米走雞 (渣甸中心)

營業中

休息中

🟠沙嗲湯一上枱就就香味四溢。散發住花生香味仲帶一點微微嘅辛辣，味道鮮甜仲有一點鹹香味，湯底滾沸後令我哋忍唔住想趕快將食材放入去。⚪️虎蝦呢啲虎蝦個頭好大隻，口感十分結實，鮮味十分突出。輕輕一咬，緊實彈牙嘅口感配搭住沙嗲湯底，滿足感即刻爆發。🟣手打五寶丸拼盤每一粒都係真材實料。黑松露手打鮮墨丸嘅黑松露獨特香氣同墨魚嘅鮮味互相融合，味道豐富；手打鮮墨丸嘅口感彈牙Q脆，帶有濃濃嘅墨魚風味；手打鮮蝦丸就係滿滿嘅蝦肉，每一啖都鮮甜多汁；手打M5和牛丸入口即化，濃郁肉香喺嘴裡擴散；手打豬肉丸就帶住獨特嘅香味同嚼勁，每一種丸子都令我哋驚艷不已。🔴澳洲和牛M8肩胛肉眼片每一塊牛肉都帶住均勻嘅油花，薄而唔失厚度，粉嫩嘅肉質就透出迷人嘅光澤。一啖咬落去，肉質細嫩多汁，豐富嘅油脂同沙嗲嘅香氣完美融合，真係太好食！

之前男朋友提過位於銅鑼灣嘅米走雞好有氣氛，燈光好浪漫，而且佢好鍾意火鍋，今日佢生日嗰陣帶佢黎呢度慶祝望到餐牌有選擇困難症，菜品選擇多👷🏻‍♀️細孖就揾店員介紹，佢地好熱情介紹熱銷菜品，作為稱職嘅女朋友當然要要揀男朋友最鍾意食嘅嘢，加要食得開心又健康我哋揀咗薯仔湯做湯底，好鮮甜，多種食材一齊煮，例如番茄、粟米、洋蔥，打邊爐前飲番啖感覺好健康，有蕃茄做搭配，酸酸甜甜，令人好開胃雪花牛嘅脂肪真係分佈得好均勻，食住鮮嫩香醇，入口即化，真係回味無窮另外👷🏻‍♀️細孖仲叫左牛丸，好彈牙海鮮例如魚、鮮蝦、蜆，做搭配等低脂選擇，紅肉白肉都有好豐盛！每樣食材都好新鮮鮮甜 ，海鮮又係較低脂選擇，最後打完邊爐飲番碗濃郁湯底超正，吸收埋肉香，食埋番茄粟米增加纖維量，下次會再黎✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻總評：👭🏻推薦指數：🌕🌕🌕🌕🌕👭🏻回頭指數：🌕🌕🌕🌕🌕👭🏻環境評分：🌕🌕🌕🌕🌕👭🏻服務評分：🌕🌕🌕🌕🌕✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫

「番茄薯仔湯」呢款湯底每次嚟我媽咪一定會點😆湯底融合咗番茄嘅酸甜，粟米嘅清甜，洋蔥嘅甘香，仲可以食到薯仔添🤤湯底已經熬出食材嘅精華，呈現溫潤嘅橙紅色，飲落去濃郁唔膩口，入口仲帶住淡淡嘅蔬菜甘甜，好好飲～「霜降牛頸脊」肉質緊實而且微微帶有嚼勁，輕輕涮幾秒就可以鎖住肉汁，口感軟嫩帶住濃郁嘅牛肉香味🤤手切地厚薄均勻，搭配濃郁嘅番茄鍋底就令人回味無窮🤩「手打豬肉丸」豬肉丸口感紮實又有彈性，煮熟後肉丸鮮甜多汁，仲保留咗豬肉原始嘅香氣同鮮味😋手工製作嘅肉丸反而更有層次感，每一啖都可以嚐到細膩嘅肉質纖維同嚼勁，正啊！「泰式鳳爪」我哋仲點咗呢道小菜，經過醃製後嘅鳳爪帶住濃郁嘅香味，酸辣甜鹹配合得啱啱好，新鮮嘅檸檬酸香十分開胃🤤「藍檸檬梳打」梳打氣泡水都好好飲！微酸嘅檸檬香氣同氣泡水嘅清爽感完美結合，好好咁幫我哋解膩～

食材有幾優質佳難下經營，舖面衹得兩個人做，要招呼廿幾張枱。正門(走火門)難開閂，門鼓太緊爲難長者客人，本尊還發現此門會自動鎖上(可能是故障)非常危險。服務員不問情由便遣責本尊多手觸碰，說話冇尾音不識禮數，招呼說是可有可無。

聽咗班同事話銅鑼灣呢度有間火鍋店，有賣雞煲，佢哋嘅評價都幾唔錯，確認具體位置後就book咗幾個位，週末嚟呢度食午餐。-我特別鍾意食酸辣，所以我哋要咗冬陰功湯底，呢度嘅冬陰功味道真係一流，香濃嘅酸辣味，仲有非常鮮美嘅海鮮風味，唔管加咩都會非常好食，最緊要係好開胃。-酸酸辣辣嘅口味，當然要配上牛肉，雪花肥牛嘅雪花真係好靚，油脂紋路清晰可見，均勻之餘，煮起來仲非常滑嫩，配上湯底，香氣十足，我自己一個人就食咗好多片。-再嚟上五種唔同口味嘅餃子，非常可口。我自己最鍾意係和牛餃同韭菜餃，一個牛肉非常香甜，肉質滑嫩，然後另一個就係韭菜味道好濃厚，好好食。-我哋仲要咗特色黑松露蟹籽魚麵，呢一味特別適合冬陰功湯底，味道可以完美融合，口味非常新鮮。-食咗酸辣味嘅火鍋，嚟上水果茶，清涼解渴，口味更加豐富，最緊要就係可以解膩解熱，味道仲非常好飲。-度過咗一個愉快嘅下午，我哋真係都好鍾意呢度！

同屋企人一齊去咗銅鑼灣嘅米走雞食午餐，米走雞一間以高品質食材聞名嘅火鍋餐廳，我哋享受咗一餐豐富嘅火鍋午餐。▶️藥膳湯 - 湯底散發住濃郁嘅香氣，色澤透亮，入面加咗枸杞、人參等滋補食材，飲一口，暖胃又提神，正！▶️特技雪花肥牛 - 牛肉片雪花般嘅油花均勻分布，肉質極為細膩。入口即化嘅口感，食落去肉香四溢，令人回味無窮。▶️美國桶蠔 - 每顆生蠔都飽滿肥美，散發住淡淡嘅海鮮味道。口感滑嫩鮮甜，完全冇任何腥味，非常新鮮美味。▶️手打M5和牛丸 - 每一顆牛丸都口感彈牙，食落去能感受到紮實嘅口感，仲散發住牛肉香味，實在係好好食。

周末夜晚，我地決定食一餐豐盛既晚餐，比自己一個開心既周末。點咗幾樣精選既食材，搭配一鍋金黃誘人既滋補湯底，諗起都覺得好食。我地叫咗金湯桃膠花膠雞湯作為湯底，呢個湯底好濃郁，花膠雞湯既味道瞬間湧出黎，試咗一口，非常好飲！我地仲叫咗和牛肩胛肉黎搭配火鍋。牛肉既油花分布均勻，輕輕涮過湯底後，肉質更加細膩，每一口都好好食。我地亦叫咗黑松露蟹籽魚麵作為主食，手工製作既魚麵口感好彈牙，蟹籽既微微鹹香同黑松露既濃郁香氣融合，超級好食，食完一啖真係停唔到口。下一個係大大既桶蠔，每一粒都飽滿多汁，咬落口鮮甜既味道係口到湧出黎，好滿足。最後，我地叫咗一盤脆炸哈蝦餅。蝦餅炸到外皮酥脆，入面既蝦肉鮮美，搭配金湯，好好食，好滿足。呢餐火鍋滿足咗大家既味蕾，我地都覺得好好食，下次仲會再黎食。

第三次去啦！！食物1️⃣朋友第一次食都感受到不一樣的雞煲，「啖啖肉」，夾起的每塊肉都是自己喜歡吃的👍2️⃣芝士雞煲，都好值得試👍3️⃣選擇的肉類可以半份上，份量剛剛好，價錢也不會特別貴，牛肉今日食了，無敵正😍4️⃣麻辣雞煲都可以選擇BB辣，照顧到不能吃辣的朋友，又想吃辣的朋友👍，麻辣煲連四川朋友都話地道辣味服務和環境1️⃣服務就是恰到好處的好👍2️⃣環境也很舒適，很適合朋友們聚餐👍下次繼續約朋友去食！

前幾日同屋企人去咗銅鑼灣嘅米走雞火鍋。餐廳環境幾舒服，氣氛輕鬆，好適合同屋企人聚一聚。第一樣送上嘅係特級雪花肥牛，肉質好嫩，片片都有啲油花，食落去即刻融化，唔會太肥，又有啲嚼勁。之後就係海鮮拼盤，沙白嘅魚肉新鮮，脆肉鯇片同虎蝦食落去好Q，海鮮味唔會太濃，煮完之後味道更突出。再嚟就係精品拼盤，入面有哈哈蝦中寶、黑松露手打鮮墨丸同竹笙墨魚滑。每樣嘢都好有特色，哈哈蝦中寶嘅蝦肉好鮮甜，黑松露墨丸有濃濃嘅松露香味，食落去幾特別。竹笙墨魚滑滑溜溜，煮咗之後口感幾好，配湯底好搭。至於火鍋湯底，選咗藥膳湯，味道幾醇厚，帶啲草藥味，但唔會太重，煮嘢食時啱啱好，唔會蓋過食材本身嘅味。飲到最後，仲有水果茶解膩，味唔會太甜，飲完好清新🍹呢次火鍋經驗幾開心，食材新鮮，味道亦都唔夸張，係一個舒服嘅聚餐體驗。下次再有機會一定會返去試其他火鍋套餐！🥘

火焰雞煲非常好吃，吃了幾次。但是花膠雞不太好吃，喝起來有粉末感，湯底非常一般。桌子很窄，吃飯時老闆會一直盯著你，感覺有點奇怪。但是人總體還不錯，要加水會馬上行動。

真的不明白為何OpenRice上會有這麼多好評，因為我的親身體驗是完全相反，一定無下次，請大家務必謹慎選擇餐廳。當天到餐廳的時候尚早，餐廳未有很多食客，其中一位侍應/主管，坐在旁邊的一台空桌子，不停地咳嗽，他沒有用手掩蓋口鼻，亦沒有戴上口罩，這個動作在我一個半小時多的吃飯過程已發生了不下四五次。此外，亦看到他在水吧猛烈地呻鼻涕，然後在沒有洗手的情況下繼續處理食物……最後順帶一提，這位侍應/主管亦頗為沒有禮貌，有些問題我們不明白，他都是非常不耐煩地敷衍我們，而且他在處理完落單QR code的單據夾子後，並不是「放」在顧客餐桌旁的食物木架子上，而是「掉」下去的，令人感到非常無語，及有些害怕。希望餐廳好好正視問題，因為我們覺得他們的雞煲是好吃的，但侍應的服務態度及衛生意識都很差，真的會令顧客不再回頭光顧。

最近同屋企人又去咗銅鑼灣嘅「米走雞」食雞煲，真係百吃不厭。*此餐廳收取加一服務費。小份火焰麻辣雞煲（單點$198），中辣，內有洋蔥、芫荽、中芹、辣椒乾，雞件肉質嫩滑，雞味濃香，食落帶有玫瑰露酒味，配以麻辣雞煲醬汁食用，食落麻辣兼備。麻辣湯底（跟餐$0），辣度3分。沙白蜆（單點$88），肉質肥美，味道鹹鮮。半份鳳城水餃（單點$53），好足料，內有河蝦、豬肉、筍絲、木耳，河蝦味道鮮甜。全份油麥菜（單點$48），食落好新鮮。番茄（單點$28），味道酸甜，食落好Juicy。醬湯（兩人$36），包括有豉油、炸蒜、芫荽、蒜蓉、指天椒、香蔥、麻醬。

米走雞搬咗去呢個新舖位，呢間舖上一手亦係火鍋店，冷氣係完全不足，又焗又熱一到達店舖時，由於我喺OpenRice book位有88折，只係同佢店員講咗一聲OR 訂位，佢就通知咗一位男職員/老闆過黎，嗰位男職員就好晦氣同不耐煩咁講「我知架啦，你知唔知我好忙架？唔使同我講呢啲嘢。」咁如果我唔通知你，你又點知我喺OpenRice訂咗枱呀？一陣你又話我缺席呢？食物質素係冇問題，新出嗰啲一大壺嘅飲品，去到後面根本倒唔到出嚟，真係需要改善一下嗰個壺嘅設計！二人枱與枱之間非常逼夾，出去去廁所都成問題，好容易撞到隔籬枱啲嘢，嗰位男職員喺清潔隔籬枱時，將清潔劑噴到我成腳都係😣到最尾埋單嘅時候，我話用OpenRice pay 比錢，佢攞咗部機同張單過嚟，我睇完張單之後就伸手去掃佢部機，又比嗰位男職員喝我話「做咩掃佢部機，攞返張單嚟先啦，你睇清楚冇問題先啦」我睇完張單先掃，其實唔需要咁樣同顧客講嘢嘅！我唔掃佢部機又點樣俾錢呀？除咗食物質素 ，對顧客嘅態度一樣都好重要！

🐥 米走雞🔍 銅鑼灣渣甸街50號渣甸中心25樓-----一直都好鍾意呢一間喺銅鑼灣嘅雞煲店，裝修簡約溫馨，加上暗黃燈光，襯托出舒服嘅用餐環境。🔥火焰麻辣雞煲一如既往，雞煲係呢度嘅靈魂之作。雞煲上枱時，店員熟練地加入玫瑰露點火，藍色火焰騰空而起，雞煲香氣迎面撲來，瞬間喚醒食慾。跟住店員再翻炒雞肉，整個過程一氣呵成，焗煮一陣就可以令雞肉徹底吸收汁底嘅香辣精華。除咗雞之外，煲入面仲有洋蔥、中芹、芫荽同辣椒乾，每樣都係靈魂所在，缺一不可。微辣嘅雞肉辣度適中，帶有紫洋蔥嘅香氣，唔會好膩，而且越煮越入味。 食完雞煲，可以加水用麻辣湯底繼續涮火鍋。佢哋嘅火鍋料選擇幾豐富，而且食材新鮮。🦐精選海鮮拼盤包括虎蝦、沙白同脆鯇片。虎蝦肉質彈牙，沙白鮮甜，鯇魚腩脂肪豐腴，冇咩挑剔。🍢精選鮮製拼盤拼盤包括有蝦中寶、竹笙墨魚滑同烏汁汁墨魚丸，三款手打滑同丸子都彈牙又鮮味，最愛係蝦中寶，中間真係有鮮蝦在內。🥟鳳城水餃水餃皮薄餡多，內餡豬肉同蝦肉比例恰到好處，高質。🥢鮮炸響鈴響鈴炸得非常香脆，放入湯底浸一浸吸滿湯汁，外層依然保持微微脆口，內裡則帶有湯底嘅椒麻味，口感很好。 🥬 蔬菜點咗半份菜心苗、粟米同鮮腐竹，簡單

踏入12月，天氣轉涼，又去咗銅鑼灣嘅「米走雞」食下雞煲暖下身先。*此餐廳收取加一服務費。小份黃金芝士雞煲（單點$208），激量芝士碎、普通乾蔥、少芫茜、少中芹、少洋蔥，採用車打芝士、巴馬臣芝士、水牛芝士、卡夫芝士、大乳芝士製作，拉絲效果突出，味道鹹香，雞件份量多，肉質嫩滑，雞味濃香。沙白蜆（單點$88），味道鮮甜，略嫌肉質比較瘦削。全份蘿蔔（單點$43），口感無渣，食落好新鮮。醬湯（兩人$36），包括有豉油、指天椒、麻醬、香蔥、芫荽、炸蒜、蒜蓉。清熱銀菊露（單點$78），內有杞子、菊花，味道清甜。