窩子

最近去了新蒲崗一間人氣cafe，餐廳裝潢散發著港式懷舊情懷，食物亦很有水準，成為不少文青消閒打卡熱點。意式番茄肉丸芝士酥皮薄餅$158 pizza餅底變成爽脆蓬鬆的酥皮，入口更有層次感，牛油香味極濃，芝士可以造出拉絲效果，肉丸口感紮實不鬆散，配上酸甜多汁的車厘茄，令人胃口大開手製牛肉漢堡窩夫三文治$128最傳統的基本款漢堡，創新地以厚身格仔窩夫代替麵包，夾著煎蛋、芝士、牛肉漢堡扒、蕃茄、生菜、醬汁，漢堡扒口感扎實爽彈，鎖緊肉汁。自家製野菌忌廉汁松露油曲曲意粉$102捲捲意粉以高蛋白硬質小麥製成，最大特色是它的長條螺旋造型與中空結構，麵條結構堅韌且富有彈性，極易掛上濃稠野菌忌廉醬汁。叄重朱古力麻糬窩夫配朱古力雪糕$84剛出爐的窩夫伴朱古力雪糕，帶來一冷一熱的雙重感官體驗，窩夫烘得香脆，質地偏薄身，外脆內軟，中心位混合了朱古力脆脆，加上澎湃朱古力醬，可可味極之濃郁，髒髒提拉米蘇$72自家製Tiramisu亦是人氣甜品，滿滿忌廉包裹著浸滿咖啡香的手指餅，融合了苦香可可和濃縮咖啡粉，保持細緻濕潤的質感，入口即化。朱古力鮮奶咖啡$44 Mocha入口綿柔，結合了朱古力的香濃與咖啡的濃縮口味。熱京都宇治抹茶鮮奶$46茶香濃郁而清幽，散發抹茶的微瀝回甘。…查看更多

前幾日朋友生日🎉，當然要幫佢搵個好地方食好嘢啦！我哋拎住手機掃描一輪，最後鎖定咗新蒲崗嘅鍋子Cafe，因為佢啲酥皮薄餅同窩夫系列睇落實在太吸引啦！🍽️一坐低，當然要試吓佢個特色菜「千層酥薄餅」，我哋點咗個蕃茄肉丸薄餅，呢個唔係一般嘅薄餅哦！佢用酥皮做底，食落去多咗層餡餅嘅酥脆感，冇咁飽滯，但鹹香味十足，真係幾特別～👍。接住嚟，我試咗個「帶子椰子雞湯意大利飯」，呢個真係勁推！飯嘅軟硬度煮得啱啱好，仲有濃郁嘅椰子忌廉香味，煎帶子嘅鮮甜一齊入口，完美配搭🤤～食到我差啲想再叫多碟！重點嚟啦！店舖最近推出嘅「薄餅窩夫」系列，點咗隻「蟹肉薄餅窩夫」。呢個窩夫唔似平時嗰啲甜品窩夫，食落去煙韌之餘，內藏菠菜同煙肉餡料，再配上海鮮味濃厚嘅蟹肉沙律，鹹香惹味，朋友一啖接一啖，瞬間消滅三件！🦀🧇最後甜品時間，當然要叫個靚靚嘅生日蛋糕款「香蕉焦糖千層酥」🎂，職員仲特登寫咗靚靚嘅「Happy Birthday」字樣，擺盤好靚，令人心情都靚晒！香蕉味清香，焦糖唔會過甜，完美收尾～🍌✨總結嚟講，鍋子Cafe嘅創意菜式真係幾值得一試，環境又舒服，價錢合理，適合三五知己聚會或者慶祝小日子～🤗…查看更多

呢日嚟咗新蒲崗搵間cafe 食個tea，呢間餐廳都有好多特色嘅fusion菜式㗎😎香煎三文魚凱撒沙律呢個係沙律都幾特別，因為煮食方面佢係煎三文魚，並唔係常見嘅煙三文魚🐟 三文魚都煎幾香口。意式番茄肉丸芝士酥皮薄餅勁推介呢個酥皮薄餅，外層真係好酥脆🍕入面包裹住蕃茄肉丸，仲有大量芝士，輕鬆做到拉絲效果🧀 慢煮手撕豬腩窩夫三文治手撕豬腩肉味道帶點辛辣，份量都幾多㗎🥪 要用兩件窩夫三文治夾住食大滿足。香芋椰香煙鴨胸薄撐窩夫呢個係餐廳嘅新出品，從來未食過煙鴨胸配芋蓉嘅組合，底下係薄撐整成嘅窩夫，入面有香蔥煙肉嘅配料，加埋有薄罉較濕潤嘅質感😮 甜品♦️叄重朱古力麻糬窩夫配朱古力雪糕見到門口嘅Menu已經覺得好吸引，朱古力一定會愛上🍫 麻糬窩夫煙煙韌韌，質感幾特別🧇♦️焦糖香蕉法式千層酥配雲呢拿雪糕千層酥有5件，預先製成一口大小，非常方便食用😗 配埋脆脆焦糖同埋香蕉都幾滿足。♦️髒髒提拉米蘇面頭有大量吉士醬，配埋lady finger喺底，比較特別嘅係lady finger冇用espresso 浸濕晒，要點吉士醬令到個甜品更濕潤☕️飲品♦️朱古力鮮奶咖啡朱古力同埋咖啡嘅平衡做得幾好😌♦️凍京都宇治抹茶鮮奶係店員推介嘅飲品，抹茶味道唔會太苦🍵餐廳嘅裝修有少少懷舊風，我就最鍾意食酥皮pizza同甜品，好值得嚟支持呢間小店啊🤨…查看更多

📽️雞丁終於開始有時間睬返熊妹，熊妹當然要帶佢食大家最愛的咖啡店。講起咖啡店，雞丁話想食返十年前食過位於新蒲崗的《窩子》。📌Mikiki轉個彎行過去仁愛街就到。中午時份超爆滿，全場坐滿仲有人排隊，一心黎到當然跟隊一齊排喇。📌雞丁話餐牌食物同十年前依舊一樣，有沙律、意粉、飯、窩夫三文治、甜品同各款沖調咖啡飲品，可以食返以前的味道，回憶殺出哂黎。📌午餐供應時間：星期一至星期五中午12時至下午2時30分（星期六，日及公眾假期除外）餐牌上任何一款熱食或沙律，加$15送 是日餐湯 及 HK$42飲品（精品咖啡除外；轉其它飲品，需補差價）是日餐湯 - 西蘭花菜湯慢煮口水雞扒凱撒沙律碗，$128成塊雞扒切成6件，口水雞醃製方法好夠味，辣得來有少塊麻，但又唔係好辣，好適合醃肉做配料。羅馬生菜好夠凱撒沙律汁，仲有粒粒麵包糠同埋煙肉碎，食大餐跟埋蔬菜纖維減少罪惡感。慢煮手撕豬腩窩夫三文治，$118好少窩夫係鹹食，決定捨棄甜品窩夫，試下窩夫鹹食。一大堆手撕豬腩肉，份量多味道濃郁，索哂醬汁味，窩夫做到好軟淋，好香蛋味，熊妹認為分開食可以食出食材的真味。自家製煙豬腩卡邦尼曲曲意粉，$118近期意粉界中大熱的捲捲意粉絕對係主食必選。曲曲意粉好有咬口，卡邦尼醬好杰，又撒滿了芝士碎粉更濃稠，豬腩肉大大舊，五花腩又肥又瘦，煎烤過幾香。意式番茄肉丸芝士酥皮薄餅，$158好特別係酥皮薄餅，饀料放上大大粒肉丸，仲有好多粒切半番茄仔，番茄🍅配肉丸不嬲都牀夾，加埋酥脆的酥皮餅底夠香口，又唔會好飽肚，熊妹食pizza就最愛加入tabasco更加惹味。髒髒提拉米蘇，$72嘩！好大一份提拉米蘇！而味道好有驚喜！面頭滿鋪朱古力粉多到滿瀉，非常澎湃的mascarpone cheese厚厚的砌成一座tiramisu山型，口感非常豐厚，creamy唔太甜，仲會慢慢係口腔中散發出baileys酒味，令成個味道即刻昇華左🔝，掂！重點驚喜仲有tiramisu的焦點手指餅係脆身架！一般手指餅係浸入espresso 帶出咖啡香味，所以一定被浸淋，口感會一patpat好濕潤，但《窩子》的tiramisu的手指餅即使埋沒係一座mascarpone cheese山入面都無被軟化，好明顯係獨家㊙️方，成個口感與別不同，熊妹非常buy呢種做法，無論口感同味道都係暫時食過好最味的tiramisu！係要encore及推介！京都宇治抹茶鮮奶（熱），跟餐價，加$4好美的天鵝🦢2D拉花，非常清晰的線條，青綠色的抹茶粉跟雪白的牛奶🥛色彩鮮明，抹茶沖鮮奶不嬲都好夾，奶味出又有濃濃的抹茶香味。平白咖啡（熱）典型心形拉花，奶泡層做得好穩，放涼了一會，圖案仍然明顯。淡淡的牛奶與淡淡的咖啡融和一體，就係「平白」黃金比例的效果👍🏻。📌簡簡單單的街角咖啡小店，站立在新蒲崗一角十年的時間，看著時代的變遷，但味道依然不變。…查看更多

✨Blingbling 美食推介📍新蒲崗窩子 Wozi Cafe🧡好有驚喜既新蒲崗小店💠💠💠💠💠💠💠💠今日誤打誤撞黎左新蒲崗揾食！行行下見到呢間好有feel既cafe🥰 今晚又想食西餐，所以就同男朋友試下☺️ 點知好有驚喜！！我覺得所有食物都好有特色，價錢唔貴，而且好有誠意！菜式好有創意，而且味道好！不過我地兩個人眼濶肚窄，叫得太多，建議大家多d人去，可以試多d野🧡🧡🌟自家製野菌忌廉松露油曲曲意粉 $102(另加自家製慢煮口水鷄排 $48)扭扭意粉煮得岩岩好，每一條一份都掛汁！而且野菌分量多，加埋松露油令整碟意粉更加rich😋 慢煮口水鷄排雖然只係$4️⃣8️⃣但係好大塊！！同意粉一齊食好夾，令整體更豐富但一d都唔會太重口😋🌟香芋椰香煙鴨胸薄撐窩夫 $128好有創意既菜式！第一次食好似薄撐咁chewy既waffle! 煙鴨胸唔會好肥，我覺得岩岩好~ 煙鴨胸同waffle既配搭好特別😆 推薦大家試試👍🌟日式海鮮大阪燒酥皮薄餅 $188以酥皮取代傳統餅底，好鬆脆好特別！海鮮配料超級多同豐富，有章魚、唔同既貝類等！再配上日式燒汁同沙律醬，鹹香交錯，令整個pizza口感豐富，好有層次😋 而且好大份！！建議多d人share😆🌟Dirty Tiramisu $72厚厚一層忌廉帶淡淡mascarpone cheese香~ 另外espresso同手指餅on side，鍾意咖啡味道濃既可以直接點espresso☕🌟熱京都宇治抹茶奶蓋 $46第一眼被好靚既拉花吸引😍 抹茶香濃、奶量合適，好滿足☺️🌟手沖咖啡 - Iced Americano $42清爽帶微苦，男朋友最愛🥰🌟項目評分環境氣氛 💎💎💎💎💎/5服務質素 🌸🌸🌸🌸🌸/5食物質素 😋😋😋😋😋/5性價比 💰💰💰💰💰/5回訪 ✅…查看更多

而家開咗啟德站，去新蒲崗食嘢好方便😝今日就去咗窩子食晚餐，由Mikiki行過去幾分鐘就到，方便咗好多😌💫 自家製野菌忌廉汁松露油曲曲意粉 $102熱辣辣上枱～曲曲意粉煮得好好味、好彈牙，完全比Creamy嘅野菌忌廉汁包裹住！味道好香！而且野菌份量好多，食到尾都仲有好多野菌🍄‍🟫💫 焦糖洋蔥黑椒牛柳粒酥皮薄餅 $188八吋大嘅酥皮薄餅～每件薄餅上面都有牛柳粒；酥皮薄餅餅底好酥脆鬆化，不過就唔太覺食到焦糖洋蔥，反而有啲白汁係底💫 叄重朱古力麻糬窩夫配朱古力雪糕 $84麻糬窩夫口感帶少少煙靭，配上香濃嘅朱古力雪糕💫 焦糖香蕉配雲呢拿雪糕- 法式千層酥 $78造型好得意，成座塔咁😝放滿咗焦糖香蕉，法式千層酥都有五件，口感好酥脆🤩配上雲呢拿雪糕同鮮忌廉，冷熱交融咁幾好味💫 熱京都宇治抹茶鮮奶 $46 / 熱黑糖焙茶鮮奶 $46拉花好有心思好靚❤️❤️…查看更多

「窩子」這個名字一聽就讓人覺得親切、有歸屬感。走進店裡，首先感受到的不是咖啡香，而是一種淡淡的時光氣息——那是港式懷舊風的魅力。磨得發亮的木桌、懸在牆上的老霓虹燈字樣、還有那幾張泛黃的電影海報，都像在說：「慢慢嚟，呢度唔趕時間。」🍕 意式蕃茄肉丸芝士酥皮薄餅  薄餅一上桌就令人眼前一亮。酥皮邊烤得金黃，香氣從熱氣中升起。蕃茄醬帶點微酸的果香，肉丸紮實又不乾，最妙是上面的芝士——融化得剛好，牽絲卻不膩。 🍝 野菌松露忌廉卷卷意粉  這道意粉名字可愛，賣相也討喜。卷卷麵吸附滿滿忌廉醬，香氣濃郁但不過重。松露香輕輕撲鼻，野菌的味道層次分明，每一口都像在森林裡漫步。🧇 三重朱古力麻糬窩夫  這道甜品幾乎是為「甜食控」而設。外層窩夫酥脆，內裡夾著Q彈麻糬，三重朱古力的層次從苦、甜到香濃遞進。雖然甜度偏高，但配上冰涼的朱古力雪糕就恰到好處。🍰 髒髒提拉米蘇  名字有趣，外貌果然「髒髒」——滿滿的可可粉撒在頂層。入口是綿滑慕絲與香氣濃郁的咖啡酒香交纏，濕潤的手指餅吸滿咖啡，卻不會過軟。這個甜品有一種「不修邊幅的精緻感」，越吃越順口。☕ 手沖咖啡  店員手沖時的專注讓人特別安心。咖啡豆香氣乾淨，味道帶點果酸尾韻，口感明亮。搭配甜點剛好中和甜膩，也為一頓餐劃上舒服的句號。整體而言，「窩子」不只是吃飯的地方，更像一個能讓人慢下來的角落。懷舊的裝潢、細膩的餐飲與輕柔的音樂交織出一種柔和的節奏。  …查看更多

位於新蒲崗的「窩子」是一個不容錯過的餐廳，我們這次午餐選擇了兩道特色菜。首先，慢煮手撕豬腩窩夫三文治真是令人驚喜。帶著微溫的窩夫外脆內軟，搭配熱騰騰的慢煮手撕豬腩，每一口都充滿豐富的層次感。手撕豬腩肉質鮮嫩一點都不粗糙，再加上少量生菜，一點都不覺油膩。我們還點了一份慢煮牛面頰肉配扁意粉。牛面頰肉經過長時間的慢煮，肉質非常柔軟，入口即化，與彈牙的扁意粉相得益彰，使整道菜色香味俱全。總的來說，窩子不僅菜式創新，還能體現出對食材的用心，是享受美味午餐的理想場所，強烈推薦給喜愛獨特風味的人士！❤️❤️❤️…查看更多

之前成日都係thread見到有人介紹呢一間喺新蒲崗嘅小店，今日終於有機會去試吓。餐廳其實都唔係好難去，搭地鐵嘅話喺啟德都仲可以行過去。^･֊･^ ੭ 日式海鮮大阪燒酥皮薄餅 $188餐廳有呢一個特色餐點，有三款唔同味道嘅酥皮薄餅，今日就叫咗佢哋大阪燒嘅口味，好似真係食緊大阪燒咁，佈滿唔同類型嘅海鮮，包括魷魚、八爪魚、帶子等等，而且仲要超級多份量。而酥皮方面，因為係新鮮現烤，所以酥皮好香脆，而且好有層層疊口感嘅感覺。香煎牛油帶子配自家製椰子雞湯意大利飯 $152呢個意大利飯好有驚喜，醬汁好有椰香之餘又可以食到白汁嗰一種濃口感。牛油帶子味道好出，而且好鮮甜，不過略嫌份量就有啲少，帶子得三粒。慢煮口水雞扒凱撒沙律碗 $128沙律菜嘅份量好多，而且雞扒係成塊上，用咗口水雞嘅醬料整成，非常惹味，而且肉質好嫩滑。熱鮮奶朱古力 $44冬天飲一杯暖笠笠嘅熱朱古力係最好不過嘅慰藉，好特別嘅位係佢哋嘅拉花係變色龍，第一次見真係。😹抹茶奶蓋椰子水 $52好耐之前喺越南飲過呢一個飲品，覺得好清新，竟然喺呢一度可以搵到，而味道方面同我喺越南飲嘅感覺有啲似，都係好有層次，但係又不失清新嘅感覺。…查看更多

踏入這間風格隨性的小店，裝潢帶台式復古風格。日式海鮮大阪燒酥皮薄餅酥脆的薄餅邊緣猶如餅乾，中心卻承載著豐盛的餡料：彈牙的八爪魚、鮮甜的蜆肉與嫩滑的帶子，與大阪燒醬汁、沙律醬和舞動的柴魚片結合。口感從酥脆、鬆軟到海鮮的多汁，層次豐富得令人著迷。它既是披薩，也是大阪燒，很特別。白桃手搖冰茶白桃手搖冰茶果香清雅，甜度自然。多莓果茶多莓果茶綜合莓果的酸甜風味十分突出，是解膩良伴。⭐️自家製惹菌忌廉汁松露油曲曲意粉忌廉汁濃稠度恰到好處，奶香溫潤而不膩口，意粉煮得彈牙，每一口都是醇厚與幽香的交織。⭐️mixed berries waffle這道雜莓窩夫外脆內軟，新鮮的混合莓果，如草莓、藍莓，帶來天然的酸甜與多汁感，平衡了糖漿與冰淇淋的甜味。⭐️慢煮口水雞扒凱撒沙律碗雞扒經慢煮後異常軟嫩，外皮煎得酥脆，並撒上孜然粉增添風味層次，配上沙律菜令人滿足。…查看更多

新蒲崗呢間開咗十年嘅窩子真係回憶殺今日專登過嚟試下佢哋嘅Fusion菜去到門口見到裝修帶點懷舊風好有Feel好彩排咗一陣就有位坐低即刻叫咗幾款招牌菜試下全部食物都係即叫即整熱辣辣上枱✧ 自家製野菌忌廉汁松露油曲曲意粉 ($102)呢個意粉真係必食推介捲捲意粉早排真係超hit連搵都未必搵唔到窩子煮得啱啱好有Al Dente口感中間係通心好得意每一條都掛滿晒自家製嘅忌廉汁松露油嘅香味一上枱就聞到食落口味道超級Rich野菌份量又多 每一啖都好滿足✧ 口水雞扒 ($48)我哋另外加配咗呢個口水雞扒本身以為係細細舊點知係勁大塊雞肉醃得好入味帶有微微嘅麻辣感肉質嫩滑得嚟又唔會鞋配埋意粉食真係一流✧ 焦糖洋蔥黑椒牛柳粒酥皮薄餅 ($188)呢個Pizza真係好有驚喜佢哋用酥皮代替傳統餅底食落口超級鬆脆外層蓬鬆內裏薄脆上面鋪滿晒大大粒嘅黑椒牛柳加埋焦糖洋蔥嘅甜味成個配搭簡直係邪惡又好食✧ 髒髒提拉米蘇 ($72)甜品方面我哋叫咗呢個Tiramisu一上枱嚇親因為份量好大Mascarpone Cheese堆到好似座山咁最特別係裏面嘅手指餅竟然係脆身完全無因為浸咗咖啡而變淋加埋淡淡嘅Baileys酒香口感層次非常豐富✧ 三重朱古力麻糬窩夫配朱古力雪糕 ($84)另一個甜品moffle都好出色窩夫裏面夾住麻糬食落去煙煙韌韌好有咬口朱古力味極之濃郁配埋個朱古力雪糕一齊食真係3重享受✧ 抹茶奶蓋椰子水 ($52)飲品方面試咗呢個抹茶奶蓋奶蓋打得好厚身好綿密抹茶味好突出好濃 仲有淡淡咸香下面係清甜嘅椰子水飲落去好清新解膩層次分明好啱打卡✧ 熱京都宇治抹茶鮮奶 ($44)朋友叫咗呢杯熱抹茶鮮奶個天鵝拉花靚到唔捨得飲抹茶同鮮奶嘅比例啱啱好奶泡打得好滑飲完暖笠笠好舒服✧ 熱鮮奶朱古力 ($44)最後整多杯熱朱古力朱古力味好香濃同鮮奶融合得好好甜度適中唔會死甜飲落好順喉總括嚟講窩子真係無令我失望食物質素高之餘又有創意特別係個moffle同奶蓋真係必試價錢合理份量又足…查看更多

🍴✨ 今晚同friend誤打誤撞走入新蒲崗一間好有feel嘅cafe，結果大大驚喜，同大家分享下我哋嘅戰績 😋 🥗 煙燻炙燒帶子蘋果沙律 一上枱已經好有氣勢！米紙蓋住沙律，打開就聞到陣陣煙燻香味 🔥。帶子鮮甜，配埋爽脆蘋果同沙律菜，口感層次好豐富，清新又特別 🥰。 🍕 焦糖洋蔥黑椒牛柳粒酥皮薄餅 呢個真係邪惡代表 🤤！酥皮底鬆脆到爆，牛油香味勁濃，焦糖洋蔥甜甜地，配埋大粒牛柳粒同黑椒香氣，咬落去超滿足！每一啖都係香氣同肉汁爆發 💥。 🍝 野菌忌廉松露曲曲意粉 意粉煮得啱啱好，掛汁力一流 👌。野菌份量足，忌廉汁香濃滑溜，再加松露油令成碟更加rich，食到停唔到口！同friend一致覺得係必試之選 🍄✨。 🍌 焦糖香蕉法式千層酥配雲呢拿雪糕 甜品時間最期待！千層酥已經整成一口size，食起嚟好方便 😍。外層脆脆，配埋焦糖香同香蕉甜味，再加雲呢拿雪糕冰涼香滑，完美收尾 🍨💕。 ☕ dirty & flat white 咖啡香濃，入口滑順，dirty嘅層次感好明顯，奶香同咖啡味平衡得好好，飲完好滿足又唔會太heavy 🖤。 🏠 整體感覺： 餐廳裝修有懷舊味道，但菜式好有創意，價錢合理，食物有誠意又有特色 👍。同friend食到好飽好開心，真係新蒲崗隱世小店！下次一定要揪多幾個朋友一齊去，可以試更多款式 🤩。 👉 推介指數：💯💯💯 新蒲崗真係越嚟越多驚喜，呢間cafe絕對係值得一試！ …查看更多

哩次同大家介紹下小編好多年前就好鍾意去既新蒲崗小店✨上一次去已經就黎四五年🤣好開心咁多年間店仲係度仲𝚔𝚎𝚎𝚙到個水準🔥大家去既話建議要早𝚍或者睇下有冇得𝚋𝚘𝚘𝚔位‼️我地平日夜晚去𝟽:𝟶𝟶已經𝚏𝚞𝚕𝚕曬要等位🤣真係一直以黎都好受歡迎👏呢間小店嘅嘢飲同食物都好高質，仲要有超級多款甜品任君選擇✨除咗位置有啲偏遠之外真係冇乜缺點🤣🧇參重朱古力麻糬窩夫配朱古力雪糕 $𝟾𝟺🍌焦糖香蕉法式千層酥 $𝟽𝟾🍕焦糖洋蔥牛召牛柳粒酥皮薄餅 $𝟷𝟾𝟾🥗微熏炙燒帶子蘋果沙律$𝟷𝟹𝟸☕️清爽咖啡湯力 $𝟻𝟺🍹芒果手搖冰茶 $𝟺𝟾🍵凍京都宇治抹茶鮮奶$𝟻𝟶…查看更多

目前為止食過覺得最好味嘅窩夫🧇☕️終於都試咗窩子 小店原來已開業10年 出品真係幾好🤍1️⃣伯爵茶檸檬乳酪窩夫✨一睇到個名就決定好要食呢個!! 完全my pick窩夫入口鬆軟略帶空氣感 火候掌握得好好 估唔到係夾住伯爵茶嘅cream 真係超正配埋檸檬cream微酸 加返啲fresh做點綴 減輕膩感另外可以淋少少花奶一齊食 多咗奶香又係另一種食法 呢個組合根本就係perfect match🍋2️⃣慢煮豬腩肉捲捲意粉雖然捲捲意粉熱潮已過 但我都係第一次食😂原來口感冇預期咁煙韌 但整體調味做得幾好豬腩肉帶煙燻鹹味 可以一試開心發掘到好味嘅窩夫 下次會想試吓鹹窩夫🤍…查看更多

估不到在新蒲崗這個舊區，會有一間這麼特色的Cafe.舖頭門面並不起眼，看來只是一間普通的茶餐廳，但原來別有洞天。進入了餐廳後，一股懷舊嘅感覺即刻湧現。食物質素高質，最具特色是窩夫料理。有鹹嘅窩夫，也有甜的窩夫。特別欣賞慢煮手撕豬腩窩夫三文治。肥瘦適中，醬香濃郁，配搭着外脆內軟的窩夫，份外覺得滿足。日式海鮮大阪燒酥皮薄餅也富有特色，餅底脆薄，fusion嘅口味也算融洽，但略嫌有點油膩。但是餐廳的招牌菜，都值得一試。別的地方吃不到的，也很適合打卡。幸好點了一杯焙茶鮮奶解一解膩。…查看更多