篤篤船麵 (V Walk)

營業中

休息中

📍🇭🇰 篤篤船麵 泰式船麵專門店Tuk Tuk Boat Noodle.有一天我們兩人的對話👇🏻👦🏻：都行到攰，不如去篤篤個度吃野呀！👩🏻：咩篤篤呀？係邊到？👦🏻：（係商場入面，手指住）拿，首先我哋呢度直行到篤篤，轉彎就係篤篤啦！👩🏻：我表示聽到一頭霧水，去到先知原來餐廳名叫做篤篤！.我們點左👇🏻📌 肥牛船湯河 {HK$65}- 好大碗，十分豐富，材料十足！.📌 泰式青咖喱豬扒配白飯 {HK$62}- 青咖喱汁好好味，配飯配餸都好夾，食過返尋味！非常推介這個👍🏻👍🏻👍🏻👍🏻👍🏻.📌 正宗泰式豬手（例牌）{HK$88}- 豬手好有味，炆得好林！配正宗辣椒醬！.📌 泰式蝦餅 {HK$20}- 真係有蝦肉足料！仲有甜酸醬點！.仲要係泰國人做待應，很友善，彷彿置身於泰國一陣間！呢度仲要唔收加一服務費！晚餐價錢來講十分親民，吃到好飽！

特意去吃泰式料理，裡到滴價錢方面都還OK，可以接受船面可以自由配搭菜式，一大碗麵+4個自由配搭的湯底，餸，同麵。一大碗大概是$48咁樣。可以加辣，如果鐘意食辣➕起身好好食。聽講炸豬皮都好好食，特意點佐好脆，味道都OK鐘意食嘎朋友可以試下

之前食過兩次，食物偏咸但無乜特別出事今次去，佢準備咗譚詠麟playlist 一直播，成個體驗非常譚詠麟仲有個肥牛船麵，勁多肥牛超大塊咁，但係無牛味，都幾得意㗎真係

V walk都多嘢食，見到呢間舖就好掛住旅行感覺，決定入去止一止渴。用qrcode點餐，點餐畫面清楚方便仲可有多自選要求本來order幾餸船面，但見到5碗細船面可選不同面底湯底就改了，試晒每款味道同分。朋友都跟我一齊改，大堆頭影相滿足吓大食感我較為喜歡牛清湯及全旦面，豬湯牛湯味太濃但又不太似泰國的味道，可能佢無菜底少咗啲菜嘅甜味，至於辣味太死辣對我黎講有啲辣我不喜歡，不過朋友就話好味。餸方面牛展真係一啲都唔似牛展似一般烚肉，其他都ok啦。另外叫咗串燒，$28/3串呢個價錢你想點，算係咁啦。店內環境餐具都乾淨。如果你係想叫外賣，呼籲一下你唔好叫細船，儘量環保少少叫大船

我同同事嚟開V Walk食晏，我之前食過「篤篤船麵」覺得幾得意，而佢又話未食過，就一於入去開餐😊。啱啱到達嗰陣，餐廳都幾多人，始終正值午餐時間。店舖環境幾靚，因為周圍都好色彩繽紛🌈，有著紅黃藍綠四色嘅櫈仔，而且又有大大幅牆畫。我留意到餐廳有搞唔少噱頭活動，例如挑戰最多食幾多碗船麵同埋鬥快食船麵嘅比賽。餐廳現時採用QR code落單📱，但如果嗌細船麵餐就會揀到傻，要逐碗每個細項㩒，哈哈。反而以前劃喺紙更一目了然。泰多茜牛柳船麵($75)，「茜人」食佢就啱哂，因為碗麵堅係有真·激量芫茜山☘️。除咗面頭堆生芫茜之外，佢個湯底都充滿咗打溶哂嘅芫茜碎，所以每啖湯飲落都好重芫茜味。不過你亦都唔使擔心，佢個湯濃得嚟好易入口，唔重臭青味，否則我都食唔到。但湯底偏少，金邊粉又索湯，所以食到一半個湯已經蒸發咗八成。多茜船麵嘅餸料包括慢煮嫩滑牛柳同炸豬皮。🥩牛柳俾到意外驚喜我，佢並唔係一般肥牛，反而係有一定厚度嘅牛肉片，似似哋牛腩，牛味突出，由生浸到熟，肉質冇變嚡。豬皮就麻麻哋，因為唔夠酥脆。篤篤地道泰式細船麵($55/五碗)，細船麵好的骰，不過五碗夾埋食都飽㗎🖐。每款有大約三至四啖，一次過可以試到唔同餸料、

今日行經vwalk商場，唸住係果度食lunch，好耐無食泰國嘢，見到呢間唔洗等位，價錢又唔算貴，就試下la。點知中伏。叫左生菜包、黃咖喱豬趴飯、青咖喱豬頸肉飯、豬趴金邊湯粉生菜包d生菜新鮮的，但d肉碎完全唔得，睇落d色已經好淡，好似無炒過咁，出曬水，d肉好韌，又無調味，係我食過最唔好食的生菜包，沒有之一。豬趴又係無調過味，完全靠外在的咖喱味冲撐，d咖喱唔夠香唔夠辣，唔覺得係泰式咖喱。d湯又係無味，所以食到一半已經唔想食。浪費曬，真係唔好意思。青咖喱好重椰漿味，無咖喱味同辣味。我應該唔會再去。

半年前曾經嚟食過一次，當時覺得只係一般。不過最近聽朋友講餐廳請左位泰籍廚師，menu亦唔同左，所以剛好去開附近就去篤篤船麵食晚餐。今次試左4樣野泰式海南雞半隻皮薄雞肉嫩滑，好快清左成碟。什錦船湯河湯底有特式超正，扎肉好好食，如果只可以叫一樣野食我會揀依個船河。青咖哩雞肉+蒜蓉包咖哩汁做得唔錯，好香有小小辣味。雞肉同出面嘅做法唔同，會用海南雞。如果本身已經叫左海南雞，我建議要豬或者牛咁可以試多d口味。泰式小食拼盤蝦餅同香葉雞都好味，但我地兩個人食唔到咁多野，如果有多個朋友一齊share就好喇。依餐每一樣野都覺得幾好食，換左泰籍廚師之後質素真係好左好多👍🏻食完第二日已經開始掛住個船湯河喇！

今日收工之後過嚟南昌搵朋友，然後佢帶咗我去B WALK行街，原來呢個商場都幾野食幾多嘢行，行到咁上下就帶咗我嚟食呢間船麵。裝修佈置好有特色，成間店都好色彩繽紛。就連坐嘅凳都五顏六色。《沙嗲串燒盤》$28沙嗲好夠香，而且即叫即燒，肉質中保留彈性。《四色拼盤》$60有炸春卷、魚餅、蔗蝦、蝦餅，全部都即煎即炸，口感非常香脆。《生菜》$12分量幾多，而且好新鮮，唔老！食下菜感覺健康啲解下油膩感。《慢煮牛柳濃湯船麵》$78牛柳慢煮8小時，色澤鮮嫩，食落真係幾淋幾嫩，牛味好濃！慢煮果然唔同啲。另外算啦仲有好多配料，例如炸豬皮，牛丸、蔬菜，加返湯底都好香，調味有泰式風味得黎幾獨特，整體都好味。 總括嚟講，呢個價錢唔貴同埋選擇好多，經過行過呢度可以幫襯下。

今晚屋企無煮飯，帶左媽咪去屋企附近個商場食野，媽咪見到哩間食馬來西亞特色船麵餐廳就帶左我入去搵位坐低，餐廳內佈置色彩繽紛，牆上除了掛有馬來西亞由水上坐艇先食到既特色船麵演變至今天我地身處既餐廳裡食到既船麵的變化相片。我地望一望個餐牌，我幫媽媽點左個自選船麵，以牛肉濃湯做湯底，金邊粉面底，媽媽喜歡食肉，配料就選滷水雞翼、牛展、扎肉、豬頸肉多肉種類。我就望到枱上貼左個芫荽山牛柳船麵，食芫荽有多種功效，除能夠解毒、止咳、化痰，以及緩解胃脹等，可說是加強身體的保護力食療，但因為味道特殊，未必人人接受到，我一於挑戰下先。飲品係泰妹蘭香籽的荔枝口味同椰青水。自選粉麵濃底濃郁既牛肉味，滷水雞翼同牛展都煮得好入味。芫荽山牛柳船麵，湯面鋪滿大量芫荽和炸豬皮，青草般顏色既湯底，麵底採用特幼細的米粉，當中既牛肉片鮮粉嫩色，食落唔會韌及榎口。飲埋滑溜既蘭香籽飲品如同去了一倘馬來西亞之旅一樣。

這天舊同學在南昌站上蓋的新居入伙，當然要去參觀一下豪宅，參觀完畢便去醫肚，樓下商埸很多食肆，路經一家名為篤篤船麵的餐廳，她說經常路過都看見很街坊光顧，姑且進去試試。餐廳装修簡潔，坐得也頗舒服，望着牆身掛上的泰國照片，勾起我思念泰國的情懷。枱上的餐牌是這期餐廳的主打麵食，既然是主打項目，當然要一試。等候食品期間，望着枱上各式各樣的泰式醬料，巳令我垂涎三尺。主菜未到，先來了兩個冷盤小吃，第一個是泰式酸辣無骨鳳爪，酸辣適中，胃口大開。另一個是木瓜沙律，木瓜絲爽甜，又是另一開胃之選。推介主打麵食終於來了，這個名為慢煮牛柳濃湯船麵，它標榜牛骨湯慢煮8小時，果然牛味濃郁，牛柳嫰滑，牛丸彈牙，沒推介錯。由於混了泰式辣汁醬料，口腔熱辣辣，立即叫了青檸梳打救火。由於舊同學想吃點飽肚的，於是叫了一客泰式青咖哩燒雞脾飯，青咖哩有別於紅咖哩，沒那麼油腻之餘亦較為香口，配以嫩滑雞脾肉，確是一頓不錯的晚餐。

今餐係為咗泰多茜而嚟，果然餐廳入面都好多宣傳。牆上面嘅畫吸引咗我，搞到好肚餓。事不延遲─泰多茜～唔只係芫茜湯，仲加咗好多芫茜喺面。值得一讚仲有個牛柳，唔會太熟，軟硬適中。我地仲叫咗個豬八戒，非常足料，有豬腩豬肉丸豬皮豬大腸。。。仲等我地驚唔夠食加咗個雞翼🤣 個湯我地揀咗牛湯，好濃又唔會太咸。鴨血以19蚊嚟講份量都多，唔算辣，不過要趁早食，因為一拎出嚟已經暖暖地。沙嗲同泰式奶茶就中規中矩啦～不過以咁嘅價錢算性價比高。

自選大碗三味 $58這碗是老公點的，配料方面他選了牛柏葉、滑牛和牛展然後是乾河粉和牛湯🐂------------------------------老公一向對食沒什麼研究他只在乎能否吃飽，幾乎從來沒有對食物的味道和烹調方式有任何要求😂我總是擔當他的美食導遊🌍我是泰國迷🇹🇭疫情之前，每年必定去泰國至少兩次很喜歡泰國的食物，不能旅遊的這段期間就一直很想念那裡的路邊攤其中最心心念念的兩種食物是烤大頭蝦和船粉今天能在這裡吃到船粉，有一點點緩解到思鄉之情😝------------------------------泰多茜牛柳船麵 $75配料和湯底是指定的，然後我選了米粉牛柳還帶著粉紅色，挺嫩的湯底是濃郁的芫茜味（而且還真的有不少芫茜在上面，確定自己是不介意這種味道才點哦）泰式時菜 $12泰式脆皮燒腩 $48

來到南昌站上蓋， 行完商場， 去食個晚餐😋今日想食惹味嘅麵， 又想飲碗湯， 就決定嚟咗呢間泰國篤篤船麵🛶餐廳衛生乾淨企理， 職員態度友善殷勤， 仲會介紹菜式。🐮泰式牛魔王配牛湯，有牛𦟌牛柏葉牛丸牛滑， 湯底牛味濃厚， 配上金邊粉 ，吸收咗湯底嘅味道， 叫泰式牛魔王 真係實至名歸。🛶話明船麵就梗係一會碗碗嫁啦， 三碗細細碗嘅船麵， 有唔同嘅配菜， 唔同嘅湯底， 唔同嘅麵底，一試無妨 - 鹵水雞翼清雞湯金邊粉， 扎肉牛肋湯米粉， 魷魚煮辣湯米粉， 一個餐滿足你三個願望， 滿足你三個口味🥣冬陰功湯， 辣度適中， 仲有新鮮大蝦🍤仲叫左蔗蝦同蝦餅食左好多野，飽飽😋

冇煮飯就落街食，喺v walk行過見到有個芫茜山既牌吸引咗我， 所以就走入去試下我自己就叫咗呢個 泰多茜牛柳船麵， 家人叫咗 5碗船麵， 小食揀咗一個串燒+木瓜沙律+鴨血1串雞+兩串牛，個醬有濃濃嘅花生味， 串燒有燒烤感覺很好吃鴨血微微冷唔會覺得腥， 份量比想像中多木瓜沙律勁辣， 第一啖唔覺，之後個回辣好勁 ，食得很爽皮朋友叫嘅5碗船麵，可以各自揀湯底、餸、麵底成功搭配咗幾個好奇怪但又幾好食嘅組合重頭戲係泰多茜牛柳船麵， 牛肉新鮮夠淋， 非常有肉味， 淨係牛嗰部分已經係食唔停口， 嗰個湯底每一匙都見到有勁多芫茜， 面又有勁多生芫茜 ，一食完牛就直接食嗰啲芫茜 面仲有D炸咗嘅豬皮，夠脆，同芫茜都好夾喺Vwalk 搵到第二個飯堂

好有特色既泰式船麵。 見到都好多人食, 就入去試試。見到menu原來都好多選擇, 好多麵款簡。 我同朋友簡左: 泰式牛魔王配米粉辣牛湯, 泰式豬八戒配米粉清湯。 2碗都係肉臟，一次過試晒牛同豬。 碗麵黎到都好足料, 好大碗。 而且加餸仲只係加$8/款。 我地另外再加左鴨血同魷魚。 都幾抵。首先清湯好甜, 可能因為白蘿蔔甜啦, 都幾好飲。 鴨血冇腥味, 豬皮, 豬腸, 豬肉丸...都好入味。 而牛方面, 牛湯好香, 有種特別既香茅味, 又係另一種口感。 牛，牛百頁, 魷魚, ...都好正。 淨係食2碗麵都好滿足。 不過, 晚餐當然要叫d小食, 泰國野更係要試木瓜沙律, 冇骨雞腳, 蝦餅。 雖然細細份, 好夠味。 木瓜沙律有d辣紅蝦仔好得意, 好開胃。 雞腳好爽口, 蝦餅好甜爽。 最後, 唔少得2杯青檸梳打。 係咁熱既天氣, 真係食得好暢快。