鹽調味，即炸一定好食。雜果沙律冇薯仔，正食雜果，唔會太酸， 合格！唯一可惜係奶茶兩杯都唔夠熱，只係比常溫高少少溫度，但茶味OK。整體價錢比內街嘅茶餐廳略貴，質素OK，有出爐麵包供應，最難得下午茶有2:00開始。客人源源不絕，相信好快成為旺角嘅新貴。

位於旺角彌敦道的新茶餐廳。餐廳前身是紅茶茶餐廳，當時疫情差不多尾聲結業時我有點震驚，因為紅茶算是很成功，生意相對不太受疫情影響的餐廳了，然而還是沒有撐住，當時我在想還有哪間餐廳可以頂住如此昂貴的租金租下這舖位，因此這間茶餐廳開業後，我便立刻去光顧一試究竟。餐廳的裝潢算精緻，雖然是茶餐廳，但能看出還是有花心思裝條及擺設的，餐廳座位算寬敞，以茶餐廳來說，算非常舒適了✨ 星洲炒米 $62星洲炒米是我每到一間新的茶餐廳必吃的菜式之一，因為並不是每間茶餐廳都能炒得好食；炒米粉炒得乾爽入味，麵質不會太軟爛；而且難得蝦肉很大隻爽彈，能吃出不是廉價感的霉爛蝦仁，以$62來說，性價比非常高！咖喱粉炒得十分均匀，每一口都吃到咖喱香，而且一點也不油膩，吃完碟底也不會呈太多油光感，真的很不錯✨ 是日晚餐 - 鐵板黑椒汁牛扒珍寶腸薯菜 $78通常是日晚餐的質素會比較普通，因此我也沒有寄予厚望；牛扒居然有兩大塊，而且是厚肉多汁的牛扒，當然肉味欠奉，但以茶餐廳牛扒來說，味道算很不錯，梳打粉不會太重手，我仍然能吃出這是港式茶餐廳獨有的牛扒口味；最後薯菜居然是香口脆爽的薯角，非常惹味！