篤篤船麵 (V Walk)

營業中

休息中

晚市叫左個船面+凍零茶$85男仔泥講我比較細食 所以都啱啱好飽肚如果大食少少就肯定唔飽味道我覺得只屬正常範圍唔難食 但稱唔上好味最唔滿意係個男職員態度我入座時（20:11）講左3位朋友遲到 我食完自己果份就係度等佢地（20:30）個男職員好大聲 肯定成間鋪都聽到嘅聲量 「先生 你其實一個人係咪？我地last order la」我同佢講3位 不過朋友泥緊佢俾左一個好唔滿意嘅眼神我 「我地9:30清場架啦」老實講 如果係好友善咁講我唔會燥但一定 一定唔會再泥呢間鋪 貼錢買難受

今日約咗個朋友去V·Walk食lunch，就試吓呢間一路想試嘅船麵，我哋不約而同揀咗午市套餐：花膠冬菇船麵（米粉），配凍泰式奶茶，$68。餐廳環境尚算不錯，坐得舒服。個船麵份量偏少，但對我個人來講好適合，因為我比較細食，男士就要有心理準備一定要加底。我揀咗小辣，幾鍾意湯底嘅味道，有一啲細細片嘅花膠，冬菇都入味，蘿蔔炆得好林無筋，唔錯～我都幾鍾意個泰式奶茶，雖然好肥...........總括來講，呢間比較適合細食嘅女士，都值得再encore~

今日喺V walk做完野都8pm, 就喺附近搵野食。朋友貪心的小狗，想一次過試哂唔同既野，嗌左5碗細船麵$55，每碗2舊餸，可以自選麵、湯、餸。我就嗌左大碗既泰式豬八戒麵$58，有豬皮、魚旦、豬大腸、豆卜，車仔麵既餸好似好味啲，湯麻麻地。另外嗌左四色拼盤，有蝦餅、魚餅、春卷，$60，還可以啦。黎泰式餐廳點可以唔飲泰式奶茶，而家做緊promotion，響IG打卡可以平$10。正常發揮，不過夜晚唔敢飲太多，驚瞓唔着LOL總會來講都算唔錯，可以一試。

今晚懶啲，諗住食下外賣。見到樓下船麵有外賣自取七八折優惠就揀佢啦💛 之前試過堂食味道OK，不過今次真係非常失望😞！叫咗碗香茅豬扒湯金邊粉，啲粉得少少，我諗一個幾歲嘅小朋友食都唔會夠飽⋯⋯豬扒味道OK不過比較乾，揀咗雞清湯 - 味道好似加咗少少雞粉嘅水⋯⋯另外叫咗泰式鳳爪、生菜包、海南雞拼泰式燒肉飯，莫講話味道，見到個賣相都唔想影啦～泰式鳳爪正常、生菜包味道唔係太正宗，幾匙羹嘅份量入邊有起碼一至兩隻指天椒🌶️、個飯呢又凍又硬，燒肉好乾、海南雞似係隔夜又有羶味⋯⋯真係唔識形容。已經攞完外賣即刻返屋企，溫度都唔係好keep到兩個人折實後叫咗$158，食唔飽，之後仲要買其他嘢食，真係暫時都唔會再食住啦⋯⋯希望餐廳加油啦💪🏻唯一讚嘅就係店員態度都OK嘅🤷🏻‍♀️

上次食過荃灣分店，今日又想食泰國嘢，見到V walk有呢間就過咗嚟。今次食大碗特色船麵，就一於試下牛魔王和豬八戒，湯底揀咗牛辣和冬陰功湯，食物質素一如既往的滿意，加上旁邊的泰式配醬 魚露 是拉差等等，環境的佈置亦讓你有回到泰國的感覺

篤篤船麵📍深水埗💛💛💛💛💛黃色經濟圈💛💛💛💛💛 當自己去左轉Bangkok 之細細碗船麵🍜🌟- - - - - - - - - - - - - - - - - - - - - - - - - 🌟 有去過泰國，一定識細細碗船麵，每次都食成7,8碗😂呢間篤篤船麵有一大碗麵叫，亦有好多combination嘅細碗船麵嗌，感覺好有泰國風味☺️不過佢唔算好正宗，比較港式喔，有d似車仔麵😂 一碗一個餸🤣🤣又牛展又豬腸又魚餅😂有米粉、河粉、檬粉等等揀🤣湯底都有好多款選擇，等你可以一次過mix and match好多款唔同嘅combination👍🏻 個人比較推薦普通牛湯同豬湯，湯都幾濃👍🏻 當然唔可以同泰國味道相比，不過lock down黎講算好好lu🥲

唔係好多人，等一陣就有位 我叫咗一個五碗船麵， 同行友人就叫咗四碗船麵。有張紙畀你剔要咩湯底、咩麵、咩餸;其實都好嘅因為可以有五個選擇， 好似同一時間可以食5樣嘢咁，不過真居係好細碗，其實食5碗都係唔係好飽冬陰功湯底唔夠辣， 牛湯豬湯冇乜特別。食下食下都唔知邊個湯底打邊個湯底。配料選擇唔係好特別都係紮肉、魚蛋、 魚片、牛肉， 感覺好似全部都係雪藏嘅咁。食到第四碗嘅時候感覺好似自己食緊車仔麵， 唔係唔好食，不過感覺係食一次就夠，下次可以食其他嘢

通常在香港食泰国食店，都好難覺得唔好，但今次真係……叫咗個拼盘（虾餅，鱼餅，炸春卷，蓆虾），每様得两舊迷你型，炸物偏較油，令到食品偏軟，無咗香脆口感，又細碟（$60）豬手大碗船麴，牛（$58）有細碗及大碗，我叫咗大，Size根本只係我哋平时食碗粉嘅尺碼，豬手口感偏淡，唔太（lam）,唯獨個牛湯……算可以，但CP值不高生虾（$58）無冰放底，就咁一個碟送上，生虾下面已有冷水流水……唯獨是服务態度尚可，不过，食物質數較不合，相信未必会考虑再光顧，因商场都有很多可以選擇一間較令我失望嘅泰国餐厅

V Walk位於南昌站上蓋，2019年7月開幕。雖然唔算大商場，但都有唔少餐飲選擇。與其食大型連鎖店，不如試下只有2間分店既篤篤船麵好似比較特別！船麵係泰國地道及著名的麵食，就好似香港車仔麵咁。湯底、麵底、配料全部都可以自己揀。淨係湯底都有7,8種：牛湯、豬湯、牛辣湯、豬辣湯、冬陰功湯、牛清湯、雞清湯、彩虹湯。除左有一般預設份量，食量大的話可選擇4-5碗細船麵套餐。每碗屬迷你SIZE，可以拼砌唔同口味。🔸泰式牛魔王 $48餸料包括：肥牛、牛丸、牛柏葉。每樣少少，略嫌份量少。其餘附送豆卜同蘿蔔，好吸味，唔錯。我選擇了金邊粉配冬陰功湯。湯底有冬陰功味，屬於淡身，唔似平時食泰菜飲湯個種咁濃味，食唔出辣。🔸細碗船麵 （每碗 $13/ 四碗 $48/五碗 $58）細船麵套餐自由度最大，全部都可以揀自己鐘意既組合！每碗餸料同麵底份量不多，賣相未算吸引，放哂4-5碗係枱面都幾誇張。🔸蝦餅 $16 / 🔸薄脆 + 炸豬皮 $8小食價錢幾抵食！$8 - $60都有，份量唔太多，可叫一兩樣嚐下。蝦餅熱辣辣炸起，面層酥脆。唔係好厚，咬落彈牙，好食！炸豬皮炸到同薄脆差唔多口感，同朋友吹水飲啤酒配依碟唔錯。

星期日同老婆去南昌站v walk 食午餐，呢個商場已經嚟過幾次，之前都見過呢間餐廳，但都冇入過去幫襯 ，今次終於可以試一試呢間篤篤船麵， 裝修風格令人真係覺得好似去咗泰國咁， 我同老婆兩人分別叫了泰式豬八戒湯麵和自選三味湯麵。泰式豬八戒湯麵，入面分別有豬腩片，豬肉丸，扎肉，我哋要了檬粉和牛肉湯。 豬腩片冇乜味道，豬肉丸都算彈牙， 扎肉有少少辣味，湯底都好重牛肉味。自選三味分別選了炸魚蛋，牛腩，牛肚，金邊粉和彩虹湯(要加兩蚊)， 炸魚蛋吾彈牙，牛腩牛肚都係一般大路味道， 反而係個彩虹湯飲落有小小甜甜酸酸辣辣咁幾好味。2碗湯麵最好食都係個湯底， 但無論係粉麵還是餸菜份量都真係偏小。

飛唔到去曼谷，唯有食下泰國嘢☺️呢間分店好少人唔使排隊就入到。選擇好多好啱一班人食💁🏼‍♀️上菜速度好快👍🏻細細碗可以試好多隻味☺️☺️☺️牛清湯河粉最好食😋

We walked pass Vwalk and wanna have something quick and easy so we picked this.Their price is reasonable but their food is just so so.Their snacks was free but full of oil as can be seen in the picture.....and the oil seems to be used for many times already by looking at their colour.....Well, I don’t think I will order their snack again...Noodles wise, if u wanna eat some portions in different flavour, you could try!!

第一次咁後悔無睇清楚食評貢左入去......今日因為太肚餓，無睇OpenRice 食評之下，俾佢個餐牌嘅相同價錢吸引左入去。兩人叫左一個海南雞飯同一個超級牛魔王飯。海南雞飯一黎到真係嚇親我地😨個樣好似煲完湯拎番上黎咁，一啲黃色都無，係灰灰白白甩晒皮咁都算，但係係配生抽+葱蓉都有啲怪啦😑食落係真係乜味都無，配個湯係所有嘢入面最濃味，味精重到飲完一啖勁口渴😑😑牛魔王餓餐牌寫到推介咁，諗住會正路啲，點知好似白洽牛雜咁...頂唔順落左勁多魚露同辣椒粉調味先勉強食完兜嘢。比較之下佢跟set個通菜都ok 嘅，雖然都係無味但已經係除左白飯之外所有嘢入面最正路😐😐😐總結：可一不可再，極伏😵唯一好處係間嘢唔貴😐

叫左牛魔王飯58蚊，結果送餐上黎見到既係一碗水煮無鹽無味牛雜😑，而且牛少得可憐，得兩三舊，其他都係啲豆卜蘿蔔肉丸，完全唔明點解叫牛魔王。真心呢個價我去食街邊牛雜仲開心。另外上左通菜，都係水煮加無味（佢比左個鼓油，最過分係鼓油都無咩咸味）好老實講，我 絕對唔係一個重口味人士。我黎既時候佢地冇曬飯，個飯係問隔離店借，不作評論。btw個餸沒左只蛋，佢地話送野飲，但都係改變唔到難食既事實。總之黎過一次，我以後都唔再黎。完。極難食。完全真實評價

篤篤船麵，聞名已久，但地點雖不遠卻不太就腳，固拖至今天放假才來會一會他。船麵五碗$58可享受到五碗不同湯底不同配料的泰式船麵，對於貪心，想一口氣滿足所有願望的人，實在沒有抵抗力。1. 鴨血/冬陰公/米粉2. 豬膶/牛湯/全蛋麵3. 豬腩片/雞湯/金邊粉4. 牛腩/牛清湯/薯粉5. 牛百葉/牛辣湯/河粉整體來說，份量是可以接受，畢竟是船麵，你也不會期待要靠他吃飽肚子。味道來說，只有牛清湯不錯，其他不過不失，冬陰公實在無法接受，酸、辣、蝦味皆沒有，令人費解。可以一試，畢竟價格不貴，還算有特色，可以自己答配。超級牛魔王船飯$58，看到有特別推薦，就選他了。上菜的時候十分驚喜，份量很吸引。看起來很可口，但又一次讓人有點失望，實在沒有味道...。當然旁邊有很多醬料可以幫助調味，但我所說的沒有味道實在不是清淡，而是真的沒有味道。不要點這個，除了可以吃飽外，實在找不到再點它的理由。泰式墨魚$19爽脆口感，冰涼，味道還不錯，這價錢也沒什麼可以挑剔。泰式酸辣無骨鳳爪$19口感依然是爽脆，但同樣是0味道，不辣不酸，就算是$19很便宜，也真的十分不建議試這個。整體來說，價格及份量是可以接受的，可以吃飽的，但