米走雞 (太子藍馬之城)

營業中

休息中

天氣又凍返，如果鍾意濃郁嘅藥材味可以Try Try呢個熬咗好耐嘅火鍋湯底藥膳湯滋補暖胃，多種藥材煮埋，飲落清甜又唔會淡，越飲越濃手切牛頸脊脂肪好似雪花咁散開，大大一盤，肉質細膩滑軟，涮落湯底後，脂肪會溶食多種海鮮就可以揀海鮮盛宴。沙白鮮甜Q彈，鮮美。肉鯇片肉質細膩，煮咗之後帶有微微嘅脆感，爽！好大嘅虎蝦，鮮嫩多汁，咬落彈牙。每次嚟都要食嘅墨魚滑，有嚼勁，口感細膩滑嫩。竹笙清爽脆嫩，越咬越香。食物同服務都Recommend ya

嗰日我同同事去咗呢間火鍋餐廳食午餐。餐廳嘅裝飾真係別具一格，打造出一種既溫暖又舒適嘅用餐環境。服務人員態度親切，令我哋感到賓至如歸。我哋點咗幾道比叫嘅菜，首先湯底係「皮蛋芫茜湯」，湯頭清爽層次感豐富，皮蛋鹹香嘅味道同芫茜嘅清香完美融合，飲落去之後帶嚟一股暖意，特別適合寒冷嘅天氣享用。特別推薦「哈哈蝦中寶」，絕對令人驚艷嘅一道菜。新鮮嘅蝦肉捏成一口大小嘅球狀，每一口都彈牙又鮮甜，令人一食就停唔落。仲有「蒙古羊肉片」更加令我哋讚不絕口。羊肉片切得好薄，使得羊肉入口即化，搭配香濃嘅湯底更加添咗獨特嘅風味，羊肉冇一絲腥味，只有純粹嘅肉香，我哋食得非常滿足。

週末晚上，我男朋友話想食麻辣鍋。我諗起朋友介紹過一間麻辣鍋店，就帶我男朋友嚟試下。我哋睇咗菜單，點咗幾樣。好快，服務員就將我哋點嘅火焰麻辣雞煲端上枱，一上枱就聞到好濃郁嘅香味，聞住已經好開胃。麻辣鍋入面有大大塊雞肉，表面蘸滿厚厚嘅紅油同辣椒，一口咬落去，肉質軟嫩多汁，麻辣配大塊雞肉，真係好好食。呢款湯底特別適合涮肉，我哋仲點咗特級雪花肥牛同澳洲頂級和牛封門柳。我哋將雪花肥牛喺鍋入面涮幾秒，蘸上微微嘅辣香，肥牛嘅油脂配埋麻辣香，真係好好食。和牛封門柳肉質更加緊實，帶住嚼勁，每一口都好好食。除咗牛肉，我哋仲點咗精品拼盤，拼盤入面嘅黑松露手打鮮墨丸喺麻辣湯底中煮過之後，外層微微吸咗紅油嘅香氣，超好食最後，我哋仲點咗羊肉片，羊肉冇難聞嘅羊騷味，放入麻辣鍋煮完試咗一下，覺得好好食。呢餐晚飯我哋食得好滿足，我男朋友話呢間麻辣鍋真係好好食，下次仲想再嚟。

喺朋友生日嗰日，我哋揀咗呢間人氣火鍋餐廳幫佢慶祝，呢間餐廳嘅環境舒適又舒服，特別啱朋友聚會。我哋叫咗一鍋💚蒜蓉卜卜蜆鍋💚一上枱就被濃郁嘅蒜香味吸引。鮮嫩嘅蜆肉配搭香濃嘅蒜蓉湯底，每一啖都食到特別濃嘅鹹香味，好暖胃。跟住食咗❤️特級雪花肥牛❤️肉片雪花分佈均勻，色澤透紅，烚熟後入口即溶嘅油脂香味真係令人回味無窮。雲吞就係令我有一啲驚喜，細細粒精緻嘅🧡雲吞🧡入面竟然包住飽滿嘅餡料，食落去嘅瞬間鮮美嘅肉汁喺口入面爆發，好滋味。仲有🩵脆鲩片🩵魚肉片得薄而均勻，烚熟後食落去，口感鮮嫩兼彈牙，帶住淡淡嘅甜味同海鮮嘅清香，好食！一邊享受住好食嘅火鍋料理，一邊同朋友仔傾偈，為呢個生日聚會增添咗好多回憶~

前晚為咗慶祝屋企人生日，特登揀咗旺角呢間有啲人氣嘅火鍋店。大家都好期待，因為平時唔係經常食火鍋，覺得咁嘅日子應該嚟啲特別啲嘅聚餐。揀完食材之後，大家圍住熱氣騰騰嘅火鍋，氣氛即刻變得好熱鬧。湯底味道清甜有層次，花膠軟滑而且入味，飲落好滋補，幾位長輩都好鍾意。和牛封門柳呢個和牛真係冇令我哋失望，肉質嫩滑，燒得啱啱好，肉味香濃，唔油唔膩，每人食一啖都忍唔住讚一句。韭菜餃呢款小食真係適合邊傾偈邊食，餡料清香，皮薄彈牙，唔會太heavy。美國桶蠔啲桶蠔肉質鮮甜又有彈性，仲帶少少海水嘅鮮味，擠少少檸檬喺上面，味道更加出。总结：呢晚嘅火鍋晚餐，大家都食得好開心，氛圍又好熱鬧，真係一次好成功嘅生日聚餐！米走雞呢間餐廳食材新鮮，啲湯底又有特色，係一間值得再嚟嘅火鍋店！

一入到餐廳，香噴噴嘅香氣撲鼻而嚟，我同朋友揀咗沙嗲湯做湯底。呢個湯色澄黃濃厚，飄散住花生同椰奶嘅醇香，每一啖都帶有微辣嘅味道，真係令人胃口大開。 我哋點咗🥩霜降Prime牛板腱🥩牛板腱嘅油花均勻分布，輕輕涮入滾燙嘅沙嗲湯中，瞬間變成粉嫩嘅色澤，入口軟嫩帶啲嚼勁，充滿住牛肉香氣伴隨住沙嗲湯嘅辛香，超級滿意。 跟住我哋品嚐🥓蒙古羊肉片🥓呢個羊肉切得薄透，仲帶住油脂嘅光澤，一入鍋就釋放出獨特嘅羊肉香氣。吸收咗湯底精華後，口感變得非常滑嫩，毫無羊騷味，正！仲有就係🍡wasabi鮮墨丸🍡呢個墨魚丸外表渾圓，一咬落去，內餡瞬間爆出嗆辣嘅山葵味道，同鮮甜嘅墨魚肉完美融合，簡直係必點~ 我哋享受咗一餐美味又滿足嘅火鍋饗宴。

上次同朋友食咗一間喺旺角彌敦道，太子藍馬之城2樓嘅米走雞。佢哋嘅多款湯底吸引咗我，結果一試就愛上咗佢哋嘅火鍋料理，以下係我個人比較鍾意嘅嘢食。金湯桃膠花膠雞湯湯底醇厚絲滑，散發出濃郁嘅雞湯鮮香。熬製多時嘅雞肉軟嫩入味，帶有豐富膠質，而花膠就吸滿湯汁，口感Q彈，增添一層滑潤嘅層次感。手切霜降牛頸脊展現出極佳嘅油花比例，色澤鮮紅，脂肪分布均勻，食落去更加係肉汁豐盈，肉質瞬間變得柔嫩，充滿牛肉香氣，毫不油膩。美國桶蠔外表飽滿厚實，口感嫩滑，非常新鮮，食落去非常滑順，汁水豐盈，感受到鹹鮮同甘甜嘅味道，令人回味無窮。豬頸肉食落去時外層帶有微微嘅彈牙感，內裡就鮮嫩多汁，伴隨著淡淡嘅油脂香氣，每一塊都富有嚼勁且豬肉味道濃郁，令人停唔到口。

週末嘅下午，媽媽提議去食火鍋，我哋就嚟咗介紹嘅火鍋店。我哋睇咗下菜單，決定點金湯桃膠花膠雞湯作為湯底，仲點咗幾樣配菜。首先服務員端上枱嘅係一鍋濃郁嘅金湯桃膠花膠雞湯，輕輕舀一勺，就聞到濃郁嘅雞湯味，試咗一口，充滿咗濃郁嘅雞肉鮮味，入口順滑。我哋點咗和牛肩胛肉眼片，雪花狀嘅油脂分布均勻，輕涮幾秒，肉質變得柔軟香嫩，肉片吸滿咗湯汁，非常好食。除咗牛肉，我哋仲點咗一份海鮮拼盤，拼盤入面包含咗沙白、脆肉鯇片同虎蝦。沙白蜆嘅肉質好細膩；脆肉鯇片嘅肉質就好緊實，吸咗滿滿嘅金湯精華，每一口都鮮美無比；虎蝦好新鮮，蝦殼輕輕一剝，蝦肉晶瑩剔透，非常好食。最後，我仲點咗一杯冰爽嘅冷萃花茶。清新嘅花香可以幫我解掉火鍋嘅膩。呢頓火鍋滿足咗我哋嘅味蕾，媽媽都大推呢度嘅湯底，味道濃郁，非常好食，下次仲會再嚟。

我同屋企人去咗一間口碑極佳嘅「米走雞」食午餐，呢度唔單止菜品種類繁多，氛圍亦非常適合家庭聚會。我哋好快就畀親切嘅服務員帶到座位，開始落單我哋想食嘅火鍋食材。❣️杞子花膠膠原湯首先我哋揀咗膠原湯作為湯底，入口香醇帶住淡淡嘅中藥香氣，花膠嘅膠質令湯頭更加濃郁，每一口都令人感受到養生滋味。❣️霜降Prime牛板腱牛板腱絕對係呢餐嘅亮點。牛肉紋理細緻，油花分布得十分均勻，放入滾燙嘅湯中輕涮幾秒即可享用。每一片牛肉都嫩滑多汁，真係好美味。❣️手打五寶丸拼盤包括黑松露鮮墨丸、鮮蝦丸同M5和牛丸等，丸子嘅口感紮實又彈牙，每一口都可以食出食材嘅鮮味，好好味。❣️生菜火鍋必備嘅生菜清脆爽口，不單止平衡咗成頓午餐嘅口感，仲可以解膩，味道亦十分新鮮，正！

媽咪每次食到頂級牛肉都會眼睛👀發光發亮之前我試過米走雞嘅牛肉，覺得味道唔錯，今次就帶埋媽咪一齊嚟試湯底藥膳湯飲住好香濃，好暖胃。媽咪話攞嚟涮牛肉簡直係絕配，牛肉吸收咗湯底嘅精華，更加鮮甜。我哋兩個仲試咗蟹籽魚麵，味道十分豪華。滑軟嘅魚麵配上鮮美嘅蟹籽同香濃嘅黑松露，整體嘅味道好豐富。同時麵條完美吸滿咗黑松露同蟹籽嘅鮮味，簡直令人回味無窮😍媽咪揀咗一份雪花肥牛，好大一盤，擺盤都好靚，睇咗都忍唔住想即刻涮嚟食。牛肉肉質鮮嫩可口，真係好有特色。放入口咬住，牛肉嘅香氣即刻散開，媽咪食到豎起大拇指我就比較鍾意食海鮮，所以叫咗沙白蜆同墨魚滑。沙白蜆肉真係好鮮美，食住甜甜嘅，仲充滿咗海洋嘅味道，真係太絕啦!而墨魚滑食住細膩滑軟，每一口都係飽滿嘅墨魚，十分彈牙，仲帶有竹笙獨有嘅香氣，真係好幸福。老媽子表示呢度嘅牛肉真係好正，無得頂

越來越多主打火鍋的店，最近一口氣試了幾間，這一間可算是在我名單的頭幾位呢！既然要比較，當然又係叫返最傳統嘅港式風味沙爹湯，好濃郁，也較配合港人合味，偏甜不太鹹，基本上煮甚麼想滲到甜味，如有花生粗粒就更好。必點！我超愛，和牛肉眼片色澤粉紅，雖是薄切但不失Q彈口感。加上滲了沙嗲湯，又嫩又香！佢嘅份量都唔少 鋪滿隻碟水滾落鍋 好快有得食，呢個部位郁動比較多 所以導致脂肪較少，食落比較有口感同埋味道較濃郁 正😋不一定要麻辣湯才配吃內臟，沙嗲湯這種濃湯同樣很適合煮肥鵝腸，帶肥膏，吃上去口感軟糯一些。手打的關係，蟹籽蝦滑的質地都很黏稠，下鍋的時候小心一點，煮出來都很Q彈，有蟹籽在內更有咬口。

上星期同屋企人去旺角嘅米走雞食火鍋，餐廳氣氛輕鬆舒服，火鍋料選擇幾多，係一間好啱一家人聚餐嘅地方✨🐂霜降牛肉厚薄適中，煮幾秒就啱啱好，口感嫩滑，仲帶有牛肉嘅香味🥩，放入火鍋湯底提升咗少少層次及肉香。🦐炸蝦料理炸蝦外皮炸得脆卜卜，配埋少少醬料一齊食，蝦肉仲有滿滿鮮甜感。🦀海鮮拼盤拼盤入面有帶子同青口🦪，材料新鮮，放入火鍋湯底煮一陣，湯底吸收咗海鮮味，更加鮮甜。皮蛋湯皮蛋湯底夠清熱，帶有少少芫茜香，但又唔會太搶味，湯底清甜但夠味。呢個湯底幾適合想清清地食火鍋嘅人。呢度嘅食物質素穩定，雖然未至於有太多驚喜，但勝在價錢合理，地方寬敞，氣氛又好輕鬆。會考慮再帶屋企人嚟試吓其他火鍋湯底同配菜！👍

我哋一家人口味都好唔同，唯有呢個米走雞係我哋一致認為味道最好嘅火鍋。佢哋除咗食材新鮮，服務方面都好好。有幾樣菜品係我哋每次都必叫嘅，有丸子拼盤、海鮮盛宴、薯仔湯同埋豚肉。樣樣都好有特色，每次嚟都會爭住食！先講我哋嘅主角，薯仔湯，飲住清甜可口，用料豐富，完全係原汁原味，非常營養。仲有黑豚肉都好鮮嫩，涮進湯底後，豚肉鮮甜嘅味道更加明顯，配薯仔湯真係好夾。老媽最鍾意就係丸子拼盤。每粒丸子都係手工製作，好Q彈，每一口都可以食到滿滿嘅內餡，鮮香十足，食到老媽讚唔絕口！海鮮盛宴都唔錯，新鮮無比，份量又足，一家人一齊食，好有滋味。我最中意海鮮盛宴嘅龍蝦，好大一隻，鮮甜彈牙，口感非常豐富。我哋食完火鍋，必會嚟杯竹蔗茅根，飲住清涼解渴，仲可以去油脂味，真係解膩嘅好幫手!

藥膳滋補鍋湯融合咗數種精選中藥材嘅湯底，味道濃郁醇厚，散發出自然嘅甘甜同微微嘅藥香。味道鮮甜，入口溫暖，滋補又養生。澳洲頂級和牛封門柳和牛肉色澤鮮艷，令人垂涎三尺。放入藥膳湯後，釋放出濃郁肉香，咬落去柔嫩多汁，鮮甜中透住濃厚嘅牛肉滋味，非常美味。雞子形狀渾圓飽滿，表面帶有自然嘅光澤。輕輕燙熟後，入口滑順，口感Q彈柔滑，輕輕一咬就能感受到內裡嘅柔和嘅質感，十分好食。魚皮餃皮薄肉厚，晶瑩剔透，隱約可見內裡豐滿嘅餡料。輕輕咬開，鮮美嘅魚肉餡汁水飽滿，非常彈牙，好滿足。炸饅頭一咬落口，就能感受到外層薄脆內裡柔軟，帶住微微嘅麥香同淡淡嘅甜味。搭配煉奶後，甜香濃郁，每一啖都充滿住酥脆同鬆軟嘅交融，令人忍唔住多食幾個。

已經有一段時間沒有來過，今天晚上天氣轉涼，又是火鍋的最佳季節!今次挑戰火焰麻辣雞煲，未上枱已經聞到花椒香攻鼻！侍應即席淋酒點火心，成個煲瞬間被藍色火焰包圍，視覺效果滿分～雞件用咗嫩滑雞髀位，煮到微微焦香，辣度分小辣都已經夠刺激!精品拼盤三寶各有千秋，下次要order多幾款自家手打丸先得！黑松露墨魚丸：咬開爆出濃郁松露香，墨魚膠彈牙；蝦中寶：蝦滑釀入原隻蝦仁約，雙重鮮味爽脆；墨魚滑：混入粒粒墨魚肉鼻，每啖都食到鮮味霜降Prime牛板腱+鮮牛肉牛肉新鮮又甜美，份量也不少呀！而每件牛肉片的油脂分佈均勻，牛味十足！！特別推介！每片都好新鮮甜美