今日途經葵涌廣場諗起有檔小丸子好出名～😋😋 緊係要去試試啦～ 今日去到唔算多人排隊，我見夠時間就買返盒食😄😋明太子 黑松露 芝士 原味 全部都想試🤣 可惜一盒只可雙併～ 🙉 平時見到只收現金既店，我未必幫襯～😆🙈 因為好多時都無現金🤣🤣🤣🤣大家如果想幫助下我🤣🤣🤣 一陣比捐款熱線，講返正題，今次我叫左明太子和黑松露，買到返公司坐低，同事大家傾傾下都15分鐘了😂 唔知係咪放耐左，我覺得唔係傳聞中既好食既～ 又或者係我所選既呢2隻味唔襯章魚燒啦～🙉🙈 我今次有個50既評分，比呢間章魚燒😁😁僅僅合格啦～

我一星期總有2天三同六都返教會，所以好多時都係炮台山附近搵食，約靚姊妹 炮台山呢間九份飽老實講我成日都食架啦～睇住佢細鋪搬大鋪，好多人食架～ 因為好食又唔貴😋🫠 最近見到出左下午茶39蚊，真心抵食喎～ A餐: 蛋餅 鹽酥雞 珍珠奶茶 B餐: 豬扒麵 鹵水雞翼 冬瓜湯 大家有興趣可以去試下😇而家睇到佢都開多左幾間分店～ 黃埔啦～淘大啦～ 屯門啦～ 九份飽 (錦平中心)
地址: 北角英皇道93號錦平中心地舖
電話: 36195049

作為一個女仔，唔識煮飯🙈日日都出街食，有時諗食乜已經好化😆所以星期六返完教會😇我預早比左幾間餐廳給親愛的姊妹，她真係好識揀😂呢間餐廳位於銅鑼灣Times 後面既，勁近地鐵，又近電車，交通真係好方便，上去之前我真係覺得好驚喜～係一間好有情調既高級餐廳酒吧😁空間夠寬闊，係一個傾計好地方，唔驚隔離枱聽到😄 呢度既侍應個個都很有型有格～很有禮貌和友善🫠經過店員詳細介紹之下，我地點左海膽龍蝦波波😄醉蟹墨汁意粉😋牛扒薯蓉😁牛油清酒煮蜆🤗 Koko Ringo🍸玄米茶加氈酒🍹 我地都十分滿意😍所有食材都係靚野

每星期三返教會都係附近搵美食😋😋究極堂係有一位對食物講究既靚女姐妹介紹😍😍 她帶我食，我又約另一位靚女食～一個傳一個😋🤗😋🤗一坐底店員都好有禮貌介紹食物👍推介😋今次叫左海膽右口魚邊蝦卷，平時都係食左口魚比較多，右口魚我係第一次食🤣🤣感覺同左口魚差不多👍👍，究極丼，呢個招牌野，個人認為必嗌👍我都很喜歡，魚生好新鮮，另外跟左個蛋可以加落飯度～ 我十分喜歡😋，明太子芝士玉子燒，呢個好滑😋👍好味，溫泉蛋蟹肉沙律，用料新鮮🤗 抹茶牛奶～（可以加紅豆，朱古力或咖啡3選1）我選了加紅豆，靚女加朱古力，2杯我都有品嚐左🤣🤣🤣🤣 呢間由頭盤到飲品全讚🤗👍🤗👍

今次約左教會靚女姊妹食野～👸 諗住搵間近大家既地點～ 於是我搵左間位於黃埔既餐廳食野啦～😃通常都係睇OpenRice 既食評而去選擇既～詳細地點就出門口先打開地圖去睇😆原係係船入面Aeon既美食廣場～因為我遲到既關係🙈我好心急咁衝呀衝，見到職員就請教佢位置啦～🤣 原來就係我眼前😂😂😂 去到就趕快叫野食啦～因為午飯時間只放飯一個鐘～ 呢度係即叫即整既，所以都係需要耐心等候🤗 靚女姊妹就叫左牛三寶+ 百香果冷泡茶，我就叫左雞髀撈刀削麵，小食孜然雞翼 +洛神花樣😋👍一路食靚女不停讚個牛三寶好掂，下次可以再食😋😋 我郁覺得個雞翼好入味，下次真係會再黎試埋其他👍 今次既體驗係Good 👍👍

新年成班教會兄弟姐妹約左姐妹同她屋企人新年見面～大家都是喜歡食好野既人😁😁😁一行6人就叫左6人餐😋恩典滿滿，弟兄們埋左單我地姐妹同家人都可以免費食大餐😋😋😋真係飽到上心口～6人餐包括左有我最鍾意既芝士龍蝦伊麵👍咕嚕肉👍炸子雞👍翠玉瓜蝦仁炒鮮魷👍北菇菜👍魚😋👍全部都好唔錯😁😁呢間菜樓可以比鄰近既酒樓價錢貴小小😁但水準就保持到～不經不覺就食左十年啦～😋😋希望之後都可以keep到～ 會持續幫襯😁😋😁

早幾日約左好朋友落旺角食野～ 見到有新野就試下啦～ 呢間店舖沒有訂坐，全部都係做Walk in, 但我估唔到約下午2點過左食飯時間，都要係門口排隊等位～ 不過都唔係等左好耐～ 好快有位😄😄 呢間一生懸麵個名都幾特別～ 感覺個名好似好懸疑咁😂我同朋友決定叫左以下食物2份食～ 主食：牡蠣沾汁麵，辛辣沾麵（問左朋友食辣先可以叫辣野）小食：章魚燒，雞軟骨捧（主食同小食都幾好食😋）飲品： 白桃烏龍冷泡茶同有氣蜜桃紅茶 今次2個人食左$320 （本人覺得好足料～ 所以都覺得值得，下次想帶呀媽黎食） 地址：旺角通菜街73號地舖

今次約左朋友仔3pm食個Tea😋份量都夠價錢唔貴～ 如果平時都幾岩一個人😃事關好友大食小花都黎呢度食幾次，她都話夠食，其他人應該無問題，一定夠食， 鍾意食辣既朋友可以考慮食皮蛋雞或酸菜魚😋😋😋😋如果想清清地就可以選個菜菜雞湯米線～ 都幾多配塔可選，飲品方面都係包一杯，如果想傾計呢度都幾好，起碼唔會好似好趕咁～ 我地坐左個幾鐘傾計，都無乜壓力，咁當然繁忙時間見到有人等位既話，自己都識做唔會阻人做生意～

星期三又係約教會食好野既時候，今次選左銅鑼灣食，因為跟手重可以去食Pancake🤣🤣🤣🤣,今次約左個靚女1530，難得靚女係唔遲到，重早到過我🤣🤣🤣上到去睇左一陣餐牌未諗到食乜，跟著店員都好熱情招呼及推介我地食乜，我地叫左阿根廷牛扒五成熟👍😋，牛油煮蜆（D蜆都幾大隻，重跟左四塊蒜蓉包）😋👍😋👍重有沙律，店員話送左4隻蝦比我地😍😍😍😍 （可能約靚女一齊食係多D著數） 天氣凍靚女叫左杯熱飲～ 我雖然怕凍但都問左店員邊杯飲品靚，我叫黎打下卡🤣🤣🤣🤣🤣本來店員話炸魚薯條係用東星班，我都好想試下，但因為靚女話驚食唔曬，所以無叫🤣我本來都想叫埋，但唔好意思比人知我大食🤭🤭🤭🤭 呢度重有哈哈笑做主題，都幾特別，重有一個打碟位置可以比大家影相打卡👍👍店員重有推介佢地有個食物獎，係有神秘顧客食完覺得正，所以頒獎比佢地店架👍👍整體黎講我對於食物同環境都好滿意👍

今日約左個同我一樣鍾意食辣既教會靚女姊妹試新野😋，就黎九龍城Airside,太二酸菜魚試，訂位都好方便可以經連結訂座👍，我book左今日星期六1330pm去到唔駛等好耐就入座了，座位都好寬闊，廚房係透明玻璃睇到佢地做野既情況都幾得意😆另一邊卡位係落地玻璃，望到出面街，有自然光射入黎感覺好好☀️一坐低店員就介紹可以出去自助有陳皮 洛神花茶,咁食物方便我梗係叫酸菜魚啦～😋我加脆豆腐同紅薯粉，另外叫左沙律蝦仁西蘭，花麻辣小酥肉，仲有一個係限定嘅滕椒撈汁海鮮雞～ 我同教會靚女姊妹一路食都不停話好好食😆樣樣都好食，食完而家都想再食😋😋😋價錢好抵，小食都係48蚊起