米走雞 (渣甸中心)

營業中

休息中

冬陰公湯湯底係酸辣口，單喝湯都覺得味道剛好，飲落去好濃郁又開胃，而且越煮越香濃，將食材放落去都煮得好入味，食到後面都唔會寡淡~成個就非常新鮮濃郁嘅感覺，一入去就先飲咗一碗湯暖胃～蒙古羊肉片有羊味，但唔會太羶，食落啱啱好。如果怕太羶嘅朋友，呢度嘅羊肉都好合你嘅胃口，羊羶味唔重同時好吸湯底汁! 新鮮花枝片，厚身嘅花枝片，食落軟糯香甜，一點都唔會韌，係靚嘢 ! 炸小饅頭，最大讚係哩個小饅頭，呢個小食係兒時最愛，人大咗 依然好鐘意食!饅頭炸到外皮熱辣辣+脆卜卜再點一點煉奶，真係無得輸，雖然好邪惡但真係好好味(個人認為係要必叫嘅）值得一提嘅係，如果鍾意打邊爐嘅朋友，一定要試吓冬陰功湯底，舖頭有火鍋配料可以配。本身自己都好鍾意食冬陰功，自問都食過好多間，而米走雞絕對係性價比之選!好食又抵食!朋友果然係無介紹錯!一定會再嚟同推介俾朋友~

最近天氣好凍，好想嚟個火鍋暖暖身。啱啱諗起附近有，就打算去嗰邊食火鍋。 呢度環境優美，座位又大，坐得好舒服。而且每位顧客都叫咗好多，睇落好有食慾。 我叫咗冬陰功湯，飲落好開胃，唔會太酸或者太辣，好惹味！而且湯底濃郁，非常適合用嚟涮黑豚肉。豚肉新鮮又香軟，一口食落去，真係無得頂，令人忍唔住想多食一片。我覺得呢度嘅豚肉特別香，食住好高級。 仲有刺激味蕾嘅wasabi墨丸，彈性十足，甜甜辣辣，好有特色。第一次試就愛上，下次嚟一定仲有叫。 蜆肉份量好多，一個人食真係爽，新鮮美味，仲好肥美，真係無法自拔，食到停唔落嚟。而且蜆肉涮進湯後，鮮味更加濃郁！ 飲品檸檬梳打帶有淡淡檸檬香氣，飲落唔會膩，酸酸甜甜，好解渴！因為今次係一個人食火鍋，所以叫得唔多，下次一定要叫多啲人嚟，試更多唔同嘅菜品。

朋友啱啱放工，去附近食花膠雞湯，補一補身。我哋兩個都好鍾意時不時去米走雞飲湯，味道鮮美！尤其係花膠雞湯，湯底香濃醇厚，又唔會油，味道啱啱好。就連花膠都夠新鮮，彈牙有嚼勁，好美味，整體嘅口感同味道都好！饅頭炸得外脆內嫩，咬落去好香甜，再配啲甜奶一齊食，令人回味無窮。令我意外嘅係牛肉涮花膠湯嘅味道居然咁美味。牛頸脊嘅肉質優質，食落去細嫩多汁，仲保留咗牛肉獨有嘅香氣。仲有蝦仔都好新鮮，好有嚼勁，涮咗花膠湯之後，蝦仔嘅肉質變得好鮮美。朋友仲叫咗梳打，係檸檬口味，味道唔會太酸，仲帶有梳打嘅香味，飲住清涼解渴！

冬陰功湯酸辣嘅口感超級刺激味蕾🤤經典嘅泰國料理之一，食落去酸酸辣辣嘅仲帶有一絲甜味，無論係配搭任何火鍋食材都可以完美結合👍🏼特技雪花肥牛粉紅色澤睇落就超級吸睛🤩輕輕涮煮後，肉質細緻油花均勻，每一塊牛肉都散發出豐富嘅肉香同油脂嘅甘甜，每次打邊爐必點🥰青花椒牛舌牛舌嘅肉質紮實，煮熟咗之後油脂融化，可以嚐到牛舌嘅彈性同鮮甜😋冬陰功嘅香辛風味同青花椒特有嘅清新麻辣感令整體口感更加豐富😍精品拼盤哈哈蝦中寶～師傅自己研發嘅創意丸子，蝦滑鮮美十足，再加上蟹籽點綴，喺嘴裡爆開嘅顆粒感十分特別🤩黑松露手打鮮墨丸～新鮮墨魚手打而成嘅墨魚丸，加入咗黑松露令整體味道十分突出，非常惹味👏🏼竹笙墨魚滑～墨魚滑鮮滑Q彈，同竹笙互相包裹一齊煮熟，味道更加豐富✨竹蔗茅根呢杯飲品真係深得我心！竹蔗嘅甜味清爽唔膩，帶住自然清新嘅甜味，茅根嘅加入令呢杯飲品回味略帶微苦😍好好飲！

邊個話小朋友唔食得雞煲🤣🤣我哋早幾日就搵到間就連小朋友都食到嘅雞煲！而且餐廳仲推出左新套餐，大人小朋友都啱食！齊齊食到飽飽，大滿足呀！套餐真係超抵呀，$768就有齊曬雞煲嘅食物！而且每樣仲有得揀，平時食開雞煲都係辣為主今次就黎個小朋友食完一啖就要求再食嘅黃金芝士雞煲，多重芝士🧀，濃濃芝香，唔好話小朋友鍾意，就連大人都好想食呀！呢個套餐足足四個人份量！🥢前菜酸辣無骨鳳爪、涼拌海蜇木耳絲前菜揀咗呢兩款夠曬開胃，無骨鳳爪係爸爸最愛！涼拌係我好鍾意食，酸酸地夠曬香，而且海蜇同木耳都好爽脆！🥢煲類「可揀兩款」🧀黃金芝士雞煲🧀呢個係重點！小朋友一聽到芝士🧀對眼係發曬光，每一件雞肉都好滑溜，濃濃嘅芝香味，真係有好多層芝士，溶入雞肉真好濃香！雞肉仲要無乜骨，小朋友食落啖啖肉呢！🔥火焰麻辣雞煲🔥麻辣雞煲係必點，今次仲搞搞新創意，黎個火焰雞煲，又好打卡又夠濃厚香味，多莞茜嘅雞煲食落真係好香呀！🥢配料我就揀左4款配料，有雪花霜降Prime牛板鍵，濃香牛味嘅牛板鍵，一啲都唔鞋，吸收曬麻辣味及芝士味，勁正呀！仲有五香鮮牛肉係專為小朋友而設，滑溜嘅鮮牛肉小朋友唔擔心咬唔到，配搭芝士🧀真係好夠味！另外仲有驚喜發現，

黃金芝士雞煲之前已經食過一次，今日再食味道仲係令人驚喜 滿鍋嘅芝士睇住就好邪惡 每一件雞肉都軟嫩多汁，包裹住芝士一齊入口可以品嚐都奶香四溢嘅滋味 食完雞煲之後，就可以加入濃湯開始打邊爐喇！配菜搭配：澳洲和牛M8肩胛肉眼片端上嚟就已經好吸引眼球，色澤鮮豔，油花豐富 涮幾秒就已經可以開食，油脂溶化後散發出濃郁嘅肉香，口感細膩入口即化脆炸蝦餅我哋仲點咗小食，蝦餅已經炸得金黃酥脆，咬開後仲可以聽見清脆嘅聲音 再蘸上甜辣醬一齊食用，真係令人胃口大增～虎蝦非常新鮮嘅虎蝦，肉質鮮嫩彈牙且緊實，煮熟後蝦肉仲可以保持住Q彈多汁，而且一點異味都冇！搭配芝士湯底都係別有一番風味～竹蔗茅根竹蔗嘅甜味清爽唔膩，茅根嘅加入使整體嘅味道更加醇厚，回味略帶苦味，平衡咗甜度 我媽咪都話好飲，非常解渴

週末出嚟逛街睇戲食飯，係附近搵到咗呢間米走雞，睇住環境都幾唔錯，決定喺呢度我哋叫咗幾樣食材，然後嚟上一鍋沙嗲湯，呢度嘅沙嗲湯唔會太辣，仲好香嘅沙嗲味。配上牛板腱肉片，味道非常好，沙嗲湯底好快就可以將牛肉煮得非常入味，加上牛板腱自帶嘅油脂，每一口都係非常香，好正。菜單上有精品拼盤，可以試到佢哋三種特色食材，特別鍾意佢哋嘅蝦中寶，好特別，然後蝦肉好嫩滑。仲有另外一個特色菜品黑松露手打鮮墨丸，喺精品拼盤入面已經有咗，食咗覺得非常好食，我哋就加點咗呢個，墨丸充滿咗墨魚獨特嘅鮮香，配上黑松露嘅微微香氣，食住就係好特別。呢一餐食得真係好抵，食得非常滿足😌

沙爹湯湯色金黃且略帶濃稠感，散發住誘人嘅椰漿香味同沙爹醬嘅花生香味，令人忍唔住口水直流湯底飲落去濃郁但唔油膩，花生香味超級濃郁，口感香濃順滑，仲帶住微微嘅辣味 隨著食材嘅加入，湯底越嚟越濃香，食得我哋超級滿足手切霜降牛頸脊睇落肉片就超級誘人 色澤粉嫩，脂肪分佈均勻，手切嘅肉片薄厚適中 喺湯底度放個幾秒就已經熟透，食落去肉汁豐富，而且十分鮮甜水餃水餃放入沙爹湯底度都好好食 外皮薄而Q彈，內餡飽滿多汁，豬肉餡非常鮮甜，一點異味都冇食落去嘅每一啖都可以感受到細膩嘅肉香同湯汁嘅融合海鮮拼盤鍾意食海鮮嘅朋友直接點呢個拼盤 入面集合咗三種鮮美風味嘅食材：沙白，脆肉鯇片同虎蝦每一樣都非常新鮮，我最鍾意就係虎蝦，個頭巨型且肉質彈牙多汁

我同同事喺午餐時間去咗銅鑼灣甸中心嘅米走雞食雞煲火鍋🍲首先令我哋最驚艷嘅，就係火焰麻辣雞煲🤩呢道菜上枱嘅時候，服務員會點燃成個雞煲🔥鮮嫩嘅雞肉香氣濃郁撲鼻，辣中帶麻，令人欲罷不能🤪享用完雞煲之後，就可以加湯嚟食火鍋料理😍首先係青花椒牛脷🥓薄切嘅牛脷吸收咗青花椒嘅香氣，帶住微麻嘅刺激感，肉質細嫩又富有彈性，食咗停唔落❤️接著係白鱔片🐟片片透明薄透，入口滑嫩鮮甜，仲可以品嚐到白鱔肉嘅原汁原味，真係好推薦💯令人難忘嘅仲有手打豬肉丸🥩每一粒豬肉丸都係經過精心製作，令每一粒都飽滿紮實，咬落去嘅時候更加非常彈牙，豬肉嘅香氣令人印象深刻😋

嗰次同屋企人一齊去銅鑼灣嘅米走雞，一入去就聞到陣陣濃香。環境舒適，座位舒服，侍應服務又親切，唔錯嘅體驗。😇😇😇我哋點咗❣️黃金芝士雞煲❣️香濃嘅芝士味香味四溢，成鍋雞煲都係滿滿嘅芝士🥘🥘🥘 雞肉唔單止口感嫩滑，仲鹹香味十足，簡直就係一流。之後我哋仲食咗火鍋料理。火鍋正式開始，第一時間試咗❣️手切霜降牛頸脊❣️鮮紅嫩滑嘅牛肉入面密密佈住雪白嘅油花 🥩🥩🥩 而呢啲油脂帶嚟咗細微嘅嚼勁，口感肥嫩而有彈性，食落極有滿足感。🍤🍤🍤 跟住落鍋嘅係❣️手打鮮蝦丸❣️一咬就爆出濃濃蝦甜味，彈牙多汁，鮮甜美味。之後仲點咗❣️精品拼盤❣️當中哈哈蝦中寶鮮甜爽口，蝦膠仲帶住少少蝦膏嘅鮮香；🧆🧆🧆 黑松露手打鮮墨丸嘅黑松露香味濃郁，配埋彈牙墨魚丸，好好味；竹笙墨魚滑口感嫩滑帶微微爽口，仲滲出陣陣竹笙清香。 呢餐真係滋味滿分，飽足又滿足~ 😇😇😇

鍾意食雞嘅朋友🫶🏻值得來試吓呢個四人餐好豐富！四個人來吃也吃不完！價錢唔貴～性價比高！🌟黃金芝士雞煲濃郁奶香適合搭配肉類和吸味食材（如響鈴、粉絲）！芝士雞肉勁creamy,肉質鮮嫩。一鍋兩吃！🌟蕃茄粟米湯打邊爐湯底送滑雞片清爽酸甜，適合涮蔬菜解膩效果佳。🌟酸辣無骨鳳爪🌟涼拌海蜇木耳絲兩款都是開胃的前菜，辣辣地好惹味。🌟霜降Prime牛板腱脂肪均勻比例，食落去夾口，牛味濃郁。🌟五香鮮牛肉五香的醃製風味突出，帶出牛的鮮味。🌟澳洲牛舌牛舌較為有咬感，脆嫩。🌟手打五寶拼盤半份有墨魚丸，蝦丸，蝦滑等等，絕對係海陸雙重享受🌟蔬菜雜菇拼盤最尾當然真係要食啲蔬菜，增加膳食纖維，平衡肉類厚重感。🌟水管響鈴-4件🌟出前一丁粉絲 響鈴，出前一丁和粉絲吸收湯汁精華。🌟清爽竹蔗茅根（1.5L分享壺）清甜降火，中和打邊爐的熱氣。

同阿媽去完菜市場買完餸，啱啱好係午餐時間。我就帶阿媽嚟呢度食火鍋。呢度環境好舒服，好乾淨，一入門口就開始期待等陣食飯。我哋嗰陣點咗麻辣雞煲，一上枱就刺激到我哋嘅味蕾，搞到我哋口水直流，湯汁嘅辣味啱啱好。鍋底非常濃郁又唔油膩。入面嘅雞肉都好正，外皮微微焦脆，肉質仲保持住嫩滑嘅口感。因為阿媽鍾意羊肉，就點咗佢哋嘅蒙古羊肉片，刀工好犀利，切得好薄，放入去滾一下，立刻係粉嫩嘅色澤。羊肉入口嫩滑，又有咬勁，真係好味！跟住仲有日本鮮帶子，肉質飽滿，味道鮮甜，口感彈牙，喺麻辣湯底滾咗之後，每一粒帶子都有一絲麻辣嘅余味，太好食啦。佢哋嘅手打豬肉丸，鮮嫩多汁，肉香四溢，仲好有彈性，咬開之後仲可以感受到濃郁嘅湯汁喺口中蔓延。呢餐之後，我哋仲點咗杯竹蔗茅根飲料。非常清爽，尤其食完麻辣雞煲之後飲，真係好過癮。我同阿媽都食得非常滿足，今日嘅麻辣火鍋實在係過癮。下次可以同我嗰啲鍾意食麻辣嘅好姐妹一齊嚟食。

前幾日同朋友喺銅鑼灣約咗去食雞煲，揀咗網上有啲人氣嘅餐廳——米走雞。呢間餐廳主打火鍋同雞煲，氣氛輕鬆。湯底就叫佐番茄薯仔湯，酸酸甜甜帶啲蔬菜香味，🍅開頭叫咗個青花椒牛脷，薄切嘅牛脷煮完後好易咬開，配上微辣嘅花椒香氣，幾惹味。之後落咗啲虎蝦入鍋，蝦肉幾鮮甜，口感彈牙。新鮮嘅海鮮，真係煮得簡單反而最好味。🦐試咗佢哋推薦嘅手打牛肉丸，用嘅係和牛材料，口感紮實之餘仲帶有淡淡嘅肉香，配番茄薯仔湯底煮啱啱好。飲品方面，叫咗壺水果茶，味道清新，酸酸甜甜又解膩。呢餐飯食得幾開心，勝在新鮮、簡單同味道穩定。如果鍾意雞煲或者火鍋，呢都值得一試！😊

我從來冇試過一個人食火鍋，就說住今晚去銅錙灣捣火鍋食。行住行住，見到好多人排隊，就好奇去睇吓，發現係港式火鍋，就決定試吓。我好鍾意呢度慨藥膳湯，濃郁慨藥材味撲鼻而來，飲落好滋補。湯底清澈鮮美，唔會太油，飲多都唔會膩。虎蝦擺得好似山咐，好别緻。蝦好新鮮大隻，完全冇腥味。虎蝦比較彈牙，好有嚼勁，我好鍾意呢種有口感唧食物。仲有水餃，食落細膩，外皮滑軟，入面充滿飽滿唧諂料，好鮮甜多汁，一口咬落，諂料唧香味瞬間爆開，真係太爽啦！不得不講，黑豚肉涮藥膳湯真係絕配。黑豚肉切得喏喏好，咬落細膩有彈性，吸收吃藥膳湯唧精華後，味道好鮮美，簡直係人間美味。原來一個人食火鍋可以咐爽快，食火鍋最重要慨就係湯底濃郁好味，食材新鮮！

帶住屋企人出嚟逛街，之前食過九龍分店都好正，就決定再喺呢度食晚餐啦。 呢度嘅空間好大，真係好啱一家大細一齊出嚟食嘢。我哋叫咗沙嗲湯底嘅火鍋，味道好香濃，有住獨特嘅東南亞食物香味，飲落有啲微辣，刺激住味蕾，仲更加開胃。 因為老竇老母都喺度，就諗住畀佢哋食得好啲，叫咗頂級和牛，擺盤睇落就已經好惹味，煮喺火鍋入面，沙嗲湯嘅精華都滲入咗肉入面，好香滑。 跟住我哋叫咗佢哋嘅招牌手打五寶丸，每一款都好有特色，最鍾意佢哋嘅手打M5和牛丸，肉質同彈性都一流，好香滑，好好食。 仲有正嘅泰式鳳爪同脆炸蝦餅，味道有啲酸酸辣辣，開胃嘅同時又可以解膩，鳳爪嘅膠原蛋白口感Q彈，真係好味。蝦餅就脆口又香，油香四射，每一口仲有啲蝦肉提鮮，真係好鮮美。 黑松露蟹籽魚麵真係幾特別，上面嘅配料都係高級食材，唔單止好味，仲有營養。 火鍋再配埋水果茶，水果嘅清爽，加埋茶嘅甘甜，再帶一絲香氣，食完火鍋飲一杯真係人間享受！食飽飲足，睇返價錢都覺得幾公道，下次一定再試！