影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
優惠
88折
【油尖旺】$100 通用現金劵，歎盡中西日美食 **無限兌換**
$88
$100
上星期同朋友去咗太子食咗間人氣街坊小店——竹面譜💕相當有驚喜😍價錢超親民，好抵食‼️最癲係$68蚊就可以食到「鹿兒島A5和牛丼」同「鮑汁花膠冬菇鍋」！💫 夢王和牛丼我地叫咗個招牌夢王和牛丼，中間嘅夢王蛋圓潤飽滿（可以揀溫泉蛋/流心蛋/太陽蛋/生食蛋），我地揀咗生食蛋❤️戳破蛋黃，蛋液緩緩流出，同軟嫩和牛、香軟米飯拌埋一齊，口感層次豐富，超級滿足🤭💫鹿兒島直送A5和牛+ 鮑汁冬菇花膠鍋另外仲試咗鮑汁冬菇花膠鍋，$168 嘅價錢，配料超豐富，成個煲有五六嚿掌心大嘅花膠，煮到淋身又入味，冬菇香濃，吸滿湯汁，每啖都好滋味～😋💫小食必嗌「炸鮮奶」，金黃外皮咬落去脆卜卜，入面啲奶餡仲係流心嘅，好香又滑，熱辣辣食真係停唔到口。🤩💫鯪魚球都唔輸蝕，咬落去啲魚肉好彈牙，點埋鹹香蜆蚧汁仲正💫最後飲埋佢哋自家煲嘅涼茶，即刻解晒啲油膩感👍🏻👍🏻真心抵到爆！同區茶記食個頹飯都要五六十，呢度百零蚊就可以歎A5和牛同花膠，難怪咁多人去食😝 👏🏻
繼續閱讀
竹面譜差唔多有大半年無嚟到呢間「竹面譜」餐廳，網上見到佢哋出咗好多新款食物，經開太子係我第二次回訪佢哋餐廳，今次嚟到好大驚喜，一開門經理就拎一塊斜板出嚟，佢話上次見你自己帶斜板，我哋就即刻上網買，同你果塊一模一樣，我心情有少少激動，竟然有一間餐廳會為一小部分人，做一大步嘅嘢，其他輪椅人士真係有口福，唔洗帶斜板出街都可以入到呢間餐廳，正到爆！1.鹿兒島直送頂級A5和牛+鮑汁冬菇花膠鍋+夢王蛋 配關廟麵及時菜$168+凍鴛鴦$10（9.5/10）呢個餐係最近新出，鹿兒島直送頂級A5和牛烚幾秒就食得，食之前點下夢王蛋會特別香，和牛特別牛味濃同嫩滑，大約都有10塊和牛，至於火鍋入面有5舊厚切嘅花膠、3舊好厚嘅冬菇同吸哂鮑汁嘅娃娃菜，再配埋一碗關廟麵真係好飽，飲品揀咗加$10凍鴛鴦，單叫一杯要$18，凍鴛鴦好香又好滑，又唔會太酸，我覺得幾好飲！2.咖哩孖蛋香煎雞扒飯 轉夢王蛋熟蛋$46+$15+凍朱古力$10（9/10）另外一個餐揀咗咖哩孖蛋香煎雞扒飯，孖蛋專咗夢王蛋熟蛋要另加$15，夢王蛋真係蛋味好香，雞扒煎得好香，再配埋甜甜地嘅咖哩汁撈飯食簡直一流，飲品揀咗加$10凍朱古力，杯朱古力甜咗少少！3.炸鮮奶卷（6條）$42（10/10）呢邊炸鮮奶卷味道無變過，係好正宗嘅炸鮮奶卷，咬落去外脆內軟，鮮奶味道特別香，會食到唔停口，一共有6條炸鮮奶卷！4.炸墨魚餅（6粒）$42（10/10）呢碟墨魚餅入面墨魚膠滿滿，外面揸都好香脆，食落去仲有少少粟米粒，一共有6粒炸墨魚餅！2人總共價錢$333個人口味總評分：9.625/10@cheukminpo 地址：太子荔枝角道68號地舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#竹面譜 #太子 #太子好去處 #太子美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
終於食到呢間久仰大名嘅夢王和牛丼啦！餐廳將日式元素加入咗去經典嘅中式粉麵飯之中，用街坊嘅價錢就食到中日合璧嘅美食，真係一間性價比高嘅親民小店～✨夢王和牛丼和牛經燒過之後變到香氣四溢，入口即溶！丼飯嘅夢王蛋仲可以揀唔同嘅煮法，今次就揀咗生食蛋，將生雞蛋同和牛丼飯撈勻一齊食，味道一流～✨豪華限量版 — 和牛花膠鍋配關廟面鮑汁冬菇花膠鍋真材實料，花膠好厚身！鹿兒島頂級A5和牛帶有豐富嘅油脂，食落去肉質柔嫩，牛味濃郁！點埋夢王蛋蛋汁，口感更加嫩滑！和牛嘅肉香味最後仲滲透咗去湯底之中，湯底嘅味道變到更加鮮甜！食埋關廟面就大滿足啦～✨脆炸鮮奶卷拼炸墨魚餅墨魚餅口感彈牙，仲會食到有粒粒粟米！脆炸鮮奶卷外層酥脆，充滿奶香味之餘，仲做到有流心嘅效果～另外，餐廳嘅自家鮮制涼茶都係進店必飲～✨凍 清心火第一次飲咁清澈嘅涼茶，味道微甜剛剛好～✨凍 金銀菊花薏米金銀菊嘅清甜味好突出！有清熱解毒、去水腫等功效～
繼續閱讀
今晚去太子，食一間平民少少嘅餐廳。竹面譜話係平民，價錢當然相當親民。但千祈唔好睇少，平日嘅夜晚一樣多人幫襯，已經足以證明佢嘅性價比。表面上佢好似食普通粥粉麵咁，其實佢有幾樣相當驚人嘅出品，包括$68嘅” 夢王A5和牛飯”。夢王A5和牛飯 $68餐廳門面嘅菜式。用難以置信嘅價錢，可以食到A5和牛飯。甚至令我會諗，自己整都未必做到呢個價。A5和牛故意燒到唔係全熟，係有功架嘅。但夢黃蛋味同豉油嘅威力，亦不容小覷。鮑汁冬菇花膠鍋 $68同夢王和牛飯相比，呢個花膠鍋更加唔講得笑。首先佢嘅花膠好大塊數量好多，加上數塊大冬菇、關廟麵同時菜等等，價錢同樣地難以置信。但其實佢最值錢係個湯底，味道好充足，加埋有個火喺下邊燒住，毋庸置疑嘅性價比。豬頸肉 $184塊巨型豬頸肉，已經抵食有餘。但其實呢道菜嘅精髓喺個醬度。略帶甜度嘅秘製青醬，食第一啖已經覺得好滋味。脆炸鮮奶卷 $42六件甜甜地嘅鮮奶卷，炸到非常熱辣辣，加埋奶醬，睇樣就知好食。炸花枝丸拼炸墨魚餅 $42同樣地炸到好熱辣辣，呢啲小食份量充足，叫嚟送飯齋食都一流。金銀菊花薏米 $22清心火 $22一大樽嘅涼茶，正好喺食完少少熱氣嘢之後用嚟降火。老實講呢啲地方會有涼茶飲係相當罕見。佢好嘅地方係可以揀甜同唔甜。呢餐飯真係令人食得相當滿足。價錢親民、性價比高、味道良好，仲可以打卡。難怪餐廳人來人往，有時仲要排隊添！
繼續閱讀
🎀太子。港式餐廳內都有頂級A5和牛丼😯⚡🎀🪄店名* #竹面譜🔮地址* 太子荔枝角道68號地舖🔮🗾分店地區🗾 太子, 新蒲崗💰價錢$216 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_太子剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵呢排成日睇到Ig好多人介紹呢間位於太子既港式店有得食高質和牛飯 最近終於抽到時間黎試下😍舖頭睇落都係偏簡約裝修 似香港茶餐廳 甘岩晚飯時間成件舖頭都坐滿曬客人 真係好受歡迎 而且都見到有好多熟客同員工寒暄 好有人情味💕🍽️食物質素🍽️打開餐牌裡面食物都好特別及多種類 除左有各款港式湯麵 以及地道炸物小食 仲有碟頭飯,湯飯,咖哩系列等 而店鋪最有特色及除左有頂級A5和牛飯 仲有烤豬頸肉及香辣肉碎 減肥之選有低卡蒟蒻麵！👀評分💖💖💖💖💖🪄夢王和牛飯 $68黎到當然要一試佢地本店特色～好少系港式店有得試A5和牛 而且你地無睇錯 只係需要$68！而且份量都唔少 和牛質素都幾唔錯 色澤呈現微粉紅色 質感軟熟 加上來自日本神戶兵庫縣獲獎超過三年既刺身級雞蛋 營養價值好豐富 再淋上日本甜醬油 味道幾唔錯😍最緊要系性價比👍👀評分💖💖💖💖💖🪄鮑汁冬菇花膠鍋 $68最近凍翻甘多要食翻個鍋物暖暖胃～見到呢個價錢十分划算既花膠鍋就試下～黎到又係比佢個份量嚇親 好大兜！仲有爐開火焊住～熱辣辣 花膠又夠厚身 夠曬膠質😗我個人最驚喜系佢地個冬菇 因為平時我系唔食冬菇覺得有怪味 但今次呢個系好有鮮味👍加埋關廟麵就更有飽腹感！👀評分💖💖💖💖💖🪄小食-脆炸鮮奶卷(6條)$42 &豬頸肉$18勁耐無食過鮮奶卷 估唔到呢度有😍一次過叫左六條 賣相超靚 外表金黃 口感香脆 鮮奶濃郁流心 沾上煉奶勁好食😍 豬頸肉都值得一試 厚身又大片 瘦而不韌 十分剛好～👀評分💖💖💖💖💖🪄飲品-凍桂花柚子蜜$10 &熱杏霜$10飲品價錢都好抵 最後臨走我仲加錢要多支自家製涼茶無甜版添😗(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
繼續閱讀
您可能會有興趣的...