篤篤船麵 (荃灣千色匯) (已結業)

荃灣💛餐廳(和你pay app顯示係💛)餐廳menu無影哂 主要影左2款船麵既menu我就揀左下4碗細船麵個款因為午餐揀呢個會送多1隻雞翼同1杯野飲舖頭仲有其他飯可以揀的～首先遠啲個盤泰式豬戒飯 價值52蚊只係一碗飯 一兜感覺只係用滾水淥下既豬肉丸豬肉片同札肉 送多隻雞蛋添仲有一碟通菜完全係唔推介大家去食！寧願用呢個價錢出去買幾餸飯 仲好食好多然後近啲個4細碗船面 更加唔推介大家叫呢個！↖️左上 牛栢葉金邊粉牛湯 ↙️左下 豬肉丸河粉豬湯2個湯底都係偏苦 有啲似藥材味↗️右上 炸魚片全蛋麵冬蔭功湯呢個湯底算係4款之中比較食得落口唔會太辣 起碼食得出係冬蔭功湯↘️右下 札肉檬粉雞清湯哇 個雞清湯清到呢似用滾水淥2淥就ok咁.可能係我自己配搭得唔好所以先唔好食但對我黎講就一定唔會再幫襯

星期日又到小編放假嘅時間🗓️，小編雖然放假都好似要工作咁📝，不過都已經習慣左喇。小編今日又去荃灣搵黃店，今次就走入商場去到千色匯兩樓一間新開出名食船麵嘅餐廳🚤。而呢間餐廳仲有個特別地方，等小編慢慢話你知啦🤭，而呢間餐廳個名係叫「篤篤船麵」。✦✦✦✦✦✦✦✦✦✦✦✦✦✦🎈細碗船麵 - 四碗船麵 $48餐廳上有分五、四、同一細碗$13唔同選擇嘅船麵😝，不過今日嘅小編唔係好大食，決定揀四碗試下✌️✌️，而且又可以一次過揀唔係湯底同粉類，重要可以一次過食哂想食嘅湯底呀🥳。✦✦✦✦✦✦✦✦✦✦✦✦✦✦🔸扎肉/全蛋麵/冬陰功湯🔸冬陰功湯底比出面食到無咁辣，易入口，唔會辣到要狂飲水🥤。扎肉厚身啲，啖啖肉嘅感覺🍖，作為第一碗嘅船麵，拎嚟開胃一流🤤。✦✦✦✦✦✦✦✦✦✦✦✦✦✦🔸肥牛/金邊粉/牛辣湯🔸湯底唔係話好辣，亦都容易接受👍，牛湯加肥牛真係絕配👀。肥牛肉味濃郁又彈牙，好食唔煙韌。牛湯值得一大碗咁嗌嚟去食👅。✦✦✦✦✦✦✦✦✦✦✦✦✦✦🔸豬肉丸/河粉/豬辣湯🔸豬辣湯底都唔係好辣，清清地就唔係濃到好杰身💪，無乜飲到好強烈味精，配埋豬肉類食物就啱哂😻。豬肉丸細細粒又好入味，爽口彈牙💦。✦✦✦✦✦✦✦✦✦✦✦✦

今日黎到荃灣，咁啱行開見到間舖個名幾特別，望下餐牌，覺得幾得意就入去試，原來係伏。兩個人叫左6個細船麵加兩個小食：蔗蝦19蚊得2支，都幾細支；泰式墨魚得4隻，似日本墨魚仔大細，冇味道，靠點泰式魚露汁；鮮蝦船麵得1隻蝦仔，又林又梅，一啲都唔鮮；炸魚蛋仲利害，明顯浸左好耐，已經灰灰黃黃，又係又林又梅，一夾就散，冇牙都食到；牛腸原來係牛粉腸，唔食粉腸既朋友唔好叫；肥牛得牛碎片；一碗麵13蚊，食材成本可能只係2-3蚊，食物既份量質素完全係低性價比，唔會再食。

聽聞荃灣千色匯開咗間泰式麵店，趁住放假特地嚟試一下。舖頭主打泰式船麵，除咗大碗嘅船麵，仲可以好似喺泰國咁，揀一碗碗細細碗嘅船麵，放到成枱都係，幾有噱頭。仲可以自由配搭，好似港式車仔麵咁，自己揀麵底、湯底同配料，選擇亦唔少。三併望落料仲多過麵，除咗我揀嘅牛腩、牛肚同豬手之外，仲有大量豆卜同白蘿蔔，算係豐富，但成碗麵其實份量並唔多，湯底不過不失，配料亦唔太入味，特別係白蘿蔔，住得唔夠腍，更莫講話入味。牛腩炆得尚算軟腍，但細細件食得唔過癮。牛肚唔夠入味，中規中矩。豬手係三款配料中最抵食，大大件，而且啖啖肉，炆得唔算好腍，仲有少少咬口，係我鍾意嘅程度，唔錯。朋友點嘅牛魔皇比我嘅再細碗少少，每樣配料一件起兩件止，反而最多係白蘿蔔同豆卜，麵量亦偏少，感覺性價比唔高。椰子水味道一般，雖然標榜係天然純正，但飲落有啲死甜，感覺亦麻麻。餐廳融合咗泰式船麵同港式車仔麵兩大元素，但船麵唔夠正宗，車仔麵嚟講配料亦煮得唔夠入味，而且性價比唔高，仲有好大進步空間，想話食返碗船麵過一過旅行癮就唔好抱太大期望。

今日同奶綠男去荃灣食嘢 落雨濕濕走咗入千色匯避雨 行行吓見到有間之前唔覺眼似係新開既店舖門口有十幾人排緊隊 今日訓夠攤夠我哋就決定等埋一份試吓佢點🤨睇到佢menu樣樣野價錢都幾平吓 特別嘅係佢既ticktick紙上面有款船麪套餐 係分一碗碗有四或五碗既$48/$58套餐 單叫13蚊一碗仔都可以 碗碗都可以選擇唔同配搭同湯底 自由度好高嚟到船麫細細碗 就咁睇個size 似幾正宗 不過味道就一般 尤其個彩虹湯 應該唔太啱好多香港人嘅口味 味道係甜甜地但聞到係一陣茶餐廳辣椒醬既味道 怪怪地 個冬蔭功湯又係麻麻得陣辣油味 不過配料方面份量唔會因價錢平就勁縮水 叫咗牛腩 牛肚 牛𦟌份量同味道都正路 只係其實兩款湯底麻麻地唔太推薦叫

之前成日睇youtuber挑戰食船麵，成日想試下自己食到幾多碗。第一次食船麵，都係唔好衝動叫一碗睇下份量幾多先，$13碗！職員提番有最低消費！！黎到份量真係得兩三啖，咁就試多幾碗，幾款湯好底，牛辣湯同豬辣湯最好味，湯底濃，微辣，配米粉，河粉吸到湯汁！紅薯粉就唔係好夾咁，另外冬蔭公同彩虹湯就麻麻啦我，酸味既調配比例唔夠平衡。料方面牛栢葉牛肚比較好，鴨血未吸到湯味所以有點腥味....小食白灼魷魚，純靠泰式酸辣汁既味道，咁其實食咩都係一個汁既味啦...我建議正正經經點大碗牛辣湯米就好了，船麵細細碗都係噱頭野，反而反映唔到佢既好味位！ 因為細碗好易凍同吸到無湯！最後食左6碗～

眾所周知宜家疫情關係無得出國，好掛住泰國美食嘅我，滿懷希望地約了朋友嚟試下呢間打正招牌食船麵嘅餐廳，入到去我是第一枱客，之後嚟多兩枱，見到佢餐牌寫住有細碗揀，我哋兩個不約而同就試下佢呢個$48四碗嘅餐，因為可以試多幾款湯底。首先佢嚟咗我朋友四款，之後放底二碟泰式鳳爪然後再嚟我嗰四碗仔麵，當我哋食到中途，其中一位店員走埋嚟同我哋講碟鳳爪係另一張枱，但我哋已食了，由於第一次嚟食加上碟鳳爪好細碟，我哋都以為係送的小食，點知食完佢走埋嚟話我哋食咗人哋碟鳳爪，並企響我隔離看我如何是好，我心諗又唔係我錯，況且你咁啱又放了兩碟鳳爪在我枱上，我倆叫同一個4碗餐當然以為係贈送的小食，因為唔想食得一肚氣，最後我哋都叫佢落埋入我哋單。但第一次嚟食嘅感覺已經很不快😥😥😥😥講返啲食物先，真心講味道很一般，就連泰國最出名嘅冬蔭功湯都做得唔好，重衰過泰國mama麵嘅湯底，我返而覺得牛，豬嘅清湯反而好味得多。總括嚟講大家不用抱太大期望去食會開心好多。

今日收工返返去荃灣食飯，由於我地兩個人都食左下午茶嘅關係，因此都唔係話好肚餓，咁就唯有食輕d啦，於是就去左千色匯間篤篤船麵度試下啦，餐廳裝修都幾有泰國特色，牆上都有好多泰國裝飾，桌上又有去泰國食船麵必備嘅調味料，好啦，咁就睇下menu先。見到個menu有飯，有麵另外就重有小食，但係我地就主要真係想食麵，於是就點左以下菜式啦。首先黎嘅係小食香茅豬扒，一上枱就感覺好怪，點解可以咁樣衰呀！一塊豬扒亂咁切，碎晒，重要炸到柴左，其實豬扒就應該係碟上，咁食落去就乾左d啦！都夠味嘅，但係25蚊就超唔值啦！跟住就到我碗泰式牛魔王上場啦，e碗野就正常好多，賣相係完全吸引，配料充足，河粉唔錯，幾好食，而個湯底都好濃味，味道似足傳統牛血湯，牛丸同埋蘿蔔都可以，值得推介。跟住就到我朋友果碗啦，佢選擇左豬潤，豬手同埋豬腩肉，分別就係佢選擇左豬辣湯，試左佢一啖湯，個人覺得辣湯係更加香口呀，配料都係唔錯呀！會再黎幫襯。但係唔食小食

之前同同事見到新開試下，貪得意試下5碗細船麵，因為可選唔同湯底。睇落好像好多~但其實真係細細碗!最like佢個牛湯底，好濃牛味。不過份量好少。食完個肚好空虛之後又試下食大碗牛湯底，感覺應該多番啲掛。都係覺得份量好少。試想像下，一到放lunch時間，每個人都餓著搵嘢食，見到碗唔夠份量，難免有啲失望。餸都有啲少~每款兩三舊! 我餓到湯都飲埋!有叫啲小食食下!份量就自己感覺下啦!係好食嘅!有啲醬俾我配小食~整體好食!味道濃!如果跟番HK人份量會好啲~

我同frd 誤打誤撞就入左呢間篤篤船麵食。講起船麵，每次去泰國旅行一定會食船麵，因為佢份量唔太大，岩哂我呢啲胃口細既人啦！今次係香港第一次食到船麵。入去前，侍應會為我地探針，消下毒啲手先入去食。然後我睇到餐牌，有啲唔係好明，所以就問左侍應，侍應都好有禮貌咁答返我地既問題。姐係話如果我揀左4碗船麵，每一碗都可以揀一款餸、粉麵以及湯底。可以一次過試唔同既材料，真係好岩自己食喎，好得意！然後諗左一陣就寫底左比侍應，但佢地都好快上菜我一個人就叫左四碗，一碗食3,4啖已經食完，所以唔太大份架！對我黎講，4碗等於食一碗麵。好，上菜後第一時間就係試湯底先。湯底分別叫左牛辣湯、豬湯、冬蔭功湯，我覺得牛辣湯真係好好飲呢樣值得推介湯底。餸方面我覺得肥牛好入味，好肥！至於其他餸好似都係差唔多粉麵個啲都係咁上下，夠彈牙的。第一次可以一次過食哂4碗，好滿足不過都辛苦洗碗姐姐了！最後我叫左椰子水。呢隻牌子又真係幾好飲喎，如果中意飲椰子水可以試試最後埋單每人付50幾元左右，感覺都好抵食整體來講，會再食過

去泰國玩一定會吃當地的地道船麵，可惜在香港很小做得正宗的船麵泰式餐廳。經過商場看到新開的督督船麵，便入內一試。一試之下，才發現原來其叫餐方法很特別，原來每人可點1-5 碗船麵，每碗只有2-3 口，但碗碗自由選擇麵條款式、湯底和餸料，味道不錯，可以一次過品嚐多種麵條口感和不同的泰式湯底。難怪每枱也有十多個碗子，很像大胃皇比賽。每碗$13，其實女仕吃3 碗已經飽了呢！

一人來晚餐。首先 服務態度麻麻，有點呼喝感。點了餐，然後侍應掛著傾計，到入單時時（將單放到我枱）已比原來遲15分鐘。對面枱一起入座，幫到她們對侍應說：還要等多久。一人粉，湯底可以，肥牛都有两三塊，13元，ok吧。至於菜，是油浸的，全碗油，油味蓋過所有味。春卷也是油油的，吃不出春卷內的材料。。。咳嗽了數下， 喉嚨都是油。。。太油膩了。

讚1. 選擇幾特別，有大碗裝船麵，又有五碗細船麵組合既套餐，可以一次食好多款口味2. 牛湯係幾好，濃郁，鮮甜，以價錢黎計，好超值3. 金邊粉煮既質感好爽滑4. 啤酒幾平，$16/罐，好少見地同汽水差唔多價彈1. 配料唔得，豬肝老到一個點，豬肉丸煮得唔夠熱2. 小食既小魷魚係凍食頭盤，汁幾辣，但魷魚本身好腥

一個平凡嘅下午。去到荃灣搵嘢食咁啱見到入邊好多人幫襯。咁就入咗去試吓啦落單到出餐時間。我諗有15分鐘左右啦可能佢舖頭裏面都比較多人然後我叫咗個泰式豬手飯。同埋大碗船麵食麵味道普普通通。不過個份量真係好少。就算叫咗大碗都係好少女仔食量都唔飽人生食過無數咁多次泰式豬手飯都應該話第一次中伏。我覺得佢個餐牌應該改名。叫做泰式豬腳仔會好啲。淡而無味我未必再有下次。希望大家小心唔好叫錯飯啦。環境擠迫。服務可以接受。

鋪頭唔算大，但因疫情底下，我同女朋友入到去亦坐得好鬆動，店家有信封提供給予顧客放口罩，舉動體貼，同時我入去嗰陣職員有檢查手上有否佩戴自我隔離手環，非常好，照顧員工健康及保障其他食客安全哩間餐廳最搞笑嘅係可以嗌5細碗唔同口味嘅麵，每碗嘅份量都唔會太多，但食哂5碗都會夠飽，可以一次過滿足你5個願望XD我哋嗌咗5細碗麵，兩支嘢飲，同埋嗌咗啲小食(蝦餅、玻璃魷魚、鳳爪、泰式時疏、豬手）老實講佢啲麵係唔係好好食呢？咁就普通嘅，正正常常囉...但我覺得小食都尚算ok, $19份. 唔算貴，雖然份量都唔係話多，但我覺得都整得幾好味嘅