影片
開飯介紹
裝修時尚有格調，以灰色作主調並融入武士元素；其日式西餐及特色日本料理選擇豐富，是聚餐、約會的好地方。
繼續閱讀
營業時間
今日營業
12:00 - 15:30
18:00 - 23:00
星期一至日
12:00 - 15:30
18:00 - 23:00
公眾假期
12:00 - 15:30
18:00 - 23:00
公眾假期前夕
12:00 - 15:30
18:00 - 23:00
以上資料只供參考, 請與餐廳確認詳情
有關獎賞計劃
影片
相片
海苔墨魚他他 / 帶子他他
+2.9K
+301
食家推介
朋友帶我上銅鑼灣一間樓上日式餐廳！好在一早訂咗位去到已經爆滿！餐廳食物質素好高，而且價錢非常便宜！唔怪之得咁多食客啦！香港嘅飲食業就係靠一班熱誠嘅餐飲從業員去維持㗎啦！😎加油🥳加油🥳題外話🎊🎊呢間餐廳原來有兩間分店分別喺炮台山同銅鑼灣！仲可以book VIP房添，下一次我就約埋啲朋友一齊嚟呢度gathering！🥳甜蝦糖楊甜蝦細細隻一口一啖⋯⋯原來份量都頗多⋯⋯肉質都幾鮮甜⋯⋯我哋連蝦頭都食埋⋯⋯非常香脆可口⋯⋯究極炎之丼這是超值之選⋯⋯所有嘅海鮮都非常新鮮鮮甜⋯⋯經過灼燒後更加鮮甜⋯⋯飯粒晶凝通透⋯⋯用料上乘⋯⋯左口魚裙邊和鮮帶子都超級美味⋯⋯仲有吞拿魚蓉和蟹膏豆腐蓉好豐富😋黑松露牛油果軟殼蟹卷軟殼蟹份量十足⋯⋯炸得非常香脆，而且好鮮味！牛油果🥑軟滑綿蜜增添口感！黑松露香氣十足！明太子雜菌地雞pizza Pizza又薄非常香脆！最鍾意食呢款pizza好香口！仲有大量嘅拉絲芝士🧀超滿足⋯⋯明太子和雜菌加埋香嫩嘅雞肉🍗⋯⋯😋鐵板京蔥地雞可選薯條或蒜蓉包京蔥配上地雞香氣十足⋯⋯雞肉相當嫩滑⋯⋯薯條又非常香脆⋯⋯最鍾意食即炸嘅薯條⋯⋯黑蒜濃湯豬軟骨烏冬湯底非常濃厚，黑蒜油好香⋯⋯豬軟骨炆得好腍又入味⋯⋯烏冬彈牙又有嚼勁⋯⋯頂層鋪滿炸過嘅洋蔥絲好香⋯⋯潮日有氣果酒菠蘿味日本直送好飲好容易入口，加埋鮮菠蘿🍍⋯⋯🍹抹茶朱古力🍫牛奶非常香滑，充滿朱古力和抹茶嘅香氣！居然仲有特色飲品添！
繼續閱讀
原來銅鑼灣永光中心哩度有間寶藏日本餐廳—究極堂。細佬一向中意食魚生，今次帶佢黎試試佢。呢度選擇都好多，除咗有魚生海膽，亦都有正常嘅便當飯、串燒、壽司。我地叫左：1️⃣究極丼呢個好似係招牌嘅，好有啲似日本海鮮市場食嘅丼飯。一上菜呢道菜色彩豐富😍，好多新鮮嘅生魚片，包括三文魚、吞拿魚、拖羅魚同海膽，搭配埋鮮甜嘅魚子醬同一隻彈牙嘅蝦，蝦真係似岩岩係海水撈上嚟嗰隻，有海水味🤣🤣成個飯配合蛋漿一齊食，要撈起啲魚生先再倒入個蛋漿，口感層次分明。整體全部魚生都好新鮮好正好好味，只係個蝦真係有啲太過新鮮，太多海水味，但其他都好高質素！2️⃣ 迷你三色丼睇Menu覺得呢個好靚，而且又可以試唔同口味。份量比較少，不過好精緻。有三個未分別係：蛋漿拖羅魚丼、蟹肉丼、海膽魚子丼，全部都係日本signature既料理。個人最鍾意係海膽魚子，因為我本身都唔係好食得生，但係佢呢個唔會太腥，而且個海膽入口即溶，配埋彈口嘅魚子真係好正。3️⃣啤酒薯條配蜜糖芥末醬接住嚟係啤酒薯條，睇似簡單，但充滿驚喜。佢個薯條係用啤酒嘅酵母粉去整，所以特別脆，同平時食開薯條脆嘅口感係有少少唔同，薯條外脆內軟，搭配嘅蜜糖芥末醬真係食到停唔到落嚟4️⃣海膽右口魚邊蝦卷最上面嘅海膽同左口魚非常之新鮮，內餡炸蝦肉鮮嫩多汁，因為嗌咗丼飯已經幾飽，所以覺得呢個份量非常之適合5️⃣搽茶牛奶➕荔枝-檸檬酸酒飲品我地叫咗搽茶牛奶同荔枝-檸檬酸酒。抹茶呢杯真係睇得又飲得，好濃郁嘅抹茶味，個cream係甜甜地，試過飲過出邊啲cream係真係完全冇味。而荔枝-檸檬酸酒非常之fresh，個荔枝味竟然同asahi sour個味混合得好好, 如果飲唔到酒嘅朋友佢會換梳打水俾你Overall 呢度嘅食物，我比100分，因為真係好新鮮，環境係有啲日風配咗少少港式嘅style，覺得呢間樓上鋪真係寶藏，值得比更加多人知道！
繼續閱讀
年廿八，去行花市之前，先到位於銅鑼灣的究極堂吃午飯。除了銅鑼灣，炮台山亦有店舖，多一個地點選擇。因為同伴尚未放工，所以就只一個人吃飯。如果有大班朋友聚會，可以預訂VIP房。在炮台山和銅鑼灣店舖也有VIP房呢。午市套餐選擇眾多，我選了究極丼。究極丼色彩豐富、食材新鮮，無論是在視覺還是口感上都令人驚艷。豐富的海鮮配料和精緻的擺盤，讓人忍不住想立刻品嚐。丼飯配搭種類非常多樣化的海鮮刺身，例如三文魚、大蝦、海膽、帶子及三文魚子等等。三文魚厚切，更能感受當中口感和鮮味。大蝦經過細緻處理，滿滿感受大廚的心意。每種海鮮都能感受到其新鮮度與獨特的海味，口感鮮美，讓人欲罷不能。丼飯面頭添加調味，而且可窩入蛋黃，提升色香味。午市套餐配搭麵豉湯及沙律，味道清香可口。明太子芝士玉子燒色澤金黃，外觀精緻，散發著誘人的香氣。獨特的配料組合讓人期待其豐富的風味。口感滑嫩，入口即化，帶有柔和的蛋香。明太子與芝士的結合為傳統日式料理帶來了新鮮感，豐富了整體的口感層次。芝士的融化效果良好，為玉子燒增添了濃郁的奶香，平衡了明太子的鹹香。這種搭配讓整個菜品變得更加豐富，口感也更加圓潤。上面的明太子和細碎的海苔不僅增添了色彩，還為這道菜帶來了額外的口感和風味，使整體更具吸引力。海苔墨魚他他外層脆皮完美地包裹住內餡，咬下去時發出清脆的聲音，瞬間帶來酥脆的口感。內部的墨魚餡料滑嫩，與脆皮形成對比，讓整體口感更加層次分明。墨魚的風味濃郁，海鮮的鮮香在口中散開，帶來豐富的海洋氣息。墨魚的質地柔軟，增添了口感的多樣性。海苔的加入為這道菜增添了獨特的香氣和風味，讓人感受到海苔的鮮美，與墨魚相得益彰。搭配的醬汁味道濃郁，增添了整體的風味，讓每一口都更加美味。荔枝有氣果酒擺放在冰涼的杯中，口感輕盈，氣泡感十足，讓人感到愉悅。荔枝的甜美與微酸相互交融，清爽而不膩，飲用時十分舒適。荔枝的天然香氣在口中綻放，帶來濃郁的果香，令人回味無窮。
繼續閱讀
聽講餐廳仲有另一間分店，座位都好闊落，多人嘅話好似仲有間房仔俾你。唔同嘅居酒屋都有佢自己嘅特色，而我覺得究極堂嘅特色一定係個海鮮杯。就咁睇Menu其實真係唔知食咩好，太多嘢揀，樣樣都想食，不過建議大家記住睇一睇牆上面嘅展板，真係會有驚喜。‣ 明太子芝士玉子燒 $78‼️超級推薦‼️最鍾意佢嘅玉子燒有種淡淡嘅奶香，啲芝士喺入邊都超過癮。明太子醬可以將成個蛋嘅香味提升一個層次，同埋個蛋真係煎到滑捋捋，好鍾意佢半生熟嘅口感。‣ 究極海鮮杯 $98‼️打卡一流‼️呢個杯真係好有創意同埋值得嗌，中間每一層唔同嘅魚生，有吞拿魚蓉、海膽、三文魚子等等，味道都好新鮮。但係我覺得最特別嘅係底層嘅柑橘啫喱，本身諗住呢個配搭應該會好奇怪同埋唔好食，點知入口嘅時候發覺超出預期，驚喜地發覺原來咁樣嘅配搭都幾正，所以推薦俾大家。‣ 蟹味噌蟹棒壽司 $14蟹棒本身就甜甜地，而啱啱好同味噌嘅鹹形成一個幾正嘅對比，整體口感都好柔和，呢個價錢嚟講都值得一試。‣ 蝦味噌熟蝦壽司 $15如果朋友仔都係鍾意食熟蝦，我覺得都值得試吓，因為味噌嘅調味都真係幾唔錯，唔會太鹹，令到件壽司都幾鮮甜。‣ 玉子鰻魚炸蝦卷 $68佢並唔係Menu入邊，而係是日精選嘅展板上面。本身睇Menu嘅食就諗咗好耐食邊一個炸蝦卷好，結果見到佢我就毫不猶豫嗌咗，超級豐富又鰻魚又炸蝦，真係一次過滿足我兩個願望。‣ 芝士甲羅燒 $98甲羅燒真係可以話係我每次去居酒屋必嗌嘅食品，好鍾意嘅蟹膏嘅香甜，仲有蟹籽增加口感，撈埋芝士真係不得了，味道夠出色。‣ 啤酒薯條配蜜糖芥末醬 $48同朋友談心一定要嗌薯條，而且我好鍾意食幼薯，因為一定夠晒脆卜卜。‣ 雙色魚生冷豆腐 $48豆腐本身好滑溜，整體口感清爽，而醬汁都唔會太過鹹，撈埋啲魚生一齊食啱啱好。‣ 京蔥地雞配蒜蓉法包 $68‼️超級推薦‼️覺得好抵食，佢啲炸雞真係好大嚿，而且搭配芝士忌廉汁，撈埋法包一齊食啱啱好，又唔會太漏，同埋食得出本身雞件有醃製過，夠晒誠意。
繼續閱讀
最近喺銅鑼灣永光中心發現一間主打日式fusion菜嘅「究極堂」，裝修走木系和風路線，最驚喜係設有VIP房（炮台山分店都有！），私隱度高夠寬敞，約埋成班friend打咭食飯啱晒～ 試咗幾款招牌菜，整體質素高，份量足料，人均$200左右性價比唔錯！🔥 明太子什菌地雞Pizza薄脆餅底鋪滿明太子醬+照燒雞肉+芝士拉絲，鹹香濃郁得嚟帶啲甜味，邊位烤到微焦脆口，一上枱秒清！🦀 蟹皇丼飯滿到瀉嘅蟹籽+蟹肉絲堆成小山丘，撈埋蛋黃醬同醋飯，每啖都「卜卜聲」爆鮮味，建議2-3人share，一個人食會太heavy🍣 左口魚炸蝦海膽脆蝦+油潤左口魚邊+鮮甜海膽，三種口感一次過衝擊！師傅手勢好，飯粒捏得緊實，海膽新鮮無腥味。🍤 炸物▪️炸魷魚鬚：外皮酥脆唔油膩，咬落彈牙有嚼勁▪️雞軟骨配海膽醬，海膽醬鹹鮮帶奶香，蘸咗直接昇華成高級版居酒屋小食☕️ 抹茶牛奶（朱古力口味）抹茶控注意！茶味濃而不澀，朱古力增添甜感，凍飲更解膩～總結：食物有水準，VIP房適合6-8人包場，炸物同卷物特別出色！建議提早book位～ 📍究極堂 銅鑼灣店地址：登龍街28號永光中心11樓（電梯一出轉右）P.S. 同場加映炮台山分店，北角友可以就近gathering！
繼續閱讀