篤篤船麵 (荃灣千色匯) (已結業)

眾所周知宜家疫情關係無得出國，好掛住泰國美食嘅我，滿懷希望地約了朋友嚟試下呢間打正招牌食船麵嘅餐廳，入到去我是第一枱客，之後嚟多兩枱，見到佢餐牌寫住有細碗揀，我哋兩個不約而同就試下佢呢個$48四碗嘅餐，因為可以試多幾款湯底。首先佢嚟咗我朋友四款，之後放底二碟泰式鳳爪然後再嚟我嗰四碗仔麵，當我哋食到中途，其中一位店員走埋嚟同我哋講碟鳳爪係另一張枱，但我哋已食了，由於第一次嚟食加上碟鳳爪好細碟，我哋都以為係送的小食，點知食完佢走埋嚟話我哋食咗人哋碟鳳爪，並企響我隔離看我如何是好，我心諗又唔係我錯，況且你咁啱又放了兩碟鳳爪在我枱上，我倆叫同一個4碗餐當然以為係贈送的小食，因為唔想食得一肚氣，最後我哋都叫佢落埋入我哋單。但第一次嚟食嘅感覺已經很不快😥😥😥😥講返啲食物先，真心講味道很一般，就連泰國最出名嘅冬蔭功湯都做得唔好，重衰過泰國mama麵嘅湯底，我返而覺得牛，豬嘅清湯反而好味得多。總括嚟講大家不用抱太大期望去食會開心好多。