紅島冰廳

營業中

休息中

有國內朋友來港旅遊，同佢去旺角行街買，最後梗係要請佢食返餐，咁啱見到一間好光猛又大個嘅招牌吸引到，是紅島冰廳，餐牌提供多元化食物，朋友和我都想入去試吓！餐廳地方又大又整潔，座位係卡座，坐得舒服。鐵板海陸空扒，濃稠惹味的黑椒汁淋上熱辣辣鐵盤，單聽聲音已流口水，扒餐份量十足，有大大塊雞扒、豬扒、吉列魚，重加左隻煎蛋。雞扒和豬扒都嫩滑唔鞋口。吉列魚外脆肉嫩。跟香脆薯條，真係好豐富。奉送例湯熱飲，中湯夠火喉。紅豆冰大大杯，紅豆林甜，飲落奶香味濃。忌廉粟米海鮮焗飯，即叫即焗，熱辣辣香噴噴嘅忌廉汁非常creamy，味道濃郁，撈飯食真好好味。海洋有魚、蝦、青口等，都好新鮮美味。椰汁涼粉冰，涼粉軟滑帶少許煙韌。椰汁飄香撲鼻。美味透心涼。銀芽肉絲炒麵，呢款麵的特色是在脆卜卜既麵條淋上銀芽肉絲茨汁，又脆又軟的口感，記著要襯熱吃，最難得這裡不會有太多油份，美味極了！京都豬扒炸大腸，京都豬扒酸甜入味好醒胃，豬大腸經炸後，色澤金黃，外脆內嫩且味香。