第五波疫情開始緩和，晚市重開返四人堂食，加上係五一假期後補假關係，街度人流多咗，自然晚市要響旺角搵食都難啲有位，由其係瓊華中心樓上，熱門嘅幾間火鍋已經排晒長龍，主張行到邊，食到邊嘅我緊係唔浪費時間等位啦，呢日行完星際買嘢，無訂位嘅我，又未諗到食乜，星際出門轉右，見到姐姐遞張傳單比我，望一望，咦....都ok播，響16樓有泰菜同烤肉兩間揀，心諗上到去見到邊間有位就食邊間，點知可能我哋時間尚早（6點幾），兩間都有位，二選一就試泰菜先啦😎，加上（新張有八折）都給引，所以揀咗佢。入到去環境都ok播，始終係新開張，所以在內環境感覺乾淨企理，重有無敵窗景卡位居高臨下望住旺角，都幾好feel，佢有啲2人同4人嘅set餐揀， 但我今次無叫，因為朋友有啲嘢唔想食，所以我哋散叫.... 第一碟嚟到嘅係💥 👉海南雞半隻$148，無骨又夠滑，就係隻🐔BB咗啲。五星我會比⭐️⭐️⭐️⭐️ 第二碟係💥 👉冬蔭公海鮮湯$148，呢個食泰餐必叫嘅湯反而有啲失望👉👈，湯底太清唔夠辣同濃郁，但用料就無馬夫，有兩大隻蝦，墨魚仔，青口等材料....我比⭐️⭐️，希望下次嚟食會做得更好😉。 第三碟係💥 👉泰式沙嗲半打$128，可選🐷🐮🐔，我哋兩個人剛好每款兩串試雲晒，個人意見，牛同豬會好食啲，雞就燒得太乾身了，整體有⭐️⭐️⭐️⭐️ 第四碟係💥 👉乾炒河粉$128，同樣有🐷🐮🐔揀，我揀咗牛，呢碟反而有驚喜，夠乾身又唔會太油，比個like佢👍有⭐️⭐️⭐️⭐️⭐️ 最後一碟係💥 👉泰式生蝦刺身$128，呢碟都係我至愛，因為唔係間間泰菜嘅生蝦都整得好，有啲蝦得個大字，根本食唔到生蝦嘅嘅鮮味，呢間大小適中，而且新鮮唔會有腥味，最重要係上碟時夠凍，呢樣都好緊要，夠凍盡快上始終感覺新鮮好多，細菌無咁快滋生到😅😅，比佢有⭐️⭐️⭐️⭐️ 我會附上餐牌，大家自己可以睇下啱唔啱口味。 還有店員話新店關係，餐牌上有啲酒都重未有齊，好似1664，Asahi，生啤都未有住，所以暫時只有象啤揀。 💢💢💢後話....其實整體店員服務都不錯，但我發現其中一位男員工衞生意識有啲差，佢隻手成日除口罩卒鼻同卒面，然後又傳菜及攞餐具比客人沒有清潔消毒一下，如果注重返多啲咁就perfect 晒喇😊p.s此男員工沒有偷懶的，只想佢衞生意識再加強啲，你知啦，始終疫情關係，大家都會緊張啲，由其飲食業要多加注重一點。

最近因為疫情已經進入第五波，正苦一味淨係向某幾種行業開刀，玩死好多餐廳食市，老實講其實香港人已經好多人好聽話，好注重衞生了，我雖然唔係專家，但我個人認為其實2人堂食其實可以唔洗做到晚上6點啫，9點前維持2人堂食，我估分別唔太大亦唔過份啫，起碼大家經過一天辛勞工作，目的都係為咗食餐安樂茶飯啫，況且香港係美食天堂，而家已經無咗旅遊業，唔好再玩（清0）了，與病毒共存係嚟緊嘅方向，大家繼續做好個人衞生，希望疫情快啲消失.... 好啦…入返正題先，今日同朋友行完黄金商場，出嚟見到天陰陰又落微雨，決定搵間Cafe坐底飲杯嘢，順便避下雨，由街頭行到街尾，原來基隆街已經開咗唔少特色Cafe,見到呢間裝修簡約，位置寬倘，於是就入去hea吓啦…今次點咗4樣嘢，分別係Latte Cappuccino Lobster Salad Egg Drop Homemade Pancake ....我想強調一下，出嚟嘅賣相一啲都唔馬夫，味道如果十分滿分，起碼有八分以上，我可以咁講，響深水埗食過幾間Cafe,呢間杯咖啡嘅拉花係我暫時見過數一數二靚嘅，響度真心多謝幫我沖杯Latte嘅靚女先。另外我亦見到隔離枱杯抹茶飲品都相當出色，下次有機會再嚟都會試下。總括嚟講Kokoni(呢度)係一間性價比好高嘅Cafe😉

所以話Open rice你都咪話無乜用，行開行埋銅鑼灣，真係有時食嚟食去都係嗰幾味，由其係（男士們）兩支公，放Lunch食嘢唔會太講究，但又唔想食得太求其，Open Rice 嘅食評有時真係幫到手，打開search 下附近有乜食，見到今次呢間（稻埕飯店）台灣嘢啲相，食評同賣相又幾骨子，今日佛誔關係就響Open Ricebook 定位去試下，呢間舖頭位置響V point地庫，如果唔係有相睇，都唔會走落去食，幸好出品如圖片一模一樣，而且環境衞生，今日我12:15入去食，佛誔公衆假期，本應以為會比較人多，但出奇地人少，只見坐了四，五枱左右，不過人少對我反而係好事，疫情關系人少少食得安心啲嗎😋😉。重有呢度要手機落單，但scan完個QR code就發現一個問題，就係訊號好差load唔到個menu😅😅，地庫關係佢哋都知道出咗事，所以已經印咗個wifi密碼響落單要掃嘅QR code張紙度，要用佢店內嘅Wifi先得，話時話都好耐無試過出街食飯要借用人Wifi了😅，總括嚟講，食物滿意度10分滿分我會比8分，由其響相機食先嘅時代，起碼影相打卡食品賣相一流，大家行開登龍街雖然有好多食店比你揀，但呢間台灣飯店係值得一試嘅。 不夠。臭豆腐 紅燒鮑魚拌麵（加＄10滷肉) 金銀蒜泥五花白肉 鹽酥豬排滷肉(台稉米)飯 手沖401次咖啡（凍）跟餐加＄8

20/2/2021第四波疫情啱啱放寬，今日星期六，返工收早半日，就落去疫情都算重災區嘅深水埗,初七起正苦放寬返可以比你四人一枱食飯同晚市做到十點，但要迫餐廳要人裝安心出行嘟咗先比食又或者留底姓名電話時間先比開餐，無做到重要食市找數停業十四日，做乜食餐飯都要咁麻煩架!所以有啲餐廳索性唔做晚市，今次上嚟就係希望大家多啲支持唔向正苦屈服嘅餐廳，做乜正苦管理疫情不力，就要搵香港人幫佢找數，幫手迫一向自由嘅香港市民就範，希望大家行過都支持一下。下面就有我嗰日食嘅午餐喇😘🥰🥰重有佢哋都好似轉咗新餐牌了，今次忘記咗影，有機會補影返

疫情關係，香港人已經好少出去堂食了，今日同朋友諗住行下尖沙咀，買下嘢，影下相，行過呢頭，本應打算食隔離間茶記算了，兩間都大把位，我多手過咗隔離揭下個餐牌，睇下有乜食啦，佢門口個姐姐就行過嚟介紹一下菜單有乜食，咁我見佢都幾nice，反正又無乜特別想食啲乜，就入去食下燒鵝啦，見你呢間招牌打正牌頭食燒鵝……點知(好失望囉)😥😥😥😣😣😣 我今次叫個雙拼餐(燒鵝拼叉燒)，我朋友就叫咗(燒鵝拼燒腩仔)，兩個餐上到嚟簡直有天淵之別，首先上菜嚟到賣相好靚仔，呢個要值得一讚👍(下面有相睇)，但係一夾開，我碟燒鵝全部皮包骨咁滯😤😨，點食呀…😑我以為我叫錯咗食燒鵝兩食添，呢碟係將啲起咗肉嘅骨炒多碟比我😟,又或者叫錯碟片皮鴨添，淨係比我食層皮，好彩我重有叉燒嚟餸飯，大哥雙拼都唔係咁上上比客人呱! 呢舖真係千年道行一朝喪，就算你做得幾咁出色，門口姐姐幾咁有禮落力幫你sale客入嚟，但對客人嚟講第一個印象入嚟食完已經無打算再嚟食了🤦‍♂️，我諗做老細嘅都唔想無返頭客呱，希望公司高層睇到我嘅食評會叫斬燒味嘅員工留意一下吧…!

眨下眼，香港已經進入第四波疫情，呢個2019冠狀病毒(武漢肺炎)搞到全球經濟一獲泡，777唔封關不特止，反而每次爆發疫情就搵食肆埋單，六點後又禁止堂食，唔做好全面封關，香港人宜家有個咁嘅正苦，真係自求多福了。 今日行去鴨寮街買啲嘢，見肚仔餓，行落汝州街睇下有乜好嘢食，見到呢間茶記(老爺冰室)望入去裝修又幾特別，即管入去坐底叫啲嘢食下，餐牌唔覺有茶餐食，不過啲餐都唔算特別貴，而且大部份一樣可以加幾蚊有凍飲，所以問題不大，今次我叫咗牆上面個黑板所寫嘅餐，如無記錯好似係叫(鮑魚片福建炒飯)，因我叫完後，黑板餐牌D餐就比刷走了，未來得及影底叫乜名😅,跟餐有湯有餐飲，埋單盛惠$48，整體味道不錯，但我個人覺得份量少了點(可看下圖)，還有個飯如果熱返少少就perfect 喇😉,奶茶尚算正宗，而今次嘅餐湯係西洋菜湯……正 餐廳坐位不算太多，加上宜家又限聚令又限坐令，每枱只能坐兩人，所以大家可以的話，盡量避免繁忙時間去啦

深水埗汝州街其實都有好幾間食店，唯獨呢間我比較鍾意食，由於係現在疫情關係，入面嘅坐位有啲改動，除了卡位，入門左手邊一排改成多張細摺枱兩人一枱，圍上高高嘅格離板，個人感覺做得幾安全，呢度好多人都話要食豬手，我個人都好認同，但係食得豬手多，都要轉下口味嘅，今晚就叫咗牛筋腩撈粗麵加凍檸茶，首先我身為一個大男人，一個餐嘅份量夠唔夠食係好重要，每次食呢間一定唔驚食唔飽，其次就當然要好味先得啦，如果比你大大份但好難食都幾難頂。 牛筋夠入味又夠煙韌，炆得剛剛好，牛腩當然都係好入味好鬼正啦，重有就係佢哋撈麵跟嗰碗湯都好好味，我個人每次如果要去深水埗行街買嘢，呢間係我首選餐廳之一🥰

Covid-19 影響全球嘅情況下，鍾意去泰國嘅朋友，一定好掛住泰國嘅美食，無輪係街頭小食，定係曼谷出名嘅水門雞飯，大家都好想快啲有得飛。 今次嚟到尖沙咀，見到呢間店，望一望佢個招牌，旅行泰國嘅感覺返晒嚟，見唔係太多人等位就同我朋友排隊試一下，等咗十五分鐘左右就到我哋，今次我哋只係每人叫咗碟水門雞飯加多個雞雜，先講一講個雞飯先，上枱個賣相都幾有泰國feel，尤其係碗雞湯，味道好接近泰國呢…但係個雞雜就濕濕碎碎咗啲，上枱見到個樣唔多討好，但味道還可，總括嚟講可以值得一試。如果10分滿分都有8分的。

呢個XX肺炎Covid-19 ，搞到香港地個個無啖好食，(正苦)一時又限聚，一時又禁堂食，搞到平時三五知己食餐晚飯都要分開坐，以前去開嘅飯局都Q無晒🤦‍♂️,今日放寬返可以四人聚餐，大家困咗屋企咁耐，一定要出返嚟促進經濟啦，靠個(正苦)就死得了😆😆今晚食飯呢個地方其實對我哋嚟講係有啲遠，(因我哋分別住響荃灣同東涌😅)，不過無阻我哋兄弟聚腳食飯兼吹水🤣🤣。 首先要讚一讚老闆娘先，人又靚又好人，響呢個逆境，舖頭出品仍然保持到一定水準，服務又好👍，不汪我哋長途跋涉都要約埋過嚟呢度食。另外一樣要值得一讚，就係呢度嘅環境夠光猛地方又夠乾淨(下面有相比大家睇)，因為好多人印像中都以為街市熟食中心一定會好污糟邋遢(我以前都會咁諗)，但我可以同你哋講呢度一啲都唔污糟，重好鬼企理添🥰，加上宜家食飯大家都要有社交距離，呢度就啱晒喇地方夠晒大，而且樓底又夠高夠通風，枱與枱之間有一定嘅距離大家可以食得安心😎。 介紹完一大輪，終於講下我哋今餐食咗啲乜喇，先嚟幾支冰凍🍺啤酒先，再加埋老闆娘無限供應嘅花生佐酒小食😆, 我哋就開始order今晚嘅主菜喇❗……1️⃣✔西蘭花炒鮮魷…2️⃣✔水煮牛肉…3️⃣✔楝記小炒王…4️⃣✔椒鹽豆腐拼九肚魚…5️⃣✔啫啫通菜煲…重有一味好似叫6️⃣✔蘑菇牛炒柳粒,呢個名唔多記得，下次過去再fact check 返個名🙈⬅️但係呢味牛柳粒你哋一定要試下，老闆娘勁歌推介haha...😋，上菜嚟到碟碟餸都好有鑊氣，而且非常惹味，再者食完唔會覺得好口乾，呢點對我嚟講好重要💯😉👍加上我哋今晚老友聚會，老闆娘又好鬼死識做私人醒多幾支啤酒比我哋慢慢響度吹水飲酒食花生，絕對無想趕我哋走🤭🤭今時今日香港，社會氣氛搞到咁唔開心，有啲咁有人情味嘅小店真係好難得了!論食物質素同人情味唔比五星⭐ 表揚一下真係過意唔去😅😋，鍾意食小炒，飲返杯啤酒傾下計嘅朋友，行開上環搵食，要識得上嚟幫襯下啦😍😍 P.S.(Show得到下面有老闆娘張相，話比佢知睇到個post過嚟食，有機會送你啤酒一支呢🤭🤭，送完即止!) 本人並無收取任何廣告費，純粹有好嘢介紹比大家分享😉支持一下香港人嘅良心店舖。

21/9/2020，天陰重要落好大雨，嗰日約咗朋友嚟南豐紗廠影下相，點知落狗💩,四圍影完都未落完，影完嘢又鬼死咁肚餓，原來已經下午五點幾了，唔知你哋有無嚟過南豐紗廠，入面啲餐廳裝修得靚一靚比人打卡，行行哋一個人都要一百五十蚊左右落樓，你知啦家下肺炎當道，個個返工又搵少咗，我家下重要係no pay緊，都係搵啲平民化餐廳醫下肚好了，就響紗廠正門入口直行就見到呢間新大光燈餐廳，可能嗰日落好大雨，所以無乜人用餐，就入去坐底睇下有乜食，呢間餐廳主打食粥粉面飯，碟頭飯、有生滾粥重有即叫即拉蒸腸粉，入面裝修都好簡潔(下面有相可以睇返)。好喇費話少講，入返正題先，今次我哋叫咗兩碗麵，一碗係柱侯牛腩撈麵，另一碗係薑蔥豬潤麵，其實兩碗都看似好普通嘅嘢，但係亦好考㕑師嘅功力，今次呢兩碗都好出色，先講牛腩，好腍好入味，而且份量都唔少，至於豬潤亦好爽口一啲都唔粉，呢隻口感我比較鍾意，並唔似深水埗維X嗰種豬潤嘅口感，好正，大家去開呢頭又唔想食紗廠入面咁貴嘅西餐，不防一試👌 P.S有樣嘢要提提大家，佢呢度係無茶餐時段，所以幾時嚟餐牌價錢都係一樣ok😉