篤篤船麵 (荃灣千色匯) (已結業)

芫茜呢家嘢，通常啲人一係就好唔鍾意食，一係就超鍾意食，仲要最好成碗爆哂芫茜咁食！筆者唔算話好鍾意芫茜，但聽到呢間出咗激量芫茜船麵，都被朋友慫恿嚟挑戰下！！！就係佢啦！！！可以自選麵款，同埋加錢配小食~首先嗌咗個涼拌青木瓜沙律，酸酸辣辣的味道，加上鹹而粗糙的蝦米豐富味道同口感，再拌以清新的魚露同青檸，真係令人胃口大開！！！芫茜船麵--我準備好鳥！！哇，真係爆量芫茜！！濃稠的暗綠芫茜湯底，被金邊粉同牛柳吸收，入口滿滿的芫茜獨特的清香！啲牛肉軟嫩可口，一啖咬落去，牛肉混芫茜汁滲進牙齒縫中。相信經過呢餐，必定齒頰留香~食完，嘆返杯泰式奶茶先~呢到裝修都幾有心機，椅子、壁畫同相片都訴說着勞動嘅人喺船上、攤檔食船麵的光景，充滿泰國市井平民風味。