篤篤船麵 (荃灣千色匯) (已結業)

之前成日睇youtuber挑戰食船麵，成日想試下自己食到幾多碗。第一次食船麵，都係唔好衝動叫一碗睇下份量幾多先，$13碗！職員提番有最低消費！！黎到份量真係得兩三啖，咁就試多幾碗，幾款湯好底，牛辣湯同豬辣湯最好味，湯底濃，微辣，配米粉，河粉吸到湯汁！紅薯粉就唔係好夾咁，另外冬蔭公同彩虹湯就麻麻啦我，酸味既調配比例唔夠平衡。料方面牛栢葉牛肚比較好，鴨血未吸到湯味所以有點腥味....小食白灼魷魚，純靠泰式酸辣汁既味道，咁其實食咩都係一個汁既味啦...我建議正正經經點大碗牛辣湯米就好了，船麵細細碗都係噱頭野，反而反映唔到佢既好味位！ 因為細碗好易凍同吸到無湯！最後食左6碗～