影片
開飯介紹
此雞煲店以黃金芝士雞煲作招徠，除了可按喜好自選芝士分量，更可加湯變成港式火鍋。餐廳亦提供多款中式湯底，照顧不同口味的食客。
繼續閱讀
營業時間
今日營業
12:30 - 23:00
星期一至日
12:30 - 23:00
公眾假期
12:30 - 23:00
公眾假期前夕
12:30 - 23:00
以上資料只供參考, 請與餐廳確認詳情
有關獎賞計劃
優惠
相關文章
前晚喺旺角試咗一間朋友介紹嘅火鍋店——米走雞。呢間主打特色雞煲同海鮮，試咗真係覺得好唔錯，值得推介！芝士雞煲：呢個真係佢哋嘅招牌，香濃嘅芝士，雞肉好嫩滑，芝士味好足！食到尾嗰陣，真係好滋味食物分享：澳洲牛肉片：揀咗M8肩胛肉眼，切得夠薄，喺湯底度燙幾秒就啱啱熟，肉味好濃，加埋少少醬料更加香滑，好滿足呀！沙白蜆：蜆肉鮮甜，啲蜆肥美又冇沙，每粒都開口，湯底因此更加鮮味，鍾意海鮮嘅朋友一定會中意！魚蛋麵配蟹籽：黑松露味好出，魚蛋彈牙，麵條吸晒湯底嘅精華，每一啖都好有層次感，幾特別，值得試！泰式雞爪：酸酸辣辣好開胃，雞爪又滑又入味，唔會過鹹，喺火鍋食幾啱！呢間餐廳嘅環境都算幾舒服，店內唔算好嘈，坐得幾放鬆。如果你都鍾意食雞煲、海鮮，或者想試下有啲新意思嘅火鍋配搭，唔好錯過米走雞喇！
繼續閱讀
今日同屋企人去咗一間口碑唔錯嘅火鍋餐廳食晚飯，氣氛溫馨又熱鬧。一坐低，大家就興致勃勃
咁研究餐牌，以下就係特別推介畀大家嚟呢度必食嘅菜式。番茄薯仔湯 濃郁嘅番茄香味喺湯底滾起嗰陣撲鼻而嚟，配埋薯仔嘅天然甜味，湯底嘅味道層次豐富，令人一試就愛上。湯底滾得耐啲，味道越醇厚，真係好開胃。 手切霜降牛頸脊 牛頸脊嘅肉質鮮嫩，脂肪分佈均勻，每片牛頸脊都切得啱啱好，入口即溶嘅口感令人忍唔住一啖
接一啖，鮮美多汁嘅滋味真係令人讚不絕口。菠菜豬肉餃 每粒餃子皮薄餡多，餡料嘅菠菜清香同豬肉嘅鮮嫩完美結合，咬落去滿口嘅湯汁同豐富嘅口感令人非常滿足。 脆鲩腩片 薄薄嘅魚片滾熟咗之後，食落去既保留咗魚嘅鮮甜，又帶有一絲彈牙嘅脆感，而且仲十分爽脆，
真係正！
繼續閱讀
想食好耐既黃金芝士雞煲，呢日趁小朋友放假食飯唔洗食得甘急，就同小朋友去左米走雞（旺角分店)打邊爐。作為芝士控既媽媽🧀，必有芝士控👦🏻👧🏻🫢雞煲芝士碎份量 可以選擇適量/激量。海量嘅芝士真係超吸引煲一陣等芝士碎慢慢溶 , 未開蓋已經聞倒芝士香味飄出。每一件雞都有拉絲效果 真係啖啖厚肉很嫩滑黃金芝士雞煲（細）雞件份量都好多。配料仲有好多洋蔥洋蔥好清甜雞煲食到差唔多，就可以加湯打邊爐喇~🥢前菜小食有酸辣無骨鳳爪, 涼拌滷水牛展, 🥩霜降Prime牛板腱, 牛味香濃一啲都唔鞋五香鮮牛肉，小朋友好容易就咬得開。🥢手打五寶拼盤（半份）分別有墨魚丸、蝦丸、綾魚丸、豬肉丸和牛丸。每粒都大大粒彈牙。🥢精選鮮製拼盤竹笙墨魚卷-墨魚滑釀入爽脆竹笙，墨魚滑彈牙。🦐哈哈蝦中寶-用料十足，大大舊蝦滑混入左蟹籽同原子蝦相當驚喜。🦑墨汁墨魚丸-每咬一口都會有黑松露香 好夾有驚喜🥬蔬菜雜菇拼盤, 三款菜同三款菇菌超大水管響鈴...平時既2-3倍。浸兩浸索晒火鍋汁入口仲有少少脆😋🍜 最後加埋個出前一丁/紅薯粉落芝士鍋，吸晒火鍋既精華夠晒入味連調味粉都唔洗落。🥃飲品有冷萃玫瑰花茶/清爽竹蔗茅根 （1.5L分享壺）清熱又解渴，小朋友想飲幾多自己斟。調味料以上套餐只係$768（另加一服務費），好抵食真係飽到抱住個肚走。🐔米走雞旺角彌敦道761號太子藍馬之城2樓#米走雞 #runningchicken #黃金芝士雞煲 #雞煲 #一家大細 #旺角美食 #勁量芝士 #芝士控 #香港美食 #香港美食推介 #hkfood #hkfoodie
繼續閱讀
「沙嗲湯」呢鍋沙嗲湯我已經念念不忘好耐喇！呢間嘅沙嗲湯色金黃，散發出濃烈嘅椰漿香味同花生香味，非常誘人！飲啖湯就可以感受到濃郁嘅湯底，口感順滑香濃，尤其係花生嘅醇厚，特別啱配搭各種肉類同海鮮～「澳洲頂級和牛封門柳」睇住呢碟和牛我口水都要流出，色澤超靚，肉質細膩而且油花分佈均勻。輕輕涮幾秒就已經夠，入口即刻可以感受到柔軟同鮮嫩嘅完美口感！「沙白，脆肉鯇片，虎蝦拼盤」呢碟海鮮拼盤睇住就好新鮮，脆肉鯇片經過涮煮後仍然保持住細緻嘅口感，食落去柔嫩又唔失彈性；沙白肉質細膩，鮮甜嘅味道食落去非常清爽；虎蝦亦都非常新鮮，入口肉質彈牙多汁，同沙嗲湯底互相融合，鮮美無比！「鵝腸」鵝腸建議用快速嘅方式燙熟，咁樣可以好好咁保持住最佳嘅嫩脆度！涮好嘅鵝腸入口時帶住獨特嘅爽脆嚼勁，鮮嫩唔油膩～
繼續閱讀
每次weekend都唔知食咩，就諗住去行下街，順便食個晏。行下行下，就見到好多人喺呢度入面食嘢，睇落好似唔錯，所以就入去試下。雖然呢間餐廳主打雞煲，但我今次就想試下花膠湯，所以就叫咗一份。花膠湯嘅湯底好濃，仲要加咗杞子，夠晒滋補。打邊爐點少得牛肉，呢度嘅牛肉脂肪分佈夠晒均勻，食落好香嫩，配合埋花膠湯真係好夾。佢啲蝦丸都唔錯，口感彈牙，趁熱食香味十足。再嚟就係鮮味十足嘅海鮮盛宴。呢度嘅魚片好嫩，入口即溶，而蝦肉咬落好juicy。仲有完全冇腥味嘅沙白，樣樣都好中意，我一個人都食咗好多。最後叫咗杯水果茶，飲落有淡淡嘅果香，清涼又解膩，打完邊爐一定要飲番杯！我而家先知道原來一個人自己打邊爐係咁爽！
繼續閱讀
您可能會有興趣的...