竹面譜

營業中

休息中

開張冇耐已經吸引我眼球，呢個地段、呢個價錢，A5和牛？？點可以唔試吓。夢王和牛丼 - 鹿兒島的A5和牛、日本神戶夢王蛋，聽到都已經覺得高質，但只係買平民嘅價錢。油香滿滿嘅和牛加上蛋香濃郁嘅夢王生蛋，配飯真係一流。蒟蒻麵 - 爽彈零卡嘅蒟蒻麵配上粟米粒同紫菜，清甜健康。仲可以自選配雞胸/豬頸肉/鴨胸。鮑汁冬菇花膠鍋 - 又花膠又冬菇，只係60幾蚊，而且件件都幾大件架。配上關廟麵，係台南特色嘅麵食。一路加熱住，特別滋味。胡椒豬雜鍋 - 豬雜一啲臊味都冇，處理得好好，蘿蔔好甜好腍。個人覺得如果胡椒味再濃啲就更好。炸物系列 - 呢度嘅炸物小食係受歡迎，我哋都嗌咗幾款。我自己最鍾意炸韭菜餃。韭菜餡好豐富，咬落係滿滿嘅韭菜香，而且好脆口。另外炸鮮奶都好好食，外脆內嫩，而且鮮奶餡嘅甜度剛好。飲品方面仲有自家製涼茶：清心火/金銀菊花薏米/去濕茶，仲可以選擇微糖或無糖添，非常健康。

上網見到太子呢間小店，佢嘅鹿兒島A5和牛丼配上日本新鮮嘅夢王蛋，外貌太吸引而且只係$68，所以今日放工一於嚟試吓🤤原本諗住快快脆食個牛丼就走，嚟到先知原來menu咁豐富😳最後我同朋友叫吓又一款叫吓又一款❣️夢王鹿兒島A5和牛丼 ⭐️⭐️⭐️⭐️⭐️上枱賣相極之靚😍鹿兒島和牛份量好足，配埋橙黃色嘅夢王生蛋，和牛入口肉味濃郁，有化開嘅感覺，加少少秘製醬汁，將所有材料一齊食落口係極之滿足！夢王蛋可以單叫，如果同朋友share嘅，不妨叫多一隻，咁先最滋味👍🏻香辣肉碎 ⭐️⭐️⭐️⭐️⭐️貪得意諗住叫嚟撈飯食，估唔到味道咁好，肉碎十分惹味唔會太辣，用嚟撈飯真係一流👍🏻柱候牛筋 ⭐️⭐️⭐️⭐️⭐️冇諗過原來係咁大碟😳我諗呢個係我食過最軟腍嘅牛筋，一咬入口已經知道廚師俾咗勁多心機去整呢個牛筋，每一啖都有滿滿嘅骨膠原，仲有白蘿蔔喺底，性價比極高，推介大家必叫❣️鮑汁冬菇 ⭐️⭐️⭐️⭐️⭐️冬菇係其中一樣抗拒唔到嘅食物，呢度嘅冬菇炆得好腍好入味，但係建議大家唔好眼闊肚窄，因為佢份量真係幾多，好在朋友係大胃王🤭上湯浸蘿蔔 ⭐️⭐️⭐️⭐️⭐️白蘿蔔極之清甜而且冇渣，食咗咁多濃味嘢飲返一啖清淡嘅上湯，入到喉嚨感覺極之舒服😌炸鮮奶卷拼炸韭菜餃 ⭐️⭐️⭐️⭐️⭐️好耐

和牛丼、夢王蛋⋯都係貴價日本餐廳先聽到嘅名詞？係呢間太子嘅小店都可以品嚐到！絕對價廉物美🙌🏻✨夢王和牛丼招牌菜，當然要試試。選用鹿兒島的A5和牛同日本神戶刺身級別嘅夢王生蛋，品質絕對有保證。煎至約5成熟嘅和牛舖係飯面，油花豐富，入口係滿滿牛香。面頭再加上蛋香濃郁嘅夢王蛋，真係可以食晒成碗飯🙌🏻✨鮑汁冬菇花膠鍋大大件爽彈花膠加上厚厚嘅冬菇，都只係60幾蚊😳伴以台南特色關廟麵，就算一路加熱住都唔會容易爛，喜歡嘅仲可以額外加配料。✨蒟蒻麵啱晒素食人士。湯底清甜，有粟米粒同紫菜，配以Q彈蒟蒻麵，係健康之選。我就加埋留心夢王蛋～✨炸韭菜餃/炸蜆蚧鯪魚球/香茅炸雞翼/炸花枝丸呢度嘅炸物真係做得好出色！而且每款炸物仲配以不同嘅醬汁，好貼心。尤其喜歡炸韭菜餃同蜆芥鯪魚球。前者一咬係滿滿嘅韭菜餡，非常香。外層炸得金黃香脆；鯪魚球大大粒好彈牙，而且蜆蚧醬汁調味剛剛好唔會過鹹。✨脆炸鮮奶卷大大力推薦！勁好食！順德名物，外層酥脆，但咬落就係熱辣辣滑嘟嘟嘅牛奶餡，再蘸埋煉奶，就算飽都要食呀！飲品方面仲有自家製涼茶：清心火/金銀菊花薏米/去濕茶，仲可以選擇微糖或無糖添，非常健康。

夢王A5和牛飯配太陽蛋$68估唔到喺粉麵舖竟然有A5和牛飯食，仲配有夢黃蛋，價錢竟然只係$68！一嚟到和牛竟然唔孤寒有好多塊，好濃牛味夠晒腍，之後用夢黃蛋配豉油食飯，好有濃香蛋味蔥油孖蛋百搭飯$39+15厚切餐肉配流心蛋餐肉煎到好香，仲要非常厚，啖啖餐肉非常正，仲有日式嘅流心蛋好滋味香煎雞扒太陽蛋撈丁$48香煎雞扒非常之入味，小朋友係咁攞嚟食， 跟住用太陽蛋嘅蛋黃撈丁，好夾炸鮮奶拼炸雲吞$42炸雲吞都幾大粒，入邊有兩隻蝦添，配上泰式甜辣醬真係夠晒滋味炸鮮奶小朋友👧都主動係咁食😊腐乳通菜腐乳通菜煮得夠爽，腐乳味香上湯蘿蔔呢個蘿蔔真係非常之入味，又夠腍仲細心加左啲薑絲冇咁涼金銀菊花薏米涼茶有得揀微甜或者無糖，我揀微甜真係唔錯，清清哋唔太甜🍱竹面譜 (太子)📍太子荔枝角道68號地舖

這間竹面譜是我的Remarks系列的其中一間，因價錢相當親民、食材優質，去開太子真是要行過來到訪一下。🛍️👫🍽️✨ 夢王和牛丼（$68），雖然這店是一間港式小店，但為迎合香港人喜愛食日本料理，餐廳特意推出和牛丼飯，價錢相對平，吸引了不少附近的街坊過來光顧。餐廳選用了鹿兒島的A5和牛和屢獲殊榮的日本神戶刺身級別的「夢王」生蛋作為食材，和牛兩邊煎至5成熟，每一片切得薄薄舖在飯上、和牛的降霜均勻，肉質嫩滑，加上生蛋的蛋香濃滑加入了和牛和飯之中，整碗飯的配搭簡單，令人有一份滿足感。🥩🥚🍚✨ 鮑汁冬菇花膠鍋（$68），來都這店的必食另一皇牌就是這個花膠鍋，價錢同樣好親民，麵底幼滑，伴隨著花膠、鮑魚片、冬菇，花膠的數量仲有成4塊，質感爽彈、膠質豐富，相當足料。因花膠和冬菇都是用鮑汁浸過，陣陣鮑汁滋味。周邊配料可自由加配，我就選了牛筋丸(+$10)，牛肉味香濃，夠哂爽口彈牙。整個鍋都是邊食由個火熱住，湯底越煮越濃，熱辣辣咁食真是回味無窮。🍲🍜🍄‍🟫🤩✨ 脆炸鮮奶卷（$28），來自順德直送的名物，外皮炸得超級鬆脆，筷子都要小心夾，太大力都會散，中間的鮮奶軟嫩甜滑、入口即化，再點上煉奶，令炸鮮奶的香甜味更勝

//01 10 24 晴天🌞16:30 太子 荔枝角道@cheukminpo港式麵店大變身 ☺︎聽到「竹面譜」呢三個字，咪以為係傳統港式粉麵店，查實佢哋好多元化。最近，就推出咗款「日本夢王和牛丼飯」，採用鹿兒島𝐀𝟓和牛 & 日本公投刺身蛋拌飯第一名「夢王蛋」，再配以佛心價，結果正式成為「太子區」𝘊𝘗值最高嘅優質小店啊🎖️~~🔻夢王和牛飯 (生蛋) HKD$68ꕀ夢王蛋蛋黃飽滿 蛋香味濃 呈鮮橙紅色非常吸引和牛肉質柔嫩 油花豐富 為口腔帶來溫潤口感 而附帶嘅豉油更做到提鮮嘅效果 當佢哋加埋一齊 用嚟撈飯 簡直滋味滿溢 以呢個價錢 性價比真係超級超級高 🔻夢王烤豬頸肉飯 (生蛋) HKD$56ꕀ豬頸肉烤得焦香 食起嚟爽彈 唔肥膩襯埋泰式酸辣汁 酸酸辣辣嘅感覺 惹味又開胃加埋夢王生雞蛋撈飯 堪稱完美🔻紫菜三寶湯 HKD$44ꕀ相當出色 海量級紫菜 兼有齊魚片、牛丸、花枝丸三寶重點冇落味精 湯頭鮮甜順口 果然係真材實料🔻炸雲吞(3件) 拼炸墨魚餅 (3件) HKD$44ꕀ炸雲吞脆卜卜 內餡蝦肉多墨魚餅鮮味十足 厚身𝘘彈 再蘸上甜酸辣醬後 啖啖都𝘺𝘶𝘮𝘮𝘺 𝘺𝘶𝘮𝘮𝘺🔻炸奶卷 (4條) HKD$2

太子真係美食集中地(⁠◍⁠•⁠ᴗ⁠•⁠◍⁠)⁠❤最近同老公去了一間小店~竹面譜😋😋🫠⭐夢王和牛飯⭐牛肉鮮嫩多汁，搭配夢至王生蛋黃的濃郁口感，讓每一口都充滿了無比的幸福感。飯粒吸收了肉汁和蛋汁，香氣四溢。⭐夢王烤豬頸肉米粉⭐豬頸肉的烤得剛好，外焦內嫩。流心蛋有著濃郁的蛋漿，好豐富的口感。⭐凍清心火⭐這款飲品清新，微微的甜度剛好，感覺清涼消暑。⭐凍金銀菊花薏米⭐口感清爽，感覺非常健康。⭐鮮蝦雲吞 拼 牛丸⭐雲吞的餡料鮮美，蝦仁彈牙。牛丸多汁彈牙！⭐鮑汁冬菇⭐冬菇吸收了鮑汁的精華，味道鮮美，口感滑嫩。📍竹面譜太子荔枝角道68號地舖

行過見到下午茶款式幾多選擇，所以就試吓，見到有啲無跟澱粉質嘅下午茶 就叫咗炸鯪魚球雙拼埋雞翼，跟餐加3蚊仲可以揀涼茶添，感覺健康啲又可以清熱氣。鯪魚球好好食，無乜溝粉唔係透明色，仲有鯪魚味，好大粒又彈牙，仲要跟埋蜆芥，隻蜆都好大隻，雞翼既脆入味又有肉汁，另外再跟咗醬，下午茶都咁有誠意，仲發現有2種辣椒油，一種係普通辣椒油，另一種係麻辣，試咗少少，辣度唔夠，2種都唔多辣，不過都算有誠意。下次同朋友嚟試吓花膠2人餐都幾抵咁。

竹面譜價錢💲: $68/ $56/ $44/ $18/ $18/ $42/ $10好味程度😋: 3.7/5服務🍴: 4.3/5環境🗾: 3.7/5性價比🥢: 4.7/5回頭率😚: 3.7/5-價錢親民的小店，有各類粉麵/飯，想健康的可以叫蒟蒻麵，唔想食澱粉的都可以叫淨食，無論咩年齡層都一定有嘢啱食。三十幾蚊有碗粉，五十幾食到花膠冬菇。-✅夢王和牛丼。呢個價錢都無咩要求。飯粒乾身分明。上面有幾片薄薄的和牛，都食到佢的軟嫩程度，同埋好香牛脂味😋粉嫩粉嫩！上面的蛋揀左溫泉蛋。可以見到入面咁橙的蛋黃流出來又唔會太生。同埋蛋香係特別濃郁🤩-✅鮑魚冬菇淨食。冬菇係花菇咁但無冬菇平時d紋路的😂唔係好厚，不過入晒味。花膠有幾條，骨膠原滿滿，呢個有口感d。-✅韭菜餃鯪魚球雙拼。超級大碗！6隻韭菜餃+2舊拳頭咁大的魚球😂韭菜餃皮薄，餡的韭菜多過肉，唔會有加肥豬肉的感覺😆但有d鬆散。鯪魚球有驚喜！味道唔腥‼️食到有陳皮、蔥等提味🥰如果可以加小小底味就會無咁淡。-✅✅烤豬頸肉。$18有4大片好平！豬頸肉有啖啖香茅味，完全唔覺肥膩！佢哋先蒸後烤，唔會好熱氣咁。都食到豬頸肉的油脂感🐽-✅✅瑤柱上湯浸蘿蔔。上湯幾鮮甜

碌社交平台 見到好多foodie 推介呢間餐廳，$68呢個價錢可以食到夢王和牛丼真係好吸引，lunch time 仲有$39 蔥油百搭孖蛋飯，真係糧尾恩物！坐低睇menu期間見到有唔少熟客，又聽到有客人稱主動向職員講「啲野好好食」，仲有人黎到剩係外賣炸物小食，所以就即管order 多啲，一試便知龍與鳳！🌖夢王和牛丼 $68蛋黃呈深橙色，蛋味香濃，完全唔會有蛋腥味，高級卵果然係高級卵👍🏻；和牛採用頂級A5和牛，油花分佈均勻，唔會太過油膩，口感非常軟腍🤤，仲有6️⃣大片，$68食到呢個質素真係無得投訴，如果係採用珍珠米就更perfect ～🌖豬頸肉撈丁 $48 厚切餐肉另+$18豬頸肉先蒸後煎，蒸煮期間將肥油迫出，所以食落爽口唔肥膩，但又可以達至焦脆嘅人感，高招高招🙇🏻‍♀️；豬頸肉汁非常惹味，望落貌似蔥油，實質內含蕎頭、蒜頭、芫茜、青辣椒等，味道較酸好開胃👍🏻。厚切餐肉真係好厚，足足有成隻手指咁粗，份量真係對得住呢個價錢！脆炸小食雙拼 $42小食名碼實價，寫到明俾你知有幾多件；炸物整體香脆唔油膩，就算凍左都依然好食～🌖炸雲吞：無論係外形定係炸皮都偏向以係舊式嘅炸蝦角，外皮較厚身，細細一粒就三粒

最近在太子發現一間價錢好親民的餐廳，$68就可以食到夢王A5和牛丼，$138就可以食到花膠2人套餐，CP值超高！超值花膠2人套餐 $138✨鮑汁冬菇花膠 （飯/麵）✨各式飯類（加＄29可轉A5夢王和牛丼）✨脆炸系列一份 （可雙併）✨效外油菜一份✨冷熱飲品兩杯 （可轉涼花）🍄‍🟫鮑汁冬菇花膠撈幼麵冬菇厚身，花膠好大片塊，口感滑身爽口，鮑汁濃郁份量很足，撈麵一流。🐮夢王和牛丼 +29夢王蛋好飽滿好濃蛋味，而和牛輕輕燒過仍保持到和牛嫩滑，整個飯充滿蛋香和牛油香，值得一試。🥟脆炸系列炸蜆殼鯪魚球，又大粒又彈牙。炸韭菜餃，好足料，炸得好香脆。🥤凍金銀菊花薏米功效：助排毒、去水腫、潤肺、清熱毒可選擇微糖或無糖

吃午飯時經過呢條街，見到佢門口嘅餐好特別，有花膠鍋同和牛丼，價錢唔係貴，就入咗嚟試吓😎🥩鹿兒島頂級A5和牛丼（流心蛋）（$68）：和牛肉腍入口即溶好好食，加埋佢配製嘅汁同埋流心蛋，食到日本風味！估唔到呢間比較中式嘅餐廳會有這個和牛丼，真係好驚喜！鮑汁冬菇花膠鍋（$68）：呢個花膠鍋超大鍋！諗住$68應該比較普通，點知食落去又唔係喎！好多塊花膠，冇腥味，仲有超大塊冬菇，都幾彈牙的，加埋個米線沾滿鮑汁湯底，啖啖都好高檔好食，仲可以夠兩個女士食㖭！好抵呀！😍🐷薑蔥豬什（$68）：成個豬仔冇腥味，處理得非常好，點些少油，豬雜本身的味道更出，好食好食！🐮香滑牛筋（$85）：呢個真係超足料！大大碟，牛筋非常腍，好入味！個腩汁夠香濃，又抵又好食！☺️🐟炸蜆芥鯪魚球+炸韭菜餃：個皮卜卜脆，鯪魚球大大粒，由好香鯪魚味，韭菜餃裏面多菜多肉，一樣大大隻，餡多好食！脆炸鮮奶卷（$28/4）順德美食😋唔會好甜，有牛奶味，細細份幾滋味👍🏼😙

星期六去左太子覓食，見到呢間竹麵譜既野食好特別！一間麵店竟然有埋夢王A5和牛飯同鮑汁花膠煲😮 即刻入去坐低，最後我地既晚餐最後叫左性價比高既鮑汁花膠二人餐.🍜鮑汁冬菇花膠配撈麵一份鮑汁冬菇花膠都幾多份量，足足有4件花膠！又大又長，仲好軟好爽口！而冬菇都極大片有兩件，炆得好軟淋，鮑汁配撈麵剛剛好，好夾！.🥩夢王A5和牛飯二人餐本身包一個飯，如果想叫呢個就可以加錢升級，賣相幾靚。蛋可以揀唔同款式例如我叫呢個係生蛋，亦都有溫泉蛋太陽蛋等等🍳大約有6片A5和牛，肉質軟，飯量多.🍢雙拼脆炸小食 - 炸雲吞及炸蜆蚧鯪魚球呢兩款小食真心有驚喜，炸蜆蚧鯪魚球大大粒，裡面好足料，口感豐富！而炸雲吞都比坊間茶樓食到既更大粒而且多蝦肉，誠意十足！.🥬腐乳通菜通菜新鮮鮮嫩，加埋腐乳更添惹味.🍵微糖去濕茶及凍菜蜜估唔到仲有自家製樽裝涼茶，可以揀無糖或微糖，有3款涼茶，我揀既微糖去濕茶都幾好飲，好清甜。菜蜜就好香好滋潤.見到店鋪仲有售賣A5和牛，紋理好靚！可以買返家煎香享用。我地當晚都見到隔離枱客人見到A5和牛後即時買左，而且店員都會俾埋保冷袋裝住，好貼心！

位於太子荔枝角道的「竹面譜」主打使用日本夢王蛋，配合各種食材，做出美味的佳餚，店舖人氣產品，每台必點既「夢王和牛丼」和牛肉更使用「鹿兒島直送A5和牛」，但係只係賣緊「$68」老闆真係彿心，另外仲有花膠麵、炸鯪魚球、炸韭菜餃、炸奶卷，同埋自家製涼茶，都係必點推介，店家的食物種類多如天上繁星，一定會有你喜歡的🫶▪️夢王和牛丼$ 68夢王蛋（溫泉蛋|流心蛋|太陽蛋|生食蛋）一場嚟到就係為咗食呢個飯，使用鹿兒島直送A5和牛再配上夢王生食蛋，牛肉油花滿滿口感軟嫩，雞蛋充滿濃濃蛋香，配合醬油和白飯，簡直係人間美味▪️夢王烤豬頸肉飯 $ 56 ｜追加夢王蛋 $ 12呢個飯同樣質素高，烤豬頸肉烤得焦香，厚切爽口又彈牙，而且好夠入味，沾上泰式香辣汁，夠晒惹味，配上煎夢王蛋，蛋黃撈埋白飯，再加少少醬油真係超好食，雞蛋仲可以加錢自由追加👍▪️炸蜆蚧鯪魚球 拼 炸韭菜餃 $ 42炸物小食食同樣出色，蜆蚧鯪魚球，粒粒飽滿，魚肉香濃，充滿陳皮香，沾上蜆蚧醬，風味一絕。炸韭菜餃外皮香脆，餡料飽滿充滿韭菜香，而且好Juicy，配合泰式酸甜醬，更加滋味▪️炸奶卷（4條）煉奶 $ 28每台必點嘅甜品小食，炸奶卷就是炸鮮奶，外層好

太子呢間分店唔算起眼，地鐵站行過去大概2分鐘左右。餐廳似茶餐廳格局，平民價錢食到幾高質素嘅食物，有比餐廳驚喜到。🐂夢王和牛丼 $68鋪滿左好多片嘅A5和牛，加上橙紅色嘅夢王生蛋。肉身油花真係夠多，嫩身入口即溶咁濟。夢王蛋夠香，蛋黃個味好濃🥨小食雙拼 $42小食劃一都係同樣價錢，所以叫左個雙拼香茅炸雞翼同埋炸鮮奶。雞翼炸得好脆香茅味夠重，仲有個甜辣醬可以用黎食。炸鮮奶都好正，外脆內軟又香奶味。🍛烤豬頸肉飯 $56揀左個關廟麵，麵質個口感食落幾煙韌。另外揀左個流心蛋，吉開個蛋黃之後好橙黃好靚。豬頸肉煎得好香口，夠厚身又唔係特別油。🍲胡椒豬雜鍋 $78豬雜足料，基本上都有齊。食落無豬騷味，個湯嘅胡椒味幾香夠味有胡椒個種後勁。配料仲有蘿白，甜又淋身，好食☕清心火 $22 / 金銀菊花薏米水 $22餐廳自家製涼茶，一樽呢個價錢唔貴，飲落唔會太甜，呢兩支都有得解下熱氣，岩晒平時鍾意食煎炸野既我