米走雞 (渣甸中心)

某日約咗朋友銅鑼灣食飯，佢話想食雞煲，咁search依間試吓啦。有時都見過下依間喺社交平台但未試過所以試一次….. 訂咗位直接入，都係基本食完雞煲，跟住轉火鍋形式打邊爐…..環境正常、地方也算寬敞，是日見得一位男侍應但好有禮貌和做到嘢🤣👍 嘢食正常地方唔算好嘈，當晚係平日但係都有八九成嘅食客算唔錯，個雞都幾滑，我哋叫左BB辣，牛肉都算唔差，另外響鈴都幾好。如果輕輕鬆鬆打個火鍋又唔想太逼夾，依間可以試吓….！…查看更多

嗰日同屋企人去咗間火鍋餐廳食午餐。入座之後，我哋就點咗店員送上嘅金湯桃膠花膠雞湯。雞湯色澤金黃，擁有濃郁嘅雞香同微微嘅膠質感，桃膠滑溜，花膠厚實，每啖都暖入心🥰首先落鍋嘅係霜降牛板腱，牛肉帶住細緻雪花紋，入口柔嫩帶嚼勁，咬落肉汁四溢，真係好滿足。之後試咗和牛餃，外皮薄而煙韌，內餡係爆汁嘅和牛肉餡，一咬開啲牛油香就充滿咀嚼之間，好好味。海鮮方面，海鮮拼盤令人眼前一亮，沙白鮮甜帶少許海水味，口感爽脆；脆鯇魚片薄切得剛剛好，唔使煮太耐已經滑溜可口，仲保持住淡淡魚香；虎蝦彈牙又鮮甜，每隻都帶住大海嘅鮮味，唔使多餘調味已經好好食。最後配返杯藍檸檬梳打，淡淡檸檬酸同氣泡感，清新解膩，為呢餐豐富嘅火鍋宴畫上完美句號！…查看更多

🥢蕃茄薯仔湯用本地農場嘅作物真係好值得讚賞，個湯勁鮮甜，尤其薯仔又粉又甜勁出色；食呢個餐啲唔會好油，食食吓再添多兩碗湯嚟飲都完全冇問題😋.🥢精品拼盤 + 手打豬肉丸每次食火鍋，我哋都鍾意點自家製手打丸，呢個都係衡量餐廳功力嘅指標。除咗豬肉丸仲有呢款「精品拼盤」共有3款口味嘅手打丸子，包括：蝦中寶丸、黑松露墨魚丸、竹笙墨魚滑。每一款都彈牙有嚼勁，味道分明，尤其係黑松露墨魚丸，黑松露嘅濃郁香氣同墨魚嘅鮮味完美結合，推薦👑🦑.🥢豬頸肉好難得有「重豬位」嘅豬頸肉出現喺打邊爐，切得夠薄身 食落口感啱啱好仲要好嫩身 肥肉幾乎上都無咩🥹🫰🏻.🔸整體評價🔸呢間真係十級推薦，基本上係一定會再幫襯，香港真係好少有咁高質嘅蕃茄湯底，真材實料之餘仲要每個配菜都用心製作，從外表到味道一啲都唔馬虎。…查看更多

餐廳主打多種火鍋湯底同雞煲，手打丸類同手工餃子，仲有唔同海鮮同肉類選擇，真係一次滿足兩個願望。成個鍋底都係喺客人面前即場汁準備！雞件同麻辣炒得煎香，店員會再點火，令到雞肉有酒香。鍾意食辣嘅一定一定要試吓 滿滿一鍋雞肉，倒入酒後用🔥點燃再翻炒雞肉，鮮香麻辣 食完仲可以加湯涮菜和牛M8肩胛肉，新鮮牛肉配上花雕酒，嫩滑無筋，酒香豐富。牛肉片肥瘦均勻，肉質細嫩而且有彈性，十分有咬口。菠菜豬肉餃，餃皮煙韌，餡料有菠菜碎同豬肉碎，味濃，吸完湯汁後一咬開後有微微爆汁效果，豬肉好滑好香。生蠔都係原汁原味，每一隻生蠔🦪都係肥嫩飽滿餐廳環境乾淨企理🙋🏻‍♀️店員服務都好到位…查看更多

-店舖用了簡約調裝潢，整體來說睇落去好舒服嘅感覺 😊✨，座位闊落，坐得舒服 🛋️💖藥膳湯：呢個藥膳花結合咗藥膳嘅營養價值同香濃口味 ❤️‍🔥，帶嚟咗獨特而美味嘅享受。滑溜嘅配料配搭住濃郁嘅湯汁，每一啖都充滿咗濃烈嘅藥材風味 🌿🍵，令人回味無窮，心情愉悅 🌈沙白蜆：沙白蜆嘅質地柔軟細緻，好彈牙 😍✨，散發住淡淡嘅海鮮甘甜。呢個料理烹調得啱啱好，保留咗蜆肉嘅鮮嫩口感，畀人一種清新爽口嘅享受 🌊💦，如同置身海邊，令人陶醉 🌅豬頸肉：豬肉片肉質結實，好新鮮，每一啖都散發出豬肉特有嘅鮮味 😋🍽️。呢個料理帶嚟咗一種嫩口嘅享受，畀人美妙嘅口感同滿足感 🥳💯，令人感受到幸福的味道 ❤️手打和牛丸：呢款爽口手打和牛丸好足料，丸子口感鮮嫩彈牙，清甜可口 💖🥢。每一啖都充滿咗和牛嘅鮮味，帶嚟一種清爽嘅美食體驗，令人欲罷不能 🤤✨，讓人忍不住再來一份 😍！…查看更多