築地日本料理 (金百利廣場)

營業中

休息中

又去食日本料理今次揀咗銅鑼灣呢間築地日本料理，好方便相當近地鐵站出口，當日是平常日子都有好多捧場客，我覺得食物質素好價錢合理滿意！👍👍日本芝士年糕滿滿的芝士！炸到金黃色恰當好靚而且外脆內軟滑$38牛油果明蝦沙律賣相好靚牛油果配搭大蝦好食又健康$78中華冷麵配料夠多有日式义燒、蟹柳條、雞蛋絲及青瓜絲蘸上芝麻醬食夠凍又Fresh$78好想食海鮮鍋但食唔到辣侍應殷勤地提議將地獄海鮮鍋轉豬骨湯底🙏海鮮加豬骨所以湯底特別清甜！$98海膽帶子卷大大的帶子加上海膽，這份壽司食落好有層次濃濃的海膽香味滲透嘴巴十分正👍👍$68

睇評價這店都唔差所以打電話訂枱,下午兩點後一直都沒有人聽,之後有人cut線就打唔通,唔知是否四點後才有人接聽就book到了！今次點了個特上二人餐整體感覺非常差,天婦羅好油,個和牛炒飯無味,要自己加豉油調味,他們可能要返枱所以出餐非常快，都未食得切張枱以堆滿食物😒

平日晚上約朋友吃飯，7點到達餐廳，好彩早少少到場，因為餐廳平日都滿座！點了二人套餐 $298十分豐富！全部course都可以自選配搭～前菜：牛舌&大碗沙拉主食：石頭鍋飯&壽喜燒飲品和甜品各可選兩款！味道正常諗唔到食咩就去呢間啦！

餐廳位於銅鑼灣金百利,”築地”木造招牌令我感覺猶如置身於日本漁港市場,而且仲一直播放住動漫主題曲,超級有feel!食物選擇多多,有魚生丼,各款烏冬,揚物等等,晚餐都只係人均$150內,cp值滿滿~炸物什錦 Assorted Fritters $623款炸物-甘粟紫薯餅,蒜香炸薯條,炸雞軟骨,由於係即叫即炸,上菜時仲保持香脆,特別係炸雞軟骨,內裏超juicy,拈上蛋黃醬更香口!而紫薯餅選用日本紫薯蓉再加入甘栗粒製成內餡,非常足料,無絲毫油膩感口味,好推介!三文魚親子丼Bowl of Rice topped with Salmon Sashimi $115餐廳用上新鮮三文魚刺身及三文魚杍製作親子丼,厚切刺身口感柔嫩,而魚杍帶有少少海水鹹味,鮮味十足!

放左工，平平地想食下日本野可以一試，呢間餐廳既好處係除左基本既壽司/刺身之外，仲有鍋物，岩晒依家涼涼地既天氣食，而且，一個牛肉鍋都只需$88，超抵食，仲叫左個三文魚海膽飯，只需$110，三文魚係厚切既，海膽同三文魚都鋪滿成個飯，認真抵食。不過如果想同朋友傾下計既話，呢間可能未必係你既選擇，因為坐位比較迫，唔算坐得特別舒服。所以按你個日既行程，再睇下食邊間餐廳吧!

20/10/2022 Dinner 大約1900食飯時間一行入門口就有waitress帶入位，一人不用等。叫左個辛海鮮拉麵🍜，一份三文魚刺身，一件香芒腐皮三文魚壽司（因少見腐皮match三文魚）。等左十分鐘內時間上菜。侍應上菜速度快。三文魚刺身$52 （一份四件）暫時係我食過最不用咬。冇腥同厚切。上菜多冰上。溫度夠。必食！香芒腐皮三文魚壽司$16一件。覺得少貴但真心好食 芒果味好mix到腐皮同三文魚，意想不到， 個海鮮拉麵🍜湯底辣而不油，我本人少可食拉麵連湯飲都飲左，拉麵既溏心蛋perfect，真正溏心！麵有帶子 蝦🦐微微不足湯味冇海鮮味，海鮮偏少，但以價格實必定滿意！刺身主打，非打手

今日嚟到金百利廣場覓食😛富山便當🍱一個好豐富嘅便當set：有三件腐皮壽司，上面各自都有唔同嘅配料，口感亦都不盡相同👍🏻 再配有新鮮嘅刺身，同埋凍烏冬～ 食落幾滿足地獄海鮮鍋🥘雖則叫地獄，但係食落去都唔辣👍🏻 , 只係熱辣辣嗰隻辣😂 ，依家天氣轉涼，食落去真係好爽～ 入面嘅配料有蝦、青口等等既海鮮🦞 ～配料嘅份量都OK～ 啲豆腐都偏向滑身～叫午市套餐仲可以用優惠嘅價錢追加各樣小食☺️👍🏻 但晚市食物嘅選擇會再多啲，下次夜晚再嚟😆

叫咗個便當 懶佢咩都有 感覺新鮮幾好拉麵我感覺就同出面啲味千拉麵差唔多呢間野以前覺得最抵食就係小食啲人嘅服務態度都唔錯 以前一定要嘅牛油雞翼 稍為退步左少少牛油味冇咁勁炸餃子就一樣都係咁脆依家覺得最抵食就係隻糖心蛋但係午餐/下午茶普遍就已經抵食過晚市勝在多選擇 價錢又唔係話好貴

依橦嘢裏便都幾多食肆咁岩揀中左呢一間，店內嘅裝飾都幾特別有少少香港Mix日本嘅風格打開個下笑左出黎，要影低開心share 下🤣佢嘅芥末竟然差成一個波咁🙈🙈我哋揀咗一個二人餐，裏便嘅食物都好豐富，我影咗其中一部份俾大家睇。串燒係必跟嘅，有燒菠蘿雞翼同埋呢個雞肉串，菠蘿表面望落好乾，但係其實裏便好Juice，酸酸甜甜。雞翼每人可以分到一隻，雞肉串其實都好長，share都OK海鮮野菜天婦羅份量超級足夠，有番薯條，而且我仲食到元貝。味道幾唔錯，幾驚喜兩個人分都好大舊。。沙律二選一，蕃茄係去咗皮嘅蕃茄，醃過的，酸酸甜甜，中間嗰個係醃過嘅梅子，整體好開胃主菜我揀咗個韓式拌飯，佢個韓式辣醬係另上，我幾欣賞，因為我唔係特別食得辣。其實本身個菜係豬肉嚟嘅，但係餐牌話可以換成雞髀肉，所以我就轉左，上嚟嘅時候仲好熱，所以大家要小心啲，唔好掂到個碗呢個餐每個人仲可以有一杯特飲，唔洗另外加錢！我揀嘅係白桃梳打，味道唔會超級甜，飲落啱啱好仲要每人有一個甜品，我揀左牛奶布甸，奶味好香醇，唔會太膩，值得一試另外我哋仲叫咗個甜蝦，d 蝦比我哋想像中大隻我覺得依間餐廳嘅性價比幾高，普通食一餐晚飯算係唔錯嘅選擇

今日同一個好耐冇見嘅朋友，約咗喺銅鑼灣食飯！結果揀咗金百利商場嘅築地！其實好多年前食過一次，印象中都幾好食，地點又方便！由於我六點幾就到，冇乜人食緊！仲擔心緊會唔會好伏？打開個menu見到有二人餐，覺得好似幾抵食咁！再多個甜蝦刺身，應該兩個女仔都夠食！結局我哋食唔晒㗎！埋單重要$400有找…1. 冰梅蕃茄沙律啲菜同蕃茄都好新鮮，但係因為加咗蕃茄同梅，怕酸嘅朋友仔就要留意吓啦！我就覺得作為前菜，酸酸甜甜幾開胃！2.海鮮野菜天婦羅呢個天婦羅睇個賣相都嚇死我！真係唔知從何食起！其實我都唔知入邊有啲乜🤣淨係食到番薯同埋帶子！但係份量十足食極都食唔晒！同埋係幾好味嘅！3. 牛肉野菜壽喜燒壽喜燒就有十片牛肉豆腐蔬菜粉絲溫泉蛋等！加埋大大碗白飯！4. 牛乳奶凍+ tiramisu甜品比我想像中出息！唔會太甜！5. 特飲-巨峰乳酸梳打味道正常算係大杯！呢度環境都幾好，坐得又舒服！下次再嚟可以試吓特上二人前！好似都幾吸引！

疫情咗咁耐，思鄉病又發作，今日去到銅鑼灣睇下有咩好嘢食，價錢不太貴所以就貢咗上嚟金百利既7樓築地日本料理。冇諗過喺疫情咁嚴重嘅情況下e間餐聽依然咁爆，，應該有番咁上下吸引力先會有咁多人，一打開個menu好多選擇花多眼亂攪我都唔知食咩好。揀咗好耐最尾嗌咗個海之逸魚生丼，一個牛油果軟殼蟹卷，一個燒牛舌，一個芝士雞卷，一個板燒香蒜牛舌同埋一個牛肉野菜壽喜燒。魚生丼不錯，生鮮，，分量足夠，而且價錢唔合理，，軟殼蟹卷不錯，，脆口，，芝士雞卷都好正，，，岩哂我呢d愛好芝士既人，燒牛舌口感不錯，味道幾好，，，而個板燒香蒜牛舌，，超厚，，好有咬口，，而個牛肉野菜壽喜燒都不錯，，，分量ok,整體食物真是很不錯，幾百蚊食左甘多野，中要係銅鑼灣，！！抵食

築地日本料理 (銅鑼灣)今次黎食日本野，環境乾淨，價格合理。自選築地刺身定食 ($108)呢個刺身定食一共可以選5款刺身，每款刺身都有兩片。我就選左劍魚腩、油甘魚、甜蝦、赤海蝦同海膽，其中甜蝦同赤海蝦鮮甜，海膽也好大塊。地獄海鮮鍋 ($70)辣度唔算太高，怕食辣既朋友都可以一試。用料豐富，有豆腐、粉絲、娃娃菜、金茹、蝦、蜆、青口，送飯一流，係飽肚之選。炸餃子 ($12)糖心蛋 ($8) 牛油雞翼 ($10) 我地仲加點左幾款小食，價錢合理，味道唔錯。提拉米蘇 ($12)

銅鑼灣食魚生飯，無$130都落唔到樓，但呢度竟然$76搞掂重有湯有茶飲。呢間店係金百利樓上細細間，入到去用手機掃QR code落單，我揀左個三色魚生飯，有三文魚、油甘魚同劍魚腩各2片，再加左$8要一件赤海蝦。首先黎左碗麵豉湯，再黎左跟餐送嘅熱檸茶，主角魚生飯上枱，睇落色水有啲啞色，三文魚好乾瘦，油甘魚同劍魚腩都一樣咁乾瘦，加嘅赤蝦亦都好細隻，同埋所有魚生都無乜味，而且有啲薄，不過$76都不能要求太多。可能下次試下啲熟食會好啲

今日下就要睇醫生，睇醫生前醫飽果肚先。金百利商場就夠多嘢食，天氣咁熱，想食個魚生飯，所以揀左呢度。門面唔算大，但內裡都唔少位。裝修日式，見到牆上壁畫係用日本築地市場做背景，又幾有日本feel。餐牌勁多嘢食，樣樣都好吸引，真係好難揀。最後我就點左魚生丼，兩件壽司同埋甜品。海之逸魚生丼：賣相幾好，魚生有三文魚、北寄貝、油甘魚、帶子同甜蝦 ，另外仲有蟹柳同埋玉子等。魚生幾新鮮喎，飯份量都唔少，呢個魚生丼係有水準。帶子海花之戀：成個壽司用帶子包住，加埋海膽一齊食，口感豐富，兩樣都燒過，食落比較香，大滿足。赤海蝦壽司：呢個都好食，味道正正常常。鐵板綠茶Brownie：睇到已經好想食，剛焗起，上面綠茶雪榚凍冰冰，下面Brownie就熱，淋上綠茶，配埋旁邊蜜糖脆脆食，整體甜，味道夾，食完口裡面仲留有Brownie果種甜味，但又唔覺得好甜，好好食。

-之前已經食過印象中係幾好味又抵食所以回頭👍🏻星期六夜晚去食，好彩未算多人唔使等位/(卷物三款)—海膽帶子卷——青龍——牛油果軟殼蟹卷—/全部卷物都幾好食，配搭幾好海膽同帶子都幾新鮮包住嘅炸物都係脆身同有溫度👍🏻/(炸物兩款)—海老天婦羅——一口炸豆腐—/炸物天婦羅係新鮮熱辣辣唔好即刻食太熱氣一口豆腐體積都大，要幾口先食得晒🤣/—板燒香蒜牛舌—板燒牛舌係原個鐵板上枱來到嘅時候仲滋滋聲店員都有細心提示我地要小心唔好掂到塊鐵板🥰牛舌份量好多，但可能過熟略嫌有啲硬身/—金菇牛肉卷—超級推介！牛肉好有牛味又唔係乾身牛肉，咬落仲有肉汁另外份量都好多👍🏻Share食岩岩好😘/—雞翼（串燒）—只落左少量鹽調味，比較啖口方便大家自己落七味粉呢啲調味料/非常性價比高嘅一間日本料理餐廳去銅鑼灣都用到呢個價錢食日本料理都算一個好選擇👍🏻👍🏻