篤篤船麵 (荃灣千色匯) (已結業)

成日係荃灣食午餐都食開呢間，多數係想念泰國嘅時候就會黎！今日放午餐時間同同事去食😙今次行過見到出咗一隻新嘅口味，尤其是係啱我呢種芫荽控！-泰多茜牛柳船麵🍲麵底簡左河粉，鋪滿極多芫荽喺上面！成個口感好青綠嘅感覺😛牛柳切成一塊塊薄片，入口即溶的感覺呀🥰芫荽控必食推介💪🏼湯底唔錯夠香濃-泰式脆皮燒腩仔🐷外層燒到好脆 ，每一舊咬落都有聲🤭豬肉肥肉廋肉分佈好正！再配埋泰式辣醬點 口感好特別，啖啖肉夠juicy-泰式生菜包🥬新鮮的生菜🥬佢炒的豬肉碎落左成條指天椒一齊炒，口感夠辣！仲有埋豆干 又辣又爽 ！ -Thai tea🥤每次去泰國都會飲好多杯，而家疫情關係都冇得去旅行唯有喺香港頂下癮先啦

未有得去泰國，就食下船麵頂癮。果日行過見到成賣緊爆茜船麵，勁吸引🤩所以bookmarked 左要試泰多茜牛柳船麵🍜 $75一睇到呢個芫茜山船麵就知道自己一定要試！芫茜控必點！連湯底都係深綠色，用芫茜打出黎每一啖食落去都有濃濃芫茜味，我今次就揀左河粉，份量都好驚人，大大碗，女仔未必食得晒。牛柳都好多，軟淋淋一啲都唔韌。上面仲放左啲炸豬皮，食落好香口。如果覺得唔夠味仲可以自己加泰式魚露/辣醋/辣椒粉🌶調味料每一枱都有，好方便泰式滷水豬手船麵🍖 $58呢碗朋友揀左金邊粉，粉質爽口，豬手炆得好淋同埋好入味，可以補充骨膠原👍🏻好有益。另外仲加埋豆卜，索晒啲湯幾好味！生菜包 🥬$48唔想齋食菜就叫左個生菜包。肉碎加左香料、洋蔥同辣椒炒，好惹味，香辣好開胃，價錢好親民，夠兩個人食泰妹蘭香籽飲品（芒果味）🥭$19見個名幾特別，所以揀左佢。有荔枝味同芒果味揀。我就揀左芒果味。唔會太甜，易入口，加埋蘭香籽清爽又健康呢到都係一間抵食之選😋而且坐得好舒服。一黎到店員就叫我地可以揀啲冇咁凍嘅位坐，同埋主動拎埋濕紙巾俾我地抹手食生菜包，非常細心，服務唔錯

芫茜呢家嘢，通常啲人一係就好唔鍾意食，一係就超鍾意食，仲要最好成碗爆哂芫茜咁食！筆者唔算話好鍾意芫茜，但聽到呢間出咗激量芫茜船麵，都被朋友慫恿嚟挑戰下！！！就係佢啦！！！可以自選麵款，同埋加錢配小食~首先嗌咗個涼拌青木瓜沙律，酸酸辣辣的味道，加上鹹而粗糙的蝦米豐富味道同口感，再拌以清新的魚露同青檸，真係令人胃口大開！！！芫茜船麵--我準備好鳥！！哇，真係爆量芫茜！！濃稠的暗綠芫茜湯底，被金邊粉同牛柳吸收，入口滿滿的芫茜獨特的清香！啲牛肉軟嫩可口，一啖咬落去，牛肉混芫茜汁滲進牙齒縫中。相信經過呢餐，必定齒頰留香~食完，嘆返杯泰式奶茶先~呢到裝修都幾有心機，椅子、壁畫同相片都訴說着勞動嘅人喺船上、攤檔食船麵的光景，充滿泰國市井平民風味。

之前行過呢間篤篤船麵，見到佢出咗個「泰多茜牛柳船麵」，都已經想搵日去試吓，咁啱約咗朋友嚟開荃灣食lunch，我呢啲芫茜控，一於要試吓😋😋😋入到去個環境都唔錯，坐得都幾舒服，個餐牌都幾多選擇，但我都會必點個芫茜船麵🤪😆。另外有幾樣嘢都想試，泰式滷水豬手飯、蔥油香茅豬扒飯、海南雞飯、...都想試，不過我哋得兩個人，午餐真係唔食得太飽，後來決定叫泰式無骨海南雞飯配脆皮燒肉🤗，追加咗個小食蝦餅～個芫茜船麵真係不得了，爆多芫茜，這晒成碗面咁滯，個湯都係芫茜濃湯，食落係好香嘅，作為芫茜控，實在好滿足。海南雞 & 脆皮燒肉都OK 好食，燒肉好脆。蝦餅唔油，都好香口。全部份量都好多，兩個人真係食唔晒，下次好肚餓嗰陣要再嚟呢間食🤣🤣，芫茜船麵真心有驚喜！

今日想食濃味啲既泰菜 不過能唔想食太貴🤪行過千色呢間粲廳就岩曬！見到有$200樓下既2人餐就即時衝入去😆不過其實餐廳仲有好多其他野食既！大家黎到都可以試下！2人餐先上無骨鳳爪！配合埋個醬有啲酸辣都幾開胃😇另外仲有泰色生蝦🥰主食有海南雞配脆皮燒腩😆我地覺得個雞好高質好正喎😆肉質夠嫩😚雖然感覺唔係好海南街風味！不過都幾特別！燒腩都唔差！不過如果可以再脆啲就更好🤣呢個一個主食係紅咖喱牛肋骨！佢分開左2碟上！生肋骨抆得都幾冧！正！跟餐配左2碗牛丸船麵 超飽🤪我地仲要加左冬陰公湯😂勁滿足😀

聽講呢間泰國舖有『泰多茜牛柳船麵』賣，而我朋友勁鍾意芫茜食物，因此呢日就約咗朋友來食佢鍾意的食物，如果你問我亦鍾意嗎?我只好話你知我就一般般啦，但除咗呢樣，呢度都有其他嘢食嘛，午市套餐有，仲有好有泰國特色的船麵，可揀少少哋一碗，只係13蚊，而我貪心D，嗌够5碗，點解，够平囉，以1碗13蚊，5碗就係65蚊，而宜家只係55蚊就可食到5碗，抵呢。『五碗船麵』就真係豐富啦，有1. 『豬辣湯豬大腸米粉』，湯没有想像中的辣，大腸有微微煎香的感覺，好味。2. 『牛濃湯鴨血河粉』，湯底幾濃郁，鴨血唔錯，想食多DD，下次一於叫2碗。3. 『雞清湯牛展金邊粉』，牛展爽，配金邊粉似是中泰，中越混合體4. 『牛清湯牛丸檬粉』的牛丸和5. 『牛濃湯魚肚檬粉』的魚肚亦吸引，始終跟自己口味叫嘅嘛。講番朋友點嘅『泰多茜牛柳船麵』，毫不孤寒哋用咗大量芫茜，湯底係深綠色，我試咗原來係接受到嘅，都幾好味，但芫茜就唔好畀我啦，朋友全部食晒。牛肉上檯時就半熟，所以keep到鮮嫩口感而唔會『鞋』。见啲小食平平哋，一人嗌一樣，叫咗两樣，係『酸辣鳳爪』和『咖喱魷魚』，細細碟，好滋味吖。而飲品同埋跟餐的庶蝦亦不輸蝕。

店舖喺千色入面， 餐廳食完泰式嘅餐，可以直落地下，再買泰式食物泰多茜牛柳船麵 75hkd好多芫茜，湯底好濃味， 我並非芫茜控，覺得食落感覺似 食緊蔬菜湯底， 會雞蛋麵麵嘅份量唔多但係湯底真係好正完全淨芫茜，唔會有調味成分，好食，Bb都話正， 牛肉方面， 好滑嫩 ，冇筋， 炸魚皮圈，有口感。椰青水 12hkd又係bb最愛，愛不釋手泰式奶茶 9hkd正正因為呢到得泰式奶茶，所以係冇檸茶叫，哈，泰式奶茶好正。泰式酸辣無骨鳳爪 19hkd鳳爪份量okay，泰式酸辣汁，重皮芫茜，洋蔥，口感新鮮泰式紅咖哩牛腩湯麵 68 +8 hkd紅咖哩湯底，配紅咖哩牛腩，牛腩非常嫩滑，配上惹味嘅紅咖哩，加上泰式湯頭，認真唔錯

今日放工已經好肚餓 約左朋友係荃灣千色店個頭食野 諗住搵間餐廳快快手食個晚飯 見到二樓有間食泰國船麵 俾佢門口一張寫個食芫茜麵 attract 左入去叫完e個特色麵 就決定穩打穩陣叫返d傳統野叫左個泰式豬八戒船湯飯 另外叫左個泰式燒豬頸肉同埋泰式時菜 加多左杯泰式奶茶餐廳設計掛左好多泰國生活照 嘗試俾你認識下當地文化咁樣 湯飯最先送到 基本上餸菜都足料 店員都貼心俾左兩個碗我地share食 每樣配菜都有兩舊左右可以食 豬手我覺得整得幾淋幾好食至於燒豬頸肉配個酸甜醬都幾好食 黎到主菜 芫茜分量真係好多 食到最後我地都食唔曬 個湯汁比我想像中夾 如果湯汁再多少少 我覺得麵可以做到再入味d 最後健康配個菜食下 泰式奶茶 唔會話好甜 總括黎講都食得好飽 性價比都唔錯 芫茜比我想像中有驚喜

荃灣覓食發現呢間船面店舖裝修好有泰國嘅感覺啱好喺疫情下都可以感受下泰國嘅風味坐低見到有午餐套餐同埋散叫午餐套餐有碗大麵或者飯另外加幾蚊仲可以有小食配飲品 好抵而細碗船麵就冇套餐 只可以散叫不過即使散叫冇套餐咁抵但由於呢度出名嘅係細碗船麵所以都想試一下原本以為55蚊有5碗船面會好細份點知碗碗都有份量 同埋可以揀湯底揀一款配菜男朋友咁大份 食完5碗都叫飽而我就叫了一款lunch set牛河一樣足料大份兼好味我最喜愛牛丸加牛骨湯船河值得推介呀！🖤🖤🖤

啲麵一夾就散，蘿蔔勁多渣，其實用刀批深少少就唔會有，仲要啲蘿蔔係煮唔透硬食蘋果，58蚊三餸麵無野飲，今日星期日，飲可樂要加12蚊，70蚊食一餐唔咪問題，但質素確係好差囉

星期日6點幾都無乜人，之前睇過OpenRice既相都己經想試下，既然唔使排隊又可以坐得舒舒服服，就試下啦！篤篤船麵細細碗，13蚊可以試一款，55蚊試到五款，雖然細細碗，食完五碗都有7成飽，每碗都可以有唔同既combination，有多種配料選擇，有牛肉，牛腩，牛展，牛豬肉丸，豬腸等等，仲有6款麵，7款湯，兩個人去，叫左10碗，真係玩到出神入化，可以10碗都完成唔相同。生菜包，泰菜必食，如果唔食得辣，就要將啲紅辣椒分出黎，因為都幾辣，我個人覺得好好味。

天氣開始熱就喜歡搵泰國野食下。泰國都係一個我幾有好感地方。尤其當地美食😋唔記得影店舖相片😅午餐簡簡單單點左個豬扒凍檬和牛魔王船面豬扒好乾只有咸味，加的魚露味道可以，而伴菜的木瓜絲就好好食，好有驚喜😋牛魔王船面味道有咁so so 地，我就不太喜歡，湯底還可以咁。如果我再想搵泰國野食，我應該會搵另一間，明就會明我講咩囉😆

海南雞飯好難食兩個人去食，一個嗌船麵一個嗌海南雞飯。首先船麵先到比錯麵底，唔太緊要照食，海南雞飯等左20分鐘，啲肉好紅。。換過一碟5分鐘。最後兜油飯常溫，雞凍既，湯凍既，汁有兩隻，一隻深啡，一隻蔥油，無左最常見紅色個款酸甜汁一食啖飯。。。有陣up味等左25分鐘兜飯仲要咁難食，都無野好同餐廳講，唯有用啲醬汁遮蓋up味填飽個肚就走後尾急住走，比錢再發現漏單無落到春卷，不過都好慶幸佢無落，實在太想走。。。成餐飯最正常係杯熱奶茶

經過好多次篤篤船麵都一直無試過今日忽然想食個泰麵 就諗起佢入到裡面佢座位都好闊落整體環境都好乾淨今日無試船麵 叫左兩碗大船麵試泰式豬八戒 好味指數😋😋😋呢個豬八戒一般湯底雖然有豬味 但飲唔到甜味餸分別有豬腩肉、豬皮、豬大腸、炸豬皮、蘿白、豆卜仔 除左炸豬皮 其他都係每款各兩件但比較失望係豬肉丸淋 似係麵粉丸豬腩肉肥膏偏多 蘿白煮唔透有生味青咖哩無骨海南雞湯麵 好味指數😋😋😋青咖哩湯底雖然睇落顏色偏淺但都夠味 飲落有青咖哩香雞肉正常 一般急凍肉另外lunch送一杯泰式檸檬茶整體食物質素一般但環境同服務質素都係高的

去唔到bangkok食船麵黎呢度都算可以頂到一陣船麵癮叫左個牛魔王船麵四十八蚊有牛丸 肥牛肉碎 牛柏葉(啲肥牛的確碎左啲 大塊返啲就好)湯底同麵底都可以自選推介牛湯 食得辣可以試牛辣湯連埋配料感覺都幾多餸有白蘿蔔 豆卜 炸豬皮 通菜粒 芽菜 每樣少少揀左牛辣湯配河粉 連啲蘿蔔都好辣呢度嘅船麵以價錢份量同味道黎講算唔錯另外可以加八蚊要小食揀左蝦餅同蔗蝦味道正常 唔係手打好厚身彈牙有咬口嗰種蝦餅而係機搞到好滑身嗰種 不過點埋個泰式酸辣醬都算ok之但係呢度嘅海南雞飯就真係有點不敢恭維唔係平時泰國食開嗰啲亦冇平時好味嘅啡色紅色同綠色醬而係一個唔太好食嘅蔥油同一個唔好食嘅酸味醬至於個雞 唔夠嫩滑 水煮feel個飯係日本珍珠米但係飯煮得唔好有部份濕有部份又硬有啲好散有啲又痴埋一舊舊唔夠雞油香味個蘿蔔湯太鹹成個飯都令人十分失望