窩子

營業中

休息中

新蒲崗Café 其中一間最出名嘅就係窩子🥰 一路都覺得鹹窩夫好奇怪，但係好多人食完都話好出色，今日終於有機會經過附近去食🤪 舖頭裝修懷舊，好具特色，仲放咗好多懷舊玩具擺設添🚗慢煮手撕豬腩窩夫三文治 ($118)一見到覺得佢似係一個窩夫漢堡包多個三文治😂 超厚嘅兩塊窩夫，上邊放咗一大舊手撕豬腩肉🥰 食落第一啖，先感受到窩夫嘅少少甜味，口感外脆內軟，配埋煮到超級軟腍，一咬就溶化喺口嘅豬腩肉鹹香，窩夫嘅甜味中和咗豬腩肉嘅鹹膩，完全冇諗過窩夫係可以咁樣配搭😋野菌松露油忌廉扁意粉($98)意粉聞到好香黑松露味，扁意粉煮到軟身又有咬勁，配搭雜菌同黑松露醬食落去調味啱啱好🤩黑松露醬汁食落去唔係特別Creamy，但係有好濃郁同好香嘅黑松露味，係煮得還可以嘅一個意粉👌🏻呢間cafe嘅窩夫三文治果然好出色🥳 整體味道超級夾，食完都仲想再嚟試下佢哋甜嘅窩夫同其他甜品，應該唔會令我失望！

🧇慢煮手撕豬窩夫三文治 $116手撕豬幾淋，醬汁都幾夾！窩夫做到外脆內軟💕好香牛油油🧈份量都幾大，有一整份窩夫，可以同人share!🍚香煎牛油帶子配自家製椰子雞湯意大利飯 $152椰子雞湯幾香，好重椰子味🥥帶子煎到夠爽，食到一梳梳口感😍加左菠菜苗，加番啲顏色更靚😆🍨髒髒提拉米蘇 $72餅底浸滿咖啡，好濃☕️Tiramisu 用左鮮奶油同mascarpone cheese整，後者較重同濃郁，兩種唔同嘅口感，好好味😋☕️Cappuccino $44奶泡打到好厚，係超過杯面仲有張力。睇得出師傅功力💯☕️Latte $48好順滑，奶同咖啡比例好好！📍窩子 (新蒲崗)新蒲崗仁愛街36號地舖

窩子WoZi位於新蒲崗仁愛街 成間餐廳都係走懷舊香港風 所以小編都幾中意架環境舒適又有趣 仲要好多款野食 小編最愛嘅窩夫又有甜又有鹹 真心好多選擇.🐷慢煮手撕豬腩窩夫三文治呢個「三文治」真係超惹味 慢煮的豬腩肉嫩滑又入味 夾在香脆的窩夫裡 口感豐富仲有啲蕃茄同埋生菜夾埋一齊而且真係好鬼大份架～.🐷焦糖香蕉配雲尼拿雪糕千層酥好鬼死香嘅飯後甜品 經焦糖化的香蕉 配上香濃的雲尼拿雪糕同千層酥熱冷交融 口感滑順真係令人陶醉甜得剛好又唔會膩係甜品控必試.🐷香煎牛油帶子配自家製椰子雞湯意大利飯冇諗過西餐都可以有中式美食嘅味道牛油帶子煎得剛剛好 外焦內嫩呢個意大利飯白雪雪 裏面有極級香濃椰子雞湯味米飯亦都吸收晒醬汁 所以好好味㗎.🐷黑糖焙茶鮮奶呢杯黑糖焙茶鮮奶香氣撲鼻 甜而不膩 焙茶的香味透出來.🐷凍鮮奶朱古力鮮奶朱古力飲落去好順滑 而且冇一舊舊朱古力粉結埋一齊 所以真係整得唔錯！.窩子WoZi📍新蒲崗仁愛街36號地下.#吃貨日常 #香港 #甜品 #西餐 #香港美食 #hkfoodie #foodiehk #九龍 #新蒲崗好去處 #新蒲崗美食

成日聽講新蒲崗好多嘢食。今日就嚟新蒲崗睇吓呢間文青餐廳嘅味道如何。一入到去環境同埋氣氛感覺都好好令人好放鬆同埋好舒服。另外店員都好細心同埋有禮貌。Slow Cooked Pork Belly Waffle Sandwich呢隻慢煮豬肉口感特別風味突出。豬肉絲同埋秘製醬汁撈埋每一啖都有濃濃嘅肉香。口感獨特！甜甜嘅味道再加上窩夫外脆內鬆軟嘅口感值得一試。Scallops Risotto意大利焗飯等返飯粒粒分明烹煮得啱啱好仲吸收曬高湯的鮮味。食落去味道啱啱好。扇貝側外焦裡嫩。Avocado salad with riger prawn牛油果沙律，加老虎蝦材料豐富。材料有啤梨，沙律菜同埋好健康嘅藜麥。各種材料加埋一齊食嘅時候味道唔會搶咗大家嘅特色，並且識落完全冇罪惡感。尤其係牛油果蝦一齊食嘅時候口感完美融合！

由啟德站行嚟呢間餐廳都幾近，就越秀廣場後面店內擺設有啲懷舊感氣氛平易近人店員態度隨和食物份量不算細♡ Slow Cooked Pork Belly Waffle Sandwich 慢煮手撕豬腩窩夫三文治～ 唔大食嘅話應該兩個人先消滅到成份！手撕豬份量幾多纖維感強，個汁調得okay。窩夫口感不俗外脆內軟♡ Matcha Strawberry Mille Feuille 抹茶士多啤梨配士多啤梨雪糕法式千層酥～ 自己覺得唔錯，一切落去感到酥皮清脆利落兼酥脆聽店員講上枱前會再烘一烘增強口感。抹茶醬呢茶味淡薄質地較杰，士多啤梨雪糕甜味較出，草莓片都幾新鮮♡ Dirty骯髒咖啡 ～ Espresso同奶比例幾好，香滑味道有層次♡ Mixed Berry Tea～ 一壺茶可以沖出多杯，莓果味都出。兩人慢慢飲、hea下慢活下唔錯

呢間cafe值得不斷回訪，佢嘅窩夫做得真係超出色，而且款式又多又吸引，平日夜晚都有人等位😳！Cafe裝修好簡單，有少少懷舊嘅感覺，帶有少少港味，坐落喺新蒲崗嗰頭，建議啟德地鐵站行過去～要一個鹹一個甜嘅窩夫，加多杯咖啡，夠晒chill🤙🏻！-——————————————🐖◖慢煮手撕豬腩窩夫三文治◗ $116慢煮手撕豬腩肉一絲絲咬落好juicy💦，四嚿窩夫食到尾都仲係脆卜卜，比平時見開嗰啲厚好多，食完一份都飽咗了，性價比之選！🐙◖日式海鮮大阪燒酥皮薄餅◗ $188舖頭招牌嘅酥皮薄餅，唔係用麵團嘅餅底，而係用幾層酥皮，用日式大阪燒嘅配料，鋪上椰菜絲同海鮮烤焗，夠曬特別！🍩◖叄重朱古力配朱古力雪糕◗ $84窩夫夾住厚厚一層朱古力麻糬，口感煙韌仲熱辣辣出緊煙♨️，配上朱古力雪糕，冰火兩重感覺好特別！窩夫已經切成細細嚿，一口size啱啱好，加上朱古力碎同朱古力醬，真係超邪惡，但好好食，絕對值得付出少少quota🥰🍹◖熱情果手搖冰茶◗ $46手搖冰茶微甜，帶有淡淡熱情果香，清爽解渴🌟Encore指數：8.9/10

係新蒲崗開咗接近10年嘅窩子，我居然今年先去到朝聖。店內有不少復古的裝飾，帶點港式冰室的設計風格，用上湖水綠的牆，黑白色的階磚，有七、八十年代的冰室和家居感覺。食物最出名都係窩夫，除咗有甜品之外，佢哋仲有鹹嘅窩夫三文治。叫咗佢哋嘅招牌慢煮手撕豬腩窩夫三文治。你都估唔到份量都幾多。窩夫夠晒厚而且非常之鬆脆，但係裏便就好鬆軟，用刀一切就開。上邊嘅壽司豬腩肉調味都幾好味，少少鹹香，帶咗一絲嘅酸味平衡油膩感。而且加埋蕃茄同埋生菜，唔會乾噌噌。面頭有火燒過嘅芝士，主要係固定壽司豬腩喺窩夫面。基本就係一個窩夫，所以都好夠飽。另外飲品我就叫咗黑糖焙茶牛奶。估唔到焙茶牛奶原來襯黑糖咁夾。焙茶香滲出之後黑糖味就會留喺口腔入邊，非常出色。最後叫多個甜品作結，呢抹茶士多啤梨法式千層酥，兩塊口口鬆脆嘅酥皮夾住抹茶吉士忌廉，再襯上新鮮士多啤梨同埋士多啤梨雪糕。雖然睇落好大份，但係實質又唔會好飽。其實仲見到佢有個酥皮薄餅，但係一個人真係食唔晒，留返下次再嚟過。

門面望上去唔算十分起眼，不過店內就有好地道嘅風格🪑最鍾意就係聽到好多耳熟能詳嘅廣東歌😂可以靜悄悄偷唱幾句🎶؄🪐 慢煮手撕豬腩窩夫三文治上枱嘅時候嚇親😆原來係咁大份，窩夫又夠厚身🧇手撕豬嘅份量又好似座山咁🤩切開窩夫，入面係好綿密又唔乾身👍🏼手撕豬肉質唔會韌，而且調味做得好足好惹味😋配埋蕃茄食完全唔會有油膩感😌§🪐 慢煮牛面頰肉配法國麵包呢個菜式有兩個食法，你可以選擇配扁意粉🍝我哋就揀咗法包🥖牛面頰值得一讚，佢嘅軟腍程度可以話係入口即溶，味道仲好濃郁入晒味🤤不過食多幾嚿就會開始覺得咸少少，所以送包就可以中和返👍🏼§🪐 意式蕃茄肉丸芝士酥皮薄餅今次同時間都食咗一個好與別不同嘅薄餅🍕因為佢嘅薄餅係用咗酥皮去製作，包保脆口，亦都好有新鮮感🤓餡料好豐富，同埋都係十分邪惡😈食兩嚿都即刻飽咗😆§🪐 黑糖焙茶鮮奶如果你鍾意飲咖啡，可以試吓佢哋嘅咖啡☕️我呢個非啡人就飲咗焙茶鮮奶😆味道調教得適中，仲有精緻嘅拉花添🤪؄窩夫仲有甜品㗎，不過今次太飽要投降喇🏳️下次要再黎棒吓場先🤣؄🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

身為起新蒲崗返工嘅我,點會冇聽過窩子呢間鼎鼎大名嘅餐廳😆最近放工一於就同朋友去試咗,想講我哋食咗兩個main course,兩杯嘢飲加一個甜品,埋單都係三百幾,真係抵到爆炸,仲要好好食添㗎🥹慢煮手撕豬腩窩夫三文治用窩夫做三文治呢個諗法幾有創意,而豬頸肉經過慢煮變得軟嫩入味,面頭配有一塊濃濃嘅芝士,食落幾特別值得一試😘香煎牛油帶子配自家製椰子雞湯意大利飯用椰汁雞湯煮意大利飯富有獨特風味,椰子味好香,雞湯夠鮮甜,帶子足夠新鮮,真係令人食完一啖接一啖🤤曲奇忌廉配朱古力雪糕法式千層酥呢個千層酥嘅酥皮真係好脆,層層分明,配料都好夠多：朱古力雪糕、Oreo曲奇、忌廉、朱古力醬同粉,全部夾埋一齊食真係好滿足👍🏻白桃手搖冰茶 & 榛子鮮奶咖啡嘢飲都做得唔錯,個人比較推介佢哋嘅手搖冰茶,夏天飲最好不過了😽

早聞這間cafe味道不錯，難得三連假，去Chill吓歎吓。星期日下午3點到cafe是滿座狀態，等咗兩張枱，可見cafe有一定客量。慢煮手撕豬腩窩夫三文治（$116）這裡最特色的是窩夫三文治，點都要點一份。手撕豬腩放得整齊到似漢堡扒，帶著很重的肉香味，一分開肉絲，肉汁流出，加上炙過的芝士，賣相非常好看。 窩夫一般給人的印象是甜品，但因這是配咸食，甜味減卻不少，但留下鬆軟口感。慢煮牛面頰肉配扁意粉 （$172）牛頰肉很軟腍又入味，而且肉量都幾多，醬汁估計係用紅酒做汁底，再加入黑椒令菜色更為惹味。意粉似是有輕輕炒過，單吃有淡淡的蒜香，配上醬汁食又是另一種風味。單品咖啡（$70）職員介紹咗來自雲南的咖啡豆，酸苦味適中，再加上淡淡的果味，連編者非咖啡愛好者都覺得很好入口。多莓果茶（$46）很重的黑加倫子味，就像抽走了大部分甜味的果汁一般，酸酸地，很開胃。

在這個充滿忙碌生活的都市裡，咖啡店不僅是我們尋找咖啡提神的地方，更是品味美食、享受悠閒時光的好去處。慢煮三文魚意大利飯這道慢煮三文魚意大利飯無疑是我這次用餐的亮點。米飯煮得恰到好處，米心微微軟糯，吸收了三文魚的鮮美湯汁，口感非常滑順。三文魚的肉質鮮嫩，油脂豐富，與飯粒的搭配相得益彰。菜品上還搭配了一些新鮮的香草味，為整體帶來了清新的氣息，平衡了魚的油膩感。這道菜不僅味道出色，色彩搭配也相當吸引，讓人忍不住多拍幾張照片。慢煮手撕豬腩窩夫三文治接下來是慢煮手撕豬腩窩夫三文治，這道菜的創意令人驚豔。窩夫外脆內軟，搭配上慢煮的豬腩肉，讓整個三文治的口感層次分明。豬腩肉經過長時間的慢煮，肉質柔軟，入口即化，搭配醬汁的香甜，讓人回味無窮。窩夫的香脆與豬腩的鮮美形成了完美的對比，使這道三文治成為了我心目中的另一個高峰。鮮奶咖啡最後，當然不能錯過這家咖啡店的鮮奶咖啡。咖啡的香氣濃郁，苦味適中，搭配上絲滑的鮮奶，讓每一口都充滿了令人愉悅的味覺享受。咖啡的拉花藝術也相當出色，讓人倍感用心。這杯鮮奶咖啡不僅是對味蕾的滿足，更是對視覺的一種享受。這家咖啡店的菜單無疑是經過精心設計的，每一道菜品都展現了廚師的用

窩子Cafe • 新蒲崗新蒲崗呢間餐廳主打就是窩夫同特色配搭嘅菜式，餐廳室內放上唔少本土特色文化產物，我用餐時都播住好多張學友等明星歌手嘅經典歌曲，很復古懷舊，而且亦有唔少舊時經典電影海報，很岩打卡✅ 慢煮手撕豬腩窩夫三文治 🐷呢道菜式係店鋪嘅主打菜式，豬腩手撕成絲，滿滿嘅手撕豬肉絲用醬汁煮成，醬油香豐富，而且用料好有誠意。窩夫厚身軟熟，係一般格仔餅仲要軟身的質感，配搭特別，味道很好😙✅ 香煎牛油帶子配自家製椰子雞湯意大利飯 🥘牛油帶子嫩滑，加上牛油煎香，而意大利飯亦好濃郁椰子雞湯嘅味道，亦隱約食到香料香味點綴，整體清香惹味，推薦👍🏼✅ 薄撐窩夫配虎蝦 🧇薄撐窩夫係鹹味窩夫，係窩夫裡面再加入蝦米、煙肉等材料，鹹香惹味，上面加上甜醬、麻醬等醬汁，配搭係致敬中式薄撐同港式腸粉，再加上虎蝦仁，整體唔錯😗

本人超鍾意復古味道嘅事物˘ ³˘♥ 或者因為生活喺現代，對舊時嘅一切都會覺得新奇有趣！而呢間Wozi Cafe 嘅內部環境嘅裝修正正走懷舊風格⁍̴̛ᴗ⁍̴̛ 綠色牆身，掉漆嘅櫃桶，架上亦放滿濃厚復古味道嘅擺設，好有feel～嘢食嘅質素同樣good good ，同朋友約食飯嘅話，呢間方方面面都真係值得試！✎ 野菌松露油忌廉扁意粉 ($98) 9/10相對夠味，鹹度適中，松露同忌廉簡直perfect match，味道仲好出！正！另外好多野菌片，足料～而意粉好彈牙有口感。好食到完全感受到廚師嘅用心烹煮！✎ 慢煮三文魚意大利飯($138) 9/10三文魚唔會煮到好熟，火喉岩岩好，用刀一切就見到啲汁慢慢滲出，果然係慢煮嘅效果，入口幾嫩，飄散住三文魚味～三文魚皮好脆，成塊炸魚皮咁脆！好味！而意大利飯唔係硬身個種，岩哂香港人胃口，相對軟腍同creamy ，個白汁味偏出，微酸，好開胃惹味！✎ 慢煮手撕豬腩窩夫三文治($116) 9/10呢個真係創意料理，以窩夫夾住入面嘅餡料，似漢堡包/三文治咁。手撕豬腩勁多汁，鹹鹹地，入口充滿豬腩味，夾埋表層個塊芝士一齊食，豬腩味中帶點芝士燒焦味，可以想像到個味道幾獨特香口！

講到食窩夫，不能不提位於新蒲崗的窩子，裝潢懷舊，佈置用心💗環境明亮舒適👍🏻🌟慢煮日水雞肉酥皮薄餅酥脆外皮包裹著嫩滑的雞肉，搭配口水雞風味，非常惹味，中西cross over，有新意有創意，又好食🤩🌟慢煮手撕豬腩窩夫三文治慢煮豬腩肉質柔軟，醬汁豐富，非常Juicy，配上新鮮的生菜和蕃茄，非常豐富👍🏻窩夫香脆金黃，整體搭配出來獨特🫶🏻🌟椰香奶盍紅豆配呢拿雪糕椰奶的香濃與紅豆的甜糯非常合配💗滑順的呢拿雪糕，香脆的米通，讓整道甜品更添口感，仲有煙煙韌韌的麻糬窩夫，滿足😌🌟叄重朱古力麻糬窩夫配朱古力雪糕呢個係朱古力愛好者必試甜品🫶🏻麻糬窩夫口感Q彈，又暖笠笠，與濃郁的朱古力交融，香甜不膩😋

要數新蒲崗的隱世咖啡店，我首推窩子。咖啡店門外設計像極舊冰室，而店內就像課室一樣，上堂的書桌及枱子配上綠色牆身，就連餐牌也像成績表一樣，既懷舊又充玩味。餐廳以輕食為主，選擇不少， 沙律、窩夫、三文治、意粉、甜品及飲品，應有盡有。慢煮手撕豬腩窩夫三文治手撕豬腩撕成一絲絲，肉質嫰而不膩，上層半融化芝士，令整個味道變得更豐富，夾著香脆窩夫、生菜及蕃茄片享用，滋味滿滿。蟹肉沙律烘法國麵包蟹肉沙律份量不少，味道鮮味，車厘茄清甜爽脆，伴著沙律放在巨香脆的法國麵包上，口感極豐富。叁重朱古力麻糬窩夫配朱古力雪糕賣相超讚！朱古力麻糬窩夫外脆內煙韌，搭配香滑朱古力雪糕、朱古力碎碎及蛋卷，吃後令人極滿足。抹茶鮮奶及黑糖焙茶鮮奶抹茶茶味濃郁，清香得來有回甘味；黑糖焙茶鮮奶細滑順喉，除了有奶香外，還有淡淡的焙茶味及黑糖甜香。