究極堂 (永光中心)

營業中

休息中

星期日完左七人纜球賽, 同朋友係銅鑼灣搵間日本餐廳食飯。今次試左餐廳推介既究極丼, 佢既材料非常多, 有三文魚, 油甘魚, 赤蝦, 帆立貝, 海膽, 帶子和三文魚籽等, 其中赤蝦好鮮甜,每款刺身都好新鮮, 配合蛋黃拌飯幾好食。另外, 我哋叫左軟殼蟹卷, 軟殼蟹炸得好鬆脆, 配合牛油果味道好夾。我哋亦叫左魷魚肝醬配薯條, 魷魚好彈牙, 配合紫楊蔥和紅綠椒, 十分惹味, 用黎送酒一流。 原來餐廳北角也有分店, 下次如果有大班朋友gathering, 仲可以book VIP房食飯。

港鐵銅鑼灣B出口，交通方便。銅鑼灣「究極堂」中午食飯，呢度環境唔錯，座位舒適。絕對係朋友相聚的好地方。當想中午食飯想靜靜地休閑的地方。這裏有中午套餐，價錢都好親民。

究極丼見到佢鋪滿，我最鍾意食嘅帶子，甜蝦，海膽，三文魚，三文魚子，吞拿魚蓉等等！新鮮程度呃唔到人，完全係爆新鮮一啲腥味都冇！鮮美的甜蝦、濃郁的海膽和鮮嫩的三文魚。甜蝦的口感鮮嫩多汁！呢個價錢喺日本築地都肯定好難搵到，呢間餐廳仲要坐得咁舒服！明太子什菌地雞薄餅：這款地雞薄餅以明太子、什菌和地雞為主要配料。明太子是一種辣味醬料，給予薄餅辛辣的風味。而雞肉則帶來嫩滑的口感！pizza 唔會好乾！京蔥地雞（芝士忌廉汁）：這道京蔥地雞搭配了芝士和忌廉汁。京蔥為這道菜提供了獨特的風味，芝士增添了濃郁的奶酪味道，而忌廉汁使得整道菜更加creamy。濃湯番茄咖喱牛肉烏冬：濃郁的湯汁中有著番茄的濃郁香氣，難得地同時食到咖喱牛肉和烏冬面巧妙地結合在一起。咖喱帶來了濃厚的香料風味，牛肉唔會太多筋同埋老。烏冬超級彈牙，而且都好多牛肉。焦糖芝士蛋糕焦糖味好夠，而且唔會太甜！

今日行完街，又要食下weekend 必食既居酒屋！今次又有好野！ 鮪魚套餐：包括丼とろろ同壽司4件，鮪魚新鮮且口感鮮美，提供了一種豐富的鮪魚風味和均衡的口感。究極炎之丼：究極炎之丼是一道以炙燒方式製作的丼飯，丼飯上擺放著炙燒的魚片，有著烤香和微焦的外皮。帶給人們一種滿足和美味的體驗。九州槍魷魚（魷魚肝醬）：九州槍魷魚是一道以魷魚肝醬為主要食材的菜餚。魷魚肝醬具有濃郁的魷魚味道和柔滑的質地。鰻魚芝士玉子燒：鰻魚芝士玉子燒是一道以烤鰻魚、芝士和玉子燒為主要成分的菜餚。烤鰻魚有著烤香和魚肉的鮮美，芝士則帶來了濃郁的奶酪風味。玉子燒可能是一種以雞蛋為基礎的燒餅，具有蓬鬆和滑嫩的質地。

一向知道銅鑼灣永光中心呢度有間好正既日本餐廳☺️☺️今日有機會就上去睇下，假日都有午市套餐，價錢都好親民，除咗傳統日式食物如刺身和壽司，仲有蛋包飯🥳 小食種款都好豐富😋大多數午市套餐都配有沙津和麵豉湯我地兩個人叫咗兩客午市套餐和兩個小食😉究極丼- 好多刺身😀😀無論份量定新鮮度都係100分🤩🤩同埋估唔到有海膽😃好抵食😋好滿足😋😋😋火炙壽司拼盤配烏東- 呢客火炙壽司最出色既係火炙鰻魚😃鰻魚厚身又好長好大條😃值得一提，雖然碗烏東係配角，但我覺得好好味，食完一條又一條，好彩都夠大碗😃😃食完好滿足🥳甜蝦唐揚- 估唔到脆卜卜，好好味呀😋😋炸日本魷魚🦑鬚- 好大碟！抵食！究極堂 (永光中心) (銅鑼灣)銅鑼灣登龍街28號永光中心11樓

未有得去日本旅行就食住日本菜過下癮先啦🥹 呢間係銅鑼灣嘅居酒屋 性價比都算高👍🏻🔅究極炎之丼 魚生刺身好足料😍 有帶子 左口魚 三文魚粒等等 火炙過嘅刺身 特別香～ 每款都好新鮮 尤其鐘意佢嘅帶子 夠厚身 好滿足🤩 🔅 蟹皇丼有滿滿嘅材料鋪蓋住係飯面 蟹籽加蟹肉撈埋一齊食 超滿足！🤤 仲有四塊脆脆 脆身得黎帶點魚香 配上丼飯一齊食 更有口感😆🔅海膽右口魚邊蝦卷新鮮鮮甜嘅海膽 油香十足嘅右口魚 脆而不乾嘅炸蝦 連埋一齊食 口感好豐富😋🔅炸日本魷魚鬚今日特別想食炸物🤣 呢個魷魚鬚就滿足到我了～ 一上枱就聞到佢嘅香氣 而炸粉薄身得黎又夠脆🦑
🔅久家本店 柑桔梅酒朋友話去到星期尾好需要飲返杯🤭 甜甜嘅梅酒 好易入口😌 岩晒佢～ 🔅青檸蘇打夠fresh~ 唔會好甜👍🏻

今日去銅鑼灣shopping，晚飯試咗呢間日本居酒屋，食物質素同性價比都幾唔錯：🟣究極海鮮杯用上新鮮魚肉、蝦肉和蟹肉，再加上啫喱，俾人一種口感豐富，又清新嘅感覺😊 再加上賣相特別，打卡一流👍🟠鐵板廣島蠔廣島蠔鮮嫩多汁，用咗香煎嘅方法帶出蠔肉嘅鮮嫩，睇得出師傅嘅火候處理得好好，佩戴墊底有一粒粒嘅薯蓉和拉絲芝士，送酒一流😊🔵麻婆豆腐炸雞蛋包飯估唔到咁有驚喜，蛋皮煎至金黃色，外層有微微焦香嘅口感，而內部保持蛋液嘅嫩滑同濕潤，令口感更加豐富☺️🟡究極金龍卷外觀好精美，金龍卷既蝦香脆，配合酸甜嘅醬汁，值得一讚係金龍卷上既魚肝片，用烘烤方式處理，非常脆卜卜！☺️🟣煙燻火焰吞拿魚好有儀式感，打開玻璃蓋先聞到燒烤的煙燻風味，再配上獨特嘅醬料，好有風味😊

係日本旅行返黎之後好掛住啲野食🥹 今次黎究極堂重回日本居酒屋！溫泉蛋蟹肉沙律清新既沙律，用既係醋汁吾係沙律醬，健康既感覺。海鮮杯好吸引既外表😍 幾特別，上面有新鮮海膽同三文魚子，下面吞拿魚蓉鮮甜，仲有小小蟹肉，最下層竟然係芒果啫喱酸酸甜甜好特別👍海膽牛肉壽司、炙燒海膽三文魚、炙熱帶子壽司夠新鮮，吾錯👍 厚切帶子最出色明太子玉子燒全場最佳✨ 明太子味好濃，蛋有爆漿口感，配上明太子醬同蟹籽，口感一百分💯海膽右口魚炸蝦卷卷物係必叫😍 右口魚燒得好香，入口即溶，配上炸蝦脆脆既口感，好好食🤤炸芝士條點他他醬，完美的句號😎🥰

想同朋友傾偈嘅話，居酒屋不失為一個好選擇，有好多佐酒小菜可以選擇，坐耐少少都冇問題！呢間樓上居酒屋裝修有情調，菜式嘅選擇幾多，仲有fusion菜式，幾特別夠新穎，而且性價比幾高，可以一次過試多幾款！餐廳仲有包間，如果一大班朋友聚餐，可以自己包一間房，私隱度都幾強！------------------------------🍥◖蟹膏豆腐鱈魚乾◗ $58有四小塊鱈魚乾，上面放上芝士豆腐同蟹膏，食到鮮味嘅同時，芝士嘅奶香都好出！🐟◖燒油甘魚鮫◗ $98呢個價錢食到油甘魚鮫真係好抵！外皮燒得燶燶哋夠脆，裏面嘅魚肉唔會乾柴，鮮味十足！🍘◖芝士年糕◗ $38一碟有兩嚿，外層脆卜卜，裏面暖笠笠口感好軟糯，好食！🦐◖究極海鮮杯◗ $98 分咗好多層，先食到面頭甘甜嘅海膽同魚子醬，下面有滿滿嘅吞拿魚蓉同蟹肉，配合埋底層酸酸甜甜嘅柑橘啫喱，食落又幾清爽幾得意🦐◖韓式辣醬生赤蝦丼◗ $138性價比好高嘅一個丼飯，有八大隻赤蝦，每隻都好肥美，加上韓式辣醬醃製，口感好黏糯甜甜辣辣咁，呢個日韓fusion嘅組合都幾特別🍙◖醬燒三文魚炸蝦卷◗ $58輕微燒過嘅三文魚，帶有豐富嘅魚油香，用上赤醋飯包裹炸蝦，食落又香口

今日放工去到登龍街搵食，發現原來兩條大中間嘅呢個永光中心都有非常多餐廳，發現咗呢間係北角都食過嘅居酒屋入到去環境一流，似足日本當地餐廳，內有一間VIP房有人坐緊 師傅係open kitchen整嘢食，我哋揀咗一個吧枱位置坐低。餐牌上有好多新款嘢食，價錢唔貴賣相都好吸引。究極炎之丼 138友人叫咗呢個丼飯，價錢只係138入面有燒帶子同蝦等等高質食材，用料超豐富，無論係蝦定係大啲定係魚都好juicy，餐廳用赤醋飯代替平時既飯，宣道更加易入口，呢個係餐廳嘅誠意之作。京蔥地雞 68估唔到呢個小食都配左蒜蓉包或者薯條，性價比超高，雞肉肉質鮮嫩好大舊，雞腿肉夾雜着大蔥嘅香味，再配埋芝士忌廉，係好新奇但又出奇地夾嘅味道海膽右口魚邊海蝦卷 78呢個超級值得推介，右口魚邊本身油香口溢，師傅將佢配埋海膽一齊，甘香嫩滑超好味，餐廳誠意滿滿，呢個壽司中間仲有炸蝦😍，每一啖口感都好豐富，呢個一定要試。究極金龍卷 138簡單嘅金龍卷喺喱到一啲都唔簡單，師傅係簡單嘅下卷上面加入咗魚蓉，蟹籽同埋非常脆口，味道有少少似豬肉紙既配料🥹完全唔係一般喺其他餐廳食到既味道👍🏻而且咁嘅價錢仲有成六、七件，超有良心。溫泉蛋蟹肉沙律

究極堂 Kyukyoku Do📍 (永光中心) (銅鑼灣)銅鑼灣登龍街28號永光中心11樓兩年前嘅3月14，我認識咗經常喺我食評入面被提及嘅「朋友」，2024年嘅3月14，係我哋相識兩周年嘅紀念日，所以我決定帶佢去食佢最近成日話想食嘅魚生飯，慶祝呢個大日子。講到我哋鄰近美食匯聚嘅地區，絕對非銅鑼灣莫屬。之前去過登龍街幾次搵食，都留下唔錯嘅印象，今次我就book咗位於永光中心11樓嘅究極堂。仲有幸坐到朋友最愛坐嘅吧檯，邊食邊欣賞窗外嘅街景同師傅認真料理。餐廳嘅裝修好有格調，唔似一般打住和風旗號嘅餐廳裝修咁俗氣，偏暗嘅環境配上暖色系燈光，都幾浪漫。呢度環境同座位舒適，非常適合約會、三五知己小聚或者同一大班朋友搞聚會，仲可以book VIP房，而且炮台山都有分店，如果早啲知，之前就唔洗為諗去邊搞gathering咁頭痕啦！ 💰$218究極丼 🍱入正題，同大家介紹下今晚嘅主角── 究極丼！淨係睇相都見到呢碗海鮮丼有幾足料啦，師傅選用赤醋飯做飯底，酸度柔和易入口，配新鮮海產食，簡直一流。加入赤醋後嘅米飯味道比一般白飯香醇，加上香口味濃嘅飯素同食到中段拌入嘅醬油漬蛋黃，整碗丼飯口感順滑，味道極佳。

食過北角分店唔錯，今日經過銅鑼灣原來都有分店，一於黎試吓🥳🍱究極丼 ($218)好足料嘅丼飯，每件魚生都係厚切，食落好鮮甜，而且用咗赤醋飯，撈埋玉子漬真係超級惹味鮮甜，忍唔住一啖接一啖🥹入面有三文魚、油甘魚、烤鰈魚鰭邊、三文魚子、海膽、吞拿魚蓉、帆立貝、爆晒膏嘅蝦同紫菜天婦羅，望落唔大份，不過其實兩個人食都夠飽🥰🍖 炸芝士條，本身應該好好味，熱辣辣上枱，我冇即刻食，掛住影相，但一啲都唔影響佢拉絲嘅效果。而且味道重keep得好好，芝士味濃。我決定下次影相前，點都食一條。相信會好味到震。

想搵一間性價比高又可以傾下計嘅日本菜可以試下去究極堂😆環境有格調，燈光昏暗更加有情調！日本料理都十分精緻，選擇都有好多～今次想輕食少少，所以冇叫好多sushi或者丼飯溫泉蛋蟹肉沙律好清新好食，蟹肉份量都幾多。想食多少少有咬口嘅野就點左美林雞泡魚乾🥳食落十分煙靭，同蛋黃醬好match啊！鰻魚芝士子玉子燒🍳蛋香好濃郁，煎得好滑嫩😆，鰻魚令到成個口感層次增加啊！最後一定要點埋佢地嘅刺身！油甘魚同三文魚都十分厚切，味道鮮甜🤤

究極堂幾年前喺炮台山開店個陣，我就已經有幫襯開，慶祝生日嘅話，我又會約多啲同事一齊食，book VIP房，私隱度高啲～上個禮拜喺永光中心食annual dinner，發現究極堂嘅銅鑼灣分店，發現勁耐冇食過(因為而家食lunch係用10分鐘拿拿臨食完就算😩) 所以有晚就去咗食dinner😆記得以前仲有張「招聘老闆娘」嘅告示痴喺牆身，但好似而家兩間分店都唔見，唔知邊個靚女成功搵到呢份荀工呢🥜🥜🥜➿ 海葡萄海菜青瓜沙律 ($58) 好耐冇食過口感清脆嘅海葡萄喇，加埋海帶同青瓜🥒 兩種唔同口感嘅配料，口感豐富，加埋沙律醋🥗 整體好light又開胃～➿ 明太子芝士玉子燒 ($78)係內裏蛋質軟滑嘅玉子燒🥰 芝士🧀同明太子嘅比例幾好，味道唔會互搶～➿ 京蔥地雞（芝士忌廉汁)($68)好fushion嘅菜式，仲可以揀跟法包🥖或者薯條🍟 地雞肉幾嫩滑，芝士量多而拉絲🧀 墊喺下邊嘅京蔥盡吸精華，正！➿ 粟米天婦羅（$48）粟米控🌽表示平時食大排檔就會嗌椒鹽粟米，所以喺期間限定嘅黑板見到呢個粟米天婦羅就即刻話要叫😆 天婦羅冇咩調味，點少少粉紅色鹽，更突出粟米天然嘅香甜味～➿ 究極火龍卷 （$148）食燾司

餐廳裝修環境精緻，有質感。約會食飯或者同朋友食飯都係一個唔錯嘅地方。今日中午就試吓佢嘅lunch Menu。究極丼望到Menu就見到呢款超級吸引，上面有多款嘅魚生，佢每一款魚生都厚切，刺身蝦都大大隻，食得好滿足。另外仲有三文魚、帶子、海膽、三文魚子等等。每款刺身都好新鮮，另外一讚嘅係海膽鮮甜，好好食。究極炎之丼呢一款丼飯就係用炙燒，所以每款魚生都有好香嘅炙燒味。刺身方面都係一樣新鮮同埋厚切，佢啲壽司飯同埋個壽司醋好平均，食到有壽司醋嘅香味，但又唔會搶過刺身嘅味道。焦糖芝士蛋糕呢個甜品個人10分推介，首先芝士蛋糕好軟滑，上邊再加埋脆卜卜嘅焦糖，加上又唔會太甜，值得一試！