篤篤船麵 (V Walk)

營業中

休息中

好難得嚟到呢個商場，因為好少嚟呢一區。午飯時間都算多人。等咗大約10分鐘就有位，可能因為我哋只係兩個人，侍應態度都非常之好。我哋原本係坐係一人枱，侍應都有問過可唔可以先俾我哋坐，我哋當然可以。我同朋友就揀咗湯粉，我哋見到有冬陰功湯底，雖然要加$10但係都好想試吓，我就叫咗泰式豬手，我朋友就叫做泰式豬頸肉，仲叫咗杯泰式奶茶同埋青檸梳打，再加咗個泰式鳳爪。坐左冇幾耐，侍應主動幫我哋轉做二人枱，非常有禮貌。而嘢食方面呢，泰式豬手都比較煙靭，係好食嘅。冬陰功個湯底呢就唔算太辣，我哋兩個食完仲飲埋啲湯添。而家泰式奶茶呢，個杯就非常之精緻，其他嘢整體嚟講都算係唔錯。兩個人埋單平均每人$80

之前同朋友行V-walk食過呢間餐廳，覺得價錢好抵食，所以今次路過呢區，再黎幫襯。抵食在你叫一個主食，可以加少少錢要埋一個小食（唔洗正價叫一大碟太多），再加少少錢又有埋飲品，所以好化算。叫咗主食：豬扒撈金邊粉，香葉肉碎煎蛋飯；豬扒撈金邊粉意外驚喜，個麵辣得黎好惹味開胃，豬扒夠香口；香葉肉碎煎蛋飯如果可以乾身d更加好；配小食：蝦餅，春卷（加配小份，兩個人啱啱好，又可以試多樣）；所以加多蒜蓉飽；飲品：泰妹蘭香籽飲品，荔枝味同芒果味，幾好飲，唔會太甜，有個d 蘭香籽粒粒好特別，推介！！甜品：芒果糯米飯。另外，餐廳服務好好。食咁多種類，份量又啱啱好，都只係$250兩個人，因為有埋九拆 = 唔洗加一，抵食！！

泰式香葉肉碎煎蛋飯：小辣、肉碎除咗鹹味之外食唔到咩味，成個飯最好食就係個荷包蛋。😅冬陰功香茅豬扒金邊粉：豬扒都還可以，但湯底好鹹，仲要轉冬陰功係加$10。失望。唯一好處係v walk比較平嘅選擇，星期六lunch唔使加一。如果唔係一定要喺V walk度食一定唔會食呢度，寧願行遠少少去返福榮街嗰邊。

同朋友去，睇見menu食物種類都好多選擇，而加有埋QR CODE自己落單都方便咗不過電話落單既menu冇咗相片，希望可以盡快加番～咁就唔使睇住本menu篤電話落單大力推薦豬頸肉豬頸肉撈金邊粉，食落好有驚喜，肉質有嚼口燒得好好，下次去會想試單點一份豬頸肉，食過翻尋味金邊粉軟硬度適中醬汁好入味豬手肉質鬆軟，肥瘦適中，而且夠大份泰式鳳爪比較一般沒有太大驚喜另外朋友叫咗碗雜錦船河，大大碗好足料，湯底好好飲(如果唔係有其他野食應該會飲哂）以呢個價錢嚟講絕對抵食，下次會再去試下其他菜式

嗌咗湯河 跟小食蝦餅 同一杯泰奶。一開頭收銀已經打錯單，分開計貴咗。但諗住佢收咗就算數啦。返去食到一半見到成隻水蛭痴喺度。即刻攞落去換，順便同佢講返打錯單。個收銀阿姐仲態度極差，話番個客轉頭，最好笑係居然賴個客寫錯單。對味道都已經冇咩期望，但冇諗過態度、衛生都可以差成咁。

總結：其實味道真係好ok (以呢個價錢嚟講)..仲要有大檯可以5個同事一齊食👍👍食物種類多，又可以QR code落單正。係個位比較難搵😅推薦：燒豬頸肉（建議唔配麵，單叫一份，真係好食）海南雞（嫩滑，皮薄）香葉肉碎煎蛋飯（可以轉油飯，唔記得洗唔洗加錢，但要開口request, 油飯正😋）豬手（好多膠質😍呢個可以拎生菜包嗰份菜黎包住食，無甘膩）芒果糯米飯（外賣帶走，無影相。食嘅同事反映好好味）椰子水（唔推薦，呢個牌子太甜）

約咗一班同事去食，咁就可以叫多幾樣嘢一齊食啦！第一次去食，大家嘅評價尚算滿意最有驚喜係豬頸肉撈金邊粉👍🏽豬頸肉肉質嫩有嚼口，香口熱辣辣，非常好食金邊粉硬度控制非常好，夾落去唔會散晒！另外，個例牌豬手，豬皮充滿厚厚嘅骨膠原味道剛剛好，送飯一流雜錦船湯米粉呢～船面係呢度嘅主打，一定要試吓！真係好有泰國嘅風味湯底出色，一定會去再食！不過，都真係幾大碗，冇咗船面細細碗嘅特色....大碗又抵食，夠哂Hong Kong style整體來講都算唔錯當然有要改善嘅地方。例如醬汁用咗塑膠兜上，都好唔環保。希望有待改進！

整體嚟講唔錯，雖然未去到蔗渣價錢燒鵝嘅味道，但價錢絕對對得上味道，偶有驚喜。個人極力推薦豬頸肉，非常好食，味道夠，肉質唔會煙韌。船麵都係極力推薦，一般價錢份量相當大，湯底十分夾麵底，性價比超高。香葉辣椒肉碎飯（配荷包蛋）亦係唔錯嘅選擇，肉碎唔會太乾又唔係濕到出晒水，味道偏濃，而辣度岩岩好。相對較失望嘅係咖哩牛肉配蒜蓉包，牛肉比較嚡。環境方面，營造到泰國氛圍，再加上很容易令人知店舖主打的是麵，因為牆上的畫。至於評分我個人會比8分（10分為滿分）

唔好食，啲嘢10分普通，自己喺屋企都可以煮到，睇到食評唔信佢真係咁難食，佢啲嘢味唔可以話難食但係就唔好食，清湯掛水，味道10分淡，有落味精。佢個湯底係味精湯嚟嘅。如果可以揀的話，大家都係唔好揀呢間啦。

一坐低見冇咗手機落單都知出事，一睇份menu冇咗勁多選擇，又冇咗牛辣湯、牛清湯等等幾款湯底，仲冇咗細碗船面，連好好食嘅雞脾都冇埋。本來餐廳會播一啲泰文歌，非常好feel，但依家改咗播容祖兒嘅舊歌，仲要勁大聲，個feel變咗做茶記feel，格調冇哂。跟住問一問個位男侍應，佢用不友善嘅態度話舊班底已經唔係到，得返咁多選擇，即管就試一試睇下水準如何。叫咗一碗豬扒船面，豬扒ok，但係湯底完全唔ok，落咗勁重味精勁多油，完全唔係以前個回事，唔掂。依家呢間餐廳只係普通中下低檔餐廳，唔應該再用篤篤船面呢個招牌嚟呃錢。

平價泰國船麵😂但真係無特別，🤔🤔未必會再食，唯一優點係好平，而且份量唔多，唔太肚餓可以簡黎食😲……..而店員🤵🏻‍♀️🤵🏻服務方面，🤔🤔感覺唔太好，有待改善😣😣，細細碗可以試多d唔同野，但餐廳選擇唔多😣😣…….泰式奶茶非常細杯🥺🥺唔抵飲，呢間餐廳好似咩都好mini咁🤣🤣🥺而且無左泰式奶茶獨有嘅香味☹️☹️………船麵缺少左平時泰國菜香料嘅味道，🤔🤔似乎本地化左，但就無左泰式嘅風味🥲🥲

本人今天中午到此光顧，雖然係食飯時間，但係我都係容易搵到位置，但係坐底之後才知道出現什麼問題，首先是坐底三分鐘才有職員攞餐牌過嚟，跟住叫了一份泰式豬手飯和汽水，跟住看完餐牌後落單又要再等還要受職員的氣，仲要見到個女職員係客人面前做唔切，唔夠人手就向客人發脾氣，咁呢樣野係寫字樓的問題，結果由落單到送到黎要10至15分鐘，其後到來的顧客只需要等5至10分鐘，咁即係廚房玩嘢啦，臨走前問另一個女職員攞客戶服務熱線電話號碼，她仲夠膽講冇客戶服務熱線，就算我要投訴都冇用，咁我就索性係呢度投訴囉。

某日，去 深水埗-V Walk 逛逛街，順便睇埸戲 ~睇戲前，肚仔餓，先去 💛「篤篤船麵」食個 lunch ~餐廳乾淨企理，店員精靈醒目又勤快，播的音樂都啱我心水，沒什麼可挑剔的 ~什錦船麵 : 湯麵大大碗，食材有 (豬紅、牛肉片、牛丸、魚丸、籮白、炸豬皮同其他香菜) 湯頭的味道濃香鮮甜，夠味而不會過鹹；牛肉&魚丸都頗爽口，籮白清甜冇渣，泰式河粉滑溜而有米香；整體而言，味道實在不俗 ~食船麵，配青檸流打，感覺就是 - 爽 ~本篇完 ~

跟好友挑起條筋去吃飯，就來了篤篤。尚未習慣影相，就衹能用文字分享。1. 食物 - 泰式拼盤，蔗蝦，青咖哩雞，泰式雜錦湯河 （忘記真名），蒜蓉包，青檸梳打，千層糕，各款味道都不過不失，但青咖哩雞啲雞大部份是雞皮，失望。個湯河每樣有一粒兩片，喜歡重味的可能會喜歡它，我就最喜歡個千層糕，唔太甜，好Q彈。2. 服務 - 認真麻麻，主持做野無勁度，可能很累吧？侍應姐姐經常走來打斷我們，但又不是招呼好那種，21:00分已加快速度走來轉去，為的是22:00準時關舖。我們明白的，但中間花了太多時間打擾我們了。3. 環境 - 其實因為坐位不太舒服，所以遲遲也不選這店。4. 兩人花了$268, 都算正常吧！

📍🇭🇰 篤篤船麵 泰式船麵專門店Tuk Tuk Boat Noodle.有一天我們兩人的對話👇🏻👦🏻：都行到攰，不如去篤篤個度吃野呀！👩🏻：咩篤篤呀？係邊到？👦🏻：（係商場入面，手指住）拿，首先我哋呢度直行到篤篤，轉彎就係篤篤啦！👩🏻：我表示聽到一頭霧水，去到先知原來餐廳名叫做篤篤！.我們點左👇🏻📌 肥牛船湯河 {HK$65}- 好大碗，十分豐富，材料十足！.📌 泰式青咖喱豬扒配白飯 {HK$62}- 青咖喱汁好好味，配飯配餸都好夾，食過返尋味！非常推介這個👍🏻👍🏻👍🏻👍🏻👍🏻.📌 正宗泰式豬手（例牌）{HK$88}- 豬手好有味，炆得好林！配正宗辣椒醬！.📌 泰式蝦餅 {HK$20}- 真係有蝦肉足料！仲有甜酸醬點！.仲要係泰國人做待應，很友善，彷彿置身於泰國一陣間！呢度仲要唔收加一服務費！晚餐價錢來講十分親民，吃到好飽！