篤篤船麵 (荃灣千色匯) (已結業)

成日係荃灣食午餐都食開呢間，多數係想念泰國嘅時候就會黎！今日放午餐時間同同事去食😙今次行過見到出咗一隻新嘅口味，尤其是係啱我呢種芫荽控！-泰多茜牛柳船麵🍲麵底簡左河粉，鋪滿極多芫荽喺上面！成個口感好青綠嘅感覺😛牛柳切成一塊塊薄片，入口即溶的感覺呀🥰芫荽控必食推介💪🏼湯底唔錯夠香濃-泰式脆皮燒腩仔🐷外層燒到好脆 ，每一舊咬落都有聲🤭豬肉肥肉廋肉分佈好正！再配埋泰式辣醬點 口感好特別，啖啖肉夠juicy-泰式生菜包🥬新鮮的生菜🥬佢炒的豬肉碎落左成條指天椒一齊炒，口感夠辣！仲有埋豆干 又辣又爽 ！ -Thai tea🥤每次去泰國都會飲好多杯，而家疫情關係都冇得去旅行唯有喺香港頂下癮先啦