篤篤船麵 (V Walk)

營業中

休息中

同朋友喺Vwalk行完街，揾個好地方食飯先。篤篤船麵係一個好選擇，之前食過幾次了，真係百吃不厭。調味料亦不少👍🏻🌟我哋點了泰式香茅豬扒河粉，豬扒鬆軟入味的口感，搭配著幼滑的河粉和鮮甜的湯頭，十分滋味。🌟豬頸肉撈金邊粉。豬頸肉嫩滑，金邊粉微辣十分惹味。🌟泰式蝦餅口感爽口彈牙，外脆內軟，每一口都充滿了新鮮的海鮮味道。🌟串串沙嗲雞肉。雞肉的外皮酥脆，內部卻保持著嫩滑的口感。搭配濃郁的沙嗲醬，成為了我午餐的一大亮點。🌟甜點方面，我選擇了斑蘭千層糕。這款糕點有著濃郁的斑蘭香氣，配合幼滑的椰漿，帶來了清甜的口感。🌟飲品方面，order了青檸梳打和泰式咖啡，青檸梳打清爽解渴，而泰式咖啡則沒有苦味，甜度適中，非常美味。

原來除咗九龍城之外，深水埗呢度都有一間感覺地道嘅泰式船麵。入面裝修有晒泰國嘅特色，壁畫同擺設，價錢相當經濟實惠。要咗個雜錦船麵轉金邊粉，湯底夠晒濃郁，入面有齊豬肉丸，牛丸豬紅，炸豬皮等等，配料豐富大大碗。食泰國嘢點少得要試佢啲咖喱，要咗個青咖喱雞配蒜蓉包，呢兩款簡直係完美組合，蒜蓉包充滿牛油蒜香，沾上咖喱汁惹味無窮。青咖喱唔算辣，所以食唔到辣嘅人都啱食。再加左啲泰式魚餅做小食，最後再要左芒果糯米飯，呢度糯米飯比較特別有埋青色嘅斑斕味，再加普通嘅椰汁芒果夠鮮甜。飲品要咗個青檸梳打，夠晒清新解渴，消暑一流。整體價錢唔算貴，但食到正宗泰國嘢。

多謝各位好心員工幫我keep返個袋，嘢食好味，價錢好合理🥰🥰🥰，地點好方便，嘢食都好正宗，海南雞好食，豬頸肉好香口，麵都好好吃，多料，奶茶好好好飲飲～下次會再來

篤篤船麵 深水埗深旺道28號V Walk 2樓L2-147號舖南昌站上蓋Vwalk 一間船麵專門店地點方便 款式配搭多元化泰式海南雞（半隻）$118夠滑夠大份 中 泰結合雞皮處理唔馬虎 配以香油醃製與人share既份量 淋上秘製泰式辣汁
泰式香茅豬扒全蛋麵轉秘制船湯+$10啡黑色的秘密㊙️湯頭使用豬血或牛血，混合鹽和香料調味 湯色與牛肉麵湯相似，但由於添加了豬血或牛血而變得更渾厚 濃味咸香 獨有風味 蛋麵索哂精華
椰汁西米糕（3 件）$28椰汁西米糕的口感濃郁 黃白色 黃係粟米 🌽白是椰漿 有椰漿的香甜味道，西米的Q彈口感

今日去左提早收工就食個early dinner 想食啲泰國船麵 所以去深水埗既篤篤船麵 佢係v walk所以係南昌落就近啲我哋今日就叫咗海南雞船麵同魚蛋冬陰公米粉先講吓個海南雞船麵，湯底地道濃郁，配埋金邊粉，有口感，唔會一夾就散。入邊仲有一舊豬紅，非常好食。海南雞用正宗嘅整法，有砂礓醃製，仲要去埋骨。味道好，而且啖啖肉。之後係魚蛋冬陰功米粉，冬陰功湯底足料，味道亦都非常地道正宗。魚蛋用咗泰國細細粒嗰種，整體來講夠地道好食。之後加咗一個單骨香茅雞翼做小食，炸雞翼嘅時間啱啱好，外脆內軟，而且香茅味好出。只係加十蚊就有一碟仔，CP值高。叫咗兩杯凍泰式奶茶，平時嘅泰式奶茶好甜，呢度嘅奶茶啱啱好，而且味道地道，突然想飲泰式奶茶嘅話，呢度可以一試。最後個甜品叫咗個芒果糯米飯，芒果非常好食，明顯係有挑選，有質素嘅泰國大芒果，配上兩種嘅糯米飯，兩種糯米飯都好好味。

Score 總分：75相信大家都有試過泰國菜，食後大家會點評論？我就比較實際，主要評味道+價錢，而環境衛生都不算太重要，只要唔好太過分.....除非有特定目的啦～例如，聚會呀之類今次我就介紹一間深水埗黎講超高性價比嘅泰國餐廳。講堅，味道中上，而價錢就算便宜，所以，性價比真係好高高！這間泰國餐廳不論咩時段都人流不絕，可見附近街坊都投佢性價比信心嘅一票。加上這間是在VWalk商場唯一嘅泰國餐館，所以絕對可以豪言，在商場內泰國餐廳黎講真正嘅 “無得輸”！至於食咩好？我就覺得食咩都咁好，所以冇咩特別推薦，但又推薦全部。不過，要留意返，佢有d野係少少辣，因為泰國餐呀麻（不用多謝我無敵嘅提醒，只要關注無聊的我就好了，多謝）

行開v walk，見呢間價錢比較平，所以入去試下好推薦船粉，個湯好香好濃，配埋粉一起食，可以飲曬碗湯。好多粉，一個女仔完全食唔曬，啲肥牛就太大塊，肥肉比較多，有啲難咬。豬皮就浸淋左麻麻哋，湯裏面仲有嚿大蘿蔔好入味，正！另外試豬排炒金邊粉，豬排幾好食，唔會乾亦都唔鹹，味道啱啱好。但係個炒金邊粉偏酸味道有啲奇怪，唔係好啱我哋口味。另外加左鳳爪同埋雞翼，鳳爪沙律，酸酸辣辣都OK。雞翼係單骨，好細隻，味道普普通通。

睇完戲喺附近搵野食,睇menu呢間泰國菜都幾平🤭叫得船麵專門店,緊係有唔同麵可以叫🙈另外仲有咖哩/飯/小食/甜品環境都幾闊落,入到黎有種喺小木屋嘅感覺🙈叫完飯麵可以用優惠價叫一款小食或者沙津👍🏻鳳爪彈牙爽口,酸辣度啱啱好😋抵食湯底好濃郁,香料味好重,食完唔會頸渴👍🏻肥牛都幾多,另外配料方面原來仲有豬紅,白蘿蔔同大豆芽等等😋麵底同湯底都可以自己揀份量都幾多,我自己一個都食唔唒😅配兩款醬汁❤️賣相幾吸引海南雞食落好滑,豬頸肉燒得好香👍🏻醬汁帶少少辣味幾開胃肉嘅份量都幾多,唔會話飯未食完就已經冇唒啲肉😂雞牛串燒各3串,醬汁似黃咖哩,甜甜地唔錯👍🏻食落亦冇筋同肥膏😂👍🏻啱我泰式奶茶唔會好甜👍🏻幾香滑

本身比較少去南昌站Vwalk呢邊，咁啱發現有間食船麵既餐廳，裝修仲好有特色，即刻要黎試一試泰式船麵！小編去到餐廳發現已經坐得好滿，好在仲有張4人枱可以舒服食個晚飯，餐廳牆身有好多裝飾同一幅巨形食物既畫作，好特別，座椅亦都好Colourful💯💯小編兩個人打開餐牌，已經好多野想食，豬手飯、撈金邊粉、泰式船麵、泰式咖哩雞等等，每樣都好吸引，最後小編點左：什錦船湯河金邊粉 $68呢個什錦船河粉黎到已經聞到好香，成碗麵鋪滿左不同既餸，包括有魚蛋、牛肉、香葉，湯底好濃，配金邊粉食一流 😍泰式豬手飯 $68 + （轉油飯） $8呢個豬手配上店鋪特製醬汁，十分之夾 🤪豬手肥瘦適中，放第一啖油飯入口簡直有種身處泰國嘅感覺！一啖豬手一啖油飯，幸福感撲面需來，十分推薦酸辣無骨鳳爪沙律 $58叫既時候以為份量唔會好多，點知上枱時份量好多，酸甜汁恰到好處，無骨鳳爪亦都煮得軟度岩岩好，建議可以點呢個做開胃前菜 👌🏼芒果糯米飯 $68如果問食泰國菜，選一個一定要食既甜品，相信大部分人都會揀係芒果糯米飯。小編都食過好多芒果糯米飯，香港、泰國都食過，呢間既芒果糯米飯絕對係高水準，非常好食😋 另外小編係點主食既時候早左

今日嚟咗南昌站呢頭附近做嘢，見時間亦都唔早，所以同同事嚟咗V·Walk嘅篤篤船麵食野。💁🏻‍♀️🍜雜錦遊船河，海南雞遊船河：兩款遊船河嘅湯底都好濃郁，香料味突出同啲河粉好夾，易入口。雜錦配料牛肉好新鮮，魚蛋、豬肉丸、脆炸豬皮卷、豬紅、蘿蔔，配料份量好多，令味蕾享受到各種不同嘅滋味！海南雞肉質滑嫩，醬汁調味配搭亦得宜。🐓泰式鳳爪沙律：醬汁又香又辣，鳳爪同埋啲醬汁嘅夾滋味好夾，令人一試難忘。🥗泰式青木瓜沙律：木瓜爽脆，醬汁酸辣，好開胃。花生香脆，令人一食難忘。🥬生菜包：生菜包住肉碎，清爽健康，醬汁夠香濃，真係一款好滋味嘅小食。🧋 泰式奶茶：味道好香濃，餐廳調配少甜口味唔會太甜，唔洗擔心用煉奶會太甜。篤篤船麵嘅菜式真係不錯，想食泰國船河既人可以一試再試，唔洗一定去九龍城食到正宗既味道。📍 篤篤船麵 (V Walk) (深水埗)📍 深水埗深旺道28號V Walk 2樓L2-147號舖

今日同frd行到V walk想食啲泰國平價粉麵，見到呢間都幾多人幾好生意，感覺應該都好好食，嗌咗個豬頸肉金邊粉幾好味，都幾熱，泰式奶茶幾夠奶味，不過要小冰先適合女仔飲

泰式豬頸肉湯河$65 (+$10轉冬陰功)豬頸肉都幾多，爽脆而且有D焦香，金邊粉勁多，食哂會撐起成個肚仔~ 冬陰功就麻麻地，偏酸，甜味同檸葉味差咁D，唔係好值得加錢轉湯!炸魚餅 $20/3件不過不失，魚餅唔大件，但勝在juicy。

呢幾日比較忙，所以現在先有機會寫返早兩天的食評。下午嚟到v walk食午餐見到一間泰式船麵便入去試試。中午時間人流都很多，坐好之後就用q r code點餐。我點咗個泰式豬手飯午餐，加一杯泰式凍奶茶，大約五分鐘便送到上檯都相當之快，先試試豬手，肉質嫩滑豬皮食落有點咬口，兼夾煙煙韌韌非常之好味，跟住再點上去隨碟附送的一個醬汁，酸酸辣辣令人食氣肥美的豬手是不會感覺很滯口，呢個是值得推介的，泰式凍奶茶同在泰國飲到的味道差不多茶味香濃，回頭率80%。

🍴什錦船湯河 $65💁🏽‍♂️幾好👩🏻什錦好抵食，好多配料，有肉，豬肉丸、魚蛋、豬紅，湯頭似腩汁鮮甜😋🍴泰式香茅雞翼清湯金邊粉 $58💁🏽‍♂️你個個清好多👩🏻雞翼分邊即炸起，熱辣辣。金邊粉比湯河爽口有口感，清湯適合想清淡啲嘅朋友仔🫶🏻🍴炸魚餅 +$20 3件💁🏽‍♂️偏細件👩🏻香口有少少辣味，偏薄身略嫌稍甜口感

24/1/2022大年初三食左垃圾，d麵又硬，野食又黎錯晒，仲要催左6-8次都未有野食到，隔離檯仲要嘢食都唔等直接走人，d員工口罩都唔戴係度包食物分配食物，無聊服務態度，食物質素同衛生都負評，絕對冇下次！！！！！！